منڈی بہاءالدین : ایک ڈیرے سے خاتون اور مرد کی لاشیں برآمد ہوئیں ، خاتون کے شوہر نے بیوی اور ڈیرے کے مالک کو اینٹوں کے وار سے قتل کیا۔

تفصیلات کے مطابق ضلع منڈی بہاءالدین کے علاقے بھکھی کے قریب واقع ایک ڈیرے سے خاتون اور مرد کی لاشیں برآمد ہوئی ہیں، جنہیں مبینہ طور پر اینٹوں کے وار سے قتل کیا گیا۔

پولیس نے واقعے کی تصدیق کرتے ہوئے بتایا کہ ابتدائی تحقیقات میں خاتون کے شوہر نے بیوی اور ڈیرے کے مالک کو قتل کیا اور موقع سے فرار ہو گیا۔

مزید پڑھیں : شوہر نے غیرت کے نام پر بیوی کو آگ لگادی

پولیس حکام کا کہنا تھا کہ واقعے کے بعد جائے وقوعہ کو سیل کر کے شواہد اکٹھے کیے جا رہے ہیں، جبکہ مقتولین کی لاشوں کو ضابطے کی کارروائی کے لیے اسپتال منتقل کر دیا گیا ہے۔

ذرائع کا کہنا ہے کہ واقعہ گھریلو تنازع یا ذاتی رنجش کا شاخسانہ ہو سکتا ہے تاہم پولیس نے تفتیش کا دائرہ وسیع کر دیا ہے اور فرار ہونے والے ملزم کی تلاش جاری ہے۔

پولیس کا کہنا ہے کہ جلد قاتل کو گرفتار کر کے قانون کے کٹہرے میں لایا جائے گا۔

کراچی: منگھوپیر یارمحمد گوٹھ میں گھر میں خاتون اورمرد کی لاشیں برآمد ہوئیں ، پولیس کا کہنا ہے کہ فائرنگ کاواقعہ غیرت کے نام پر قتل کا شاخسانہ ہے۔

تفصیلات کے مطابق کراچی کے علاقے منگھوپیر کے یارمحمدگوٹھ میں گھر سے خاتون اور مرد کی لاشیں ملی، ریسکیوذرائع نے کہا ہے کہ مقتولین نواب خان اورشہزادی کوفائرنگ سے قتل کیا گیا۔

پولیس حکام نے گھر میں خاتون اورمرد کی ہلاکت کے معاملے میں کہا کہ فائرنگ کاواقعہ غیرت کےنام پرقتل کاشاخسانہ ہے، ملزم علی خان نے فائرنگ کرکےاپنی بھابھی اورپڑوسی کو قتل کیا۔

پولیس کا کہنا تھا کہ قتل کےملزم علی خان کوموقع سےاسلحےسمیت گرفتارکرلیا، مقتولہ 3بچوں کی ماں تھی، شوہر کا کچھ عرصے قبل انتقال ہواتھا۔

حکام نے مزید بتایا کہ جاں بحق ہونے والا پڑوسی نواب خان غیرشادی شدہ تھا اور مزدوری کرتا تھا۔