Tag: حکومت

اسلام آباد: وزیراعظم عمران خان کا کہنا ہے کہ ملک میں کوئی بھوکا نہیں سوئےگا، حکومت آٹا،چینی، دال اورگھی کی خریداری میں مدد کرےگی۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت اجلاس ہوا جس میں فیصلہ کہا گیا کہ 25 ہزار روپے سے کم آمدن والے افراد کو راشن کی خریداری میں معاونت کی جائےگی، حکومت آٹا، چینی،دال اورگھی کی خریداری میں مدد کرے گی۔

اجلاس میں وزیراعظم عمران خان نے آئندہ بجٹ میں راشن خریداری کے لیے رقم مختص کرنے کا فیصلہ کیا وزیراعظم نے وزارت خزانہ اور معاشی ٹیم کو خصوصی ہدایات جاری کیں۔

اس موقع پر وزیراعظم کا کہنا تھا کہ ملک میں کوئی بھوکا نہیں سوئےگا، پہلی حکومتیں ایسے طبقے کا احساس نہیں کرتی تھیں، موجودہ حکومت ایسےسفید پوش طبقے کا سہارا بنےگی۔

وزیراعظم کی زیرصدارت اجلاس میں فیصلہ کیا گیا کہ وفاق اور صوبے مل کر فیصلے پر عملدرآمدکریں گے۔

عوام کو مہنگائی سے ریلیف دینے کے لیے وزیراعظم کا بڑا حکم

یاد رہے کہ گزشتہ ماہ وزیراعظم عمران خان نے ذخیرہ اندوزوں کے خلاف فیصلہ کن کارروائی کا حکم دیتے ہوئے اشیائےضروریہ کی قیمتوں میں 15 سے20 فیصد تک کمی کی ہدایت کی تھی۔

وزیراعظم کا کہنا تھا کہ کھانے پینےکی اجناس غیر قانونی طور پرذخیرہ نہیں ہونی چاہئیے اور قیمتوں میں ردو بدل کر کے زائد پیسہ بنانے والوں کے خلاف کارروائی کریں۔

اسلام آباد: وفاقی وزیر سائنس وٹیکنالوجی فواد چوہدری نے کہا ہے کہ دنیا کے 23ممالک کے سائنسدان کراچی آئیں گے۔

اے آر وائی نیوز کے مطابق سماجی رابطے کی ویب سائٹ ٹوئٹر پر فواد چوہدری نے ٹوئٹ کیا کہ کراچی میں 2 مارچ کو کرونا وائرس سے نمٹنے کے لیے سرجوڑیں گے، یہ چیلنج کسی ایک ملک کا نہیں بلکہ تمام انسانیت کا ہے۔

ان کا مزید کہنا تھا کہ عالمی تعاون سے ہی اس بڑے چیلنج کا سامنا کیا جاسکتا ہے۔

دوسری جانب ایران میں کروناوائرس سے اموات اور دو درجن سے زائد افراد میں وائرس کی تصدیق کے بعد پاکستان الرٹ ہوگیا ہے۔ تفتان بارڈر سمیت ٹرانزٹ گیٹ، راہداری اور پاسپورٹ گیٹ بھی بند کردیے گئے۔

Scientists from 23 countries will come together to strategise war against Corona Virus. The strategy meeting will be held in Karachi on March 2, 2020 … we need World Cooperation to deal with this great scare, its a challenge for humanity.

— Ch Fawad Hussain (@fawadchaudhry) February 25, 2020

خیال رہے کہ حالیہ دنوں معاون خصوصی برائے صحت ڈاکٹر ظفر مرزا نے کہا تھا کہ انٹری پوائنٹس پرعالمی ہیلتھ ریگولیشن پرعمل ہورہا ہے تاحال پاکستان میں کروناوائرس کاکوئی کیس رپورٹ نہیں ہوا، وزیراعلیٰ بلوچستان خود کرونا وائرس سے بچاؤ کے اقدامات کی نگرانی کررہے ہیں۔

واضح رہے کہ دنیا بھر میں نہایت مہلک وائرس کووِڈ 19 سے ہلاکتوں کی تعداد 2 ہزار 698 تک پہنچ گئی۔

اسلام آباد: وزیراعظم عمران خان کا کہنا ہے کہ حکومت عوام کی مشکلات پر خاموش تماشائی نہیں رہ سکتی، عوام کو ریلیف فراہم کرنے کے ہر آپشن پر غور کیا جائے گا۔

تفصیلات کے مطابق وفاقی دارالحکومت اسلام آباد میں وزیراعظم کی زیرصدارت پٹرول گیس کی قیمتوں میں کمی لانے کے لیے اجلاس ہوا۔ معاون خصوصی برائے پٹرولیم ندیم بابر نے اجلاس میں بریفنگ دی۔

