Tag: خاتون اول

  • بھارت نے خاتون اول آصفہ بھٹو کا ایکس اکاؤنٹ بھی بلاک کر دیا

    بھارت نے خاتون اول آصفہ بھٹو کا ایکس اکاؤنٹ بھی بلاک کر دیا

    پہلگام فالس فیلگ آپریشن کے بعد مودی حکومت بوکھلاہٹ کا شکار ہے اب بھارت نے پاکستان کی خاتون اول آصفہ بھٹو کا ایکس اکاؤنٹ بھی بلاک کر دیا ہے۔

    گزشتہ ماہ 22 اپریل کو پہلگام فالس فلیگ آپریشن کے فوری بعد بھارت کی جانب سے بغیر کسی ثبوت کے اس کا الزام پاکستان پر عائد کرنے اور سندھ طاس معاہدہ ختم کرنے کے بعد مودی حکومت کو دنیا بھر میں ہزیمت میں سامنا ہے اور اقوام عالم مودی سرکار کے جھوٹے پروپیگنڈے کا شکار نہیں ہو رہے ہیں۔

    دنیا سے اپنے جھوٹے بیانیے کی پذیرائی نہ ملنے پر مودی سرکار بوکھلاہٹ کا شکار ہو کر اوچھے ہتھکنڈوں پر اتر آئی ہے اور اب بھارتی حکومت نے پاکستان کی خاتون اول آصفہ بھٹو کا ایکس اکاؤنٹ بھی بلاک کر دیا ہے۔

    بھارت کے اس اقدام کی پاکستان پیپلز پارٹی پارلیمنٹرینز کی مرکزی ترجمان شازیہ مری نے شدید مذمت کرتے ہوئے کہا ہے کہ بھارت ریاستی دہشتگردی کے بعد اب سوشل میڈیا پر دہشتگردی میں مصروف ہے اور سوشل میڈیا اکاؤنٹس بلاک کرکے کھسیانی بلی کھمبا نوچے کی مثال پر گامزن ہے۔

    شازیہ مری نے کہا کہ مودی نے سوشل میڈیا کو بھی بی جے پی کی طرح نفرت اور مظلوم کی آواز دبانےکا آلہ سمجھ لیا ہے لیکن پی پی کی قیادت بھارت کا اصل چہرہ دنیا کو دکھاتی رہے گی۔ وہ دن دور نہیں، جب مودی اپنےانجام کو پہنچےگا اور اس کے خلاف مقدمات عالمی عدالت میں چلیں گے۔

    واضح رہے کہ پہلگام فالس فلیگ آپریشن کے بعد مودی سرکار کی بوکھلاہٹ کا اندازہ اس بات سے لگایا جا سکتا ہے کہ وہ پاکستانی وزیراعظم، آئی ایس پی آر، پی پی چیئرمین بلاول بھٹو مختلف شعبہ زندگی سے تعلق رکھنے والی اہم شخصیات، فنکاروں، کھلاڑیوں کے اکاؤنٹس، اے آر وائی سمیت مین اسٹریم میڈیا کے سوشل میڈیا اکاؤنٹس اور یو ٹیوب چینلز بند کر چکی ہے۔

    https://urdu.arynews.tv/after-pahalgam-bilawal-bhutto-x-account-block-in-india/

  • اپوزیشن ارکان کے خاتون اول  اور فرح خان پر بے بنیاد الزامات  مسترد

    اپوزیشن ارکان کے خاتون اول اور فرح خان پر بے بنیاد الزامات مسترد

    لاہور : پاکستان تحریک انصاف کے رہنما عثمان بزدار نے اپوزیشن ارکان کی جانب سے خاتون اول  بشریٰ بی بی اور فرح خان پر بے بنیاد الزامات کو مسترد کردیا۔

    تفصیلات کے مطابق پاکستان تحریک انصاف کے رہنما عثمان بزدار نے سماجی رابطے کی ویب سائٹ ٹوئٹر پر اپنے بیان میں کہا کہ خاتون اول اور فرح خان پربے بنیاد الزامات کو قطعی مسترد کرتا ہوں اور علیم خان، چوہدری سرور سمیت اپوزیشن ارکان کے الزامات کی تردید کرتاہوں۔

