Tag: حکومت

  • حکومت اور پی ٹی آئی کے درمیان بات چیت کی ابتدا اتوار سے ہوگی

    حکومت اور پی ٹی آئی کے درمیان بات چیت کی ابتدا اتوار سے ہوگی

    اسلام آباد: پی ٹی آئی اور حکومت کی ابتدائی بات چیت ہفتے کے بجائے اتوار کو ہوگی۔ مذاکرات کاباقاعدہ آغازمنگل سےہوگا۔ پی ٹی آئی کی مذاکراتی ٹیم میں جہانگیر ترین کو بھی شامل کر لیا گیا ہے۔

    حکومت اور تحریک انصاف کے درمیان آج ہونے والے مذاکرات باقاعدہ طور پر منگل کو شروع ہوں گے، جمعے کو حکومت کی جانب سےتحریک انصاف سے رابطہ کر کے بات چیت ہفتہ کے بجائے اتوار کو کرنے کی درخواست کی گئی تھی، جس پر بتایا گیا کہ پیر کو پی ٹی آئی نے لاہور میں احتجاج کی کال دے رکھی ہےاور شاہ محمود قریشی مصروفیات کے باعث اتوار کو بات چیت کیلئے دستیاب نہیں ہوں گے،اس لئے مذاکرات اتوار کے بجائے منگل کو شرو ع کئے جاسکتے ہیں۔

    تحریک انصاف کےجواب کے بعد فریقین ابتدائی بات چیت اتوار کے روز کر نے کیلئے رضا مند ہو گئے ہیں، جس میں حکومت کی جانب سے وزیر خزانہ اسحٰق ڈار اور احسن اقبال پی ٹی آئی کے اسد عمر سے ملاقات کریں گے۔

    منگل کو شاہ محمو د قریشی کی موجودگی میں باقاعدہ بات چیت کاآغاز ہو گا۔ تحریک انصاف کے ترجمان کے مطابق تحریک انصاف کی مذاکراتی ٹیم میں جہانگیر ترین کا اضافہ کیا گیا ہے، جو شاہ محمود قریشی اور اسد عمر کے ساتھ حکومتی نمائندوں سے مذاکرات کریں گے۔

  • بجلی صارفین کیلئے دھچکہ، 1.2ارب روپے اضافی دینے ہونگے

    بجلی صارفین کیلئے دھچکہ، 1.2ارب روپے اضافی دینے ہونگے

    اسلام آباد: حکومت نے بجلی صارفین کو دھچکہ دیدیا ، آئندہ دو ماہ میں ایک ارب بیس کروڑ روپے اضافی ادا کرنے ہونگے۔

    حکومت کی جانب سے ٹیکسٹائیل سیکٹر کو گیس کی فراہم کے باعث یہ اضافی رقم ادا کرنی ہوگی، تفصیلات کے مطابق حکومت نے روش پاور پلانٹ کی دی جانے والی پچاسی ایم ایم سی ایف ڈی گیس ٹیکسٹائل سیکٹر کو دینے کا فیصلہ کیا ہے ۔

    جس کے باعث روش پاور پلانٹ ان دو ماہ میں بند رہے گا اور پلانٹ پیداواری صلاحیت کے استعمال کی مد میں یہ ساٹھ کروڑ روپے ماہانہ رقم ادا کئے جائیں گے اور یہ رقم صارفین کی بلوں میں شامل کی جائے گی حالانکہ صارفین بجلی استعمال نہیں کر رہے ہونگے ۔

    واپڈا ذرائع کے مطابق گزشتہ سال بھی اس معاہدے پر عمل درآمد کیا گیا تھا۔

  • تیس نومبر کے حالات کی ذمہ داری حکومت پر ہے، چوہدری شجاعت

    تیس نومبر کے حالات کی ذمہ داری حکومت پر ہے، چوہدری شجاعت

    لاہور: پا کستان مسلم لیگ ق کے سربراہ چو ہدری شجا عت حسین نے میڈیا سے بات کرتے ہوئے کہا کہ تیس نو مبر کے حا لات کی ذمہ داری حکومت پر ہے۔

