Tag: خاتون کو ہراساں

کراچی: کورنگی میں خاتون کو ہراساں کرنے کے واقعے کا مقدمہ درج کرلیا گیا ، پولیس کا کہنا ہے کہ ملزم کی شناخت اور گرفتاری کی کوششیں کی جا رہی ہیں۔

تفصیلات کے مطابق کراچی میں خواتین کےساتھ ہراسگی کےبڑھتے واقعات لڑکیوں کا اسکول، کالج، یونیورسٹی جانا مشکل ہوگیا، شہر میں ایک ہی دن خواتین کوہراساں کرنے کے 2 واقعات سامنے آئے۔

کورنگی میں راہ چلتی خاتون کو ہراساں کرنے کا مقدمہ درج کر لیا گیا، واقعے کا مقدمہ سرکار کی مدعیت میں کورنگی تھانے میں سوشل میڈیا پر وائرل سی سی ٹی وی فوٹیج سامنے آنے کے بعد درج کیا گیا۔

پولیس کا کہنا تھا کہ سی سی ٹی وی فوٹیج میں موٹر سائیکل سوار شہری کو راہ چلتی خاتون سے نازیبا حرکت کرتے ہوئے دیکھا جا سکتا ہے تاہم سی سی ٹی وی میں نظر انے والے ملزم کی شناخت اور گرفتاری کی کوششیں کی جا رہی ہیں۔

علاقہ مکینوں کا کہنا ہے کافی عرصے سےیہ شخص خواتین کوہراساں کررہا ہے، یہ کوئی نیا واقعہ نہیں، ایسے واقعات پہ درپےرونما ہورہے ہیں، اب جبکہ بچیاں اسکول، کالج اوریونیورسٹی سے آتی جاتی ہیں۔

دوسرے واقعے میں کراچی کے علاقے جوہر آباد میں راہ چلتی خاتون کو ہراساں کرنے کا ایک اور واقعہ رونما ہوا ، پولیس کے مطابق سوشل میڈیا پر وائرل سی سی ٹی وی فوٹیج میں موٹر سائیکل سوار دو افراد کو خواتین کے ساتھ بدتمیزی کرتے ہوئے دیکھا جا سکتا ہے۔

پولیس کو شبہ ہے واقعہ اسٹریٹ کرائم کا بھی ہو سکتا ہے تاہم سی سی ٹی وی فوٹیج کی مدد سے ملزمان کی شناخت اور گرفتاری کی کوششیں کی جا رہی ہیں۔

خیال رہے ورکنگ وویمن کو آفس جانے کےلئے گھروں سے نکلنا پڑتا ہے اور اب تو سڑکوں پرخواتین موٹرسائیکل سواروں کی تعداد بھی بڑھ رہی ہے اور فوڈ پانڈا سے لیکردیگر کام کررہی ہیں ، ایسے میں ضرورت اس بات کی ہے کہ وہ اپنی حفاظت کیلئے سیلف ڈیفنس کی تربیت لیں۔

اسلام آباد : صدر مملکت عارف علوی نے خاتون کو ہراساں کرنے پر نیپرا کے ڈائریکٹر کو نوکری سے نکال دیا اور کہا کام کی جگہ پرخواتین کو ہراساں کرنا ایک سنگین معاملہ ہے۔

تفصیلات کے مطابق صدر مملکت عارف علوی نے خاتون کو ہراساں کرنے پر نیپرا کے ڈائریکٹر کو نوکری سے نکالنے کا حکم دے دیا۔

صدر مملکت نے وفاقی محتسب کی طرف سےعائد 2انکریمنٹ روکنے کی سزا کو تبدیل کر دیا اور کہا سزا بڑھا کرنوکری سے نکالنےکی سزا دینا معقول اور مناسب رہے گا۔

عارف علوی کا کہنا تھا کہ کام کی جگہ پرخواتین کو ہراساں کرنا ایک سنگین معاملہ ہے ، غیر اخلاقی مطالبات ماننے سے انکار پر سنگین نتائج کی دھمکی دینا ہراسانی ہے۔

انھوں نے کہا کہ خاتون اور گواہوں کے بیانات، سی سی ٹی وی فوٹیج،پیغامات سےہراسانی ثابت ہوتی ہے اور ملزم نے بلاواسطہ جرم کا اعتراف کیا ، صرف سزا کی شدت کے خلاف اپیل دائر کی۔

صدر ڈاکٹر عارف علوی نے نیپرا کے ڈائریکٹر احمد ندیم کی دائر اپیل مسترد کردی ، خاتون آفس اسسٹنٹ نے نیپرا میں ہراساں کرنے کی درخواست دائر کی تھی۔

کراچی : پولیس نے خاتون کو ہراساں کرنے والے ملزم کی تلاش  کے لئے جدید ٹیکنالوجی سے مدد حاصل کرنے کا فیصلہ کرلیا۔