    عثمان بزدار نے بلا ثبوت الزام تراشی کی مذمت کرتے ہوئے کہا پنجاب میں تقرروتبادلےمیرٹ اورقواعد و ضوابط کےمطابق ہوتے ہیں۔

    رہنما پی ٹی آئی نے کہا کہ منی لانڈرنگ اور کرپشن کےبے تاج بادشاہوں کا ایک وطیرہ رہا ہے ، سیاسی میدان میں مات کھائیں تو حریفوں اوراداروں پر الزامات لگاتے ہیں ، سیاسی میدان میں شکست خوردہ من گھڑت الزامات لگاکرخفت نہیں چھپا سکتے۔

    ان کا مزید کہنا تھا کہ الحمد للہ ایک اور انٹرنیشنل ٹیم کا ٹور آج مکمل ہوا ، پاکستان کےلیےعالمی سپورٹس ایونٹس کےدروازے کھل جائیں گے، اپنی ٹیم، پی سی بی، ضلعی انتظامیہ،پولیس اوردیگراداروں کو مبارکباد دیتا ہوں۔

  • ‘خاتون اول کیخلاف نازیبا ریمارکس، بلاول بھٹو قوم سے  معافی مانگیں’

    ‘خاتون اول کیخلاف نازیبا ریمارکس، بلاول بھٹو قوم سے معافی مانگیں’

    لاہور : وزیراعلیٰ پنجاب عثمان بزدار نے خاتون اول کیخلاف نازیبا ریمارکس کی مذمت کرتے ہوئے کہا بلاول قوم سے معافی مانگیں۔

    تفصیلات کے مطابق وزیراعلیٰ پنجاب عثمان بزدار نے خاتون اول سے متعلق چیئرمین پیپلزپارٹی بلاول کے بیان کی مذمت کرتے ہوئے کہا کہ نامعقول بیان اخلاقی دیوالیہ پن کا ثبوت ہے۔

    عثمان بزدار کا کہنا تھا کہ بلاول بے بنیاد الزامات لگانے کے بجائے پہلے اپنا گھر دیکھیں،  یہ عدم اعتمادکی یقینی ناکامی کو دیکھتے ہوئے فرسٹریشن کاشکار ہیں۔

    وزیراعلیٰ پنجاب نے کہاکہ بے سروپا ریمارکس ناقابل برداشت ہیں، بلاول کونازیباریمارکس پرقوم سےمعافی مانگنی چاہیے، سیاست میں تہذیب واحترام کے اصولوں کےقائل ہیں۔

    ان کا مزید کہنا تھا کہ ٹرانسفر پوسٹنگ سےمتعلق بیان حقائق کےمنافی اور غلط ہے، پنجاب میں ہرسطح پر میرٹ کو فروغ دیا گیا، صوبے میں 100 فیصد تقرر وتبادلے میرٹ پر ہوتے ہیں۔

  • خاتون اول کے خلاف میڈیا پروپیگنڈا،  عالیہ حمزہ کی  پیمرا میں درخواست جمع

    خاتون اول کے خلاف میڈیا پروپیگنڈا، عالیہ حمزہ کی پیمرا میں درخواست جمع

    لاہور : تحریک انصاف کی رہنما عالیہ حمزہ نے خاتون اول  بشریٰ بی بی کے خلاف میڈیا پروپیگنڈے سے متعلق پیمرا میں درخواست جمع کرادی۔

    تفصیلات کے مطابق خاتون اول کے خلاف میڈیا پروپیگنڈے متعلق تحریک انصاف کی رہنما عالیہ حمزہ نے پیمرا میں درخواست جمع کرادی۔

    درخواست میں کہا گیا کہ میڈیا اور سوشل میڈیا پر خاتون اول کی تضحیک دیکھ کر افسوس ہوا، پاکستانی میڈیا کا پروپیگنڈا بھارتی ٹی وی چینلزنےبھی بریکنگ نیوزبناکر چلایا۔

