ARYNews.tv | Urdu – Har Lamha Bakhabar

Tag: خاتون سے لوٹ مار

  • گھر کے باہر کھڑی خاتون سے لوٹ مار کی کوشش، شور مچانے پر ڈاکو فرار

    گھر کے باہر کھڑی خاتون سے لوٹ مار کی کوشش، شور مچانے پر ڈاکو فرار

    کراچی: شہر قائد کے علاقے فیڈرل بی ایریا میں گھر کے باہر کھڑی خاتون سے لوٹ مارکی کوشش، خاتون نے بہادری کا مظاہرہ کرتے ہوئے ڈکیتوں کو بھاگنے پر مجبور کردیا۔

    اے آر وائی نیوز کے مطابق فیڈرل بی ایریا میں ہونے والی واردات کی سی سی ٹی وی فوٹیج منظرعام پر آگئی ہے، دستگیر بلاک 14 میں گھرکے باہر پہنچی خاتون کو اکیلا دیکھ کر ڈکیتوں نے لوٹنے کی کوشش کی۔

    موٹرسائیکل سوار ڈاکو گلی سے گزرا، خاتون کو تنہا دیکھ کر اسلحہ نکالا، اس دوران خاتون نے مزاحمت کی اور شور مچایا، جس کے باعث ڈکیٹ فرار ہوگئے، خوش قسمت خاتون کافی دیرتک گھرکا دروازہ کھٹکھٹاتی رہی۔

    دوسری جانب شہر قائد میں فائرنگ اور پرتشدد واقعات میں پانچ افراد کو قتل کر دیا گیا تاہم مختلف پہلوؤں سے فائرنگ کے واقعات کی تحقیقات جاری ہے۔

    تفصیلات کے مطابق کراچی کے مختلف علاقوں میں فائرنگ اور پر تشدد واقعات میں پانچ افراد کو قتل کردیا گیا، واقعات گھگر پھاٹک، صفورہ غازی گوٹھ، کورنگی ضیاکالونی میں پیش آئے۔

    پولیس نے بتایا کہ قائد اباد کے علاقے مسلم اباد میں اپسی جھگڑے کے دوران رشتہ داروں نے فائرنگ کر کے کامران شاہد نامی نوجوان کو قتل اور اس کے بھائی عبید شاہد کو زخمی کر دیا۔

    ایک واقعے میں محمود آباد کے علاقے میں نامعلوم افراد نے انتظار حسین نامی شہری کو گھر کے اندر گلا کاٹ کر قتل کر دیا جبکہ سپرہائی وے غازی گوٹ کے قریب بھی نامعلوم افراد نے فائرنگ کر کے ایک شخص کو قتل کر دیا۔

    آتش بازی کے سامان میں زوردار دھماکہ، 6 افراد جاں بحق

    فائرنگ کے 2 واقعات ممکنہ طور پر ڈکیتی مزاحمت کا نتیجہ ہیں، تاہم پولیس نے واقعے کی تحقیقات شروع کر دی ہے۔

  • خاتون سے لوٹ مار کے بعد فرار ڈاکوؤں سے پولیس مقابلہ، فوٹیج سامنے آ گئی

    خاتون سے لوٹ مار کے بعد فرار ڈاکوؤں سے پولیس مقابلہ، فوٹیج سامنے آ گئی

    کراچی: لانڈھی بابر مارکیٹ میں مقابلے کے بعد ڈاکوؤں کی گرفتاری کی سی سی ٹی وی فوٹیج سامنے آگئی۔

    تفصیلات کے مطابق کراچی کے علاقے بابر مارکیٹ میں 2 ڈکیت ڈکیتی کے بعد فرار ہورہے تھے کہ پولیس نے کارروائی کرتے ہوئے ایک ڈاکو کو دھر لیا جس کی فوٹیج سامنےآگئی۔

    فوٹیج میں 2 ملزمان کو خاتون سے لوٹ مار کے بعد فرار ہوتے دیکھا جاسکتا ہے، مبینہ پولیس مقابلے کے بعد پولیس نے ایک ڈاکو کو گرفتار کرلیا جبکہ دوسرا ڈاکو فرار ہوگیا۔

    اس حوالے سے پولیس کا کہنا ہے کہ ایک ڈاکو پولیس کی جوابی فائرنگ سے شدید زخمی حالت میں گرفتار ہوا، دوسرا ڈاکو پولیس اہلکاروں پر فائرنگ کرتے ہوئے فرار ہوگیا۔

    پولیس کا مزید کہنا ہے کہ گرفتار ڈاکو سے 9 ایم ایم پستول اور چھینا ہوا موبائل فون برآمد کرلیا گیا ہے۔

  • کراچی میں خاتون سے لوٹ مار، بچانے کے لیے آنے والا شہری گولی سے زخمی

    کراچی میں خاتون سے لوٹ مار، بچانے کے لیے آنے والا شہری گولی سے زخمی

    کراچی: شہر قائد میں خاتون سے لوٹ مار کے دوران اسے بچانے کے لیے آنے والا شہری لٹیروں کی گولی سے زخمی ہو گیا۔

    تفصیلات کے مطابق کراچی کے علاقے گلشن اقبال بلاک 13 سی میں دن دہاڑے اسٹریٹ کرائم کی واردات میں ایک شہری ندیم گولی لگنے سے شدید زخمی ہو گیا۔

    اسٹریٹ کرائم کی سی سی ٹی وی فوٹیج اے آر وائی نیوز پر بھی چلائی گئی، خاتون جیسے ہی ہائی روف میں بیٹھنے کے لیے گاڑی کے دروازے پر پہنچیں، انتظار میں پہلے سے موجود موٹر سائیکل سوار 2 ملزمان نے گاڑی کو گھیر لیا۔

    ایک ملزم نے ہیلمٹ پہن رکھا تھا جب کہ دوسرے کا چہرہ کھلا تھا، دونوں نے پوری دیدہ دلیری کے ساتھ واردات کی اور موٹر سائیکل پر بیٹھ کر فرار ہو گئے۔

    خاتون سے لوٹ مار کے دوران ایک راہ گیر نے دوڑتے ہوئے آ کر اسے بچانے کی کوشش کی تاہم مسلح لٹیرے نے اس پر فائر داغ دیا، جس سے اس کی ٹانگ زخمی ہو گئی اور وہ گر کر تڑپنے لگا۔

    واقعے میں زخمی شخص ندیم کو بعد ازاں جناح اسپتال منتقل کیا گیا جہاں ان کا علاج جاری ہے۔

    سی سی ٹی وی فوٹیج میں دیکھا گیا کہ لوٹ مار کے بعد شہری کو زخمی کر کے دونوں ڈاکو موٹر سائیکل پر بیٹھ کر فرار ہو گئے، خاتون بھی ہائی روف گاڑی میں جلدی سے بیٹھ کر چلی گئیں، جب کہ زخمی شہری زمین پر پڑا تڑپتا رہا، جسے بعد ازاں لوگوں نے طبی امداد کے لیے اسپتال منتقل کیا۔

    واضح رہے کہ کرونا وائرس کی وجہ سے کراچی میں لگائے جانے والے لاک ڈاؤن کے بعد اسٹریٹ کرائمز میں نمایاں اضافہ ہو گیا ہے۔