    چو ہدری شجاعت کا یہ بھی کہنا تھا کہ اگر حکومت نے بے وقوفی کی تو حالات خرا ب ہوسکتے ہیں۔ 30نومبر کیلئے پی ٹی آئی کے سربراہ عمران خان نے ہمیں یا ڈاکٹر طاہر القادری کو کوئی باضابطہ دعوت نہیں دی ہے۔

    ایک سوال کے جواب میں شجاعت حسین کا کہنا تھا کہ ڈاکٹر طاہر القادری سے کوئی ناراضگی نہ تھی اور نہ ہے۔

  • چیف الیکشن کمشنر کی تقرری کیلئے 5دسمبر کی ڈیڈ لائن، حکومت اور اپوزیشن کے رابطے تیز

    چیف الیکشن کمشنر کی تقرری کیلئے 5دسمبر کی ڈیڈ لائن، حکومت اور اپوزیشن کے رابطے تیز

    اسلام آباد: سپریم کورٹ کی جانب سے چیف الیکشن کمشنر کی تقرری کے لئے پانچ دسمبر کی آخری مہلت پر حکومت اور اپوزیشن کے درمیان رابطوں میں تیزی آگئی ہے۔

    چیف الیکشن کمشنرکی تقرری کےمعاملے پرسپریم کورٹ کی آخری مہلت نے حکومت اور اپوزیشن لیڈر کو متحرک کردیا ہے اور اس حوالے سے رابطوں میں تیزی آگئی ہے۔ ذرائع کا کہنا ہے کہ اپوزیشن لیڈر سیدخورشید شاہ وطن واپسی پر وزیر اعظم سے ملاقات کر یں گے۔ جس میں مزید ناموں پر غور کیا جاسکتا ہے۔

    سپریم کورٹ نے پانچ دسمبرسےجسٹس انورظہیرجمالی کی خدمات واپس لینے کے فیصلے سے الیکشن کمیشن کو آگاہ کر دیا ہے۔ سپریم کورٹ کے اس فیصلے کے بعد حکومت اور اپوزیشن لیڈر پر دباؤ بڑھ گیا ہے۔ اگرکسی سابق جج کے نام پر اتفاق رائے نہ ہوا تو حکومت سپریم کورٹ سے آئین میں ترمیم کیلئے مہلت مانگ سکتی ہے۔

    ذرائع کے مطابق اگرحکومت اوراپوزیشن آئینی ترمیم پرمتفق ہوجائیں تو یہ ترمیم ایک ہی روز میں منظورہوسکتی ہے۔ ذرائع کا کہنا ہےکہ خورشیدشاہ کی وطن واپسی پرچیف الیکشن کمشنرکی تقرری پر مشاورت کا عمل تیز ہونے کا امکان ہے۔

  • چیف جسٹس کا قائم مقام چیف الیکشن کمشنر کی خدمات واپس لینے کاحکم

    چیف جسٹس کا قائم مقام چیف الیکشن کمشنر کی خدمات واپس لینے کاحکم

    اسلام آباد: چیف الیکشن کمشنر کی تقرری کیلئےمہلت دینے سے انکارکے بعد چیف جسٹس نے قائم مقام چیف الیکشن کمشنر کی خدمات واپس لینے کاحکم جاری کردیا ہے۔

    حکومت اور اپوزیشن کے درمیان چیف الیکشن کمشنر کے حوالے سے کسی بھی نام پر اتفاق نہ ہو نے کے  اور سپریم کورٹ کی جانب سے چیف الیکشن کمشنر کی تقرری کے لئے مزید مہلت دینے سے انکار کے بعد چیف جسٹس پاکستان نے قائم مقام چیف الیکشن کمشنرکی تقرری سےمتعلق انتظامی حکم بھی جاری کردیا ہے۔ جس میں کہا گیا ہے کہ جسٹس انورظہیرجمالی پانچ دسمبر تک قائم مقام چیف الیکشن کمشنر رہیں گے، اس کے بعد ان کی خدمات واپس لے لی جائیں گی۔

    گزشتہ روز چیف جسٹس کی سربراہی میں قائم سپریم کورٹ کے تین رکنی بنچ نے چیف الیکشن کمشنرکی تقرری سے متعلق درخواست کی سماعت کی اور تین بار مہلت کے باوجودعہدے پر تقرری نہ ہونے پربرہمی کا اظہار کیا۔