    عالیہ حمزہ نے استدعا کی کہ نجم سیٹھی اور ان کے اخبار سے وضاحت لی جائے۔

    دوسری جانب وزیراعظم عمران خان، خاتون اول، حکومتی شخصیات اور اداروں کے خلاف سوشل میڈیا پر پروپیگنڈا والے افراد کے خلاف ایف آئی اے نے کارروائیاں تیز کر دیں۔

    انٹیلی جنس بیورو نے وزیر اعظم سیکرٹریٹ کی ہدایت پر پراپیگنڈا کرنے والوں کی لسٹیں تیار کر کے سائبر کرائم کو بھیج دیں ہیں۔

    ایف آئی اے سائبر کرائم ونگ کو 270 سوشل میڈیا صارفین کی لسٹیں فراہم کی گئیں، جن پر کارروائیوں کا آغاز کر دیا ہے۔

  • امریکی خاتون اول نے اپریل فول پر صحافیوں کو بیوقوف بنا دیا

    امریکی خاتون اول نے اپریل فول پر صحافیوں کو بیوقوف بنا دیا

    واشنگٹن: امریکی خاتون اول جل بائیڈن نے اپریل فول مناتے ہوئے صحافیوں کو بیوقوف بنا دیا، ایئر فورس ون کے طیارے میں خاتون اول ایئر ہوسٹس بن گئیں۔

    بین الاقوامی ویب سائٹ کے مطابق امریکی صدر جوبائیڈن کی اہلیہ اور خاتون اول جل بائیڈن نے طیارے میں ساتھ سفر کرنے والے صحافیوں کو اپریل فول بنا دیا۔

    امریکی خاتون اول جل بائیڈن نے ایئر فورس ون میں ایئر ہوسٹس کا یونیفارم زیب تن کر لیا اور سر پر وگ لگا لی جس سے کوئی بھی انہیں پہچان نہ سکا۔

    خاتون اول نے اسی حلیے میں صحافیوں کو کھانا بھی پیش کیا تاہم وہ انہیں پہچاننے سے قاصر رہے۔

    بعد ازاں جل بائیڈن نے اپنے چہرے سے فیس ماسک ہٹا کر سب کو کہا اپریل فول جس کے بعد طیارہ قہقہوں سے گونج ٹھا۔

    اس سے قبل امریکی خاتون اول اپنی کتاب میں اس بات کا تذکرہ کرچکی ہیں کہ وہ لوگوں سے پرینک یا مذاق کر کے لطف اندوز ہوتی ہیں۔

  • وائٹ ہاؤس چھوڑ کر گھر جانے سے متعلق میلانیا ٹرمپ کیا کہتی ہیں؟

    وائٹ ہاؤس چھوڑ کر گھر جانے سے متعلق میلانیا ٹرمپ کیا کہتی ہیں؟

    واشنگٹن: جہاں ایک طرف ڈونلڈ ٹرمپ وائٹ ہاؤس میں رہنے کے لیے ایڑی چوٹی کا زور لگا رہے ہیں وہاں ان کی اہلیہ خاتون اوّل میلانیا نے کہا ہے کہ وہ بس گھر جانا چاہتی ہیں۔

    امریکی میڈیا کے مطابق خاتون اوّل مزید چار سال تک ملک کی باگیں تھامے رکھنے کے سلسلے میں صدر ٹرمپ کے منصوبے کے ساتھ متفق نہیں ہیں، ایک سفیر نے کہا ہے کہ امریکی خاتون اوّل میلانیا ٹرمپ گھر جانا چاہتی ہیں۔

    میلانیا کا کہنا ہے کہ 2024 تک کی دوسری صدارتی مدت بھی ہو سکتا ہے کہ اچھا نہ گزرے، امریکی میڈیا کے ذرایع کا کہنا ہے کہ میلانیا ٹرمپ نے اپنی ساری توجہ واشنگٹن سے اپنی رخصتی پر مرکوز کر رکھی ہے۔

    میڈیا کے مطابق صدر ٹرمپ وائٹ ہاؤس میں اپنے قیام کو طول دینے کے لیے کوئی راستہ ڈھونڈ رہے ہیں اور ایسے میں خاتون اوّل یہ طے کر رہی ہیں کہ اسٹوریج میں کیا رکھنا ہے، اور فلوریڈا کے پام بیچ پر جانے کے لیے کیا کیا ساتھ لے جانا چاہیے۔

