Tag: حکومت

اسلام آباد (23 جولائی 2025): ملی یکجہتی کونسل نے کہا ہے اگر حکومت پاکستان نے اسرائیل کو تسلیم کرنے کی کوشش کی تو سخت مزاحمت کی جائے گی۔

اے آر وائی نیوز کے مطابق ملی یکجہتی کونسل کا اجلاس اسلام آباد میں ہوا۔ اجلاس کے بعد جاری اعلامیہ میں ایران اور فلسطین پر اسرائیلی حملوں کی مذمت کرتے ہوئے ایران کے جواب کو جائز قرار دیا گیا اور واضح کیا کہ فلسطین کے دو ریاستی حل کو تسلیم نہیں کریں گے۔ اگر حکومت نے اسرائیل کو تسلیم کرنے کی کوشش کی تو سخت مزاحمت کی جائے گی۔

اعلامیہ میں یہ بھی کہا گیا کہ ایٹمی پروگرام کو ایران کا حق سمجھتے ہیں۔ ساتھ ہی حکومت سے مطالبہ کیا کہ وہ کشمیر اور فلسطین پر مضبوط حکمت عملی اپنائے۔

ملی یکجہتی کونسل نے ملک سے سود کا خاتمہ اوراسلامی معاشی نظام رائج کرنے کا مطالبہ کیا۔ اس کے ساتھ ہی 18 سال سے کم عمر کی شادی پر پابندی اور سزاؤں کے قانون کو مسترد کرتے ہوئے غیر شرعی قانون واپس لینے بصورت دیگر ملک گیر احتجاج کرنے کی دھمکی بھی دی۔

اعلامیہ میں کہا گیا ہےکہ دینی مدارس کے خلاف رکاوٹیں پیدا کی جا رہی ہیں۔ ملی یکجہتی کونسل اپنی علما و وکلا کمیٹی کے ذریعہ لائحہ عمل سامنے لائے گی۔ ایکشن کمیٹی مطالبات پورے نہ ہونے پر اے پی سی بلاکر ملک گیر احتجاج کا لائحہ عمل دے گی۔

ملی یکجہتی کونسل نے حکومت کو مشورہ دیا کہ سیاسی مسائل کا حل سیاسی طریقہ سے نکالا جائے، ورنہ نظام کو خطرہ لاحق ہوگا۔ سیاسی نظام لپیٹا گیا تو تمام سیاسی قیادت منہ دیکھتے رہ جائے گی۔

اعلامیہ میں کے پی اور بلوچستان میں امن ومان کی صورتحال پر تشویش کا اظہار کرتے ہوئے وزیراعظم نے اس مسئلے پر آل پارٹیز کانفرنس بنانے اور مشترکہ مفادات کوسل کو فعال کرنے کا مطالبہ کیا۔ ملی یکجہتی کونسل نے بارش متاثرین کی مدد کا بھی مطالبہ کیا۔

لاہور (13 جولائی 2025): اسپیکر قومی اسمبلی ایاز صادق کا کہنا ہے کہ نواز شریف کی حکومت ایک سازش کے تحت ختم کی گئی تھی۔

اسپیکر قومی اسمبلی ایاز صادق نے لاہور میں میڈیا سے گفتگو کرتے ہوئے کہا ہے کہ 2017 میں نواز شریف کی حکومت ایک سازش کے تحت ختم کی گئی تھی۔ اس سازش کا مقصد ملک کی ترقی کا پہیہ روکنا تھا اور یہی ہوا کہ ہماری حکومت ختم کر کے ترقی کا پہیہ روکا گیا۔

ایاز صادق نے کہا کہ ن لیگ کے بعد آنے والی پی ٹی آئی حکومت نے آئی ایم ایف معاہدے کی خلاف ورزی کی اور معیشت کو بہت نقصان پہنچایا۔ ہماری قیادت نے ایک بار پر ملک کو دیوالیہ ہونے سے بچایا ہے اور اللہ کی مہربانی سے پاکستان معاشی ترقی کے ٹریک پر چلنا شروع ہو گیا ہے۔

