Tag: حکومت سندھ

  • اومیکرون کیسز میں اضافہ، حکومت سندھ کا کراچی میں لاک ڈاؤن کا عندیہ

    اومیکرون کیسز میں اضافہ، حکومت سندھ کا کراچی میں لاک ڈاؤن کا عندیہ

    حیدرآباد : وزیرصحت سندھ عذراپیچوہو نے ایک دو ماہ میں اومی کرون کے ہزاروں کیسز رپورٹ ہونے کا اشارہ دیتے ہوئے کہا اگر اسپتال بھرے تو لاک ڈاون کی جانب جاسکتے ہیں۔

    تفصیلات کے مطابق وزیرصحت سندھ عذراپیچوہو نے میڈیا سے گفتگو کرتے ہوئے کہا کہ حیدرآباد میں کیسز بڑھتے ہوئے نظر آرہے ہیں ، اشارہ یہی ہے کہ اومی کرون کے ایک دو ماہ میں ہزاروں کیسز ہوں گے۔

    عذراپیچوہو کا کہنا تھا کہ ابھی لاک ڈاؤن کی طرف نہیں جارہے ، اگر اسپتال بھرے تو لاک ڈاون کی جانب جاسکتے ہیں ، شاید چھوٹے لاک ڈاؤن کی ضرورت پڑے۔

    وزیرصحت سندھ نے کہا کہ اومی کرون کے 170 سے زائد کیس سامنے آئے ہیں اور کوروناکی شرح بڑھ رہی ہے، 24 گھنٹےمیں 500 سے زائد کیس سامنے آئے۔

    ان کا کہنا تھا کہ ایس او پیزپرعمل ضروری ہے، ویکسی نیشن نہیں کریں گے توپھیلاؤ بڑھے گا، چھ ماہ سیکنڈ ڈوز والے کو بوسٹر ڈوز بھی لگوانا ہے۔

    اس سے قبل وزیراعلی ٰ سندھ مراد علی شاہ نے خبردار کیا تھا کہ کراچی میں اومیکرون کی مقامی سطح پرمنتقلی ہورہی ہے، عوام سے اپیل ہے کہ نئی لہر سے بچاؤ کیلئے سخت احتیاط کریں۔

    خیال رہے کراچی میں کورونا کے مثبت کیسز کی شرح 9.23 فیصد تک پہنچ گئی ، ماہرین صحت نے ایک مرتبہ پھر ایس او پیز پر عمل درآمد کا مشورہ دے دیا ہے۔

  • حکومت سندھ  کا نسلہ ٹاور کے حوالے سے بڑا فیصلہ

    حکومت سندھ کا نسلہ ٹاور کے حوالے سے بڑا فیصلہ

    کراچی : حکومت سندھ نے نسلہ ٹاور کے حوالے سےسندھ اسمبلی میں قراردادلانے کا فیصلہ کرلیا،قرارداد میں سپریم کورٹ سےفیصلوں پرنظرثانی کی درخواست کی گئی ہے۔

    تفصیلات کے مطابق حکومت سندھ نے نسلہ ٹاور کے حوالے سےسندھ اسمبلی میں قراردادلانے کا فیصلہ کرلیا ، پیپلزپارٹی کی جانب سے نسلہ ٹاورسے متعلق قرارداد تیار کرلی گئی ہے۔

    قراردادسندھ اسمبلی اجلاس میں پیش کی جائے گی ، قراردادشہر میں تجاوزات کے خلاف کاروائی سے متعلق ہوگی۔

    ذرائع سندھ حکومت کے مطابق قرارداد کے متن میں کہا گیا ہے کہ سندھ میں انکروچمنٹ کےخلاف کاروائی روکی جائیں اور کسی شہری سے گھر نہ چھینا جائے۔

    قرارداد میں سپریم کورٹ سےفیصلوں پرنظرثانی کی درخواست کی گئی ہے ، قرارداد منظور کرکے تمام متعلقہ فورم پر بجھوائی جائے گی۔

