Tag: خاتون سے زیادتی

فیصل آباد : درزی نے کپڑے لینے آئی خاتون کو زبردستی زیادتی کا نشانہ بنا ڈالا اور نازیبا ویڈیوز بنا کر بلیک میل کرتا رہا۔

تفصیلات کے مطابق فیصل آباد کے چک 546 میں درزی کی شادی شدہ خاتون سے زیادتی کا واقعہ سامنے آیا۔

درزی خاتون کی نازیبا ویڈیوز بنا کر بلیک میل کر کے کئی روز تک زیادتی کا نشانہ بناتا رہا تاہم تھانہ ماموں کانجن پولیس نے مقدمہ درج کر کے ملزم شفقت عباس کو گرفتار کر لیا ۔

پولیس نے بتایا کہ چک 546 کے رہائشی بھٹہ مزدور عارف کی بیوی دو بچوں کی ماں نجمہ چند روز قبل درزی شفقت عباس سے کپڑے لینے گئی تو اس نے زبردستی زیادتی کا نشانہ بنا ڈالا ۔

ملزم نے متاثرہ خاتون کی نازیبا ویڈیوز بنائیں اور بلیک میل کر کے بعد میں بھی زیادتی کرتا رہا، ملزم شفقت نے ویڈیو ڈیلیٹ کرنے کے لئے پانچ لاکھ روپے بھتہ مانگا تو متاثرہ خاندان نے اسے دس ہزار روپے دیئے۔

پولیس کے مطابق ملزم شفقت نے مزید رقم نہ ملنے پر نازیبا ویڈیوز وائرل کر دیں ۔

لاہور : پراپرٹی ڈیلر نے مکان دکھانے کے بہانے خاتون کو مبینہ زیادتی کا نشانہ بنا ڈالا، پولیس نے واقعے کا مقدمہ درج کرکے ملزم کی گرفتاری کیلئے ٹیم تشکیل دے دی ہے۔

تفصیلات کے مطابق لاہور کے علاقے مناواں میں پراپرٹی ڈیلر نے مکان دکھانے کے بہانے خاتون کو مبینہ زیادتی کا نشانہ بنایا۔

پولیس نے متاثرہ خاتون کی مدعیت میں ملزم نعیم کے خلاف مقدمہ درج کرلیا ہے، مقدمے کے متن میں کہا گیا کہ پراپرٹی ڈیلر نعیم سے کرائے پر مکان لینے کی غرض سے رابطہ کیا اور زیرتعمیر گھر میں لے جا کر زیادتی کی۔

پولیس کا کہنا ہے کہ ملزم کی گرفتاری کیلئے ٹیم تشکیل دے دی ہے، جلد گرفتار کرلیا جائے گا تاہم متاثرہ خاتون کامیڈیکل کرایاجارہاہے۔

مزید پڑھیں : ڈکیتی کے دوران خاتون سے مبینہ زیادتی

یاد رہے گذشتہ ہفتے فیصل آباد میں دن دہاڑے ڈکیتی کی واردات کے دوران شادی شدہ خاتون کو مبینہ زیادتی کا نشانہ بنا دیا گیا تھا۔

بھٹہ مزدور بیوی کے ہمراہ سامان خریدنے جارہا تھا کہ مزدور سے موٹر سائیکل سوار 2 ڈاکوؤں نے 2500 روپے، موبائل چھینا جبکہ ایک ڈاکو نے خاتون کو کھیت میں لے جا کر مبینہ زیادتی کا نشانہ بنایا۔

راولپنڈی : بینظیربھٹو اسپتال کے ایکسرے ڈپارٹمنٹ میں خاتون کو مبینہ زیادتی کا نشانہ بنایا گیا ، پولیس نے معاونت کے الزام پر ایکسرے ٹیکنیشن عبدالعلیم کو گرفتار کرلیا۔

تفصیلات کے مطابق راولپنڈی میں بینظیربھٹواسپتال کے ایکسرے ڈپارٹمنٹ میں خاتون سے مبینہ زیادتی کا واقعہ پیش آیا، بکرامنڈی کی رہائشی لڑکی علاج کیلئے اسپتال آئی تھی۔

میڈیکل رپورٹ میں تصدیق کے بعدمقدمہ درج کرلیا گیا اور آر پی او راولپنڈی نے ملزمان کی فوری گرفتاری کا حکم دے دیا۔

بعد ازاں پولیس نے بینظیر بھٹو اسپتال میں خاتون سے زیادتی کے واقعے میں معاونت کے الزام پر ایکسرے ٹیکنیشن عبدالعلیم کو گرفتار کرلیا۔

