Tag: حیدرعباس رضوی

کراچی: متحدہ قومی مومنٹ کے رہنماحیدر عباس رضوی کاکہنا ہے کہ وزیراعظم کراچی آئے لیکن کالعدم تنظیموں کے خلاف کوئی کارروائی نہ ہوئی،انہوں نے آرمی چیف،وفاق اور وزیراعلی سندھ سے سنگین حالات کی جانب توجہ دینے کی اپیل کی ہے ۔

ایم کیو ایم رابطہ کمیٹی کے رکن حیدر عباس رضوی کا کہنا ہے کہ کالعدم مذہبی جماعتوں کے دہشت گرد کراچی میں دندناتے پھر رہے ہیں، لیکن حکمرانوں کی آنکھیں بند ہیں، ایم کیو ایم کے بے گناہ کارکنان کے گھروں پر روزانہ کی بنیادوں پر چھاپے مارے جارہے ہیں۔

حیدر عباس رضوی نے کہا کہ ایم کیو ایم کے کارکنان اور مسلک کی بنیاد پر شہریوں کو قتل کیا جارہا ہے، لیکن کوئی گرفتاری عمل میں نہیں آئی، قانون نافذ کرنے والے اداروں کی رٹ کو چیلج کیا جارہا ہے۔

انہوں نے کہا کہ ایسا لگتا ہے کہ کالعدم تنظیم کے دہشت گردوں کو قتل کا لائسنس دے دیا گیا ہے۔

کراچی: ایم کیوایم کے قائد الطاف حسین نے کہا ہے کہ بیرسٹر سیف کا سینیٹر بننا ثابت کرتا ہے کہ ایم کیوایم کسی تعصب پر یقین نہیں رکھتی ، ملک میں حقیقی تبدیلی صرف ایم کیوایم ہی کے ذریعے آئے گی۔

نائن زیرو پر کارکنان سے خطاب میں متحدہ قومی موومنٹ کے قائد الطاف حسین نے  کہا کہ ہم پر جھوٹے الزامات لگائے گئے،ہمیں پٹھانوں سندھیوں بلوچوں کا دشمن کہا گیا،جھوٹے الزامات لگا کر جیلوں میں بند کیا گیا،ہمارےخلاف جھوٹی کہانیاں بنائی گئیں اورسازشیں کی گئیں،لیکن ہم کسی بھی حال میں مایوس نہیں ہوئے،حق پرستی کا پیغام ملک کے کونے کونے میں پہنچائیں گے۔

الطاف حسین نے کہا کہ ایم کیو ایم ہی وہ جماعت ہے جو اسٹیٹس کو کی مخالف ہے،گھریلو خاتون کا سینیٹر بننا ہماری فراخ دلی ہے،ایم یو ایم ملک میں انقلابی تبدیلی لائے گی، نگہت مرزا نے کہا کہ ہم کوئی ایسا کام نہیں کرنا چاہتے جس سے الطاف حسین کو ٹھیس پہنچے، کسی بھی مشکل سے منہ نہیں موڑیں گے۔

بیریسٹر سیف نے کہا کہ ایم کیو ایم کے خلاف پھیلائے گئے پروپیگنڈے ختم ہو جائیں گے،الطاف حسین کے اعتماد پر پورا اتروں گا۔

متحدہ قومی موومنٹ کے قائد الطاف حسین نے بلامقابلہ سینیٹر منتخب ہونے پر نگہت مرزا اور بیرسٹر سیف اور کارکنان کو مبارکباد دی ہے، الطاف حسین کہتے ہیں ایم کیو ایم ہی وہ جماعت ہے جو اسٹیٹس کو کی مخالف ہے،ایم کیو ایم ہی ملک میں انقلابی تبدیلی لائے گی۔

کراچی: خالد مقبول صدیقی نے کہا ہے کہ ایم کیوایم نے الطاف حسین سے یوم اظہار یکجہتی منانے کا اعلان کیا ہے۔

ایم کیوایم اور تحریک انصاف کے رہنماوں کی بیان بازی مختلف شہروں میں کشیدگی بن کر پھیل گئی، عمران خان کے بیان کے بعد ایم کیوایم کےمرکزنائن زیروپرکارکنان کی بڑی تعدادجمع ہوگئی۔

متحدہ قومی موومنٹ کی رابطہ کمیٹی کے رکن خالد مقبول صدیقی کا کہنا تھا کہ الطاف حسین کی آواز کوئی دبا نہیں سکتا،انہوں نے کہا کہ ایم کیو ایم کل الطاف حسین سے یوم اظہار یکجہتی منائے گی۔

