Tag: حکومت اور پی ٹی آئی

پاکستان تحریک انصاف کے رہنما بیرسٹر علی ظفر نے کہا ہے کہ موجودہ حالات میں حکومت اور پی ٹی آئی کے درمیان سیز فائر ہونا چاہیے۔

پاک بھارت کشیدگی کی موجودہ صورتحال کے تناظر میں پاکستان تحریک انصاف کے رہنما بیرسٹر علی ظفر نے اے آر وائی نیوز سے خصوصی گفتگو کرتے ہوئے کہا ہےکہ موجودہ حالات میں حکومت اور پی ٹی آئی میں سیز فائر ہونا چاہیے۔ حکومت فوری طور پر پی ٹی آئی کے خلاف سیاسی کارروائیاں روک دے۔

علی ظفر نے کہا کہ قوم نے جس اتحاد کا مظاہرہ کیا، اس سے ہم بھارت کیخلاف جیتے۔ بھارت کے ساتھ تناؤ میں اضافے کا امکان ہے اور اب وہ پاکستان میں دہشتگردی بڑھائے گا۔

پی ٹی آئی رہنما نے کہا کہ ان حالات میں اتحاد کی فضا قائم رکھنے کے لیے حکومت انتقامی کارروائیاں روکے اور عمران خان کے خلاف جھوٹے مقدمات ختم کیے جائیں۔

ان کا کہنا تھا کہ حکومت چاہے تو یہ سب ایک ایگزیکٹو آرڈر سے بھی ممکن ہے۔ جب حکومت کیسز بنا سکتی ہے تو ختم بھی کر سکتی ہے۔

بیرسٹر علی ظفر نے کہا کہ حکومت سے مذاکرات کی خبریں اخبارات میں پڑھی ہیں، مگر چیئرمین پی ٹی آئی بیرسٹر گوہر نے ابھی کچھ کنفرم یا تردید نہیں کی ہے۔ منگل کو بانی سے ملاقات میں صورتحال جاننے کی کوشش کروں گا۔

پی ٹی آئی رہنما کا یہ بھی کہنا تھا کہ حکومت کی طرف سے صرف مذاکرات کا کہہ دینا کافی نہیں ہے۔ کارکنان پر اب بھی مقدمات ہو رہے ہیں اور قیادت سیاسی کارروائیاں بھگت رہی ہے۔ حکومت سنجیدہ ہے، تو ساتھ عملی اقدام بھی کرے۔

https://urdu.arynews.tv/shehbaz-sharif-imran-khan-barrister-gohar/

اسلام آباد : حکومت اور پی ٹی آئی کے درمیان مذاکرات کا تیسرا دور 16 جنوری کو ہوگا، جس میں تحریک انصاف تحریری مطالبات پیش کرے گی۔

تفصیلات کے مطابق حکومت اور تحریک انصاف کی مذاکراتی کمیٹیوں کی تیسری بیٹھک جمعرات کو ہوگی۔

اسپیکرقومی اسمبلی نےمذاکراتی کمیٹیوں کا تیسرا اجلاس سولہ جنوری کوطلب کرلیا ہے، مذاکراتی کمیٹیوں کا ان کیمرا اجلاس ساڑھے گیارہ بجے پارلیمنٹ ہاؤس اسلام آباد میں ہوگا۔

اجلاس کی صدارت اسپیکرقومی اسمبلی ایاز صادق کریں گے ، جس میں تحریک انصاف تحریری مطالبات پیش کرے گی۔ +

اراکین پارلیمنٹ اس بات سے متفق ہیں کہ جمہوری مسائل کا بہترین حل مزاکرات ہی ہیں. اگر حکومت لچک دیکھائے تو مزاکرات کے مثبت نتائج نکل سکتے ہی…

اس سے قبل اسپیکر قومی اسمبلی سردار ایاز صادق نے حکومت اور اپوزیشن کی مذاکراتی کمیٹیوں کا اجلاس 15 جنوری بروز بدھ کو دن ڈیڑھ بجے طلب کیا تھا۔

خیال رہے کہ گزشتہ روز پی ٹی آئی کی مذاکراتی کمیٹی کے ارکان نے اڈیالا جیل میں بانی پی ٹی آئی عمران خان سے ایک گھنٹے سے زائد ملاقات کی تھی۔

یاد رہے تحریک انصاف کے رہنما شیخ وقاص کا کہنا تھا کہ واضح کیا2مطالبات ہیں،تاخیر حکومت کی طرف سےہوئی، سولہ جنوری کی میٹنگ کےبعد اگرکمیشن نہیں بنا توچوتھی میٹنگ میں نہیں بیٹھیں گے،نو مئی اور چھبیس نومبرپرجوڈیشل کمیشن بنائے بغیر بات آگے نہیں.

اسلام آباد : شہر اقتدار میں حکومت اور پی ٹی آئی کے درمیان مذاکرات سے متعلق متضاد اطلاعات ہیں تاہم بیرسٹر گوہر کا کہنا ہے کہ حکومت کے ساتھ مذاکرات شروع نہیں ہوئے۔

تفصیلات کے مطابق حکومت اور پی ٹی آئی کے درمیان مذاکرات فی الحال پہیلی بن گئے۔

وفاقی وزیر داخلہ محسن نقوی نے کہا کہ بیرسٹر گوہر نے دو بار جیل میں بانی پی ٹی آئی سے ملاقاتیں کیں، حکومت نے سنگجانی کا مقام پر مظاہرین کو جانے کا آپشن دیا ہے ڈی چوک آنے نہیں دیا جائے گا ، اب فیصلہ پی ٹی آئی کی قیادت نے کرنا ہے، حکومت کے پاس دو سو پینتالیس ،کرفیو اور انتہائی قدم اٹھانے کا آپشن موجود ہے۔۔

