یمن میں حوثی گروپ کی جانب سے اعلان کیا گیا ہے کہ امریکا اور برطانیہ نے یمن میں تازہ حملے کئے ہیں، بحیرہ احمر میں حملے جاری رہیں گے۔
غیر ملکی ذرائع ابلاغ کے مطابق اس سے قبل حوثیوں نے خلیج عدن میں امریکی جہاز Genco Picardy پر حملے کی ذمہ داری قبول کی تھی۔
برطانوی میری ٹائم سیکیورٹی ایجنسی کا اس حوالے سے کہنا ہے کہ حملے کے بعد جہاز میں آگ لگ گئی جسے بھجا دیا گیا، جہاز اور عملہ محفوظ ہے۔
دوسری جانب حماس کے مرکزی رہنما اور مذاکرات کار موسیٰ ابو مرزوق نے انکشاف کیا ہے کہ ریڈ کراس نے حماس کے پاس اسرائیلی جنگی قیدیوں کو دوا فراہمی کی درخواست کی تھی۔
رپورٹ کے مطابق حماس کے مرکزی رہنما موسیٰ ابومرزوق نے کہا کہ حماس کی قید میں موجود اسرائیلی قیدیوں کے لیے 140 قسم کی ادویات دی گئیں۔
نسل کشی کا الزام، فرانس نے کھُل کر اسرائیل کی حمایت کر دی
موسیٰ ابومرزوق نے کہا کہ ادویات کی فراہمی کیلئے ہم نے متعدد شرائط رکھیں، اسرائیلی قیدیوں کیلئے دوائی کے ہر ڈبے کے بدلے ہمارے لوگوں کیلئے دوائیوں کے ایک ہزار ڈبے دینے ہوں گے۔جس ملک پر ہم بھروسہ کرتے ہیں صرف اس کے ذریعے دوا فراہم کرنا ہوگی۔