    اٹارنی جنرل نے عدالت کو بتایا کہ خورشیدشاہ علاج کی غرض سے بیرون ملک ہیں، اس لیے چیف الیکشن کمشنر کے نام کو حتمی شکل نہیں جا سکی ہے۔ جس پرچیف جسٹس کا کہنا تھا چیف الیکشن کمشنر کے نام پر قائد حزب اختلاف سے ٹیلی فون پر بھی مشاورت ہو سکتی تھی۔ قائد حزب اختلاف ملک میں واپس آئیں گے تو وزیر اعظم غیر ملکی دورے پر چلے جائیں گے اور یہ معاملہ اسی طرح طول پکڑتا جائے گا۔

    عدالت کا کہنا تھا بادی النظر میں محسوس ہو رہا ہے کہ حکومت عدالتی احکامات پر عمل درآمد کرنے میں سنجیدہ نہیں ہے۔ چیف جسٹس کا کہنا تھا کہ عدالت اس ضمن میں وزیر اعظم اور قائد حزب اختلاف کو نوٹس جاری کرے گی۔ پاکستان میں چیف الیکشن کمشنر کا عہدہ سولہ ماہ سے خالی پڑا ہے اور اس عرصے کے دوران سپریم کورٹ کے حاضر سروس جج قائم مقام چیف الیکشن کمشنر کی حیثیت سے خدمات انجام دیتے رہے ہیں۔

  • چیف الیکشن کمیشن تقرری کیس کی سماعت آج ہوگی

    چیف الیکشن کمیشن تقرری کیس کی سماعت آج ہوگی

    اسلام آباد: پاکستان کا نیا چیف الیکشن کمیشنر کون ہوگا؟ سپریم کورٹ کی تیسری ڈیڈ لائن بھی ختم ہو نے کو ہے جبکہ حکومت اور اپوزیشن فیصلہ نہ ہوسکیں۔ چیف جسٹس آف پاکستان کی سربراہی میں سپریم کورٹ کا تین رکنی بینچ آج چیف الیکشن کمیشن تقرری کیس کی سماعت کرے گا۔

    تفصیلات کے مطابق چیف جسٹس ناصر الملک کی سربراہی میں جسٹس گلزاراحمد اور اے آر وائی

    اے آر وائی نیوز

    arپرمشتمل تین رکنی بینچ آج چیف الیکشن کمیشن تقرری کیس کی سماعت کرےگا۔ وزیر اعظم نوازشریف اورقائد حزب اختلاف سید خورشید شاہ اس اہم آئینی عہدے پر کسی نام پر متفق نہیں ہوسکے.

    تیرہ نومبر کو سپریم کورٹ نے وفاقی حکومت کو چیف الیکشن کمشنر کی تقرری کے لئے ڈیڈ لائن دیتے ہوئے خبردار کیا تھا کہ اگر چیف الیکشن کمشنر کی تقرری نہ کی گئی تو قائم مقام چیف الیکشن کمیشن جسٹس انور ظہیر جمالی کی تقرری واپس لے لی جائے گی۔ حکومت کی طرف سےچیف الیکشن کمشنرکی تقرری کےلیےمزید مہلت لیے جانےکاامکان ہے۔

    اس اہم عہدے کے لیے جسٹس ریٹائرڈ ناصر اسلم اور جسٹس ریٹائرڈ طارق پرویز کا نام فیورٹ قرار دیا جارہاہے۔

    دوسری جانب سپریم کورٹ کی جانب سے دومرتبہ مہلت کے باوجود حکومت چیف الیکشن کمشنر کاتقررنہیں کرسکی۔سپریم کورٹ کی چوبیس نومبرکی ڈیڈلائن آج ختم ہورہی ہے۔ چیف الیکشن کمشنر کی تقرری کے معاملے میں حکومت کیلئے ایک نئی مشکل کھڑی ہو گئی۔ سپریم کورٹ کی دی گئی دس روز کی دوسری مہلت آج ختم ہورہی ہے۔ حکومت اس معاملے میں خاموشی سے کام کرنے کی کوشش کررہی ہے کیو نکہ جس نام پر بھی حکومت اور اپوزیشن میں اتفاق ہوتا ہے، عمران خان دھرنے یا جلسے میں اس پر اعتراض کر دیتے ہیں۔

