Tag: خاتون بینک ملازم

  • خاتون بینک ملازم کو کریڈٹ کارڈ بنوانے کے لیے دھوکے سے بلا کر زیادتی

    خاتون بینک ملازم کو کریڈٹ کارڈ بنوانے کے لیے دھوکے سے بلا کر زیادتی

    کراچی (13 اگست 2025): بہادر آباد شیرپاؤ کالونی میں بینک میں کام کرنے والی ایک خاتون سے کریڈٹ کارڈ بنوانے کے بہانے زیادتی کا انکشاف ہوا ہے، متاثرہ خاتون نے مقدمہ درج کروا دیا۔

    تفصیلات کے مطابق شیرپاؤ کالونی دھوراجی میں خاتون سے مبینہ زیادتی کا انکشاف ہوا ہے، متاثرہ خاتون نے بہادر آباد تھانے میں واقعے کا مقدمہ درج کر لیا، جس کے مطابق ملزمان نے کریڈٹ کارڈ بنوانے کے بہانے انھیں بلا کر نشانہ بنایا اور ویڈیو بناتے رہے۔

    خاتون نے بیان میں بتایا ’’میں بینک میں گاڑیوں کی لیزنگ اور کریڈٹ کارڈ کا کام کرتی ہوں، گزشتہ ماہ ایک شخص نے مجھ سے کریڈٹ کارڈ بنوانے کے لیے رابطہ کیا، مجھے 10 اگست کو دھوراجی میں ایک اسپتال پر بلوایا گیا، اسپتال پہنچی تو سامنے والی گلی میں ایک مکان پر لے گئے۔‘‘

    خاتون کا کہنا تھا کہ گھر میں پہلے سے ایک مرد اور خاتون بھی موجود تھے، انھیں جوس پلایا گیا جس کے بعد وہ نیم بے ہوش ہو گئی، پھر دوسرے آدمی نے انھیں بیڈ پر باندھ دیا اور پہلا آدمی زیادتی کرتا رہا۔


    گھر بیٹھے نادرا میں پیدائش اور وفات کے آن لائن اندراج کا آغاز


    خاتون نے بتایا ’’ملزمان ایک گھنٹے تک زیادتی کرتے رہے اور دوران خاتون ویڈیوز بناتی رہی، اس شخص نے مجھے کہا دوبارہ ملنے آنا ورنہ ویڈیو وائرل کر دوں گا، اور مجھ سے کہا میں تمھیں جان سے بھی مار دوں گا۔‘‘

    متاثرہ خاتون نے کہا کہ وہ وہاں سے نکلنے کے بعد رکشے میں سیدھے جناح اسپتال پہنچی۔ تفتیشی افسر کا کہنا ہے کہ خاتون کا میڈیکل ٹیسٹ کروا لیا گیا ہے، بلڈ سیمپل ثواب، شلوار قمیض اور دیگر شواہد سربمہر کر دیے گئے ہیں۔

  • مرد منہ دیکھتے رہ گئے، خاتون بینک ملازم نے ڈکیت کو مار بھگایا

    مرد منہ دیکھتے رہ گئے، خاتون بینک ملازم نے ڈکیت کو مار بھگایا

    بھارت میں بہادر خاتون ملازم نے بینک میں ڈکیتی کی نیت سے گھنسے والے شخص کو مار بھگایا، سوشل میڈیا صارفین خاتون کی بہادری کا اعتراف کرنے پر مجبور ہوگئے۔

    سوشل میڈیا پر وائرل ہونے والی یہ ویڈیو ریاست راجھستان کے شہر سری گنگا نگر کے ایک بینک کی ہے، ویڈیو میں دیکھا جاسکتا ہے کہ منہ پر ڈھاٹا باندھے ایک شخص بینک میں گھس آیا ہے، اس کے ہاتھ میں بڑا سا چھرا ہے۔

    اس دوران ایک خاتون بینک کے اندر سے نکلتی ہیں اور نہایت سکون سے ڈکیت سے بات کرتی ہیں، ڈکیت بوکھلائے ہوئے انداز میں چاقو لہرا کر سب کو دھمکاتا ہے۔

    اس دوران ایک شخص ڈکیت کا چاقو چھیننے کی کوشش کرتا ہے لیکن ناکام رہتا ہے، ڈکیت بپھر جاتا ہے جس پر وہاں موجود لوگ اسے پرسکون کرنے کی کوشش کرتے ہیں۔

    اسی دوران اس کے سامان سے ایک پلائیر (پلاس) گر جاتا ہے اور خاتون لپک کے اسے اٹھا لیتی ہیں، اس کے بعد وہ پلائیر کے ذریعے ڈکیت کو آگے آنے سے روکنے کی کوشش کرتی ہیں۔

    حواس باختہ ڈاکو خاتون پر حملے کی کوشش کرتا ہے لیکن وہ خود کو بچا لیتی ہیں، اس دوران وہ پلاس سے اسے دھمکاتی رہتی ہیں، اپنا مقصد ناکام ہوتا دیکھ کر ڈاکو گھبرایا ہوا وہاں سے نکل جاتا ہے جس کے بعد بینک کا عملہ پولیس کو فون کرتا ہے۔

    سوشل میڈیا پر وائرل ہونے کے بعد خاتون کی بہادری کی بے حد تعریف کی گئی، پولیس کے مطابق مذکورہ خاتون کا نام پونم گپتا ہے جو بینک مینیجر ہیں۔

    پولیس نے مشتبہ شخص کو بھی گرفتار کرلیا ہے۔