Tag: حکومت

  • نیوزی لینڈ میں 7.5شدت کا زلزلہ،2افراد ہلاک

    نیوزی لینڈ میں 7.5شدت کا زلزلہ،2افراد ہلاک

    ویلنگٹن: نیوزی لینڈ کےوزیراعظم جان کی کا کہناہےکہ ملک کے جنوبی حصے میں 7.5 شدت کے زلزلے کےنتیجے میں2افرادہلاک جبکہ مزید ہلاکتوں کا خدشہ ہے۔

    تفصیلات کےمطابق نیوزی لینڈ میں 7.5 شدت کے زلزلے کے بعدمحکمہ شہری دفاع نے سونامی کی وارننگ جاری کرتے ہوئے کہا کہ سونامی شمالی جزیرے کی مشرقی پٹی سے ٹکرا سکتا ہے،جس سے بچنے کےلیے عوام فوری طور پر محفوظ مقامات کی جانب منتقل ہو جائیں۔

    post-1

    امریکی جیولوجیکل سروےکے مطابق زلزلے کامرکز نیوزی لینڈ کے جزیرے پر قائم شہر کرائسٹ چرچ سے جنوب میں 90 کلومیٹر دور تھا۔

    p2

    نیوزی لینڈ کے وزیراعظم جان کی کا کہناہے کہ پولیس کو زلزلے سےمتاثرہ علاقوں میں امدادی کاموں کےلیے روانہ کردیا گیا ہے۔انہوں نے کہا کہ زلزلے سے شدید متاثرہ علاقوں میں امدادی کارروائیوں کیلئے ہیلی کاپٹر بھیجا جائے گا۔

    p3

    وزیراعظم جان کی نے مواصلاتی نظام میں مشکلات کی تصدیق کرتے ہوئے کہا کہ فوری طور پرمزید تفصیلات فراہم نہیں کی جاسکتیں۔اس سے قبل حکومت نے زلزلے کے بعد سونامی کی وارننگ جاری کردی۔

    p4

    واضح رہےکہ پاکستان کی قومی کرکٹ ٹیم اور ویمن کرکٹ ٹیم بھی نیوزی لینڈ میں موجود ہیں اور گزشتہ روز آنے والے زلزلے میں کھلاڑی اور دونوں ٹیموں کا اسٹاف محفوظ رہا۔

    p5

  • لاہور میں دھرنا دینے والے 10ڈاکٹرز برطرف

    لاہور میں دھرنا دینے والے 10ڈاکٹرز برطرف

    لاہور: صوبہ پنجاب کے دارالحکومت لاہور میں دھرنا دینےوالے 10ڈاکٹرز کو سیکریٹری صحت پنجاب نے نوکری سے برطرف کردیا۔

    تفصیلات کےمطابق سیکریٹری صحت پنجاب نے اے آروائی نیوز کی خبر پر نوٹس لیتے ہوئے دھرنا دینے والے 10ڈاکٹرز کو برطرف کردیا گیا۔ڈاکٹرز کو گزشتہ روز شو کاز نوٹس جاری کیے گئے تھے اور ان کو جواب لکھنے کے لیے کہا گیا تھا لیکن ان کی جانب سےجواب جمع نہیں کرایا گیا۔

    سیکریٹری صحت کا مزید کہناتھاکہ ڈاکٹر اگر نوکری پرواپس نہیں آئیں گے اوران کی جانب سےجواب نہیں جمع کروایا گیا توڈاکٹروں اورنرسوں کو نوکری سے فارغ کردیا جائےگا جبکہ 21 نرسوں کو بھی شو کاز نوٹس جاری کردیے گئے ہیں۔

    ان کا مزید کہناتھا کہ 45 نئے ڈاکٹرز کی خدمات حاصل کی گئی ہیں جن میں 35 نئے ڈاکٹرز نے نوکری جوائن بھی کرلی ہے۔

    وزیراعلیٰ پنجاب کےمشیر صحت خواجہ سلمان رفیق نے کہا ہے کہ ڈاکٹرز سے کوئی مذاکرات نہیں کیے جائیں گے کیونکہ ان کے مطالبات درست نہیں ہیں اور اگر یہ نوکری پر واپس نہ آئے تو ان کو بھی برطرف کردیا جائے گا۔