  • عید الاضحیٰ سے قبل سرکاری ملازمین کو بڑی خوشخبری مل گئی

    عید الاضحیٰ سے قبل سرکاری ملازمین کو بڑی خوشخبری مل گئی

    کراچی : سندھ حکومت نے عید قربان  سے قبل سرکاری ملازمین کی تنخواہیں اور ریٹائرملازمین کو پنشنز ادا کرنے کی ہدایت کردی ہے۔

    تفصیلات کے مطابق سندھ حکومت نے عید الاضحی سے پہلے سرکاری ملازمین کو تنخواہیں اور پنشن ادا کرنے کا فیصلہ کرلیا ، فیصلہ ملازمین کو قربانی کرنے اور عید کی خوشیاں منانے کی سہولت کے پیش نظر کیا گیا۔

    سندھ حکومت کی جانب سے تمام متعلقہ سرکاری محکموں کو تنخواہیں اور پنشنز 16جولائی تک جاری کرنے کی ہدایت کی گئی ہے۔

    یاد رہے محکمہ موسمیات نے عید الاضحی 21 جولائی کو ہونے پیش گوئی کرتے ہوئے کہا ہے کہ ذی الحج 1442 کے چاند کی پیدائش 10 جولائی کو پاکستانی وقت کے مطابق 6 بج کر 18 منٹ پر ہوگی۔

    دوسری جانب ۔ذی الحج کا چاند دیکھنے کے لیے مرکزی رویت ہلال کمیٹی کا اجلاس 10 جولائی کو ہوگا، جس میں چاند کا باضابطہ اعلان کیا جائے گا۔

  • سندھ  کا آئندہ مالی سال کیلیے خسارے والا بجٹ تیار، وزیر اعلیٰ سندھ آج  سندھ اسمبلی میں پیش کریں گے

    سندھ کا آئندہ مالی سال کیلیے خسارے والا بجٹ تیار، وزیر اعلیٰ سندھ آج سندھ اسمبلی میں پیش کریں گے

    کراچی : حکومت سندھ نے آئندہ مالی سال کے لیے خسارےوالابجٹ تیار کرلیا ،وزیر اعلیٰ سندھ آج شام 4 بجے نئے مالی سال کا بجٹ سندھ اسمبلی میں پیش کریں گے۔

    تفصیلات کے مطابق حکومت سندھ نے آئندہ مالی سال کے لیے خسارےوالابجٹ تیار کرلیا ، بجٹ کا مجموعی حجم 14کھرب روپے سے زائد ہے جبکہ بجٹ میں مجموعی ترقیاتی اخراجات کا تخمینہ 330ارب روپے اور مجموعی غیرترقیاتی اخراجات کاتخمینہ تقریباً 11کھرب20 ارب روپے ہے۔

    وزیر اعلیٰ سندھ آج سندھ کابینہ سے نئے مالی سال کے بجٹ کی منظوری لیں گے اور شام 4بجےنئےمالی سال کابجٹ سندھ اسمبلی میں پیش کریں گے ، بجٹ کامجموعی حجم ساڑھے 14کھرب روپے ہے جبکہ بجٹ خسارہ 20 ارب روپےسےبھی زیادہ ہوسکتا ہے۔

    این ایف سی ایوارڈز کے تحت ملنے والےفنڈزکاتخمینہ 870 سے880ارب روپے اور صوبائی محصولات و وسائل سے ہونے والی آمدنی کا تخمینہ 350 ارب روپےہے جبکہ وفاقی حکومت سے حکومت سندھ کے زیر انتظام چلنے والے منصوبوں کے لیے وفاق سے تقریباً سوا پانچ ارب روپے ملنے کا تخمینہ ہے۔