    دوسری طرف میلانیا ٹرمپ کے چیف آف اسٹاف اسٹیفنی گریشم کا کہنا ہے کہ خاتون اوّل کی مصروفیات بدستور جاری ہیں، ان کی توجہ فرسٹ لیڈی کا کردار ادا کرنے پر مرکوز ہے۔

    بیان میں کہا گیا کہ میلانیا نے پیر کو وائٹ ہاؤس میں ٹینس پویلین کی تکمیل کا اعلان کر کے وائٹ ہاؤس میں اپنے رہنے کی چاہت کا اظہار کیا، اسی طرح حال ہی میں انھوں نے نئے سرے سے تزئین و آرائش سے گزرنے والے روز گارڈن میں ایک نئے فن پارے کی نقاب کشائی کی تھی۔

  • برازیل کی خاتونِ اول بھی کرونا وائرس کا شکار ہو گئیں

    برازیل کی خاتونِ اول بھی کرونا وائرس کا شکار ہو گئیں

    برازیلیا: برازیل کی خاتونِ اول میشل بولسونارو بھی کرونا وائرس کا شکار ہو گئی ہیں، 38 سالہ خاتون اول کو وِڈ 19 کی تشخیص کے بعد آئسولیشن میں چلی گئی ہیں۔

    تفصیلات کے مطابق جمعرات کو برازیل کی خاتون اول میں کرونا وائرس کی تشخیص ہوئی ہے جس کے بعد میشل بولسونارو قرنطینہ میں چلی گئی ہیں، 2 روز قبل برازیلین صدر جائر بولسونارو کا کرونا ٹیسٹ منفی آیا تھا۔

    صدارتی ایوان کی جانب جاری نوٹس میں کہا گیا کہ میشل بولسونارو تن درست ہیں، اور وہ طے شدہ پروٹوکولز پر عمل درآمد کرتی رہیں گی، جب کہ ان کی صحت کی دیکھ بھال صدارتی میڈیکل ٹیم کرے گی۔

    برازیلی میڈیا کا کہنا ہے کہ میشل بولسونارو نے 24 گھنٹے قبل ہی اپنے شوہر کے ہم راہ برازیلیا میں ایک عوامی تقریب میں شرکت کی تھی، خواتین کے حقوق سے متعلق گفتگو کرتے ہوئے انھوں نے ماسک بھی پہنا تھا۔

    برازیل کے صدر کا تیسرا کرونا ٹیسٹ بھی مثبت

    واضح رہے کہ کرونا وائرس سے اموات اور کیسز کی تعداد کے لحاظ سے برازیل امریکا کے بعد 213 ممالک میں دوسرا سر فہرست ملک ہے، اب تک برازیل میں 26 لاکھ 13 ہزار سے زائد کیسز کی تصدیق ہو چکی ہے جب کہ ہلاکتوں کی تعداد 91 ہزار 377 ہے۔

    برازیل میں 18 لاکھ 24 ہزار مریض کرونا وائرس سے صحت یاب ہو چکے ہیں جب کہ 7 لاکھ کے قریب کیسز اب بھی فعال ہیں، جن میں سے 8 ہزار کی حالت تشویش ناک ہے۔

  • قانون کی تعلیم ان شخصیات نے بھی حاصل کی تھی!

    قانون کی تعلیم ان شخصیات نے بھی حاصل کی تھی!

    یہ تصویر تو ہمارے ملک کے شہر لاہور کی ہے جہاں کالے کوٹ والے احتجاج کی غرض‌ سے سڑک پر نظر آرہے ہیں. مگر یہاں ہم دنیا کی ان مشہور شخصیات کا تذکرہ کررہے ہیں‌ جنھوں‌ نے قانون کی تعلیم حاصل کرنے کے بعد وکالت اور دیگر شعبوں‌ میں‌ نمایاں‌ خدمات انجام دیں‌ اور اپنے ملک اور قوم کا نام روشن کیا.

