Tag: حکومت

اسلام آباد: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ اتفاق رائے نہیں ہوگا تو ایسے جمہوریت نہیں چل سکتی، حکومت اور اپوزیشن کو اتفاق رائے سے چلنا ہوگا۔

تفصیلات کے وفاقی وزیر برائے سائنس اینڈ ٹیکنالوجی فواد چوہدری نے قومی اسمبلی میں اظہار خیال کرتے ہوئے کہا کہ اپوزیشن اور حکومت کو نئے سال کی مبارکباد دینا چاہتا ہوں۔

انہوں نے کہا کہ گزشتہ سال تلخیوں کے ساتھ غروب ہوچکا ہے، نیا سال نیا کتاب کی طرح ہے کہ نیا باب لکھیں، نئے سال کا آغاز پچھلے سال سے مختلف کریں۔

فواد چوہدری نے کہا کہ یوں لگ رہا ہے حکومت، اپوزیشن میں معاملات آگے نہیں بڑھ رہے، تمام ادارے معاملات میں قصوروار ہیں نہ بے گناہ ہیں۔ انہوں نے کہا کہ اتفاق رائے نہیں ہوگا تو ایسے جمہوریت نہیں چل سکتی، حکومت اور اپوزیشن کو اتفاق رائے سے چلنا ہوگا۔

وفاقی وزیر نے کہا کہ ہماری کوشش ہونی چاہیے کہ نوجوانوں کو کیسے بہتر مستقبل دیں، ہم نے معاملات درست نہیں کیے تو مسائل ہاتھ سے نکل جائیں گے، چیف الیکشن کمشنر سمیت دیگر امور پر اتفاق رائے ہوسکتا ہے۔

انہوں نے کہا کہ ہم ہر قسم کے احتساب کے لیے تیار ہیں، الیکشن کمیشن،احتساب اور دیگر اہم معاملات پر متفق ایجنڈے کا حامی ہوں، چاہتا ہوں حکومت اور اپوزیشن اہم ایشوز کے ایجنڈے پر اتفاق کریں۔

اسلام آباد: معاون خصوصی برائے اطلاعات فردوس عاشق اعوان نے کہا کہ وزرات قانون کو ہدایت دی ہے کہ معاشرے کو تباہی سے بچائیں، جھوٹ اور سچ میں تفریق سے ہی معاشرہ ترقی کرسکتا ہے۔

تفصیلات کے مطابق وفاقی دارالحکومت اسلام آباد میں پریس کانفرنس کے دوران فردوس عاشق اعوان نے بتایا کہ وفاقی کابینہ نے آج 6 نکاتی ایجنڈے کی منظوری دی، وزیراعظم کی زیر صدارت اجلاس کا ایجنڈا 12 نکاتی تھا۔

فردوس عاشق اعوان نے کہا کہ کابینہ میں 15 ماہ کی حکومتی کارکردگی کا جائزہ لیا گیا، عوام کو درپیش مسائل کے حل میں رکاوٹیں ہیں، مسائل حل کرنے کے لیے رکاوٹیں دورکریں گے۔

انہوں نے کہا کہ وزارت توانائی کی جانب سے کابینہ کو بریفنگ دی گئی، گردشی قرضوں کی رقوم کو کم کر کے 12 ارب تک لایا گیا، حکومت نے گھریلوصارفین کو 242 ارب کی سبسڈی دی، زرعی شعبے کو 100ارب کی سبسڈی دی جا رہی ہے۔

معاون خصوصی برائے اطلاعات نے کہا کہ حکومت نے گیس کی مد میں کھاد پر10 ارب کی سبسڈی دی، صنعتوں کو 29 ارب روپے کی سبسڈی دی گئی ہے، وزارت پانی وبجلی نے لائن لاسز کو کم کیا۔

فردوس عاشق اعوان نے کہا کہ وزرات قانون کو ہدایت دی ہے کہ معاشرے کو تباہی سے بچائیں، جھوٹ اورسچ میں تفریق سے ہی معاشرہ ترقی کرسکتا ہے۔

انہوں نے کہا کہ وفاق کے اسپتال کی سہولتوں کو بہتر کیا جائے گا، مریضوں کو ریلیف دینے کے لیے اقدامات کیے جائیں گے، ورکرز ویلفیئربورڈ کی تنظیم نو کی منظوری دی گئی۔

