Tag: خاتون ڈاکٹر

کیرالہ: بھارتی ریاست میں 26 سالہ ڈاکٹر نے سسرال والوں کی طرف سے جہیز کی بھاری مانگ پر اپنے جان لے لی۔

بھارتی میڈیا رپورٹس کے مطابق ڈاکٹر شاہانہ کی پسند کی شادی ہورہی تھی لیکن بوائے فرینڈ نے وین موقعے پر شادی سے انکار کردیا کیونکہ شاہانہ کے گھر والے مطلوبہ جہیز نہیں دے سکتے تھے۔

بھارتی میڈیا کا کہنا ہے کہ پولیس نے لڑکےکے خلاف خودکشی پر اکسانے اور جہیز کی روک تھام کے قوانین کے تحت مقدمہ درج کر لیا ہے ساتھ ہی اسے حراست میں بھی لے لیا گیا ہے۔

رپورٹ میں بتایا گیا کہ مرحومہ کے لواحقین کے بیانات بھی قلمبند کر لیے گئے ہیں، ڈاکٹر شاہانہ اپنی والدہ اور دو بہن بھائیوں کے ساتھ رہتی تھیں، اس کے والد کا دو سال قبل انتقال ہوگیا تھا۔

رپورٹ میں بتایا گیا کہ وہ وہ ڈاکٹر ای اے رویس نامی دوست کے ساتھ تعلقات میں تھیں اور دونوں نے شادی کرنے کا فیصلہ کیا تھا، ڈاکٹر شاہانہ کے اہل خانہ نے الزام لگایا ہے کہ ڈاکٹر رویس کے اہل خانہ نے جہیز میں 150 تولہ سونا، 15 ایکڑ زمین اور ایک بی ایم ڈبلیو کار کا مطالبہ کیا تھا۔

جب ڈاکٹر شاہانہ کے گھر والوں نے کہا کہ وہ اس مطالبہ کو پورا نہیں کر سکتے، تو اس کے بوائے فرینڈ کے خاندان نے شادی منسوخ کر دی، مقامی لوگوں نے الزام لگایا ہے کہ نوجوان ڈاکٹر کو بہت پریشان کر دیا گیا تھا جس کے بعد شاہانہ نے خودکشی کر لی۔

پولیس کا کہنا ہے کہ ڈاکٹر شاہانہ کے اپارٹمنٹ سے ایک خودکشی نوٹ میں ملی ہے جس میں لکھا تھا ’’ہر کوئی صرف پیسہ چاہتا ہے‘‘۔

نیویارک: امریکی ریاست نیویارک میں کرونا وائرس کے مریضوں کا علاج کرنے والی خاتون ڈاکٹر نے خودکشی کر لی۔

تفصیلات کے مطابق نیویارک کے اسپتال کی ایمرجنسی میں کرونا وائرس کے مریضوں کا علاج کرنے والی خاتون ڈاکٹر نے خودکشی کر لی۔ پولیس کا کہنا ہے کہ خاتون ڈاکٹر لورنا برین اپنے خاندان کے ہمراہ رہ رہی تھیں۔

خاتون ڈاکٹر کرونا وائرس کے شکار افراد کو بچانے کے لیے فرنٹ لائن پر کام کر رہی تھیں اور پھر خود بھی اس وائرس کا شکار ہوگئیں لیکن وہ اس وائرس کو شکست دینے میں کامیاب رہیں۔

لورنا برین کے والد ڈاکٹر فلپ کا کہنا ہے کہ ان کی بیٹی نے اپنا فرض نبھانے کی کوشش کی اور اسی نے اس کی جان لے لی۔ابھی تک یہ بات واضح نہیں کہ خاتون ڈاکٹر نے خودکشی کیوں کی؟

خاتون ڈاکٹر کے خاندان، پولیس اور ڈاکٹروں کے مطابق وہ کرونا وائرس کے پھیلنے کے بعد بہت زیادہ تناؤ کا شکار ہوگئی تھیں۔

فرانس، ڈاکٹر نے کرونا ٹیسٹ مثبت آنے پر خودکشی کرلی

یاد رہے کہ رواں ماہ 6 اپریل کو غیرملکی خبررساں ادارے کی رپورٹ کے مطابق فرانس کے لیگ ون کلب ریمس کے ڈاکٹر برنارڈ زگونزالیز نے کرونا وائرس کا ٹیسٹ مثبت آنے پر خودکشی کر لی تھی۔

حیدرآباد: بھارتی ریاست تلنگانہ کے شہر حیدر آباد میں نوجوان خاتون ڈاکٹر کو زیادتی کے بعد جلا کر قتل کرنے والے چاروں ملزمان پولیس کی گولیوں کا نشانہ بن گئے۔

تفصیلات کے مطابق دنیا بھر میں بھارت کو شرمندہ کرنے والے واقعے کے گرفتار چاروں ملزمان پولیس مقابلے میں ہلاک ہو گئے، بھارتی میڈیا کا کہنا ہے کہ زیادتی اور قتل میں ملوث 4 زیر حراست ملزمان پولیس حراست سے فرار کی کوشش میں مارے گئے۔

یاد رہے کہ دو ہفتے قبل تلنگانہ میں ایک 27 سالہ ویٹرنری ڈاکٹر پریانکا ریڈی کو کچھ ملزمان نے زیادتی کا نشانہ بنانے کے بعد زندہ جلا کر قتل کر دیا تھا، اس واقعے نے بھارت میں ایک بار پھر خواتین پر تشدد اورریپ پر بحث چھیڑ دی تھی، جب کہ دنیا بھر میں اس واقعے کی گونج سنائی دی۔

یہ بھی پڑھیں:  بھارت میں اجتماعی زیادتی کا شکار ایک اور لڑکی کو جلا دیا گیا

بھارتی میڈیا رپورٹس کے مطابق ڈاکٹر پریانکا ریڈی رات کو ڈیوٹی سے گھر لوٹ رہی تھی کہ راستے میں اسکوٹی خراب ہو گئی، اس نے اپنی بہن کو فون کر کے اطلاع دی اور کہا کہ یہاں آس پاس صرف ٹرک ہی ٹرک ہیں، اور مجھے ڈر لگ رہا ہے۔ بہن نے کہا کہ اسکوٹی چھوڑ کر ٹیکسی کر کے فوراً گھر آجائے، تاہم کچھ دیر بعد اس کا فون بند ہو گیا اور وہ گھر بھی نہیں لوٹی۔

گھر والوں نے ڈاکٹر پریانکا کی تلاش شروع کرتے ہوئے پولیس سے بھی رابطہ کیا، تلاش کے دوران رات گئے بد قسمت ڈاکٹر کی جلی ہوئی لاش ایک پل کے پاس ملی، تحقیقات سے معلوم ہوا کہ لڑکی کو زیادتی کا نشانہ بنانے کے بعد زندہ جلا کر قتل کر دیا گیا تھا۔ پولیس نے سی سی ٹی وی فوٹیج کی مدد سے چار ملزمان کو گرفتار کر لیا تھا۔