Tag: حکومت

اسلام آباد: جہاں ملک میں گیس کی قلت بڑھ رہی ہے وہیں حکومت اس وسیع خلا کو ختم کرنے کے لیے تقریباً ایک دہائی قبل زیر زمین گیس ذخیرہ کرنے کے منصوبے کو بحال کررہی ہے تاہم اب وفاقی حکومت نے سندھ میں زیر زمین گیس ذخیرہ تعمیر کرنے کا فیصلہ کرلیا ہے۔

دستاویز کے مطابق وفاقی حکومت نے انڈر گراؤنڈ سٹوریج بدین کے مقام پر تعمیر کرنے کی تجویز ہے اس منصوبے پر مجموعی طور پر ایک ارب 84 کروڑ 80 لاکھ روپے لاگت آئے گی۔

دستاویز میں بتایا گیا کہ وفاقی بجٹ میں منصوبے کے لئے 15 کروڑ روپے مختص کرنے کی تجویز  پیش کی گئی ہے۔

اس کے علاوہ حکومت نے گیس فیلڈز کے 5 کلو میٹر کے اندر علاقوں کو گیس فراہم کرنے کا فیصلہ کیا ہے، یہ اقدام سپریم کورٹ کے احکامات کے بعد کیا جا رہا ہے۔

دستاویز میں کہا گیا ہے کہ اس منصوبے پر 86 کروڑ 90 لاکھ روپے کی لاگت آئےگی، وفاقی بجٹ میں اس منصوبے کے لیے 10 کروڑ روپے رکھنے کی تجویز پیش کی گئی ہے۔

اسلام آباد: حکومت نے اسکول نہ جانے والے بچوں کے حوالے سے قومی سطح پر فنڈ قائم کرنے کا فیصلہ کیا ہے یہ فیصلہ پہلی بار کیا جارہا ہے۔

تفصیلات کے مطابق بجٹ کو حتمی شکل دی جارہی ہے تاہم بجٹ میں اسکول  نہ جانے والے بچوں کے لیے نیشنل فنڈ فار ایڈریسنگ کرائسز آف آؤٹ آف اسکول چلڈرن کے قیام کی تجویز دی گئی۔

ذرائع نے بتایا کہ فند میں نیشنل فنڈ فار ایڈریسنگ کرائسز آف آؤٹ آف اسکول چلڈرن کے قیام پر 25 ارب 10 کروڑ روپے لاگت آئے گی۔

وفاقی حکومت نے 1100 ارب روپے کا ترقیاتی بجٹ تجویز کر دیا

ذرائع نے بتایا کہ آؤٹ آف اسکول بچوں کے لئے فنڈ مقامی وسائل سے قائم کیا جائے گا، اس کے علاوہ آئندہ مالی سال کے بجٹ میں فنڈ کے لئے بھی 10 کروڑ روپے رکھنے کی تجویز دی گئی ہے۔

حکام نے اس حوالے سے بتایا کہ ملک میں اسکول نہ جانے والے بچوں کی تعداد 2 کروڑ سے زائد ہے۔

وفاقی وزیر اطلاعات مریم اورنگزیب نے کہا ہے کہ حکومت نے اپنے شہریوں کیخلاف طاقت کا کوئی استعمال نہیں کیا۔

وفاقی وزیر اطلاعات مریم اورنگزیب نے گزشتہ دنوں ہونے والے تمام واقعات کے حوالے سے الجزیرہ ٹی وی کو انٹرویو میں بتایا کہ عمران خان کو گرفتار کر کے ہم  نے کوئی ہدف حاصل نہیں کرنا تھا، ان کو نیب نے القادر ٹرسٹ کرپشن کیس میں گرفتار کیا۔

مریم اورنگزیب نے کہا کہ عمران خان اور اس کی جماعت نے ہمیشہ ملک کو نقصان پہنچایا، انہوں نے اپنے دور اقتدار میں اپوزیشن کی مقبول لیڈر شپ کو جیلوں میں ڈالا، ایف آئی اے اور نیب کی تحقیقات میں عمران خان کو جواب دینا ہوگا۔

انہوں نے کہا کہ زمان پارک میں پی ٹی آئی کارکنوں نے پولیس پرپیٹرول بم پھینکے، پتھراؤ کیا، ایک جتھے کی صورت میں پی ٹی آئی کارکنوں نے جوڈیشل کمپلیکس پر حملہ کیا، عمران خان نے ہمیشہ تشدد اور انتشار کی سیاست کو فروغ دیا۔

وفاقی وزیر اطلاعات کا کہنا تھا کہ شرپسندوں نے جناح ہاؤس کی تاریخی عمارت کو نشانہ بنایا، شرپسندوں نے عسکری املاک اور تاریخی یادگاروں کو شدید نقصان پہنچایا۔

مریم اورنگزیب نے کہا کہ ان سب کے باوجود حکومت نے اپنے شہریوں کیخلاف طاقت کا کوئی استعمال نہیں کیا، توشہ خانہ سمیت کئی معاملات میں عمران خان کی کرپشن کے ثبوت موجود ہیں، وہ ہمیشہ ملکی سیاسی قیادت کیخلاف منفی زبان استعمال کرتے رہے۔

مریم اورنگزیب کا کہنا تھا کہ سپریم کورٹ نے اپنی نگرانی میں عمران خان کو پولیس لائن کے مہمان خانے میں بھجوایا، عمران خان، ان کی اہلیہ اور فرحت شہزادی سمیت کئی وزرا کرپشن میں ملوث رہے، سپریم کورٹ نے اپنی نگرانی میں عمران خان کو پولیس لائن کے مہمان خانے میں بھجوایا۔

