Tag: خاتون

بیجنگ: چینی خاتون نے کروناوائرس کا ڈرامہ رچا کر اپنی عزت بچالی، جنسی درندہ خوف زدہ ہوکر فرار ہوگیا۔

غیرملکی خبررساں ادارے کی رپورٹ کے مطابق یہ واقعہ چین کے صوبے جنگشن میں پیش آیا، متاثرہ خاتون نے ملزم کے سامنے کھانستے ہوئے ڈرامہ کیا کہ وہ کروناوائرس کی متاثرہ ہے، جس پر درندہ خوف زدہ ہوگیا اور موقع دیکھ کر راہ فرار اختیار کرلی۔ پولیس نے کارروائی کرتے ہوئے ملزم کو گرفتار کرلیا۔

پولیس کا کہنا ہے کہ ملزم خاتون کے 339 پاؤنڈ لوٹ کر فرار ہوا۔ پولیس نے تحقیقات کے بعد کامیاب کارروائی کی جس کے نتیجے میں ملزم کی گرفتاری عمل میں آئی۔ متاثرہ خاتون کی شناخت ’یی‘ کے نام سے ہوئی ہے۔

کورونا وائرس، باپ اسپتال منتقل، معذور بیٹا بھوک سے ہلاک

خاتون نے بتایا کہ ملزم رات کی تاریکی میں گھر میں گھسا اور مجھ سے زیادتی کی کوشش کی، جس پر میں نے چلاتے ہوئے خبردار کیا کہ میں کروناوائرس کی متاثرہ ہوں اسی لیے تنہا یہاں رہائش پذیر ہوں، اس دوران کھانسے کا بھی ڈرامہ کیا۔ مذکورہ خاتون نے اس بات کا اعتراف بھی کیا کہ وہ کروناوائرس سے متاثر رہ چکی ہے۔

پولیس نے بتایا کہ خاتون نے افرا تفری مچاتے ہوئے ملزم کو یہ بھی کہا تھا کہ وہ چینی شہر ووہان سے تعلق رکھتی ہے، گرفتار ملزم کی شناخت ژاؤ کے نام سے ہوئی۔

مہاراشٹر: بھارت میں عاشق نے ٹھکرانے پر خاتون لیکچرار کو تیل چھڑک کر زندہ جلا ڈالا۔

بھارتی میڈیا رپورٹس کے مطابق واقعہ ریاست مہاراشٹر کے ضلع وردہ میں پیش آیا جہاں یکطرفہ محبت کرنے والا سفاک ملزم ٹھکرانے پر جلاد بن گیا۔

واقعے کے حوالے سے پولیس افسر نے بتایا کہ متاثرہ خاتون کی عمر 24 سال اور وہ غیر شادی شدہ ہے، خاتون لیکچرار معمول کے مطابق صبح 7 بجے گھر سے کالج کے لیے نکلی تو راستے میں ملزم نے مٹی کا تیل چھڑک کر اسے آگ لگا دی۔

پولیس افسر کا کہنا ہے کہ خاتون کو مقامی افراد اپنی مدد آپ کے تحت اسپتال لے گئے جہاں خاتون کو ابتدائی طبی امداد کے بعد ناگپور کے اسپتال منتقل کردیا گیا۔

ڈاکٹرز کا کہنا ہے کہ خاتون کا 40 فیصد جسم بری طرح جھلس چکا ہے، خاتون کے چہرے، بازو، گردن اور دھڑ کے مختلف حصے جھلس گئے ہیں۔

پولیس کا کہنا ہے کہ عاشق نے ٹھکرائے جانے پر خاتون کو زندہ جلایا اور موقع سے فرار ہو گیا جس کی تلاش جاری ہے، واقعے کی رپورٹ درج کر لی گئی ہے اور خاتون کی طبعیت بہتر ہونے پر بیانات قلمبند کر کے تفتیش مزید آگے بڑھائی جائے گی۔

بیجنگ: چین میں سرعام بچی کو اغوا کرنے والی خاتون کو سی سی ٹی وی فوٹیج کی مدد سے چند گھنٹوں میں ہی گرفتا کر لیا گیا۔

بین الاقوامی میڈیا رپورٹس کے مطابق واقعہ چین کے جنوب مغربی صوبے ینان میں پیش آیا جہاں زاہوٹونگ شہر کے بھرے بازار میں اغوا کار خاتون دو سالہ بچی کو اغوا کر لیا.