وفاقی وزیر داخلہ محسن نقوی چیئرمین پی ٹی آئی بیرسٹر گوہر کا بھی کہنا ہے کہ حکومت کے ساتھ مذاکرات شروع نہیں ہوئے۔

ذرائع کے مطابق گزشتہ روز پی ٹی آئی رہنماوں نے بانی پی ٹی آئی سے دو ملاقاتیں کیں، پہلی ملاقات میں ۔بیرسٹر گوہراور بیرسٹر سیف نے بانی پی ٹی آئی سے حکومت سے مذاکرات کی اجازت لی تھی۔

اطلاعات ہے کہ حکومت اور پی ٹی آئی کے درمیان مذاکرات میں حکومت کی جانب سےوزیرداخلہ محسن نقوی شریک ہوئے جبکہ پی ٹی آئی کی جانب سےچیئرمین پی ٹی آئی بیرسٹرگوہر آئے۔ تاہم مذاکرات ڈیڈ لاک کا شکار ہوگئے۔

چیئرمین پی ٹی آئی گزشتہ شب ایک دن میں دوسری بار بانی پی ٹی آئی سے ملاقات کیلئے اڈیالہ جیل پہنچے، سرکاری ذرائع نے بتایا بیرسٹر گوہر بانی کیلئے پیغام لے کر اڈیالہ جیل پہنچے۔

پی ٹی آئی کو کہا گیا پشاور موڑ نہیں سنگجانی میں احتجاج یا دھرنا دیں اور پیغام دیا گیا اسیران کی رہائی کیلئے کمیٹی تشکیل دی جاسکتی ہے اگر پی ٹی آئی نہیں مانتی تو مجمع میں ٹارگٹڈآپریشن کیا جائے گا، پی ٹی آئی کے مجمع میں اشتہاری اور افغان دہشت گرد موجود ہیں۔

بیرسٹر گوہر بانی پی ٹی آئی سے ملاقات کے بعد اڈیالہ جیل سے واپس اسلام آباد پہنچ گئے، ذرائع نے بتایا فریقین نے مذاکرات کامیاب ہونے تک خفیہ رکھنے کا فیصلہ کیا ہے۔

دوسری جانب پی ٹی آئی کے سیکریٹری اطلاعات شیخ وقاص اکرم نے بانی پی ٹی آئی کے وڈیو پیغام کے حوالے سے خبر کی تردید کی ، شیخ وقاص اکرم کا کہنا ہے بانی پی ٹی آئی نے کوئی وڈیو پیغام ریکارڈ نہیں کرایا

اسلام آباد : حکومتی مذاکراتی ٹیم کی رکن کشور زہرہ کا کہنا ہے کہ حکومت اور پی ٹی آئی مذاکرات کے فائنل نتائج منگل کو پتہ چل جائیں گے۔

تفصیلات کے مطابق حکومتی مذاکراتی ٹیم کی رکن کشور زہرہ نے اے آر وائی نیوز کے پروگرام ‘سوال یہ ہے’ میں گفتگو کرتے ہوئے کہا مذاکرات میں حکومت اورپی ٹی آئی دونوں جانب سے سینئر سیاستدان ہیں، مذاکرات سمجھوتے کیلئےایک راستہ نکالا گیا ہے، مذاکرات اچھی بات ہے۔

کشور زہرہ نے بتایا کہ مذاکرات میں پیشرفت ہوئی ہے،آج جوباتیں ہوئیں کافی بہتری آئی ہے،دوقدم سب کوپیچھےہٹناہوگاتاکہ کوئی بہتری کا راستہ نکالا جاسکے۔

حکومتی مذاکراتی ٹیم کی رکن نے کہا کہ چنگاریاں ایک سال سےسلگ رہی ہیں ایک دم تونہیں بجھ سکتیں، پاکستان کےاستحکام کاسوال ہے، اس لیے چنگاریوں کو بجھانا ہوگا۔

ان کا کہنا تھا کہ پارلیمنٹ کو سب سے پہلے اپنا وقار بحال کرنا چاہیے، مذاکرات کے ذریعے راستہ نکالنا چاہیے تاکہ یقین ہوکہ جمہوریت ہے۔

کشور زہرہ نے کہا کہ مذاکرات کے فائنل نتائج کا منگل کو پتہ چل جائے گا، آج مذاکرات میں سب سے پہلے گرفتاریوں پر بات ہوئی، جو گرفتاریاں ہوئی تھیں فوری طور پر انہیں ریلیز کرایا گیا، مذاکرات میں رانا ثنااللہ کو فون کرکے پی ٹی آئی کارکنان کی رہائی کا کہا گیا۔

حکومتی مذاکراتی ٹیم کی رکن کا کہنا تھا کہ انتہائی ذمہ داری کا وقت ہے، جوحکومت چلا رہے ہیں انہیں بھی کوئی لڈو نہیں ملے، آج مذاکرات میں پنجاب اورکے پی اسمبلی کی بحالی پر بھی بات چیت ہوئی، اسمبلیوں کی بحالی پرپی ٹی آئی اورحکومتی ارکان قائدین سے مشاورت کریں گے۔

انھوں نے مزید کہا کہ مذاکرات کے نتائج کا سپریم کورٹ کو بھی انتظارہے، آج مذاکرات میں پی ٹی آئی ارکان قومی اسمبلی کی واپسی پربات نہیں ہوئی، چھٹیوں کی وجہ سے منگل کو مذاکرات کے تیسرے دور کا دن رکھاگیاہے تاکہ دونوں کمیٹیوں کی جانب سے اپنے قائدین سے مشاورت بھی ہوجائے گی۔