فرانس میں خفیہ دستاویزات کی معلومات افشا کرنے پر خاتون صحافی آرین لاؤریلوکس کو حراست میں لے لیا گیا۔
بین الاقوامی خبر رساں ادارے کی رپورٹ کے مطابق فرانس میں خفیہ دستاویزات کی معلومات افشا کرنے پر خاتون صحافی آرین لاؤریلوکس (Ariane Lavrilleux) کو حراست میں لے لیا گیا۔
کمیٹی ٹو پروٹیکٹ جرنلسٹس اور ایمنسٹی انٹرنیشنل نے خاتون صحافی آرین لاؤریلوکس کی گرفتاری کی شدید مذمت کی ہے۔
میڈیا رپورٹس میں بتایا گیا ہے کہ خاتون صحافی آرین لاؤریلوکس کی 2021 میں ایک رپورٹ میں الزام لگایا گیا تھا کہ مصر نے شہریوں کو مارنے کے لیے فرانسیسی انٹیلی جنس کو استعمال کیا۔
فرانس کی جانب سے آرین لاؤریلوکس پر الزام لگایا گیا تھا کہ مصری حکام نے 2016 اور 2018 کے درمیان مصر، لیبیا کی سرحد پر اسمگلروں کو بمباری اور ہلاک کرنے کے لیے فرانسیسی انٹیلی جنس کا استعمال کیا۔
رپورٹس میں انکشاف ہوا ہے کہ فرانسیسی افواج عام شہریوں کے خلاف متعدد بم دھماکوں میں ملوث تھیں۔تاہم 19 ستمبر کو فرانسیسی انٹیلی جنس سروس کے افسران نے خاتون صحافی کو پوچھ گچھ کے لیے گرفتار کرلیا ہے۔
خاتون صحافی آرین لاؤریلوکس کے وکیل کا کہنا ہے کہ فرانسیسی انٹیلی جنس سروس کے افسران کی جانب سے قومی سلامتی سے متعلق تحقیقات کی گئیں، تاہم ایک رات حراست میں رکھنے کے بعد خاتون صحافی کو رہا کردیا گیا۔
