Tag: حکومت

تھائی لینڈ میں وزیراعظم شیناواترا کی حکومت پر گرفت کمزور پڑتی جا رہی ہے، مظاہرین نے حکومت پر دباؤ برقرار رکھنے کے لئے دارالحکومت کو مفلوج کر دیا۔

تھائی حکومت حزب اختلاف کی جانب سے کئے جانے والے مظاہرے روکنے میں ناکام ہوگئی، ہزاروں کی تعداد میں مظاہرین سڑکوں پر نکل آئے، مظاہرین نے وزیراعظم ہاوس جانے والے تمام رستے مسدود کر دئیے۔

مظاہرین کا کہنا ہے کہ وہ وزیراعظم کے مستعفی ہونے تک انکے خلاف احتجاج جاری رکھیں گے جبکہ فوج نے غیر جانبدار رہنے اور فرروی میں ہونیوالے انتخابات کےلئے قیام امن کے ماحول سازگار بنانے پر زور دیا ہے۔
    
    
   

جنوبی سوڈان میں حکومت اور شدت پسندوں کے درمیان پہلے باقاعدہ مذاکرات کا پہلا دور مکمل ہوگیا۔

غیرملکی خبر ایجنسی کے مطابق جنوبی سوڈان کی حکومت اور باغیوں کے نمائندوں کے درمیان جمعہ کو ایتھوپیا میں بات چیت کا آغاز ہوا، مصالحت کاروں نے امید ظاہر کی ہے کہ اس بات چیت میں جنوبی سوڈان میں تین ہفتوں سے جاری لڑائی بند کرنے کے لیے کوئی معاہدہ طے پا جائے گا۔

مذاکرات میں اہم کردار ادا کرنے والے ملک ایتھوپیا کی وزارت خارجہ نے کہا کہ بات چیت کے عمل میں مشرقی افریقہ کا علاقائی بلاک (آئی جی اے ڈی) کسی بھی ممکنہ حل سے متعلق معاونت فراہم کرنے کے لیے پرعزم ہے، جنوبی سوڈان میں متحارب گروہوں کے درمیان ہونے والی لڑائی میں اب تک ایک ہزار سے زائد افراد ہلاک ہو چکے ہیں۔

امریکی سفارتخانے نے جنوبی سوڈان میں سلامتی کی بگڑتی ہوئی صورتحال کے پیش نظر شہریوں کو ملک چھوڑنے کا حکم دے رکھا ہے جبکہ شہریوں انخلاء کا بھی خصوصی انتظام کر رکھا ہے۔
   

جنوبی سوڈان میں جاری نسل کشی تھمنے کے امکان پیدا ہوگئے، حکومت اور باغیوں کے درمیان امن مذاکرات کل ایتھوپیا میں ہوں گے۔

غیر ملکی خبر رساں ادارے کے مطابق افریقن ملکی ایتھوپیا کی جانب سے کی جانے والی ثالثی کی پیشکش کو دونوں متحارب گروہوں نے قبول کر لیا ہے۔ جنوبی سوڈان کے باغی رہنما اور سابق نائب صدر ریک مچار نے اس بات کی تصدیق کرتے ہوئے کہا کہ وہ ایک اعلیٰ سطحی وفد کو ایتھوپیا بھیج رہے ہیں، جو امن بات چیت کرے گا۔

اس سے پہلے ایتھوپیا کی حکومت کی جانب سے کہا گیا تھا کہ سلواکیر اور ریک مچار امن مذاکرات کے سلسلے میں ادیس ابابا میں ملاقات کے لیے پہنچ رہے ہیں، خیال رہے کہ جنوبی سوڈان میں گزشتہ دو ہفتوں سے سرکاری فورسز اور باغیوں کے درمیان جاری جھڑپوں میں ہزار سے افراد بھینٹ چڑ چکے ہیں۔