تفصیلات کے مطابق کراچی کے علاقے سمن آباد میں خاتون کو ہراساں کرنے کے معاملے پر سینٹرل پولیس نے جدید ٹیکنالوجی سے مدد حاصل کرنے کا فیصلہ کرلیا۔

ایس ایس پی سینٹرل معروف عثمان نے کہا ہے کہ ملزم کی سی سی ٹی وی فوٹیج نادرا کو بھیج دی گئی، فیشیل ریکیگنیشن ٹیکنالوجی کی مد دسے ملزم کی شناخت کریں گے۔

معروف عثمان کا کہنا تھا کہ ملزم کا چہرہ شناخت ہوتے ہی اس کی پوری فیملی کی تفصیلات سامنے آجائے گی ،ملزم کا خاکہ اس لئے نہیں بنوایا کہ فوٹیج میں ملزم کا چہرہ واضح ہے۔

کراچی : سمن آباد میں راہ چلتی خاتون کو ہراساں کرنے کے واقعے کا مقدمہ سرکار کی مدعیت میں درج کرلیا گیا۔

تفصیلات کے مطابق کراچی کے علاقے فیڈرل بی ایریا بلاک 17 میں خاتون کو ہراساں کرنے کا مقدمہ درج کرلیا گیا۔

واقعے کا مقدمہ سمن آباد تھانے میں سرکار کی مدعیت میں درج کیا گیا، جس میں خاتون کی عفت میں خلل ڈالنے کی دفعات شامل کی گئی ہیں۔

تفتیشی حکام نے بتایا کہ متاثرہ خاتون نے تاحال پولیس سےرابطہ نہیں کیا، نادرا ریکارڈ سے ملزم کی شناخت کرنےکی کوشش کررہے ہیں۔

ملزم کی گرفتاری کیلئے علاقے کے پولیس انفارمرز کو بھی فعال کر دیا گیا ہے۔

پولیس کا کہنا ہے کہ ابھی تک خاتون نے سامنے آکر شکایت نہیں کروائی، کوئی عینی شاہد ملا اور نہ ہی ملزم کا سراغ تاہم اطراف کی سی سی ٹی وی بھی حاصل کررہے ہیں۔

یاد رہے کراچی کے سمن آباد میں سنسان گلی میں موٹرسائیکل سوار نے پردے دار خاتون سےغیراخلاقی حرکت کی ، جس پر خاتون اچانک اس واردات پر دم بخود اُسےدیکھتی رہی اور وہ جاتےجاتےاشارہ بھی کرگیا، سی سی ٹی وی فوٹیج میں اس کی حرکت اور چہرہ واضح ہے۔

واضح رہے کچھ روزقبل گلستان جوہرمیں بھی ایک شخص نےراہ چلتی لڑکی سے بےہودگی کی تھی، سی سی ٹی وی فوٹیج سے ملزم کا خاکہ بھی بنایاگیا، کچھ دن بہت شور ہوا اورپھر پولیس خاموشی سےبیٹھ گئی تھی۔

ایسے واقعات میں متاثرہ لڑکیاں اور ان کے گھر والے سامنے آنے سے کتراتےہیں اور پولیس مقدمہ درج کرلیتی ہے، جس کے بعد انفارمرز کو فعال کردیا جاتاہے، نادراریکارڈ بھی ٹٹولا جاتا ہے لیکن ملزم ہاتھ نہیں آتا۔

کراچی : پولیس نے گلستان جوہر میں خاتون کو ہراساں کے واقعے میں دو افراد کو حراست میں لے لیا، حراست میں لئے گئے شخص کی ملزم سے بہت زیادہ مماثلت ہے۔

تفصیلات کے مطابق کراچی کے علاقے گلستان جوہر میں خاتون کو ہراساں کے واقعے کی تحقیقات میں اہم پیش رفت سامنے آئی۔

پولیس نے دو افراد کو حراست میں لے لیا، پولیس کا کہنا ہے لیاقت آباد سے حراست میں لئے گئے شخص کی بہت زیادہ مماثلت ہے۔

حکام نے بتایا کہ ملزم کے موبائل سے قابل اعتراض مواد اور لڑکیوں سے چیٹ بھی ملی ہے تاہم موٹر سائیکل برآمد ہونے اور ملزم کے اعتراف جرم تک یقین سے کچھ نہیں کہا جاسکتا۔

یاد رہے تفتیشی ٹیم نے کراچی کے علاقے گلستان جوہر میں خاتون کو ہراساں کرنے والے ملزم کا خاکہ تیار کیا تھا ، تفتیشی حکام کا کہنا تھا کہ یہ خاکہ 60 فی صد تک ملزم سے مشابہت رکھتا ہے۔

تفتیشی حکام کے مطابق اسکیچ میں ملزم کے قد سمیت دیگر تفصیلات ہیں، خاکے کی مدد سے ملزم کی گرفتاری کی کوششیں تیز کر دی گئی ہیں، تاہم تاحال کسی بھی شخص نے ملزم کو شناخت نہیں کیا۔