اس موقع پر وزیراعظم عمران خان نے کہا کہ ہمارا مقصد عوام کو خصوصاً کم آمدنی والوں کو ریلیف فراہم کرنا ہے، حکومت کو احساس ہے تنخواہ دارطبقہ مشکلات کا شکار ہے۔

انہوں نے کہا کہ حکومت کی کوشش ہے جہاں تک ممکن ہوسکے ریلیف فراہم کیا جائے، ماضی کے حکمرانوں کے معاہدوں کا بوجھ عوام پر پڑ رہا ہے،حکومت عوام کی مشکلات پر خاموش تماشائی نہیں رہ سکتی۔

وزیراعظم پاکستان کا کہنا تھا کہ عوام کو ریلیف فراہم کرنے کے ہر آپشن پر غور کیا جائے گا، قیمتوں میں کمی لانے کی غرض سے جامع روڈ میپ جلد مرتب کیا جائے، تجاویز دیں تاکہ قابل عمل سفارشات پر عمل درآمد کیاجاسکے۔

بجلی گیس کی قیمتوں میں استحکام اور ممکنہ کمی لانے کے لیے آج دوسرا اجلاس تھا، گزشتہ روز اجلاس میں عام آدمی کو ریلیف کے لیے مختلف تجاویز پر غور کیاگیا تھا۔

اسلام آباد: معاون خصوصی برائے اطلاعات فردوس عاشق اعوان کا کہنا ہے کہ حکومت عوام کے کندھوں سے بوجھ کم کرنے کے لیے ریلیف دے گی۔

تفصیلات کے مطابق ڈاکٹر فردوس عاشق اعوان نے میڈیا سے گفتگو کرتے ہوئے کہا کہ حکومت عوام کے کندھوں سے بوجھ کم کرنے کے لیے ریلیف دے گی، یوٹیلیٹی اسٹور کارپوریشن کے ذریعے 10 ارب کی سبسڈی دی جا رہی ہے۔

معاون خصوصی کا کہنا تھا کہ 2 ہزار یوتھ اسٹورز بھی یوٹیلیٹی اسٹور کارپوریشن کے ذریعے کھولیں گے، یوتھ اسٹورز سے نوجوانوں کو روزگار کےمواقع ملیں گے، یوتھ اسٹورز کے لیے کامیاب جوان پروگرام کے ذریعےسرمایہ دیاجائے گا۔

ڈاکٹر فردوس عاشق اعوان نے کہا کہ یوٹیلیٹی اسٹورملک بھر میں چھوٹے ہوٹلز کو کنٹرول ریٹ پر اشیا دیں گے، راشن کارڈ کا اجرا رمضان سے پہلے کر دیا جائےگا، راشن کارڈ سے مستحق افراد کو 25 سے 30 فیصد رعایت دی جائےگی۔

انہوں نے کہا کہ کابینہ نے چینی کی قیمت کو مستحکم رکھنے کے لیے چینی کی درآمد پر پابندی اٹھالی، چینی کی برآمد پر پابندی عائد کر دی گئی ہے، دالوں کی درآمد پر ٹیکس ختم کرنے کاجائزہ لیاجا رہا ہے۔

معاون خصوصی کا کہنا تھا کہ گزشتہ حکومتوں کے معاہدے عوام کو سانپ کی طرح ڈس رہے ہیں، حکومت نے ان معاہدوں کو پبلک کرنے کا فیصلہ کیا ہے، معاہدے پبلک کر کےعوام کوحقائق سےآگاہ کیا جاسکےگا۔

اسلام آباد: وفاقی حکومت نے ٹڈی دل کے حوالے سے نیشنل ایمرجنسی ڈکلیئر کرنے کا فیصلہ کر لیا، چیئرمین این ڈی ایم اے کو ٹڈی دل کے خاتمے سے متعلق فوکل پرسن تعینات کر دیا گیا۔

تفصیلات کے مطابق وزیراعظم عمران خان کی زیر صدارت اجلاس ہوا جس میں ملک میں ٹڈی دل کے حملے سے نمٹنے کے لیے اقدامات پر غور کیا گیا۔

اجلاس میں خسرو بختیار، حفیظ شیخ، فردوس عاشق اعوان، چیئرمین این ڈی ایم اے، وفاقی و صوبائی حکومتوں کے سینئر افسران نے شرکت کی۔ ٹڈی دل کے خاتمے کے لیے ترتیب دیے گئے نیشنل ایکشن پلان پر وزیراعظم کو بریفنگ دی گئی۔

بریفنگ کے دوران بتایا گیا کہ نیشنل ایکشن پلان میں وفاقی، صوبائی اورضلعوں کی سطح پر ذمہ داریوں کا تعین ہوگا، ٹڈی دل کے تدارک کے لیے وفاق کی سطح پراقدامات سے متعلق اعلیٰ سطحی کمیٹی قائم کی گئی جس کے سربراہ چیئرمین سیکریٹری فوڈ سیکورٹی ہوں گے۔