اسپتال انتظامیہ نے متاثرہ خاتون کے آنے اور جانے کا ریکارڈ پولیس کے حوالےکر دیا ، انتظامیہ نے بتایا کہ متاثرہ خاتون ملزم کیساتھ 3 بجے بینظیر بھٹو اسپتال داخل ہوئی تھی اور 3 بجکر 32 منٹ کر اسپتال سے واپس روانہ ہوئی۔

انتظامیہ کا کہنا تھا کہ خاتون سے جنسی زیادتی کے واقعےکا علم پولیس کےذریعے ہوا تھا، خاتون زیادتی کے واقعے پر پولیس سے مکمل تعاون کریں گے۔

ملازم کے ساتھی ملزم فیضان سعیدکیخلاف گزشتہ روز تھانہ وارث خان میں مقدمہ درج کیا گیا تھا۔

اسلام آباد: وفاقی دالحکومت اسلام آباد میں مارگلہ ہلز ٹریل 3 پر خاتون سے زیادتی کرنے والے ملزم کو گرفتار کرلیا گیا۔

تفصیلات کے مطابق اسلام آباد پولیس نے مارگلہ ہلز ٹریل تھری پر خاتون کے ساتھ زیادتی کیس کے ملزم کو گرفتارکرلیا، ترجمان پولیس نے بتایا کہ تمام ذرائع بروئےکارلاتےہوئے تین دن کی کوششوں کے بعد نامزد ملزم پکڑا گیا۔

ترجمان کا کہنا تھا کہ خاتون کی درخواست پر تھانہ کوہسار پولیس نے مقدمہ درج کیا تھا تاہم ابتدائی طبی معائنے میں خاتون سے زیادتی ثابت نہیں ہوئی اور خاتون کے جسم پر تشدد وغیرہ کے نشان بھی نہیں ملے۔

خاتون پولیس کوکیس کی تفتیش میں معاونت فراہم نہیں کررہی، لڑکی نے الزام لگایا تھا اسے ملازمت کاجھانسہ دے کر ٹریل تھری پر زیادتی کا نشانہ بنایا گیا۔

یاد رہے اسلام آباد پولیس کے ترجمان نے اپنے بیان میں بتایا تھا کہ مارگلہ ٹریل تھری زیادتی واقعے کی تفتیش میرٹ پر کی جا رہی ہے تاہم مدعیہ کی میڈیکل رپورٹ کے مطابق زیادتی کے شواہد نہیں ملے۔

پولیس نے انکشاف کیا تھا کہ مدعیہ اور ملزم کے درمیان دوستی تھی، مدعیہ پولیس سے تعاون نہیں کر رہیں اور ملزم کی تفصیلات بھی نہیں دیں۔

ترجمان کے مطابق مارگلہ ٹریلز محفوظ ہیں جن کی ڈرون سے بھی نگرانی کی جاتی ہے، واقعے کی جگہ کا تعین کیا جا رہا ہے اور تمام پہلوؤں سے تفتیش جاری ہے۔

جہلم: خاتون سے زیادتی کرنے والا ملزم پولیس کی حراست سے فرار ہوگیا، متاثرہ خاتون نے الزام عائد کیا ہے کہ پولیس نے اسے ملی بھگت سے چھوڑا۔

اے آر وائی نیوز کے مطابق خاتون سے زیادتی کرنے والا ملزم پولیس کی حراست سے فرار ہونے میں کامیاب ہوگیا، متاثرہ خاتون کی جانب سے الزام عائد کیا گیا ہے کہ پولیس نے اسے ملی بھگت سے چھوڑا ہے۔

ملزم کو پولیس کی حراست میں موبائل استعمال کرتے ہوئے دیکھا جاسکتا ہے، اے آر وائی نیوز نے ملزم کی گرفتاری کی فوٹیج حاصل کر لی ہے۔

پولیس ذرائع کا کہنا ہے کہ گرفتاری کے بعد ملزم تھانے سے پولیس کو چکما دے کر بھاگ گیا جب کہ متاثرہ خاتون نے الزام عائد کیا کہ پولیس نےملزم کو ملی بھگت سےچھوڑا۔

ملزم کامران نے خاتون کے گھر میں داخل ہو کر اس سے زیادتی کی تھی، ابتدائی میڈیکل رپورٹ میں خاتون سے زیادتی کی تصدیق ہوئی تھی۔

تھانہ صدر پولیس نے 8 روزقبل واقعے کا مقدمہ درج کرکے ملزم کوگرفتار کیا تھا۔