پشاور: ایف آئی اے سائبر کرائم سرکل نے خاتون اور اہلخانہ کو ہراساں کرنے والے 2 ملزمان کو گرفتار کرلیا۔
تفصیلات کے مطابق ایف آئی اے سائبر کرائم سرکل ایبٹ آباد نے کارروائی کرتے ہوئے خاتون اور اہلخانہ کو ہراساں کرنے والے 2 ملزمان کو گرفتار کرلیا۔
حکام کا کہنا ہے کہ ملزمان نے خاتون سے متعلق قابل اعتراض مواد آن لائن شیئر کیا، ملزمان نے اہلخانہ کو بھی دھمکی آمیز پیغامات بھیجے تھے۔
ایف آئی اے حکام نے بتایا کہ ملزمان انٹرنیشنل واٹس ایپ نمبرز کا بھی استعمال کرتے تھے، 4 موبائل فونز اور سمز برآمد کرلی گئیں۔