    صوبہ پنجاب کے دارالحکومت لاہور میں ینگ ڈاکٹرز کا احتجاج تیسرے روز بھی جاری ہے جس کے باعث ایک اور بچی دم توڑ گئی جس کے بعد جاں بحق ہونے والوں کی تعداد 3ہوگئی۔

    لاہور میں ینگ ڈاکٹرز کے احتجاج کے باعث تیسرے روز بھی مریضوں کو شدید مشکلات کے سامنے کے ساتھ مال روڈ پرایک طرفہ ٹریفک بند ہونےسےشہریوں کوشدید مشکلات کا سامنا کرنا پڑ رہا ہے۔

    یاد رہے کہ میو اسپتال کے ینگ ڈاکٹرز مریض اور لواحقین پر مبینہ تشدد کرنے والے دو ڈاکٹرز اور ایک نرس کی بحالی کےلیےاحتجاج کر رہے ہیں۔ینگ ڈاکٹرز کا کہنا ہے کہ مطالبات کی منظوری تک احتجاج جاری رہےگا۔

    ہڑتال کے باعث اموات کی تحقیقات کےلیےسیکریٹری صحت نے کمیٹی بنا دی تھی جو تین دن میں تحقیقاتی رپورٹ سیکریٹری صحت کو پیش کرے گی۔

    واضح رہے کہ لاہور میں ینگ ڈاکٹرز کے احتجاج کے باعث آج صبح میو اسپتال میں علاج نہ ہونے سے ڈیڑھ سالہ ثنا زندگی کی بازی ہار گئی تھی۔

  • دھرنے سے نمٹنے کے لیے حکومت کی حکمت عملی تیار

    دھرنے سے نمٹنے کے لیے حکومت کی حکمت عملی تیار

    اسلام آباد: دھرنے کے شرکا سے نمٹنے کے لیے حکومت نے حکمت عملی تیار کرلی۔ اے آر وائی نیوز نے پلان کی کاپی حاصل کرلی۔

    دھرنے کے شرکا کو رونے کے لیے حکومت نے حکمت عملی تیار کرلی ہے۔

    حکمت عملی کے مطابق مختلف علاقوں میں پولیس اور فرنٹیئر کانسٹیبلری کے اہلکار تعینات ہوں گے۔ قیدیوں کو لے جانے والی گاڑیاں اور شیلنگ کے لیے الگ الگ ٹیمیں ہوں گی۔

    پولیس اور ایف سی اہلکاروں کو 2 شفٹوں میں تعینات کیا جائے گا۔ اسلام آباد پولیس کو لاہور، ملتان، فیصل آباد، بہاولنگر پولیس کی مدد حاصل ہوگی۔ آزاد کشمیر سے بھی پولیس کے دستوں کو اسلام آباد بلایا گیا ہے۔

    واضح رہے کہ تحریک انصاف کی 2 نومبر کے دھرنے اور حکومت کو اس دھرنے کو ناکام بنانے کی تیاریاں جاری ہیں۔

    آج صبح اسلام آباد ہائی کورٹ نے اسلام آباد لاک ڈاؤن سے متعلق مقدمات کا فیصلہ جاری کرتے ہوئے کہا ہے کہ تحریک انصاف پریڈ گراؤنڈ پر دھرنا دے سکتی ہے اور اگر عوام زیادہ ہوئی تو ایکسپریس وے پر دھرنا دینے کی اجازت ہے، اس کے علاوہ کسی اور مقام پر دھرنا دینے کی اجازت نہیں ہے۔ عدالت نے کسی کو گرفتار نہ کرنے اور عمران خان کے پروگرام میں خلل نہ ڈالنے کا حکم بھی دیا ہے۔

    دو روز قبل اسلام آباد ہائی کورٹ تحریک انصاف کے کارکنوں کو گرفتار نہ کرنے اور شہر کے داخلی و خارجی راستوں سے کنٹینر ہٹانے کا حکم بھی دے چکی ہے تاہم عدالتی حکم کی خلاف ورزی بھرپور طریقے سے جاری ہے۔

    حکومت کی جانب سے تحریک انصاف کے کارکنوں کے خلاف کریک ڈاؤن کیا جارہا ہے اور اب تک سینکڑوں کارکنوں کو گرفتار کیا جاچکا ہے۔ دوسری جانب اسلام آباد کے داخلی راستوں پر کنٹینرلگا دیے گئے ہیں اور شیریں مزاری سمیت تحریک انصاف کے رہنماؤں اور کارکنوں کو اسلام آباد میں داخلے سے روکا جارہا ہے۔