    نیلسن منڈیلا
    دنیا بھر میں نسلی امتیاز اور مساوات کے لیے جدوجہد کرنے کے حوالے سے مشہور نیلسن منڈیلا بھی قانون کے طالبِ علم رہے۔ انھوں نے جوہانسبرگ میں وکالت کی تعلیم مکمل کی۔ نیلسن منڈیلا نے افریقی نیشنل کانگریس کے پلیٹ فارم سے نسل پرستی کے خلاف لڑائی میں حصہ لیا اور آج دنیا بھر میں‌ حقوقَ انسانی کی جدوجہد اور اس راستے میں صعوبتیں برداشت کرتے ہوئے ثابت قدم رہنے کی وجہ سے انھیں‌ عزت اور احترام سے یاد کیا جاتا ہے۔

    فیدل کاسترو
    فیدل کاسترو کو دنیا ایک کمیونسٹ راہ نما اور کیوبا میں انقلاب کے سربراہ کے طور پر جانتی ہے۔ فیدل کاسترو نے یونیورسٹی آف ہوانا سے قانون کی تعلیم حاصل کی جس کے بعد انھوں نے اپنے سیاسی اور فکری راہ نمائی کے سفر کا آغاز کیا۔ 1926 کو کیوبا میں پیدا ہونے والے فیدل کو طویل جدوجہد کے بعد ملک کا صدر چنا گیا۔

    ہلیری کلنٹن
    امریکی خاتونِ اول اور اہم ریاستی عہدوں پر خدمات انجام دینے والی ہلیری کلنٹن کو دنیا ایک قانون داں کی حیثیت سے بھی جانتی ہے۔ وکالت کے شعبے میں سرگرم رہنے والی ہلیری کلنٹن نے اس شعبے میں رہتے ہوئے صنفی امتیاز کے خاتمے اور تعلیمی اصلاحات کے حوالے سے قابلِ ذکر کردار ادا کیا۔1947 میں پیدا ہونے والی ہلیری ان دنوں عورتوں کو بااختیار بنانے کے حوالے سے سرگرم ہیں۔

    بارک اوباما
    امریکی ریاست ہوائی میں 1961 میں پیدا ہونے والے بارک اوباما نے کولمبیا یونیورسٹی اور ہارورڈ کے مدرسۂ قانون سے اس مضمون میں ڈگری حاصل کی۔ بارک اوباما امریکا کے صدر رہے ہیں۔ اس سے قبل انھوں نے شکاگو میں سماجی کاموں کے ذریعے شناخت بنائی اور پھر بہ طور وکیل کام کیا.

    مشیل اوباما
    مشیل اوباما نے بھی ہارورڈ یونیورسٹی سے قانون کی ڈگری حاصل کی اور امریکا میں ایک وکیل کی حیثیت سے نام و مقام بنایا۔ وہ سابق امریکی صدر بارک اوباما کی شریکِ حیات ہیں اور امریکی خاتونِ اول بھی رہ چکی ہیں۔ 1964 میں پیدا ہونے والی مشیل اوباما امریکا اور دنیا بھر میں عورتوں کو انصاف اور تحفظ دینے کے لیے قانونی خدمات کے حوالے سے پہچانی جاتی ہیں۔

    گاندھی
    4 ستمبر 1888 کو مہاتما گاندھی نے قانون کی تعلیم حاصل کرنے اور بیرسٹر بننے کے لیے برطانیہ گئے اور یونیورسٹی کالج آف لندن کا حصّہ بنے۔ قانون کی تعلیم مکمل کرنے کے بعد جنوبی افریقا چلے گئے جہاں 1893 میں پریٹوریا میں مقیم مسلم ہندوستانی تاجروں کے قانونی نمائندے کے طور پر کام کیا۔ جنوبی افریقا میں وکالت کے دوران گاندھی نے ہندوستانی باشندوں کے شہری حقوق کی جدوجہد کی۔

