لاہور :کامرہ ایئر بیس اور جی ایچ کیو بیرئیرحملہ کیس میں ملزمان کی بریت کے خلاف حکومتی اپیلیں مسترد کر دی گئیں ہیں۔
ملزمان کی بریت کیخلاف حکومتی اپیلوں کی سماعت لاہور ہائیکورٹ راولپنڈی ڈویژن بینچ نے کی، ڈویژن کے قاضی امین اور جسٹس عبید الرحمان لودھی نے انسدادِ دہشتگردی کی عدالت کا ملزمان کی بریت کا فیصلہ برقرار رکھا اور حکومتی اپیلیں خارج کردیں۔
ملزم فیض عرب پر کامرہ ایئربیس اور شفیق الرحمان پر جی ایچ کیو بئیرئیر حملے کا الزام تھا ۔
ملزمان کو انسدادِ دہشتگردی عدالت نے کیسز میں بری کردیا تھا، جس کیخلاف حکومت نے اپیلیں دائر کی تھیں۔