  • جہلم میں زہریلی شراب پینے سے10افراد ہلاک

    جہلم میں زہریلی شراب پینے سے10افراد ہلاک

    جہلم: صوبہ پنجاب کے شہرجہلم میں کرسچن کالونی میں زہریلی شراب پینے سے 10افراد ہلاک ہو گئے۔

    تفصیلات کےمطابق جہلم کی کرسچن کالونی میں گزشتہ روز شادی کی تقریب کے دوران زہریلی شراب پینے سےہلاک ہونے والے افراد کی تعداد دس ہوگئی۔

    پولیس حکام کے مطابق یہ معلوم نہیں ہو سکا کہ شراب کہاں سے منگوائی گئی تھی۔واقعہ کی اطلاع ملتے ہی پولیس موقع پر پہنچ گئی تھی اور مقدمہ درج کر کے تحقیقات کا آغاز کردیا گیاتھا۔تاہم پولیس کے مطابق ابھی تک کوئی گرفتاری عمل میں نہ آسکی۔

    متاثرہ افراد کے لواحقین نے حکومت کو تنقید کا نشانہ بناتے ہوئے کہنا تھا کہ آئے دن زہریلی شراب پینے سے متعدد افراد ہلاک ہو جاتے ہیں تو حکومت اور مقامی انتظامیہ کی جانب سے کوئی ایکشن کیوں نہیں لیا جاتا۔

    مزید پڑھیں:سندھ ہائیکورٹ نے شراب خانوں کو بند کرنے کا حکم دےدیا

    واضح رہے کہ گزشتہ ہفتے سندھ ہائی کورٹ نےصوبے بھرمیں تمام شراب خانوں کو بند کرنے اورشراب خانوں کے تمام لائسنس کوری کال کرنےکا حکم دےدیا تھا۔

  • ہیٹی میں جیل سے174قیدی فرار

    ہیٹی میں جیل سے174قیدی فرار

    پورٹ او پرنس: ہیٹی حکومت کا کہنا ہے کہ دارالحکومت پورٹ او پرنس سے 45 کلو میٹر مسافت پر واقع جیل سے 174 قیدی فرار ہو گئے۔

    تفصیلات کےمطابق ہیٹی حکام کا کہنا ہے کہ ان قیدیوں نے جیل سے فرار ہونے سے پہلےاسلحہ چرایا اور فائرنگ کرکے ایک سیکورٹی اہلکار کو ہلاک کردیاجبکہ جوابی فائرنگ میں ایک قیدی بھی مارا گیا۔

    h1

    ہیٹی حکومت کےمطابق جیل سے فرار ہونے والے قیدیوں کی تلاش کا کام اقوم متحدہ کے امن اہلکاروں کے تعاون سے جاری ہے اور بہت جلد مفرور قیدی پولیس کی گرفت میں ہوں گیں۔

    h2

    سماجی رابطے کی ویب سائٹ ٹوئٹر پر حکومت نے اپنے پیغام میں قیدیوں کے جیل سے فرارہونے کی مذمت کی ہے۔

    h3

    وزیر انصاف کیملے ایڈورڈ جونیئر کا کہناہےکہ ایک اہلکار واقعے کے دوران مارا گیا جبکہ تین قیدی زخمی ہوئے جن میں سے ایک زخموں کی تاب نہ لاتے ہوئے ہلاک ہو گیا۔انہوں نے مزید کہا کہ فرار ہونے والے قیدیوں میں سے گیارہ کودوبارہ گرفتار کیا جاچکا ہے۔

    h4

  • ‘پابندی صرف فنکاروں کے لیے ہی کیوں ہے؟’

    ‘پابندی صرف فنکاروں کے لیے ہی کیوں ہے؟’

    ممبئی: بھارتی اداکار ابھے دیول نے بھارت میں پاکستانی فنکاروں پر پابندی کے فیصلے کا مضحکہ اڑاتے ہوئے کہا کہ اس معاملے پر میں حکومت کو سنجیدگی سے لے ہی نہیں رہا۔ اگر پابندی ہی عائد کرنی ہے تو ہر شعبہ پر عائد کی جائے صرف فنکاروں پر نہیں۔

    فلم ’ہیپی بھاگ جائے گی‘ کی پروموشن کے حوالے سے ہونے والی ایک تقریب میں شرکت کرتے ہوئے ابھے دیول کا کہنا تھا کہ پابندی صرف فنکاروں کے لیے ہی کیوں ہے؟