    بیرونی امداد سے چلنے والے منصوبوں کے لیے عالمی مالیاتی اداروں سے ملنے والے قرضوں اور امداد کا تخمینہ 70 ارب روپے سے زائد ہے ، اس سرمایہ جاتی آمدنی کا تخمینہ 25سے35 ارب روپے لگایا گیا ہے۔

    رواں مالی سال کے دوران اخراجات سے بچ جانے والےفنڈز ،پبلک اکاوٴنٹس وغیرہ سےتقریباً 75ارب کےفنڈزحاصل کرکے خسارے کی رقم کوکم کیا جائے گا جبکہ صوبے کے سالانہ ترقیاتی پروگرام اے ڈی پی کے فنڈز کا تخمینہ تقریباً 222 ارب روپے اور ضلعی اے ڈی پی کا تخمینہ تقریباً 30 ارب روپے ہے۔

    بیرونی امداد اور وفاقی فنڈنگ سے چلنے والے ترقیاتی منصوبوں کے اخراجات کا تخمینہ تقریباً 77 ارب روپے ہے جبکہ بجٹ میں غیر ترقیاتی اخراجات کا تخمینہ 11کھرب 20 ارب روپے لگایا گیا ہے، جن میں تقریباً 40 ارب روپے غیر ترقیاتی ہیں

    سرمایہ جاتی اخراجات اور تقریباً 10 کھرب 80 ارب روپے غیر ترقیاتی محصولاتی اخراجات کا تخمینہ لگایا گیا ہے ، جن میں ملازمین کی تنخواہوں، الاوٴنس، ایم اینڈ آر گاڑیوں ، تیل سمیت دیگر تمام اخراجات شامل ہیں۔

  • کورونا ویکسینیشن  ، حکومت سندھ کا تعلیمی اداروں سے متعلق بڑا فیصلہ

    کورونا ویکسینیشن ، حکومت سندھ کا تعلیمی اداروں سے متعلق بڑا فیصلہ

    کراچی : حکومت سندھ نے تعلیمی اداروں میں کورونا ویکسی نیشن مراکزبنانے کا فیصلہ کرلیا، سندھ کے180سےزائد تعلیمی اداروں میں ویکسی نیشن مراکز بنانے کی تجویز ہے۔

    تفصیلات کے مطابق حکومت سندھ نے تعلیمی اداروں میں کورونا ویکسی نیشن مراکزبنانے کا فیصلہ کرلیا ، ہر ضلع اورتحصیل میں 2درسگاہیں بطورویکسی نیشن مراکز استعمال ہوں گی۔

    اس سلسلے میں ریجنل ڈائریکٹرز اور ڈسڑکٹ ایجوکیشن افسران سے تعلیمی اداروں کےنام طلب کرلئے گئے ہیں ، مجوزہ مراکزمیں اساتذہ اور غیر تدریسی عملے کو کورنا ویکسین لگائی جائے گی۔

    سندھ کے180سےزائد تعلیمی اداروں میں ویکسی نیشن مراکزبنانےکی تجویز ہے جبکہ اسکول ایجوکیشن اور محکمہ کالجز کے ایک لاکھ سے زائد عملےکی ویکسی نیشن کا ہدف رکھا ہے۔

    یاد رہے  صوبائی وزیر تعلیم سعید غنی نے اے آر وائی نیوز کے مارننگ شو باخبر سویرا میں گفتگو کرتے ہوئے کہا کہ کراچی سمیت سندھ کے دیگر علاقوں میں کرونا وائرس کے کیسز بڑھے ہیں۔

    سعید غنی کا کہنا تھا کہ بڑھتے کیسز کے بعد لاپرواہی نہیں کر سکتے، سندھ حکومت نے پابندیاں مزید سخت کرنے کا فیصلہ کیا ہے، ہماری سفارشات پر عملدر آمد نہیں کیا گیا، خدشہ تھا کہ مثبت کیسز کی تعداد بڑھے گی۔

