Tag: حکومت سندھ

سکھر (17 اگست 2025): وزیراعلیٰ سندھ مراد علی شاہ کی ہدایت پر کے پی سیلاب متاثرین کے پی ڈی ایم اے سندھ نے امدادی سامان روانہ کیا۔

اے آر وائی نیوز کے مطابق خیبرپختونخوا میں حالیہ بارشوں سے ہونے والی تاریخی خوفناک تباہی کے بعد ملک بھر سے کے پی سیلاب متاثرین کے لیے امدادی سرگرمیاں جاری ہیں۔

حکومتِ سندھ کی جانب سے بھی خیبر پختونخوا میں حالیہ بارشوں اور سیلاب سے متاثرہ عوام کے لیے ریلیف آپریشن میں معاونت فراہم کی جا رہی ہے۔

وزیراعلیٰ سندھ سید مراد علی شاہ کی ہدایت پر پی ڈی ایم اے سندھ کے سکھر سے خیبر پختونخوا کے سیلاب سے متاثرہ عوام کے لیے امدادی سامان روانہ کیا گیا ہے۔

متاثرین کے لیے 4000 راشن بیگز کے 10 ٹرک اور پانی صاف کرنے لیے 100 فلٹریشن پلانٹس کے چار ٹرکس پشاور کے لیے روانہ کر دیے گئے ہیں۔امدادی سامان میں 4000 خاندانوں کے لیے 15 دن کا راشن موجود ہے۔

اس حوالے سے جاری بیان میں کہا گیا ہے کہ حکومتِ سندھ مشکل کی اس گھڑی میں خیبر پختونخوا کے عوام کے ساتھ کھڑی ہے اور سیلاب سے متاثرہ عوام کی مدد کے لیے خیبر پختونخوا کی صوبائی حکومت کے ساتھ تعاون فراہم کرنے کے لیے تیار ہے۔

https://urdu.arynews.tv/pakistan-army-relief-activities-continue-kp-flood-affected-areas/

کراچی : حکومت سندھ نے تجاوزات کے خاتمے کے لیے نئی حکمت عملی تیار کرلی تاہم تمام شراکت داروں سے رابطہ کرکے انہیں اعتماد میں لیا جائے گا۔

تفصیلات کے مطابق کراچی میں تجاوزات کے خاتمے کے لیے حکومت سندھ کی نئی حکمت عملی سامنے آگئی۔

ٹریفک کی روانی بہتر بنانے کے لیے پتھاروں کیخلاف کارروائی ہوگی لیکن پہلے تمام شراکت داروں سے رابطہ کرکے انہیں اعتماد میں لیا جائے گا۔

اس سلسلے میں میئرکراچی مرتضیٰ وہاب، سعیدغنی اور وقار مہدی نے ن لیگ سندھ کے رہنماؤں سےملاقات کی، نون لیگی رہنما بشیر میمن نے بتایا انہیں کہا گیا تجاوزات کیخلاف کارروائی کریں گے ، تعاون چاہیے۔

وقارمہدی کا کہنا تھا کہ پی پی کا وفد تجاوزات کے معاملے پر جماعت اسلامی کی قیادت سے بھی ملاقات کرچکا ہے۔

پی پی رہنما نے کہا اپوزیشن لیڈرعلی خورشیدی اوردیگر کیساتھ بھی رابطے میں ہیں۔

میئر کراچی کا کہنا تھا کہ تجاوزات کے معاملے پر سیاست نہیں کرنی چاہیے، ٹریفک نظام بہتر کرنے کے لیے تجاوزات کیخلاف کارروائی ضروری ہے۔

کراچی : حکومت سندھ تھر ڈیزرٹ سفاری ٹرین چلانے کیلئے تیار ہے ، سفر کے دوران سیاح حسین ثقافتی رنگوں اور روایتی ورثے سے لطف اندوزہوں گے۔

تفصیلات کے مطابق تھر ڈیزرٹ سفاری ایکسپریس کے ذریعے سندھ کی ثقافت کے دروازے کھلنے کو تیار ہے۔

صوبائی وزیر ثقافت و سیاحت سید ذوالفقار علی شاہ نے کہا کہ تھر ڈیزرٹ سفاری ایکسپریس کے انتظامات کا جائزہ لینے آیا ہوں، تھر سفاری ٹرین سندھ کی ثقافت اور سیاحت کے فروغ کے لیے ایک سنگ میل ثابت ہوگی۔

ان کا کہنا تھا کہ ٹرین سروس فروری کے دوسرے ہفتے میں کراچی سے کھوکھراپار تک پہلے سفر کا آغاز کرے گی۔

صوبائی وزیر ثقافت نے کہا کہ تاریخی سفر کے دوران سیاح کراچی، حیدرآباد، میرپورخاص، چھور اور کھوکھراپار کے حسین ثقافتی رنگوں اور روایتی ورثے سے لطف اندوز ہوں گے۔