    اسی لیے چیف الیکشن کمشنر کی تقرری کیلئے حکومت اپوزیشن مشترکہ کمیٹی کا اجلاس چپ چاپ ہوتا رہا ہے۔ اور اس معاملے کی پیش رفت کو اِن کیمرہ رکھا جا رہا ہے۔ اب تک اس معاملے میں حکومت اور اپوزیشن کے درمیان کیا طے ہوا ہے سامنے نہیں آ سکا۔

  • چیف الیکشن کمشنرتقرری، عدالتی ڈیڈلائن کا آج آخری روز

    چیف الیکشن کمشنرتقرری، عدالتی ڈیڈلائن کا آج آخری روز

    اسلام آباد: چیف الیکشن کمشنر کے لیے سپریم کورٹ کی دی گئی مہلت آج ختم ہو رہی ہے ، حکومت اور اپوزیشن کے درمیان کسی نام پر اتفاق نہیں ہوسکا ہے۔

    چیف الیکشن کمشنر کے لیے جن ناموں پر غور کیا گیا انہوں نے رضامندی ظاہر نہیں آئی، فی الحال چیف الیکشن کمشنر کا عہدہ سنبھالنے کے لیے کوئی تیار نظر نہیں آتا، تصدق حسین جیلانی اور رانا بھگوان داس یہ عہدہ سنبھالنے سے معذرت کرچکے ہیں، ناصر اسلم زاہد کے نام پر اتفاق نہیں ہوسکا، جسٹس رٹائرڈ طارق پرویز کے نام پر حکومت اور اپوزيشن میں مشاورت منطقی انجام تک نہ پہنچ سکی۔

    عدالت قرار دے چکی ہے کہ اس مہلت کےبعد وہ اپنے جج کی بطور قائم مقام چیف الیکشن کمشنر خدمات واپس لے لیں گے اور 24 نومبر کے بعد یہ عہدہ خود بخود خالی ہوجائے گا، اس وقت جسٹس انور ظہیر جمالی قائم مقام چیف الیکشن کمشنر کی ذمہ داریاں نبھارہے ہيں ، یہ عہدہ ستمبر2013 سے خالی پڑا ہے ، لیکن اب وفاق مزید تاخیر کا متحمل نہيں ہوسکتا، حکومت اور اپوزیشن کو ایک نام طے کرنا ہے۔

  • سندھ ہائیکورٹ :تھرمیں قحط سالی پرحکومت کو دوبارہ نوٹس جاری

    سندھ ہائیکورٹ :تھرمیں قحط سالی پرحکومت کو دوبارہ نوٹس جاری

    کراچی: چیف جسٹس سندھ ہائی کورٹ جسٹس مقبول باقر کی جانب سے تھر قحط سالی ازخود نوٹس کیس کی سماعت پچیس نومبر تک ملتوی کردی ہے۔

    تھر میں قحط سالی و بچوں کی ہلاکت پر این جی اوز اور وکلاء کی جانب سے خطوط ارسال کئے جانے پر چیف جسٹس سندھ ہائیکورٹ نے نوٹس لیتے ہوئے حکوت سندھ محکمہ خوراک و صحت سے جواب طلب کیا تھا۔

    درخواست گزاروں کا مؤقف تھا کہ تھر میں صورتِ حال پہلے ہی ابتر تھی اور اس پر سندھ ہائیکورٹ نے پہلے بھی نوٹس لیا تھا لیکن حکومت کی غفلت کے باعث دوبارہ صورتِ حال درست ہونے کے بجائے مزیدخراب ہوگئی ہے۔

    آج ہونے والی سماعت میں حکومت کی جانب سے کوئی جواب جمع نہیں کرایا گیا جس کے بعد عدالت نے سماعت پچیس نومبر تک ملتوی کرتے ہوئے دوبارہ نوٹس جاری کردیئےہیں۔

