یمن : حوثی باغیوں نے یمن کے سابق صدر علی عبداللہ صالح کو ایک جھڑپ کے دوران قتل کردیا ہے اور سوشل میڈیا پر اس کی ویڈیو بھی جاری کردی گئی ہے.

یمن کے سابق صدر کے قتل کی اطلاع حوثی باغیوں کے زیر انتظام چلنے والے ریڈیو اسٹیشن کے ذریعے نشر کی گئی تاہم آزاد ذارائع سے اس خبر کی تصدیق نہیں ہو سکی تھی جس کے بعد سوشل میڈیا پر سابق صدر کی لاش کی منتقلی کی ویڈیو بھی وائرل کی گئی جس میں انہیں مردہ حالت میں دیکھا جاسکتا ہے.

قبل ازیں سابق صدر کی جماعت پیپلز کانگریس کی قیادت نے ایک بیان میں کہا تھا کہ علی عبد اللہ صالح خیریت سے ہیں اور ایک محفوظ مقام سے حوثیوں کے خلاف لڑائی کی قیادت بھی کر رہے ہیں چنانچہ ان کے قتل کی افواہ میں کوئی صداقت نہیں ہے.

دوسری جانب صنعاء کے مکینوں نے عرب میڈیا سے گفتگو کرتے ہوئے بتایا کہ سابق صدر کے مکان کے کو دھماکے سے تباہ ہوتے دیکھا گیا ہے تاہم اُس وقت سابق صدر علی صالح کہاں تھے اس کا کوئی اندازہ نہیں ہے.

خیال رہے کہ صنعاء میں ایک ہفتے سے حوثی باغیوں اور سابق صدر کی فوجیوں کے درمیان جھڑپ جاری ہیں اور حوثی باغیوں نے دارالخلافہ کے بڑے حصے پر قبضہ کرنے کا دعوی کیا ہے۔

انسانی حقوق کے لیے کام کرنے والے اداروں نے عرب میڈیا سے بات کرتے ہوئے بتایا ہے کہ یمن کے دارالحکومت میں حوثیوں اور سابق صدر صالح کی فورسز کے درمیان جاری لڑائی میں 125 افراد ہلاک اور 238 زخمی ہوچکے ہیں۔

ریاض : سعودی وزیر خارجہ عادل الجبیر نے کنگ الخالد ایئر پورٹ پر میزائل حملے کا ذمہ دار حزب اللہ کو قرار دیا ہے.

سعودی وزیر خارجہ عادل الجبیر نے یہ دعوی امریکی ٹی وی کو دیئے گئے ایک انٹرویو میں کیا انہوں نے ریاض کے کنگ خالد ایئرپورٹ پر حوثی باغیوں کی جانب سے یمن سے داغے گئے بیلسٹک میزائل کا ذمہ دار حزب اللہ کو ٹہراتے ہوئے کہا کہ حزب اللہ نے ایرانی بیلسٹک میزائل یمن سےسعودی عرب پر داغا ہے.

عادل الجبیر نے مزید کہا کہ یہ میزائل حوثی باغیوں کے زیرقبضہ علاقے سے فائر کیا گیا تھا جس کے لیے حوثی باغیوں کو ایران اور حزب اللہ کی مکمل حمایت اور معاونت حاصل تھی تاہم سعودی ایئر ڈیفنس نے اس حملے کو ناکام بنادیا جس کی وجہ سے کسی قسم کا جانی یا مالی نقصان نہیں ہوا.

سعودی وزیر خارجہ نے کہا کہ ریاض میں واقع کنگ خالد ایئرپورٹ پر میزائل حملہ دراصل ایران کا جنگی اقدام ہے جس کی بھرپور آواز میں مذمت کرتے ہیں اور ایران کے اس اقدام کے خلاف ہر سطح پر آواز اُٹھائیں گے تا کہ خطے کے پائیدار امن کو امن دشمنوں سے محفوظ رکھا جا سکے.

ریاض، حوثی باغیوں کا ایئرپورٹ پر میزائل حملہ

خیال رہے دو روز قبل حوثی باغیوں کی جانب سے ریاض میں واقع کنگ خالد ایئر پورٹ پر بیلسٹک میزائل داغا گیا تھا جسے سعودی ایئر ڈیفنس نے ناکارہ بنادیا تھا.

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