Tag: حکومت سازی

اسلام آباد : اتحادی حکومت نے حکومت سازی کے تمام مراحل مکمل کرنے کی منصوبہ بندی کرلی اور مجوزہ شیڈول تیار کرلیا۔

تفصیلات کے مطابق وفاق میں حکومت سازی کا مجوزہ شیڈول تیار کرلیا گیا ، اتحادی حکومت نےحکومت سازی کےتمام مراحل مکمل کرنےکی منصوبہ بندی کرلی۔

مجوزہ شیڈول کے تحت 29 فروری کونومنتخب اراکین حلف اٹھائیں گے، اسپیکرراجہ پرویزاشرف حلف لیں گے جبکہ یکم مارچ کواسپیکر،ڈپٹی اسپیکر کے امیدوار کاغذات نامزدگی جمع کرائیں گے۔

شیڈول میں بتایا گیا ہے کہ 2مارچ کواسپیکر ،ڈپٹی اسپیکر کاانتخاب خفیہ رائے شماری سے ہوگا اور 3 مارچ کو وزیراعظم کےانتخاب کیلئے امیدوارکاغذات نامزدگی جمع کرائیں گے۔

مجوزہ شیڈول کے مطابق 4 مارچ کو قومی اسمبلی نئے وزیراعظم کا انتخاب ڈویژن کے ذریعے کرے گی۔

پشاور : پی ٹی آئی سینئر قیادت نے مرکز اور کے پی میں حکومت سازی کیلئے جماعت اسلامی کے سینئر رہنما سے رابطہ کرلیا۔

تفصیلات کے مطابق مرکز اور کے پی میں حکومت سازی کیلئے سیاسی رابطے جاری ہے، پی ٹی آئی سینئر قیادت نے جماعت اسلامی کے سینئر رہنما سے رابطہ کیا۔

نامزد وزیراعلیٰ کے پی علی امین گنڈاپور ، بیرسٹر گوہر علی خان اور اعظم خان سواتی نے لیاقت بلوچ سے رابطہ کیا، جس میں دونوں جماعتوں کے رہنماؤں میں سیاسی صورتحال پر تفصیلی مشاورت کی گئی۔

یاد رہے گذشتہ روز پی ٹی آئی نے وفاق،پنجاب اور خیبرپختونخوامیں حکومت سازی کیلئے کمیٹیاں بنائی تھیں۔

پی ٹی آئی کورکمیٹی اجلاس کے اعلامیے میں کہا تھا کہ کمیٹیوں کی سفارشات پر حکومتی عہدوں کیلئےنامزدگیوں کاعمل جلدمکمل کرنےپراتفاق کیاگیا ہے۔

اعلامیے میں کہنا تھا کہ عوام نےووٹ سے بانی پی ٹی آئی کوحب الوطنی کابےمثال سرٹیفکیٹ دیا،ووٹ سے اکثریت سےکامیاب کرایا،عوام نے ووٹ سے سیاسی وجمہوری پختگی کاسکہ منوایا،پاکستان کومجرموں کےحوالےکرنےکی کوششوں کی مزاحمت کریں گے۔

لاہور صدر نون لیگ شہبازشریف نے جمیعت علما السلام ف کے سربراہ  مولانا فضل الرحمان کو حکومت سازی پر اعتماد میں لے لیا، جس پر مولانا فضل الرحمان نے انتخابات کے نتائج پر تحفظات کا اظہار کردیا ہے۔

.تفصیلات کے مطابق صدر نون لیگ شہباز شریف نے چوبیس گھنٹے کے دوران سربراہ جے یوآئی ایف مولانا فضل الرحمان سے دو بار فون رابطہ کیا۔

ذرائع نے بتایا کہ دونوں رہنماؤں نے ملکی سیاسی صورتحال پر گفتگو ہوئی اور حالیہ انتخابات اورملنےوالےنتائج پر بھی تفصیلی تبادلہ خیال کیا گیا۔

شہباز شریف نے حکومت سازی کے معاملات پر مولانا کو اعتماد میں لیا، جس پر فضل الرحمان نے انتخابات کے نتائج پر تحفظات کا اظہار کیا۔

مولانا فضل الرحمان نے مجلس عاملہ اور امرا اجلاس میں مشاورت کا وقت مانگ لیا۔

لاہور : مسلم لیگ ن کے قائد نواز شریف نے شہباز شریف کوحکومت سازی کیلئے رابطے تیز کرنے کی ہدایت کردی اور کہا جہاں میری ضرورت پڑے مجھے بتایا جائے۔

تفصیلات کے مطابق وفاق اور پنجاب میں حکومت سازی کیلئے ن لیگ کے دیگر پارٹیوں سے رابطوں کا سلسلہ جاری ہے۔

لاہورجاتی عمرمیں مسلم لیگ ن کے صدر شہبازشریف نے قائد نواز شریف سے ملاقات کی ، جس میں انھوں نے پارٹی قائد کو پیپلز پارٹی کی قیادت سے ہوئی بات چیت پراعتماد میں لیا۔

شہباز شریف نے مولانا فضل الرحمان اور ایم کیو ایم سےرابطوں کی تفصیلات سے بھی آگاہ کیا۔

ذرائع کے مطابق نواز شریف نے شہباز شریف کورابطے تیز کرنے کی ہدایت کرتے ہوئے کہا جہاں میری ضرورت پڑے مجھے بتایا جائے۔

ن لیگ کی مذاکراتی کمیٹی میں اسحاق ڈار،رانا ثنا اللہ اور خواجہ سعدرفیق بھی شامل ہوں گے۔

لاہور : مسلم لیگ ن کے صدر شہباز شریف نے کنوینرایم کیو ایم ڈاکٹر خالد مقبول صدیقی سے حکومت سازی کے لئے ملاقات کی خواہش کا اظہار کردیا۔

تفصیلات کے مطابق مسلم لیگ ن کے صدر شہباز شریف نے کنوینرایم کیو ایم ڈاکٹر خالد مقبول صدیقی سے ٹیلیفونک رابطہ کیا۔

ایم کیو ایم ذرائع نے بتایا کہ شہباز شریف نے خالد مقبول صدیقی کو انتخابات میں کامیابی پر مبارکباد پیش کرتے ہوئے حکومت سازی کے لئے ملاقات کی خواہش کا اظہار کیا ہے۔

خالد مقبول نے شہباز شریف کا شکریہ ادا کیا اور کہا کہ مکمل نتائج آنے اور رابطہ کمیٹی سے مشاورت کے بعد جواب دیں گے۔

یاد رہے سابق صدر آصف زرداری، پیپلز پارٹی کے چیئرمین بلاول بھٹو، ن لیگ کے صدر شہباز شریف اور اسحاق ڈار کی ملاقات ہوئی تھی۔

ملاقات میں آئندہ حکومت سازی کے امور پر تبادلہ خیال کیا گیا، شہبازشریف نے نواز شریف کا پیغام آصف زرداری کو پہنچایا کہ سیاسی اور معاشی استحکام کیلئے دونوں جماعتوں کو مل کر کام کرنا ہوگا۔

آصف زرداری اور شہباز شریف میں مل کر حکومت کرنے پر اتفاق کیا تھا ، حکومت سازی کیلئے دونوں جماعتیں رائے پیش کریں گی۔