معاون خصوصی برائے اطلاعات ڈاکٹر فردوس عاشق اعوان نے کہا کہ قوم کو لوٹ کرمیڈیا پرمسیحا بننے والوں کے خلاف قانون بنانے کا کہا گیا ہے۔

کراچی: اوور سیز پاکستانیوں کے لئے اچھی خبر ہے کہ وفا قی حکو مت نے بنوں ایئر پورٹ کی از سر نو تعمیر کا فیصلہ کیا ہے۔

تفصیلات کے مطابق ذرائع کا کہنا ہے کہ بنوں ایئر پورٹ بیس سال سے غیر فعا ل ہے تاہم اب حکومت نے خصوصی توجہ دیتے ہوئے اسے فعال کرنے کا فیصلہ کیا ہے۔

اس ضمن میں سول ایوایشن کو ہدایت کی گئی ہے کہ بنوں ایئر پورٹ کی ٹر مینل بلڈ نگ اور انفرا اسٹرکچر کی تزین و آرائش کی جا ئے جب کہ رن وے کی ازسر نو تعمیر اور رن وے کی مزید توسیع کی جا ئے۔

بنو ں ایئر پورٹ کے آپریشنل ہو نے سے اوورسیز پاکستانیوں کو سفری سہولت میسر ہو گی، ایئر پورٹ کے فعال ہو نے سے سیا حت کو فروغ کے سا تھ زرمبا دلہ میں بھی اضا فہ ہو گا۔

واضح رہے کہ ڈی آئی خان اور پارہ چنار ائیر پورٹ بھی کئی سا لوں سے بند پڑے ہیں اور آزاد کشمیر حکو مت نے بھی مطا لبہ کیا ہے کہ راولا کو ٹ اور مظفر آبا د ائیر پورٹ کو بھی آپریشنل کیا جا ئے۔

لاہور: کمشنر لاہور آصف بلال لودھی نے اسموگ سے نمٹنے کے لیے مصنوعی بارش کرانے کے لیے حکومت کو سمری بھیج دی۔

تفصیلات کے مطابق اسموگ کی روک تھام کے لیے کمشنر لاہور آصف بلال لودھی نے مصنوعی بارش کے حوالے سے سمری سیکرٹری فنانس کو بھجوا دی۔ سمری میں مصنوعی بارش کے لیے اخراجات کا تخمینہ35 کروڑ بتایا گیا۔

ماہرین کے مطابق مصنوعی بارش برسانے کے لیے بادلوں کا ہونا ضروری ہے، تمام بادل برسنے والے بھی نہیں ہوتے۔ ماہرین کا کہنا ہے کہ اکتوبر اور نومبرمیں بارشیں کم ہوتی ہیں، اس ماہ میں مصنوعی بارشوں کے تجربے کم کامیاب ہوسکتے ہیں۔

ماہرین نے بتایا کہ جہازوں کے ذریعے بادلوں میں سوڈیم کلورائیڈ کا محلول برسایا جاتا ہے، کیمیکل ری ایکشن کے بعد یہ عمل بادلوں کے برسنےکا سبب بنتا ہے۔

اس سے قبل محکمہ موسمیات 2001 میں روہی کےعلاقے میں مصنوعی بارش کا تجربہ کرچکا ہے۔

لاہور میں اسموگ کا راج

خیال رہے کہ رواں برس سموگ پر قابو پانے کے لیے فصلوں کی باقیات، کچرا، ٹائر اور پولی تھین جلانے پر دفعہ 144 نافذ کی گئی جبکہ اینٹوں کے بھٹوں کو بھی چند ماہ کے لیے بند کیا گیا جو سموگ کی اہم وجہ ہیں۔

لاہور ہائی کورٹ نے 2 روز قبل اسموگ سے نمٹنے کے لیے پنجاب حکومت کو ٹھوس اقدامات کرنے کا حکم دیا تھا۔ عدالت کا کہنا تھا کہ زگ زیگ ٹیکنالوجی استعمال نہ کرنے والے بھٹوں اور آلودگی کا باعث بننے والے صنعتی یونٹس کے خلاف کارروائی کی جائے۔