انھوں نے بتایا کہ منصوبہ سندھ کے قدرتی حسن، لوک موسیقی، روایتی دستکاریوں اور تھر کے منفرد طرزِ زندگی کو دنیا کے سامنے اجاگر کرنے کے لیے تیار کیا گیا۔

تھر ڈیزرٹ سفاری ایکسپریس” سندھ کے سیاحتی شعبے کو نئی بلندیاں دے گی اور ملکی و غیرملکی سیاحوں کو ایک یادگار سفر فراہم کرے گی۔

ڈیزرٹ سفاری ایکسپریس سندھ کی ثقافتی روح کو چھونے کا نادر موقع ہے ، تھر ریگستان ٹرین سفاری پاک بھارت سرحد تک جائے گا اور کراچی، حیدرآباد ، میرپورخاص ،چھور سے کھوکھراپاراسٹیشن پہنچے گی۔

کراچی : صوبائی وزیر شرجیل میمن نے الیکٹرک ٹیکسیوں کے حوالے سے چینی آٹوموبائل کمپنی جی اےسی اوردیوان موٹرزکےوفد سے ملاقات کی۔
.
تفصیلات کے مطابق حکومت سندھ کی الیکٹرک ٹیکسیاں شروع کرنے کے لئےکوششیں تیز کردی، صوبائی وزیر شرجیل میمن سے چینی آٹو موبائل کمپنی جی اے سی اور دیوان موٹرز کے وفد کی ملاقات ہوئی۔

ملاقات میں جی اے سی کے جنرل منیجرنے الیکٹرک وہیکلزپربریفنگ دی اور سندھ میں الیکٹرک ٹیکسیاں متعارف کرانے کیلئے مختلف آپشنز پر تبادلہ خیال کیا گیا۔

شرجیل میمن کی جانب سے چینی کمپنی کو سرمایہ کاری میں تعاون کی یقین دہانی کرادی اور کہا حکومت سندھ الیکٹرک ٹیکسیوں کیلئےانفرااسٹرکچراورسہولتیں دے گی۔

شرجیل میمن کا کہنا تھا کہ چارجنگ اسٹیشنز کا قیام اور ہموارریگولیٹری عمل کو یقینی بنایا جائے گا، سرمایہ کاروں کیلئےسازگارماحول کوحکومت سندھ یقینی بنائےگی ، نئی ٹیکسی سروس شروع ہونے سے روزگار کے مواقع پیدا ہوں گے۔

جماعت اسلامی کراچی کے امیر منعم ظفر نے کہا ہے کہ سندھ حکومت نوجوان طالبعلم اتقاء کے قتل کا نوٹس لے، 5 ماہ کے دوران 80 لوگ قتل ہوئے.

گزشتہ دنوں اسٹریٹ کرائم کا نشانہ بننے والے نوجوان اتقاء کی نماز جنازہ کے بعد میڈیا سے گفتگو کرتے ہوئے امیر جماعت اسلامی کراچی کا کہنا تھا کہ اس شہر کے لوگ کب تک لاشیں اٹھاتے رہیں گے۔

منعم ظفر نے کہا کہ کراچی میں 5 ماہ کے دوران 80 لوگوں کو قتل کیا گیا۔ کچے اور پکے کے علاقے دونوں محفوظ نہیں ہیں۔

واضح رہے کہ کراچی کے علاقے گلشن اقبال بلاک 7 میں ڈکیتی کی واردات کے دوران مزاحمت کرنے پر نوجوان کو گولی مار کر قتل کردیا گیا تھا۔

پولیس کے مطابق گلشن اقبال بلاک سات میں موٹر سائیکل پر سوار دو مسلح ڈکیتوں نے دوسری موٹر سائیکل روک کر شہری سے واردات کرنے کی کوشش کی اس دوران مزاحمت کرنے پر ڈاکوؤں نے اتقاء نامی نوجوان پر گولی چلا دی۔

گولی لگنے سے اتقاء زخمی ہو گیا جسے فوری طور پر قریبی اسپتال منتقل کیا گیا تاہم وہ زخموں کی تاب نہ لاتے ہوئے دم توڑ گیا۔

پولیس کے مطابق ڈکیت شہری سے رقم موٹر سائیکل چھین کر فرار ہو گئے۔ واقعے کی سی سی ٹی وی فٹیج بھی سامنے آئی جس میں ملزمان کو موٹر سائیکل لے کر فرار ہوتے ہوئے دیکھا گیا۔

پولیس نے واقعے کی ابتدائی رپورٹ تیار کرلی، مقتول نوجوان مکینیکل انجینئر اور گولڈ میڈلسٹ تھا۔ اتقاء معین کی دو سال قبل شادی ہوئی تھی، پورٹ قاسم پر کیمیکل فیکٹری میں اسسٹنٹ منیجر تھا۔