حیدرآباد: پولیس نے سیکیورٹی پروٹوکول کی خلاف ورزی پر قاسم آباد سے غیر ملکی خاتون کو حراست میں لے لیا۔
حیدرآباد پولیس کے مطابق غیر ملکی خاتون چند روز سے مقامی شخص کے ہمراہ قاسم آباد میں مقیم تھی، خاتون نے بتایا وہ اپنے ساتھ زیر تعلیم رہنے والے دوست سے ملنے آئی تھی۔
پولیس کا کہنا ہے کہ خاتون نے سیکیورٹی پروٹوکول کی خلاف ورزی کی ہے، سیکیورٹی پروٹوکول خلاف ورزی پر خاتون کو واپس اسکے ملک روانہ کیا جائیگا۔
حیدر آباد پولیس کے مطابق حکومت نے غیرملکیوں کے سخت سیکیورٹی پروٹوکولز طے کیے ہیں، غیر ملکی خاتون سٹیزن کالونی میں رہ رہی تھی۔