انہوں نے مزید کہا کہ عمران خان نے اپنے دور میں شدید مہنگائی کے تحائف دیے، پی ٹی آئی حکومت نے آئی ایم ایف سے معاہدہ کر کے اس کی خلاف ورزی کی، انہوں نے ملکی ساکھ داؤ پر لگائی، ہمیں تباہ حال معیشت ورثے میں ملی۔

وفاقی وزیر مریم اورنگزیب نے کہا کہ عمران خان نے معیشت سے جو کھلواڑ کیا اسکی مثال نہیں ملتی، پاکستان محفوظ ہاتھوں میں ہے۔

سابق صوبائی وزیر قانون پنجاب راجہ بشارت نے کہا ہے کہ آخر کار حکومت کو انتخابات کی طرف آنا ہی پڑے گا۔

سابق صوبائی وزیر قانون پنجاب راجہ بشارت نے میڈیا سے گفتگو کرتے ہوئے کہا کہ عمران خان نے سنجیدگی کا مظاہرہ کرتے ہوئے مذاکرات کو تسلیم کیا، حکومت کی جانب سے تاخیری حربے استعمال کیے جا رہے ہیں۔

سابق وزیر  قانون کو کہنا تھا کہ آخر کاران کو انتخابات کی طرف آنا ہی پڑے گا، ملکی مفاد میں یہی بہتر ہے اور اسی سے استحکام آسکتا ہے، مذاکرات سے کوئی حل نکلتا ہے تو صورتحال تبدیل ہوسکتی ہے۔

راجہ بشارت کا مزید کہنا تھا کہ سپریم کورٹ نے اپنا حکم جاری کر رکھا ہے، فیصلے کے خلاف حکومت یا اسپیکر نے مقررہ وقت میں اپیل بھی نہیں کی۔

اسلام آباد: وزیر مملکت برائے خزانہ عائشہ غوث پاشا نے کہا ہےکہ گزشتہ حکومت نے ملک کی کریڈیبلٹی کمپرومائز کردی تھی۔

اسپیکر راجہ پرویز اشرف کی زیر صدارت قومی اسمبلی کا اجلاس ہوا، جہاں وزیر مملکت خزانہ عائشہ غوث پاشا نے کہا کہ گزشتہ حکومت نے ملک کی کریڈیبلٹی کمپرومائز کردی تھی، جس کی وجہ سے ہمیں مشکلات کا سامنا کرنا پڑا۔

عائشہ غوث پاشا کا کہنا تھا کہ ہمیں اسی وجہ سے آئی ایم ایف سے اسٹاف لیول معاہدے کیلئے ماضی سے ہٹ کر شرائط ماننا پڑ رہی ہیں، دوست ممالک مدد کیلئے آگے آرہے ہیں۔

عائشہ غوث پاشا نے مزید بتایا کہ سعودی عرب اوریو اے ای سے بھی توقعات وابستہ ہیں، امید ہے دوست ممالک کی مدد سے مسائل پر قابو پالیں گے۔

راولپنڈی : عوامی مسلم لیگ کے سربراہ شیخ رشید کا کہنا ہے کہ ریاست کا پہلا اصول عوام ہے اور عوام کو حکومت نے تباہ و برباد کر دیا۔

عوامی مسلم لیگ کے سربراہ شیخ رشید نے ٹوئٹ میں لکھا کہ 6 ارب ڈالرکی یقین دہانی نہیں مل رہی، یہ آئی ایم ایف سے خاک معاہدہ کرینگے، 50 فیصد ملک میں مہناگئی بڑھا دی، اسحاق ڈارکی تقریرکو قوم کے سامنے رکھا جائے۔

عوامی مسلم لیگ کے سربراہ کا کہنا تھا کہ بھوکے مرجائیں گے قومی اثاثوں پر سمجھوتہ نہیں کریں گے، ان کے ریلیف دینےکا نام عوام کو تکلیف دینا ہے۔

6ارب ڈالرکی یقین دہانی نہیں مل رہی،یہIMFسےخاک معاہدہ کرینگے۔50فیصد مہنگائی بڑھادی ہےاسحاق ڈارکی حساس تقریرکوقوم کےسامنےرکھاجائےبھوکےمرجائیں گےقومی اثاثوں پرسمجھوتہ نہیں کریں گےانکےریلیف دینےکانام عوام کوتکلیف دیناہےآپ سات سمندرپارخیرات کےلیےجارہےہیں اورتبدیلی آپکےپڑوس میں آگئی ہے

— Sheikh Rashid Ahmed (@ShkhRasheed) March 18, 2023

انہوں نے کہا کہ دیوالیہ ریاست کو کیا اور کہتے ہیں سیاست داؤ پر لگادی ہے، ریاست کا پہلا اصول عوام ہے اور عوام کو حکومت نے تباہ و بربادکردیا، عوام قومی سلامتی پرکوئی سمجھوتہ نہیں کرےگی۔

دوسری جانب مری کیس میں عدالت پیشی پر میڈیا سےگفتگو کرتے ہوئے شیخ رشید کا کہنا تھا کہ حکومت نےکیس میں ضمانت منسوخی کی درخواست دی ہے، یہ جھوٹ پر مبنی ایف آئی آر ہے، یہ شکست خوردہ حکومت ہے۔

شیخ رشید کا کہنا تھا کہ قوم نے کہا ہم جان دے دیں گے دباؤ میں نہیں آئیں گے، مجھے امید ہے مثبت فیصلہ آئیگا، میرے پیسے ، فون اور قیمتی چیزیں ان کے پاس ہیں واپس دلوائی جائیں، جج صاحب نےکہا ہے آپ درخواست دیں سارا سامان واپس دلو ا دیتا ہوں۔