    پاکستانی فنکاروں پر پابندی اسکول کے بچوں کا مذاق ہے، پوجا بھٹ *

    انہوں نے کہا کہ اگر پاکستان پر پابندی لگانی ہی ہے تو ہر شعبہ پر لگائی جائے، چاہے وہ کاروبار ہو، چاہے برآمدات ہوں یا درآمدات ہوں۔ پابندی سب پر ہونی چاہیئے۔ صرف فنکاروں پر ہی پابندی کیوں ہے۔

    ابھے کا کہنا تھا کہ صرف فنکاروں پر پابندی لگائی گئی جبکہ باقی تمام شعبے اس پابندی سے مستشنیٰ ہیں، ایسا لگ رہا ہے کہ حکومت اس اقدام سے صرف شور مچانا چاہتی ہے۔

    ‘پاکستانی فنکاروں کی حب الوطنی سے بھارتی سبق سیکھیں’ *

    ابھے نے اس فیصلے کا مضحکہ اڑاتے ہوئے کہا کہ میں اس فیصلے کو سنجیدگی سے نہیں لیتا۔ ہاں اگر حکومت تمام شعبوں میں پاکستان سے ہر قسم کے تعلقات منقطع کر دے تو میں اس فیصلے کا احترام کروں گا۔

    اس موقع پر وہاں موجود فلم ساز زویا اختر نے بھی کچھ اسی طرح کے خیالات کا اظہار کیا۔ انہوں نے حکومت کی جانب سے صرف فلم اور اداکاروں کو ہدف بنانے کو بدقسمتی قرار دیا۔

    دیا مرزا کا نفرت کو فروغ دینے والی حب الوطنی سے انکار *

    کرن جوہر کی فلم ’اے دل ہے مشکل‘ کی ریلیز کو روکنے سے متعلق سوال پر انہوں نے کہا، ’کرن جوہر نے کچھ غلط نہیں کیا۔ انہوں نے کوئی قانون نہیں توڑا‘۔

    ان کا کہنا تھا کہ پاکستانی اداکاروں کو بھارت آنے کے لیے ویزا خود حکومت نے دیا ہے۔ اگر وہ یہاں کام کر رہے ہیں تو یہ بالکل قانونی ہے۔

    اس سے قبل بھارتی ہندو انتہا پسند تواتر سے فلم ساز کرن جوہر کو دھمکیاں دے رہے تھے کہ وہ ’اے دل ہے مشکل‘ سے پاکستانی اداکار فواد خان کے مناظر کو نکال دیں ورنہ وہ فلم کو ریلیز نہیں ہونے دیں گے۔

    بالآخر کرن جوہر کو اعلان کرنا پڑا کہ وہ آئندہ کسی پاکستانی اداکار کو اپنی فلم میں نہیں لیں گے۔

    یہ پہلا موقع نہیں جب بھارتی اداکاروں نے پاکستانی اداکاروں پر پابندی کے خلاف آواز اٹھائی۔ اس سے قبل سلمان خان سمیت متعدد اداکار اس فیصلے کی مخالفت کر چکے ہیں جس کی پاداش میں انہیں دھمکیوں کا سامنا ہے۔

  • خیبر پختونخوا میں 2018 میں انشاءاللہ ہماری حکومت ہوگی،وزیراعظم

    خیبر پختونخوا میں 2018 میں انشاءاللہ ہماری حکومت ہوگی،وزیراعظم

    اسلام آباد: وزیر اعظم پاکستان میاں محمد نواز شریف نے مسلم لیگ ن کے مرکزی کونسل کے چھٹے اجلاس سے خطاب میں کہا کہ انشاء اللہ 2018 میں خیبرپختونخوا میں ہماری حکومت ہوگی۔

    تفصیلات کے مطابق وزیر اعظم نواز شریف نے مسلم لیگ ن کے مرکزی کونسل کے چھٹے اجلاس سے خطاب میں منتخب ہونے والے پارٹی عہدے داروں کو مبارکباد پیش کی۔

    نوازشریف نے کارکنوں کو مخاطب کرتے ہوئے کہا کہ آپ کی محبت سے بار بار پارٹی کا صدر منتخب ہوا،میرے نزدیک پارٹی کارکنوں کا بہت اہم مقام ہے۔