  • مزار قائد کو گلابی روشنی سے کیوں منور کیا گیا؟

    مزار قائد کو گلابی روشنی سے کیوں منور کیا گیا؟

    کراچی: پاکستان میں بریسٹ کینسر سے متعلق آگاہی مہم کے سلسلے میں آج مزار قائد کو گلابی روشنی سے منوّر کیا گیا، اس سلسلے میں ایک تقریب بھی منعقد کی گئی جس سے خاتون اوّل ثمینہ علوی نے خطاب کیا۔

    تفصیلات کے مطابق چھاتی کینسر سے متعلق پاکستان میں مہم چلائی جا رہی ہے، اس سلسلے میں کراچی میں مزار قائد کو گلابی روشنی میں نہلایا گیا۔

    آگاہی مہم کی تقریب خطاب کرتے ہوئے خاتون اول ثمینہ علوی نے کہا کہ اکتوبر پوری دنیا میں بریسٹ کینسر کی آگاہی کا مہینہ ہے، دنیا میں آگاہی پھیلنے سے 98 فی صد ریکوری ممکن ہو چکی ہے لیکن پاکستان میں 45 سے 50 فی صد مریض موت کا شکار ہو جاتے ہیں۔

    یہ بھی پڑھیں:  بریسٹ کینسر کا علاج موجود ہے تاخیر نہیں کرنی چاہیے، خاتون اوّل

    ثمینہ علوی کا کہنا تھا کہ صدر پاکستان عارف علوی کو بھی اس مرض کی سنگینی سے آگاہ کیا گیا ہے، میں خواتین کی جانیں بچانے کے لیے آگاہی کے لیے کام کر رہی ہوں، دنیا میں آگاہی کی وجہ سے جلد تشخیص ہو جاتی ہے۔

    خاتون اوّل نے کہا کینسر میں مبتلا خواتین اس مرض کو چھپاتی ہیں، جس گھر کی عورت کو بریسٹ کینسر ہو وہ گھر ٹوٹ جاتا ہے، کم عمر بچیوں میں بھی یہ پھیل رہا ہے، مرد بھی اپنی بہنوں اور گھر کی خواتین کی مدد کریں۔

    انھوں نے اس عزم کا اظہار کیا کہ پاکستان میں بھی چھاتی کے کینسر کی مکمل ریکوری کو ممکن بنایا جائے گا، جناح میں علاج کی سہولت ہے، علاج مہنگا ہے اس لیے نجی اسپتال بھی اس میں حصہ لیں، کراچی میں اور بھی 2 تین اسپتالوں میں علاج مہیا کیا جا رہا ہے۔

  • فرانسیسی خاتون اول کو بدصورت کہنے والے برازیلی وزیر نے معافی مانگ لی

    فرانسیسی خاتون اول کو بدصورت کہنے والے برازیلی وزیر نے معافی مانگ لی

    پیرس: فرانسیسی خاتون اول کو بدصورت کہنے والے برازیل کے وزیر اقتصادیات نے معافی مانگ لی.

    تفصیلات کے مطابق فرانس اور برازیل کے درمیان بیانات کی جنگ جاری ہے۔ یہ معاملہ برازیلی صدر جیک بولسنارو کی جانب سے فرانس کی خاتون اول بریگیٹ ماکروں کے بارے میں تضحیک آمیز ریمارکس کے بعد سامنے آیا.

    برازیل کے وزیر اقتصادیات پالو گیڈس سے جب اس بیان سے متعلق پوچھا گیا، تو انھوں‌نے کہا کہ صدر کا موقف درست ہے، وہ "واقعی بدصورت” ہیں.

    ان بیانات کی وجہ سے دونوں ممالک کے درمیان فاصلہ بڑھنے لگا تھا. عالمی میڈیا کی جانب سے بھی برازیل کے اعلیٰ عہدے داروں‌ کے بیانات پر کڑی تنقید کی گئی.

    البتہ اب وزیر اقتصادیات پالو گیٹس نے معذر کر لی ہے. انھوں‌ نے کہا کہ وہ کوئی ذاتی حملہ نہیں‌ کرنا چاہتے تھے.

    گیڈیس کے پریس آفس سے جاری کردہ بیان کے مطابق انھوں‌نے اپنے متنازع ریمارکس پر معذرت مانگ لی ہے.