سی سی ٹی وی فوٹیج میں دیکھا جاسکتا ہے کہ مارکیٹ میں گہما گہمی ہے اور بڑی تعداد میں لوگ خریداری میں مصروف ہیں، اس دوران بازار کے بیچ و بیچ ایک خاتون اغوا کار بچی کو اٹھائے گھوم رہی ہے۔

اغوا کار بچی کو اٹھائے مارکیٹ میں چہل قدمی کررہی ہے اور حالات کا جائزہ لے رہی ہے، تھوڑی دیر بعد وہ مغوی بچی کو موٹرسائیکل رکشہ میں بٹھا کر وہاں سے فرار ہو جاتی ہے اور کسی کو اس پر شک تک نہیں ہوتا۔

مغوی بچی کے والدین نے مقامی پولیس اسٹیشن میں بیٹی کے لاپتہ ہونے کی رپورٹ درج کروائی جس پر پولیس حرکت میں آگئی اور شہر بھر کے سی سی ٹی وی فوٹیج کی مدد سے بچی کی تلاش شروع کی۔

مارکیٹ میں لگے خفیہ کیمرے کی مدد سے اغوا کار کی شناخت ہوئی تو پولیس نے چند گھنٹو بعد ہی اسے گرفتار کر کے بچی کو بازیاب کروا لیا۔

پولیس کا کہنا ہے کہ اغوا کار خاتون پیشہ وار انسانی اسمگلر ہے اور ایسی واردادتیں کرتی رہی ہے، اغوا کار سے اس کے ساتھیوں سے متعلق پوچھ گچھ کی جارہی ہے۔

واشنگٹن: امریکی ریاست ٹیکساس میں بینک کی غلطی کے باعث رتھ بالون نامی خاتون ارب پتی بن گئی۔

تفصیلات کے مطابق امریکی ریاست ٹیکساس میں ڈیلاس سے تعلق رکھنے والی خاتون اس وقت حیران رہ گئی جب ہفتے کے آغاز میں اپنا اکاؤنٹ چیک کیا تو اس میں 3 کروڑ 70 لاکھ امریکی ڈالر یعنیٰ (5 ارب 73 کروڑ) پاکستانی روپے تھے۔

امریکی خاتون کا کہنا تھا کہ بینک کے اوقات کار ختم ہونے کی وجہ سے وہ اس رقم کے حوالے سے بینک سے بات نہ کرسکی۔ خاتون نے اس ٹرانزیکشن کا اسکرین شاٹ اپنے شوہر کو بھیجا اور پوچھا کہ ہمارے اکاؤنٹ میں اتنے پیسے کہاں سے آئے؟

بعدازاں بینک نے خود خاتون سے رابطہ کیا اور انہیں بتایا کہ یہ کوئی تحفہ نہیں ہے بلکہ یہ بینک کی طرف سے ہونے والی ایک غلطی ہے، بینک نے معذرت کرتے ہوئے خاتون کے اکاؤنٹ سے رقم واپس نکلوالی۔

رتھ بالون کا کہنا تھا کہ اکاؤنٹ میں رقم دیکھتے ہی اپنے خوابوں کو پورا کرنے کے بارے میں سوچنا شروع کر دیا تھا، کاش ایسا ہوتا کہ کوئی ہمیں واقعی 3 کروڑ 70 لاکھ ڈالر دے دیتا، میں کروڑ پتی بن جاتی۔

امریکی شہری نے لاٹری ٹکٹ سے 24 کروڑ 56 لاکھ ڈالر جیت لیے

یاد رہے کہ گزشتہ سال ستمبر میں امریکی شہری منگل نے اپنی ناقابل یقین قسمت کے باعث امریکا کی پاور بال نامی لاٹری کے ٹکٹ سے 24 کروڑ 56 لاکھ ڈالر کی خطیر رقم انعام میں جیت لی تھی۔

ایودھا: بھارت میں پولیس نے ایک ایسی عورت کو گرفتار کیا ہے جو 2 ماہ سے لاشوں کے ساتھ رہ رہی تھی۔

تفصیلات کے مطابق بھارتی ریاست اتر پردیش کے شہر ایودھیا میں پولیس نے شہریوں کی اطلاع پر ایک گھر کا تالہ توڑا تو وہاں ایک خاتون موجود تھی جو لاشوں کے ساتھ کافی دن سے وقت گزار رہی تھی۔

پڑوسیوں نے پولیس کو اطلاع دی کہ برابر والے گھر سے شدید بدبو آرہی ہے اور گھر کے باہر تالا لگا ہے جب کہ مکینوں کے بارےمیں کوئی اطلاع نہیں ہے۔

یہ بھی پڑھیں: لیڈی ڈاکٹر نے خاتون کو بیٹے سمیت زندہ جلا ڈالا

پولیس جب گھر کا تالہ توڑ کر اندر داخل ہوئی تو وہاں ایک خاتون دو لاشوں کے ہمراہ موجود تھی، پولیس کا کہنا ہے کہ وہ لاشیں خاتون کی والدہ اور بہن کی تھیں ۔

پولیس کا کہنا ہے کہ لاشیں 2 ماہ پرانی تھیں جن کا پوسٹ مارٹم کیا جارہا ہے جب کہ خاتون کو گرفتار کرکے اس کا میڈیکل چیک اپ کروایا جارہا ہے اور ڈاکٹرز کی رپورٹ موصول ہونے کے بعد خاتون کی ذہنی حالت کے بارے میں معلوم ہو سکے گا۔