    وزیر اعظم کاکہناتھاکہ آپ نے صوبے میں کام کیا ہوتا تو لوگ آپ کے معترف ہوتے،خیبرپختونخوا کے لوگ دیکھتے ہیں نئے پاکستان کے نام پر ووٹ لینےوالا کنٹینر پر کھڑا ہے۔

    انہوں نے کہا کہ 2013 کے پاکستان اور آج کے پاکستان میں زمین اور آسمان کا فرق ہے، تین سالوں میں زر مبادلہ کے ذخائر ریکارڈ 24 ارب ڈالر تک پہنچ گئے۔

    انہوں نےکہا کہ 2018 میں خیبر پختونخوا میں بھی مسلم لیگ ن کی حکومت قائم ہوگی، لوڈ شیڈنگ ختم ہوگی اور مہنگائی میں کمی آئے گی۔

    مزید پڑھیں: نوازشریف مسلم لیگ ن کے بلامقابلہ صدر منتخب

    ان کا کہنا تھا کہ 2013 میں ایسا لگتا تھا کہ پاکستان دیوالیہ ہونے والا ہے،ملک دہشت گردی کا شکار تھا،20 گھنٹے لوڈ شیڈنگ تھی۔وزیر اعظم نے کہا کہ حکومت نہیں بلکہ دنیا کہہ رہی ہے کہ پاکستان سب سے زیادہ ترقی کرنے والے ملک میں شامل ہے۔

    وزیر اعظم کا کہنا تھا کہ چین کاشکریہ اداکرتاہوں جنہوں نےبجلی کےکارخانوں کی سرمایہ کاری کاوعدہ کیا،بجلی کاکارخانہ لگانےکے لیے رقم نہیں تھی،ایک کارخانےپر ایک ارب ڈالر لگتے ہیں،2018 کے بعد 30ہزار میگاواٹ بجلی سسٹم میں شامل ہوگی۔

    نواز شریف نے کہا کہ اپنی ایمانداری کی بدولت بجلی کے کارخانوں میں 100ارب روپے کی بچت کی ، ہم نے قوم سے لوڈشیڈنگ ختم کرنے کا وعدہ کیا تھا بجلی سستی کرنے کا نہیں، یہ قوم کے لیے بونس ہے۔

    مزید پڑھیں:بدھ 2 نومبر کو اسلام آباد بند کردیں گے،عمران خان

    واضح رہے کہ تحریک انصاف نے 2 نومبر 2016 کو اسلام آباد میں احتجاج کرتے ہوئے وفاقی دارالحکومت بند کرنے کا اعلان کیا ہے۔

  • بوکوحرام نے4ساتھیوں کےبدلے21مغوی لڑکیوں کورہاکردیا

    بوکوحرام نے4ساتھیوں کےبدلے21مغوی لڑکیوں کورہاکردیا

    کانو: نائجیریامیں شدت پسند تنظیم بوکوحرام نےچار ساتھیوں کےبدلے2014 میں اغوا کی جانے واللی 200 میں سے21 مغوی لڑکیوں کورہاکردیا۔

    تفصیلات کےمطابق نائجیریاکےصدارتی ترجمان کا کہنا ہےکہ شدت پسند تنظیم بوکوحرام سے طویل مذاکرات ہوئے جس میں سوئس حکومت نے ثالث کا کردار ادا کیا۔مذاکرات کے نتیجے میں بوکوحرام نے21 لڑکیوں کو رہا کردیا۔

    صدراتی ترجمان کے بیان میں مزید کہا گیا کہ اس سلسلے میں مزید مذاکرات ابھی جاری ہیں اور مزید لڑکیوں کی رہائی کا بھی امکان ہے۔

    نائجیریا کے صدر محمد بحاری نےسماجی رابطے کی ویب سائٹ ٹوئٹر پر اپنے بیان میں کہا کہ میں کامیاب مذاکرات کے بعد 21 لڑکیوں کی رہائی کا خیرمقدم کرتا ہوں۔

    بوکوحرام کی جانب سے رہا کی جانے والی لڑکیوں کوریڈ کراس کی گاڑی میں بانکی سے 15 کلو میٹر دور واقع علاقے کمشے میں لایا گیا وہاں فوجی ہیلی کاپٹر میں سوار کر کے انہیں فوری طور پر میدوگوری لے جایا گیا۔