  • ماڈل ٹائون کیس: جے آئی ٹی کی تشکیل کو عوامی تحریک نے مسترد کردیا

    ماڈل ٹائون کیس: جے آئی ٹی کی تشکیل کو عوامی تحریک نے مسترد کردیا

    لاہور: ماڈل ٹائون لاہور میں پولیس فائرنگ سے پاکستان عوامی تحریک کے کارکنوں کی مبینہ اموات کی تفتیش کیلئے جی آئی ٹی تشکیل دےدی گئی، رحیق عباسی کا کہنا ہے کہ انہیں جے آئی ٹی پر اعتماد نہیں۔

    ماڈل ٹاؤن فائرنگ کیس کی تحقیقات کیلئےپانچ رکنی جوائنٹ انوسٹی گیشن ٹیم تشکیل دے دی گئی جس کی سربراہی سی سی پی او کوئٹہ عبدالرزاق چیمہ کرینگے، جے آئی ٹی میں آئی ایس آئی کے نمائندے بھی شامل ہونگے، جوائنٹ انوسٹی گیشن ٹیم نواز شریف، شہباز شریف سمیت وفاقی اور صوبائی وزراء سے تفتیش کرے گی، پاکستان عوامی تحریک کے سربراہ ڈاکٹر طاہرالقادری نے سانحہ ماڈل ٹاؤن کی تحقیقات کیلئے جے آئی ٹی کا مطالبہ کیا تھا۔

    پاکستان عوامی تحریک کے رہنما رحیق عباسی نے حکومت کی جے آئی ٹی کو مسترد کرتے ہوئے کہا ہے کہ وہ اس ٹیم سے مطمئن نہیں، انکا کہنا تھا کہ عوامی تحریک نے حکومت کو بتادیا تھا کہ اسے عبدالرزاق چیمہ پر اعتماد نہیں، عوامی تحریک کا مطالبہ تھا کہ جے آئی ٹی میں آئی ایس آئی اور ایم آئی دونوں کوشامل کیاجائے،رحیق عباسی نے کہا کہ پولیس قاتل ہے ہے اس کی تفتیش پر اعتماد نہیں کیاجاسکتا۔

  • چیف الیکشن کمشنرکیلئےحکومت اوراپوزیش کاجسٹس(ر)طارق پرویزکےنام پرغور

    چیف الیکشن کمشنرکیلئےحکومت اوراپوزیش کاجسٹس(ر)طارق پرویزکےنام پرغور

    اسلام آباد: حکومت اور اپوزیشن نے جسٹس ریٹا ئرڈ رانا بھگوان داس اور جسٹس (ر)تصدق حسین جیلانی کے انکار کے بعد پشاور ہائیکو رٹ کے سابق چیف جسٹس اور سابق نگران وزیر اعلیٰ جسٹس ریٹائرڈ طارق پرویز کو چیف الیکشن کمشنر بنانے کیلئے مشاورت شروع کردی۔

    جسٹس (ر) رانا بھگوان داس اور جسٹس تصدق حسین جیلانی کے انکار کے بعد اب چیف الیکشن کمشنر کیلئے حکومت اور اپوزیش نے جسٹس (ر) طارق پرویز کے نام پر غور شروع کردیا اس سلسلے میں وزیر خزانہ اسحاق ڈار اور خورشید شاہ کے درمیان ٹیلی فونک رابطہ ہوا اور مشاورت کی گئی دونوں رہنماوں نے اس بات پر اتفاق کیا کہ جسٹس (ر) طارق پرویز کی رضا مندی کے لیے ان سے رابطے کیا جا ئے اور اگر وہ چیف الیکشن کمشنر بننے پر تیار ہوں تو ان کا نام پارلیمانی کمیٹی کو بھیجا دیا جائے گا۔

    جسٹس ریٹا ئرڈ طا رق پرویز پشاور ہا ئیکو رٹ کے چیف جسٹس اور نگران وزیر اعلیٰ کے فرائض بھی انجا م دے چکے ہیں اور دو ہزار تیرہ کے انتخابات کے دوران وہ نگران وزیر اعلیٰ تھے اب دیکھنا یہ ہے کہ وہ چیف الیکشن کمشنر بننے پر رضا مند ہو تے ہیں یا وہ بھی اپنے ساتھی ججز کی پیروی کر تے ہو ئے اس عہدے کیلئے شکریے کے ساتھ معذرت کرلیتے ہیں۔