ان کا کہنا تھا کہ اس وقت میں چند عناصر نے ہماری قیادت کی بیماری کا مذاق اڑایا تھا، لیکن ہمارےسیاسی مخالفین آج مکافات عمل کا شکار ہیں۔

اسپیکر قومی اسمبلی کا کہنا تھا کہ وزیراعظم شہباز شریف کی قیادت میں ملک نے ترقی کا سفر شروع کر دیا ہے۔ حکومت اور مسلح افواج کی قیادت نے 10 مئی کو ہندوستان کو منہ توڑ جواب دیا۔

واضح رہے کہ 2013 کے عام انتخابات کے نتیجے میں نواز شریف نے اکثریت حاصل کر کے ریکارڈ تیسری بار پاکستان کے وزیراعظم کا منصب سنبھالا تھا۔ تاہم پچھلی دو بار کی طرح اس بار بھی وہ بطور وزیراعظم اپنی 5 سالہ مدت پوری نہ کر سکے۔

سپریم کورٹ نے جولائی 2017 میں نواز شریف کو متحدہ عرب امارات میں کام کرنے کا اقامہ ظاہر نہ کرنے کی بنیاد پر صادق اور امین کی شق کی خلاف ورزی کا مرتکب ٹھہرایا اور پانچ صفر کی اکثریت سے نہ صرف وزارت عظمیٰ کے منصب بلکہ اسمبلی سے بھی نا اہل قرار دے دیا۔

تاہم اس وقت کی اسمبلی نے اپنی 5 سالہ مدت مکمل کی اور تاہم ن لیگ کی حکومت بھی برقرار رہی۔ نواز شریف کو نا اہل قرار دیے جانے کے باعث ان ہاؤس تبدیلی لاتے ہوئے ن لیگ کے شاہد خاقان عباسی کو نیا وزیراعظم بنایا گیا۔

حکومت نے بجلی کے استعمال میں کمی اور صارفین کی بچت کے لیے ملک بھر میں چلنے والے پنکھوں سے متعلق اہم فیصلہ کر لیا ہے۔

وفاقی حکومت نے ملک میں بجلی کے استعمال میں کمی کے لیے بجلی سے چلنے والے عام پنکھوں کی تبدیلی کا پروگرام شروع کرنے کا فیصلہ کیا ہے۔ اس پروگرام کے تحت پورے میں مرحلہ وار موجودہ عام پنکھوں کو کم بجلی استعمال کرنے والے پنکھوں سے تبدیل کیا جائے گا۔

وزیر خزانہ محمد اورنگزیب کی زیر صدارت وزیراعظم کے پنکھوں کی تبدیلی کے پروگرام پر اجلاس منعقد ہوا، جس میں وفاقی وزیر توانائی اویس احمد لغاری اور گورنر اسٹیٹ بینک سمیت اسٹیک ہولڈرز نے بھی شرکت کی۔

اس اجلاس میں اسٹیک ہولڈرز نے پنکھا تبدیلی پروگرام کی عملی تیاری اور متوقع شیڈول، پیشگی شرائط کی تکمیل اور بینکنگ سسٹمز کے انضمام پر بریفنگ دی۔
وزیر خزانہ نے اجلاس سے خطاب کرتے ہوئے کہا کہ پنکھے تبدیلی کا یہ پروگرام توانائی بچت اور اقتصادی استحکام میں اہم کردار ادا کرے گا۔ بجلی کے استعمال میں کمی سے صارفین کے طرز عمل میں مثبت تبدیلی لائےگا۔

انہوں نے پنکھے تبدیلی پروگرام کے پہلے مرحلے کا آغاز رواں ماہ سے کرنا ہے۔ اس لیے تمام ضروری اقدامات آئندہ دو سے تین ہفتوں میں مکمل کیا جائے تاکہ اس پروگرام پر عملدرآمد شروع ہو سکے۔

اسلام آباد : حکومت نے امریکی عدالت میں عافیہ صدیقی کیس میں معاونت اور فریق بننے سے انکار کردیا ، جس پر عدالت نے فریق نہ بننے کی وجوہات طلب کرلیں۔