    صوبائی وزیر کا کہنا تھا کہ رات 8 بجے کے بعد شہری غیر ضروری طور پر باہر نہ نکلیں، پابندیوں کی خلاف ورزی پر ایکشن ہوگا۔ پابندیاں خوشی سے نہیں لگائیں، شہری تعاون کریں۔

  • کورونا ویکسی نیشن : حکومت سندھ نے بڑا فیصلہ کرلیا

    کورونا ویکسی نیشن : حکومت سندھ نے بڑا فیصلہ کرلیا

    کراچی : حکومت سندھ نے ایکسپو سینٹر کو کورونا ویکسی نیشن سینیٹر بنانے کا فیصلہ کرتے ہوئے فرنٹ لائن ورکرز کا ڈیٹا مرتب کرنے کی ہدایات کردی ہے۔

    تفصیلات کے مطابق حکومت سندھ نے ایکسپو سینٹر کوکورونا ویکسی نیشن سینیٹر بنانے کا فیصلہ کرلیا، اس حوالے سے وزیر صحت سندھ ڈاکٹر عذرا پیچوہو نے انتظامات کا جائزہ لیا۔

    وزیر صحت سندھ ڈاکٹر عذرا پیچوہو نے کہا کہ ولڈ چین اور دیگر انتظامات جلد مکمل کیے جائیں گے اور ویکسینیشن مرحلہ وار کی جائے گی جبکہ فرنٹ لائن ورکرز کا ڈیٹا مرتب کرنے کی ہدایات کردی گئی ہے۔

    دوسری جانب محکمہ صحت سندھ نےڈسٹرکٹ ویکسین کمیٹی کااعلان کردیا ہے ، 7رکنی کمیٹی کی سربراہی ہرضلع کا ڈپٹی کمشنرکرے گا ، کمیٹی میں ایس ایس پی،ڈی ایچ او،ایم ایس اسپتال،دیگرشامل ہوں گے۔

    کمیٹی نیشنل ویکسین ٹاسک فورس کی ہدایت پرتشکیل دی گئی ہے ، کمیٹی ضلعی سطح پرکوروناویکسین کی فراہمی کی نگرانی بھی کرے گی جبکہ کوویڈ ویکیسن  آنے کےبعد اس کی چانچ پڑتال بھی ضلعی کمیٹیاں کریں گی۔

    خیال رہے وفاقی حکومت نے کرونا ویکسینیشن مہم کے پہلےفیز کیلئےابتدائی تیاریاں شروع کردی ہیں اور اسی تناطر میں وفاقی حکومت نے چاروں صوبوں سمیت آزاد کشمیر،گلگت بلتستان سے ہیلتھ ورکرز کی تفصیلات طلب کرلیں ہیں۔

    ذرائع کے مطابق وفاق نے صوبوں سےکرونا کیلئےمختص اسپتالوں کےعملےکا ڈیٹا طلب کرلیا ہے، صوبوں کے فراہم کردہ ہیلتھ ورکرز کےڈیٹا کی جانچ پڑتال ہوگی اور ویکسینیشن کیلئے ہیلتھ ورکرز کی حتمی فہرست مشاورت سے تیار ہوگی۔

    پہلےفیز میں سرکاری، نجی کرونا وارڈز کے عملےکی ویکسینیشن ہوگی، کرونا ویکسینیشن کاپہلا فیزمارچ کے اوائل میں ہونےکا امکان ہے۔

  • حکومت سندھ نے نئے ضلع کیماڑی میں ڈسٹرکٹ میونسپل کارپوریشن قائم کردی

    حکومت سندھ نے نئے ضلع کیماڑی میں ڈسٹرکٹ میونسپل کارپوریشن قائم کردی

    کراچی : نئے ڈسٹرکٹ میونسپل کارپوریشن کیماڑی کے قیام کا نوٹی فکیشن جاری کردیا گیا، جس کے تحت کراچی میں اب چھ کے بجائے سات ڈی ایم سیز ہوں گی۔