    خیال رہےکہ اپریل 2014 میں چبوک کے اسکول کی 276 لڑکیوں کو اغوا کیا گیا تھا جن میں سے 21 کو بوکو حرام کے چار قیدیوں کے بدلے رہا کردیا گیا ہے۔

    واضح رہےکہ 2009 سے حکومت اور بوکوحرام کے درمیان لڑائی میں 20ہزار سے زائد افراد ہلاک ہوئے اور لاکھوں افراد نقل مکانی کرچکے ہیں۔

  • ترقیاتی منصوبوں کے لیے 123ارب روپے جاری

    ترقیاتی منصوبوں کے لیے 123ارب روپے جاری

    اسلام آباد : وفاقی حکومت نےمختلف ترقیاتی منصوبوں کے لیے 123ارب روپے جاری کردیے جو مختلف محکموں میں خرچ کیے جائیں گے۔

    تفصیلات کےمطابق وفاقی حکومت کی جانب سے جاری کیےگئے123 ارب روپے نیشنل ہائی وے اتھارٹی،پاکستان ریلوے،پاکستان اٹامک انرجی،نیشنل ہیلتھ سروسز،سیکورٹی بہتر بنانے سمیت دیگر محکموں میں خرچ کیے جائیں گے۔

    حکومت نے اب تک رواں مالی سال کے لیے کل آٹھ سو ارب روپے کے پبلک سیکٹر ڈویلپمنٹ پروگرام کے علاوہ مختلف ترقیاتی منصوبوں کے لیے123 ارب روپے جاری کیے ہیں۔

    وفاقی حکومت کی جانب سے جاری کیے گئے 123ارب روپے میں سےبیالیس ارب روپے عارضی بے گھر افراد اور سیکورٹی بہتر بنانے کےخصوصی وفاقی ترقیاتی پروگرام پرخرچ کیے جائیں گے۔

    گیارہ ارب روپے آزاد کشمیر، گلگت بلتستان، ریاستوں اور سرحدی علاقوں اور فاٹا سمیت خصوصی علاقوں کی ترقی کے لیے جاری کیے گئے ہیں۔

    اسی طرح انیس ارب روپے مختلف سڑکوں اور شاہراہوں کے منصوبوں کے لیے نیشنل ہائی وے اتھارٹی کوجاری کیے گئے ہیں۔گیارہ ارب روپے مختلف بجلی اور پانی کے شعبے کی ترقی کے منصوبوں کیلئے واپڈا کو جاری کیے گئے۔

    واضح رہے کہ بیس ارب روپے پاکستان ریلویز، پاکستان اٹامک انرجی کمیشن اور نیشنل ہیلتھ سروسز سے متعلق مختلف منصوبوں پر خرچ کیے جائیں گے۔

  • نائیجیریا میں ججوں کے خلاف کریک ڈاون

    نائیجیریا میں ججوں کے خلاف کریک ڈاون

    ابوجا: نائیجرین سیکورٹی حکام نے بدعنوان ججوں کے خلاف کریک ڈاون میں لاکھوں ڈالرز برآمد کرکےمتعدد ججوں کو گرفتار کرلیا۔

    تفصیلات کےمطابق نائیجریا میں بدعنوان ججوں کے خلاف کریک ڈاون میں تیزی آگئی جس کے نتجیے میں گزشتہ چند دنوں میں ملک کے متعدد ججوں کو گرفتار کرکے لاکھوں ڈالرز برآمد کرلیے گئے۔

    نائیجریا میں ججوں کےخلاف کارروائیاں صدر محمد بوہاری کی ملک سےبدعنوانی اور کرپشن کے خاتمے کی مہم کا حصہ ہے جس کے تحت اب تک لاکھوں ڈالرز کی پراپرٹی قبضے میں لی گئی ہے۔

    دوسری جانب نائجریئن بار اسوسی ایشن کا کہنا ہے کہ حکومت کی جانب سے ججز کی گرفتاریاں اور ان پر کرپشن کے الزامات بے بنیاد ہیں اور انہوں نے مطالبہ کیا ہے کہ فوری طور پر گرفتار ججوں کو رہاکریں۔

    واضح رہےکہ گزشتہ سال اقتدار میں آنے کے بعدصدر بوہاری نے بدعنوانی کا مقابلہ کرنے کا وعدہ کیا تھا تاہم اب تک وہ کرپشن کے خلاف موثر اقدامات کرنے میں ناکام رہے ہیں۔