اجلاس میں ٹڈی دل کے خاتمے کے لیے نیشنل ایکشن پلان منظور کیا گیا، چیئرمین این ڈی ایم اے کو ٹڈی دل کے خاتمے سے متعلق فوکل پرسن تعینات کر دیا گیا۔

اس موقع پر وزیراعظم عمران خان کا کہنا تھا کہ زراعت اورکسانوں کا تحفظ حکومت کی اولین ترجیح ہے۔

لاہور: مسلم لیگ ن کے رہنما رانا ثنا اللہ کا کہنا ہے کہ حکومت نے جیل میں بھی میرا پیچھاکیا،6 ماہ تک فرش پر سویا، مجھے قید تنہائی میں رکھا گیا اور ہر طرح کی اذیت دی گئی۔

تفصیلات کے مطابق سابق صوبائی وزیرقانون رانا ثنا اللہ نے اے آروائی نیوز سے خصوصی گفتگو کے دوران انکشاف کیا کہ حکومت مجھے قتل کرنا چاہتی تھی، اطلاعات ملی تھیں کہ یہ لوگ مجھے ٹارگٹ کرسکتے ہیں۔ رانا ثنا اللہ کا کہنا تھا کہ انہوں نے مجھے مارنے کے لیے کسی اورکو بھیجنا تھا۔

مسلم لیگ ن کے رہنما نے کہا کہ لندن اجلاس میں کسی نے حمایت کے لیے کہا تو پورے وثوق سے نہیں کہہ سکتا،ایکٹ میں ترمیم کے لیے جلدبازی کی جس سے اپنے لوگ ناراض ہوئے۔ انہوں نے کہا کہ ہمیں فوری اپنا اجلاس بلانے کے بجائے اپوزیشن سے رابطہ کرنا چاہیے تھا۔

سابق صوبائی وزیر قانون کا کہنا تھا کہ حکومت نے جیل میں بھی میرا پیچھاکیا،6 ماہ تک فرش پر سویا، مجھے قید تنہائی میں رکھا گیا اور ہر طرح کی اذیت دی گئی۔

نوازشریف نے ساڑھے7 ارب کا بانڈ نہیں 50 روپے کا اسٹامپ پیپر دیا، رانا ثنا اللہ

واضح رہے کہ آج لاہور میں پریس کانفرنس کے دوران مسلم لیگ ن کے رہنما رانا ثنا اللہ کا کہنا تھا کہ نوازشریف نے ساڑھے 7 ارب روپے کے ضمانتی بانڈز نہیں دیے صرف 50 روپے کے اسٹامپ پیپر پر لکھا کہ واپس آؤں گا، اب حکومت اسٹامپ پیپپرکا تعویز بنا کر گلے میں ڈال لے تاکہ سکون ملے۔

لاہور: نیا سال غریب عوام پر قہربن کر ٹوٹ پڑا، آٹا چکی مالکان ایسوسی ایشن نے آٹے کی قیمت میں اضافہ کردیا۔

تفصیلات کے مطابق لاہور آٹا چکی مالکان ایسوسی ایشن کے ترجمان کا کہنا ہے کہ آٹے کی فی کلو قیمت 60 روپے سے بڑھا کر 64روپے کردی گئی ہے، گندم کی قیمت میں 7روپے فی کلو اضافے پر قیمت بڑھانا پڑی۔

ترجمان نے یہ بھی کہا کہ آٹے کی قیمت بڑھانے کا فیصلہ ایسویس ایشن اجلاس میں کیا گیا۔ حکومت نےگیس، بجلی اور ٹیکسوں میں ہوشربا اضافہ کردیا ہے جس کے باعث ایسے اقدامات سامنے آرہے ہیں۔

یاد رہے کہ گزشتہ سال نومبر میں آٹا چکی مالکان ایسوسی ایشن نے ضلعی انتظامیہ کی جانب سے چھاپے مارنے اور بھاری جرمانے عائد کیے جانے کے خلاف ہڑتال بھی کیا تھا۔

بلوچستان میں آٹے کی قلت، قیمتوں میں ہوش ربا اضافہ، حکومت کا نوٹس

لاہور آٹا چکی مالکان ایسوسی ایشن کے جنرل سیکرٹری عبدالرحمن کا کہنا تھا کہ ضلعی انتظامیہ آٹا چکی مالکان کو ایک کلو چکی کا تیارکردہ آٹا 42روپے میں فروخت کرنے پر مجبور کر رہی ہے جو کے فلور ملوں کے تیار کردہ آٹے کے لیے مقررہ قیمت ہے۔

واضح رہے کہ بلوچستان کے مختلف اضلاع میں بھی آٹے کی قلت ہوچکی ہے، شہری مہنگی قیمت میں آٹا خریدنے پر مجبور ہیں، غریب عوام نے حکومت سے مطالبہ کیا ہے کہ وہ فوری ایکشن لے۔