تفصیلات کے مطابق اسلام آباد ہائیکورٹ میں ڈاکٹرعافیہ صدیقی کی صحت اور وطن واپسی سے متعلق درخواست پر سماعت ہوئی۔

جسٹس سردار اعجازاسحاق خان نے ڈاکٹر فوزیہ صدیقی کی درخواست پر سماعت کی، درخواست گزار کے وکیل عمران شفیق ، ایڈیشنل اٹارنی جنرل اور دیگر حکام پیش ہوئے۔

ایڈیشنل اٹارنی جنرل نے بتایا کہ حکومت نے امریکا میں کیس میں فریق نہ بننے کا فیصلہ کیاہے، جس پر عدالت نے استفسار کیا کس وجہ سے یہ فیصلہ کیاگیا، وجوہات کیا ہیں تو ایڈیشنل اٹارنی جنرل نے کہا کہ حکومت کی جانب سے یہی فیصلہ کیا گیا ہے۔

عدالت نے ریمارکس دیئے حکومت یااٹارنی جنرل کوئی بھی فیصلہ کرتےہیں تواس کی وجوہات ہوتی ہیں، بغیر وجوہات کے کوئی فیصلہ نہیں کیاجاتاہے،یہ آئینی عدالت ہے، یہ نہیں ہوسکتاکہ کوئی عدالت میں آکر کہہ دے فیصلہ کیا ہے اور وجوہات نہ بتائے۔

عدالت نے ہدایت کی آئندہ سماعت پر وجوہات سے متعلق عدالت کو آگاہ کیا جائے، بعد ازاں کیس کی سماعت4 جولائی تک ملتوی کردی۔

اسمگلنگ کی روک تھام کے لیے وفاقی حکومت نے بڑا قدم اٹھا لیا ہے اور قومی اسمبلی سے کسٹم ایکٹ 1969 میں اہم ترامیم منظور کر لی گئی ہیں۔

اے آر وائی نیوز کے مطابق اسمگلنگ کی روک تھام کے لیے وفاقی حکومت نے قومی اسمبلی سے کسٹم ایکٹ 1969 میں اہم ترامیم منظور کرا لی ہیں۔ جس کے تحت جدید سسٹم نافذ کیا جائے گا جب کہ ملزمان کے لیے جرمانوں اور سزاؤں کا بھی تعین کیا گیا ہے۔

قومی اسمبلی کی جانب سے کسٹم ایکٹ میں منظور ترامیم کے مطابق اسمگلنگ کی روک تھام کے لیے کارگو ٹریکنگ سسٹم نافذ کیا جائے گا۔ ٹرانسپورٹ گاڑیوں کی ڈیجیٹل نگرانی کے لیے ٹریکنگ ڈیوائسز لگائی جائیں گی۔ ان ڈیوائسز سے چھیڑ چھاڑ پر 10 لاکھ روپے جرمانے کے ساتھ 6 ماہ قید بھی ہوگی۔

بل میں سامان کی درآمد اور برآمد پر ای بلٹی سسٹم لازمی قرار دیا گیا ہے جب کہ ای بلٹی نہ کرانے پر 50 ہزار سے 5 لاکھ روپے تک جرمانہ کیا جا سکے گا۔

ترمیمی بل میں کہا گیا ہے کہ اسمگل شدہ سامان کی نیلامی سے حاصل رقم "کسٹمز کمانڈ فنڈ” میں جائے گی اور یہ فنڈز انسداد اسمگلنگ سرگرمیوں کے لیے استعمال ہوں گے۔

بل کے مطابق کسٹمز بورڈ کسی چیک پوسٹ کو ’’ڈیجیٹل انفورسمنٹ اسٹیشن‘‘ قرار دے سکے گا۔ اس کے لیے قانون میں شق 225 اور 226 کا اضافہ جب کہ ڈیجیٹل انفورسمنٹ کے ضوابط وضع ہوں گے۔