    تفصیلات کے مطابق حکومت سندھ نے نئے ضلع کیماڑی میں ڈسٹرکٹ میونسپل کارپوریشن قائم کردی، محکمہ بلدیات سندھ نے نئے ڈسٹرکٹ میونسپل کارپوریشن کیماڑی کے قیام کا نوٹی فکیشن جاری کردیا ۔

    محکمہ بلدیات سندھ کے نوٹی فکیشن مطابق نئے ضلع کے قیام کے بعد ضلعُ کیماڑی کے بلدیاتی و انتظامی امور چلانے کے لیے ڈی ایم سی کیماڑی کا قیام عمل میں لایا گیا ہے۔

    بلدیاتی ایکٹ کے مطابق ضلع کیماڑی کے نئے ڈی ایم سی میں بلدیاتی انتخابات کے بعد چئیرمین و اراکین کا انتخاب کیا جائے گا۔

    ذرائع کا کہنا ہے کہ بلدیاتی انتخابات سے قبل ڈی ایم سی کیماڑی کے لیے جلد ایڈمنسٹریٹر اور دیگر اراکین کے ناموں کا اعلان کیا جائے گا۔

  • پاکستان میں پہلی بار فنکار ہیلتھ انشورنس سے فائدہ اٹھا سکیں گے

    پاکستان میں پہلی بار فنکار ہیلتھ انشورنس سے فائدہ اٹھا سکیں گے

    کراچی : پاکستان میں پہلی بارفنکار جلد ہی انشورنس سے فائدہ اٹھا سکیں گے، وزیر ثقافت سردار علی شاہ کاکہنا ہے کہ فنکاراور ادیب ہمارے معاشرے کے انتہائی اہم فرد ہیں، ان کی مدد کرنا ہماری اولین ذمےداری ہے۔

    تفصیلات کے مطابق حکومت سندھ نے ایک ہزار فنکار، ادیبوں اور شاعروں کی ہیلتھ انشورنس کا فیصلہ کرلیا ، پاکستان میں پہلی بارفنکار جلد ہی انشورنس سے فائدہ اٹھا سکیں گے۔

    فیصلہ وزیر ثقافت سردار علی شاہ کی زیرصدارت ہوئےاجلاس میں ہوا، سردارشاہ نے کہا فنکاراور ادیب ہمارے معاشرے کے انتہائی اہم فرد ہیں، فنکاروں کی ہر طرح سے مدد کرنا ہماری اولین ذمےداری ہے۔

    محکمے کے سیکریٹری کی سربراہی میں کمیٹی تشکیل دیتے ہوئے عملدرآمد کوجلدیقینی بنانے کافیصلہ کیا گیا ، مینجمنٹ بورڈکےحتمی فیصلےکےبعدایک ہزارفنکاروں کی انشورنس کی جائے گی۔

  • کراچی میں تباہی، بلاول بھٹو کی حکومت سندھ کو بروقت امدادی کارروائیاں یقینی بنانے کی ہدایت

    کراچی میں تباہی، بلاول بھٹو کی حکومت سندھ کو بروقت امدادی کارروائیاں یقینی بنانے کی ہدایت

    کراچی : چیئرمین پیپلزپارٹی بلاول بھٹوزرداری نے حکومت سندھ کو بروقت امدادی کارروائیاں یقینی بنانے کی ہدایت کرتے ہوئے کہا مراد علی شاہ تشویشناک صورتحال سےنمٹنے کے لئے وفاق سےمدد مانگیں۔

    تفصیلات کے مطابق چیئرمین پیپلزپارٹی بلاول بھٹوزرداری نے وزیراعلیٰ سندھ مراد علی شاہ سے فون پر رابطہ کیا اور حکومت سندھ کو بروقت امدادی کارروائیاں یقینی بنانےکی ہدایت کردی۔