ایم کیو ایم رہنما خالد مقبول صدیقی کا کہنا تھا کہ شہر قائد آج ثابت کردیگا کہ وہ ایم کیو ایم کے قائد کو کتنا چاہتے ہیں، الطاف حسین محروموں اور مظلوموں کی آواز ہے۔

انہوں نے بتایا کہ الطاف حسین سے اظہار یکجہتی کےلئے آج عائشہ منزل سے مزار قائد تک ریلی نکالی جائیگی۔

دوسری جانب مختلف شہروں میں ایم کیو ایم کے کارکنان سڑکوں پر نکل آئے اورتحریک انصاف کے سربراہ عمران خان کے خلاف شدید احتجاج کیا ۔

کراچی : حیدر عباس رضوی نے کہا ہے کہ عمران خان کی پریس کانفرنس میں استعمال کی گئی زبان شرمناک ہے۔

عمران خان کی پر کانفرنس ردِعمل پرمتحدہ قومی مومنٹ کے رہنما حیدرعباس رضوی  کا کہنا تھا کہ  عمران خان کا زہنی توازن خراب ہوگیا ہے، عمران خان کے جو جی میں آئے کرے ہمیں کوئی فرق نہیں پڑھتا۔

انہوں نے کہا کہ عمران خان کا کردار دنیا کے سامنے ہے ، پشاور اسکول دورہ میں شہید بچوں کے ورثاء عمران خان کے ساتھ جیسے پیش آئے وہ سب کے سامنے ہے ۔

ان کا کہنا تھا کہ بزدلی کا طعنہ دینے والے طالبان اور داعش کی گود میں بیٹھ کر سیاست کرتے ہیں۔انہوں نے کہا کہ عمران خان نے ابھی ہمارا دیوانا پن نہیں دیکھا۔

دوسری جانب عمران خان کی پریس کانفرس کے بعد متحدہ قومی مومنٹ کی رابطہ کمیٹی نے ہنگامی پریس کانفرس طلب کرلی ہے ۔

کراچی: حیدر عباس رضوی نے کہا ہے کہ کراچی کو مقبوضہ کراچی بنا دیا گیا ہے،حکومت گونگی اور پولیس لنگڑی ہے، اگر سہیل کا کوئی کرمنل ریکارڈ ہے تو سامنے لایا جائے ۔

حیدرعباس رضوی کا کہناتھا کہ اپنے کارکن کے قتل کا ذمہ دار وزیراعلی سید قائم علی شاہ اور سندھ حکومت کو سمجھتے ہیں اور وزیراعظم نوازشریف سے اپیل کرتے ہیں کہ وہ پیپلزپارٹی کی دوستی چھوڑیں کیوں کہ پیپلز پارٹی کی صوبائی حکومت اپنے ساتھ ان کی وفاقی حکومت کو بھی لے ڈوبے گی۔

 انہوں نے کہا کہ روایت  بن چکی ہے کہ ایم کیو ایم کے کارکنوں پر تشدد کرتے ہوئے ان کے خاندان والوں سے پیسے بٹورے جائیں، کیا مقتول سہیل احمد کا جرم یہ تھا کہ وہ ایم کیو ایم کا یونٹ انچارج تھا جب کہ سیکیورٹی اداروں نے سہیل احمد کو 40 روز تک حراست میں رکھا اور اس دوران اسے تشدد کا نشانہ بنایا گیا۔

حیدر عباس رضوی کا کہنا تھا کہ اگر سہیل احمد کا کوئی کرمنل ریکارڈ ہے تو سامنے لایا جائے، حکومت سندھ بتائے کہ سہیل احمد کے بچوں کا کیا قصور تھا، کیا ہمارے کارکنوں اور ذمہ داروں پر اسی طرح بدترین تشدد کیا جاتا رہے گا اور کب تک ہمارے کارکنوں کی اسی طرح لاشیں ملتی رہیں گی۔

 ان کا کہنا تھا کہ ایم کیو ایم ہر ظلم کے خلاف سب سے پہلے آواز اٹھاتی ہے اور موجودہ صورتحال کو برداشت کر رہے ہیں، وزیراعظم حالات کی ناسازی کا نوٹس لیتے ہوئے کراچی میں قیام امن کے لئے سنجیدہ اقدامات کریں۔