    چیئرمین پیپلزپارٹی بلاول بھٹو کا کہنا تھا کہ حکومت سندھ شہریوں کے لیے بروقت ریلیف یقینی بنائے اور صوبے میں سرکاری ونجی املاک کو نقصانات کا سروے کرائے۔

    بلاول بھٹو کا کہنا تھا کہ سندھ بھرمیں امدادی کام تیز اور بحالی کے عمل کو جلد شروع کیاجائے، بارش سے ٹوٹ پھوٹ کا شکار سڑکوں کا کام مکمل کرکے آمدورفت بحال کی جائے۔

    ان کا کہنا تھا کہ بارشوں سے پورے صوبے میں نقصان ہوا ہے، کاشتکاروں و کسانوں کوبہت بھاری نقصان اٹھانا پڑا ہے، شعبہ زراعت ملکی معیشت کے لیے ریڑھ کی ہڈی کی حیثیت رکھتا ہے، کاشتکاروں کی فصلیں غیرمعمولی موسلادھاربارش میں زیرآب آگئیں۔

    چیئرمین پیپلزپارٹی نے مزید کہا مرادعلی شاہ تشویشناک صورتحال سے نمٹنے کے لئے وفاق سےمدد مانگیں، امید ہے وفاق صوبے کی معیشت معمول پر لانے کے لئے آئینی کردارادا کرے گا۔

  • کرنٹ لگنے سے جاں بحق افراد کی ایف آئی آراب حکومت سندھ درج کرائے گی

    کرنٹ لگنے سے جاں بحق افراد کی ایف آئی آراب حکومت سندھ درج کرائے گی

    کراچی : کرنٹ لگنےسےجاں بحق افراد کی ایف آئی آراب حکومت سندھ درج کرائے گی، صوبائی وزیر توانائی امتیاز شیخ نے کہا کسی بھی وجہ سےدرج نہ ہونے والی ایف آئی آرہم درج کرائیں گے۔

    تفصیلات کے مطابق صوبائی وزیر توانائی امتیاز شیخ نے محکمہ قانون سندھ سے رابطہ کیا اور تمام ڈپٹی کمشنز کوسندھ حکومت کے احکامات پر عمل درآمد کی ہدایت کردی کہ کےالیکٹرک، دیگرشہروں میں واپڈا، حیسکو،پیسکو کے خلاف مقدمات درج ہوں گے۔

    صوبائی وزیر توانائی امتیاز شیخ نے کہا کسی بھی وجہ سےدرج نہ ہونے والی ایف آئی آرہم درج کرائیں گے۔

    صوبائی وزیر توانائی سندھ امتیازشیخ نے چیئرمین پیمرا سے رابطہ کیا اور چئیرمین پیمرا کو خط بھی ارسال کردیا گیا ہے ، جس میں تحفظات سے آگاہ کیا گیا، چئیرمین پیمراآئندہ ہفتے وزیر اعلیٰ سندھ اور صوبائی نمائندوں سےملاقات کریں گے۔

    امتیازشیخ نے کہا کہ سندھ گیس کی سب سے زیادہ پیدا کر رہا ہے ، لوڈ شیڈنگ بھی یہاں سب سے زیادہ ہے ، وزیر توانائی عمر ایوب گورنر ہاؤس میں بیٹھ کرلالی پاپ دیکر چلے جاتے ہیں۔

    خیال رہے  نیشنل الیکٹرک پاور ریگولیٹری اتھارٹی (نیپرا) نے کراچی میں بارش کے دوران کرنٹ لگنے سے اموات کا نوٹس لے لیا۔نیپرا نے اپیل کی ہے کہ جاں بحق افراد کے لواحقین رابطہ کر کے ثبوت جمع کروائیں۔

    کراچی میں مون سون کی حالیہ بارشوں کے دوران کم از کم 12 افراد کرنٹ لگنے سے جاں بحق ہوئے تھے۔