Tag: خاتون

بینک اکاؤنٹ سے پیسے نکلوانے کی لالچ میں دو خواتین نے انتہا کردی، ضعیف شخص کی لاش لے کر بینک پہنچ گئیں۔

امریکی پولیس نے دو خواتین پر الزام عائد کیا ہے انھوں نے کار کی سیٹ پر ایک لاش کو بٹھایا اور اس مردہ شخص کو لے کر بینک پہنچ گئیں جبکہ اکاؤنٹ سے رقم نکالنے کے لیے اس لاش کا بطور شناخت کے استعمال کیا گیا۔

پولیس نے انکشاف کیا کہ 55 سالہ بی فیرالو اور 63 سالہ کیرن کاسبوہم نے اکاؤنٹ سے پیسے نکلوانے کے بعد لاش کو اسپتال لے گئے اور وہاں سے دونوں بغیر کسی وضاحت کے فرار ہوگئیں۔

عدالت میں استغاثہ نے دنوں خواتین پر چوری اور لاش کے ساتھ بدسلوکی کا الزام عائد کیا ہے۔ پولیس کے مطابق، فیرالو اور کاسبوہم، اوہائیو میں 80 سالہ شخص ڈگلس لیمین کے ساتھ رہتی تھیں لیکن ان کا اس شخص سے کوئی تعلق نہیں تھا۔

پولیس نے بتایا کہ ایک تیسرے شخص کی مدد سے خواتین نے ضعیف آدمی کی لاش کو کار میں منتقل کیا اور اسے قریبی بینک کی ڈرائیو تھرو ونڈو تک لے گئیں اور اسے مسافر سیٹ پر بٹھائے رکھا۔

میڈیا رپورٹس کے مطابق بینک نے خواتین کو اس شخص کے اکاؤنٹ سے رقم نکالنے کی اجازت دے دی تھی کیوں کہ وہ کار میں ان کے ساتھ موجود تھا۔

جب دونوں خواتین 4 مارچ کو لاش لے کر بین کی ونڈو پر آئے تو کیشئر کو یہ احساس نہ ہوسکا کہ ضعیف شخص واقعی مر چکا ہے جبکہ دنوں نے اس کے اکاؤنٹ سے 900 ڈاکرزنکالے۔

تفتیشی افسر نے الزام عائد کیا ہے کہ فیرالو اور کاسبوہم نے لاش کو گاڑی میں اس طرح رکھا کہ وہ بینک کے عملے کو نظر آئے تاکہ رقم نکلوائی جا سکے۔

خواتین کا اپنے بیان میں کا کہنا تھا کہ ڈگلس لیمین کی موت گھر میں ہوئی جبکہ پولیس اس کی موت کی وجہ کی ابھی بھی تفتیش کررہی ہے۔

عدالتی ریکارڈ کے مطابق مذکورہ دونوں خواتین پہلے بھی منشیات رکھنے، مجرمانہ مداخلت، چوری کی جائیداد حاصل کرنے اور مختلف مجرمانہ سرگرمیں میں ملوث رہ چکی ہیں۔

خاتون کے ساتھ گھر پہنچنے پرعجیب واقعہ پیش آیا، جب وہ اپنے گھر کا دروازہ کھول کراندر گئی تو اسے انتہائی خوفناک صورتحال کا سامنا کرنا پڑا۔

اگر کوئی شخص اکیلے اپنے گھر میں داخل ہو اور اچانک اسے احساس ہو کہ اس کے علاوہ کوئی اجنبی بھی کمرے میں موجود ہے تو یہ احساس کافی دل دہلانے دینے والا ہوتا ہے۔ خاتون تو دور کوئی بہادر شخص بھی اس تجربے سے گزرنا ہرز پسند نہیں کرے گا۔

تاہم بھارتی شہر حیدرآباد میں اس طرح کا واقعہ ایک خاتون کے ساتھ پیش آیا ہے۔ خاتون نے بہادری کا مظاہرہ کرتے ہوئے فوراً ہی اس واقعے کی ویڈیو بنانا شروع کردی جو کہ سوشل میڈیا پر وائرل ہوگئی۔

وائرل ہونے والی ویڈیو میں دیکھا جاسکتا ہے کہ اجنبی شخص خاتون کے گھر کے ایک کمرے میں کونے میں بیـٹھا ہوا ہے۔

اس دوران خاتون نہایت پہلے تو تذبذب کا شکار ہوتی ہے پھر اس سے غصے میں پوچھتی ہے کہ تم کون ہو اور کیا نام ہے تمہارا۔ کیا تمہیں اتنی تمیز نہیں ہے کہ کسی کے گھر آنے سے پہلے بیل بجاتے ہیں۔

وہ شخص خاتون کے شور شرابے گھبرا کر اچانک اٹھتا ہے اور گرل سے باہر کود جاتا ہے۔ مبینہ طور پر اس شخص نے فرار ہونے کے لیے دوسری منزل سے چھلانگ لگائی اور کسی نہ کسی طرح بھاگ نکلا۔

یہ ویڈیو انٹرنیٹ پر صارفین کی کافی توجہ حاصل کررہی ہے جبکہ اکثر لوگ خاتون کی بہادی کی تعریف کرتے نظر آرہے ہیں کہ انھوں نے اس واقعے کو ریکارڈ کرنے کا فیصلہ کیا۔

جموں کشمیر میں ڈاکٹرز نے آپریشن کرتے ہوئے عورت کے پیٹ سے دنیا کے سب سے بڑی اپینڈکس کو نکالنے کا دعویٰ کیا ہے۔

غیرملکی میڈیا رپورٹس کے مطابق جموں کشمیر کے شہر اننت ناگ میں ڈاکٹرز کی ٹیم نے دعویٰ کیا ہے کہ انھوں نے آپریشن کے دوران ایک مریضہ کے جسم سے دنیا کا سب سے بڑا اپینڈکس کامیابی سے نکال لیا ہے۔

ڈاکٹرز کا کہنا ہے مذکورہ اپینڈکس کی لمبائی نو انچ یا 23 سینٹی میٹر کے قریب ہے۔ نجی اسپتال ’الحیات‘ سرجن ملک آزاد اور ان کی ٹیم نے آپریشن کرتے ہوئے عورت کے پیٹ سے یہ اپینڈکس نکالا۔

اب تک کسی بھی انسان کے جسم جو سب سے بڑا اپینڈکس نکالا گیا ہے اس کی لمبائی 22 سینٹی میٹر بتائی جاتی ہے۔ تاہم اننت ناگ کے ڈاکٹرز نے دعویٰ کیا کہ 20 سالہ خاتون کے پیٹ سے نکلنے والے اپینڈکس کی لمبائی 23.7 سینٹی میٹر ہے۔

ڈاکٹرز نے بتایا کہ عام طور پر ایک انسان کے جسم مین 7 سے 11 سینٹی میٹر طویل اپینڈکس ہوتا ہے۔ تاہم اب تک کسی انسان کے جسم سے نکالے جانے والے سب سے بڑے اپینڈکس کی لمبائی 22 سینٹی میٹر رہی ہے۔

یہ اپینڈیکس افریقی ملک میں ایک شخص کے پیٹ سے نکالا گیا تھا اور طب کی کتابوں میں بھی یہی درج ہے۔

ڈاکٹرز نے بتایا کہ آپریشن سے قبل انھیں اندازہ نہیں تھا کہ پیٹ سے اتنا بڑا اپینڈکس نکلے گا۔ اس اپینڈکس کو طالب علموں کے لیے سنبھال کر رکھا جائے گا۔

انھوں نے مزید بتایا کہ آپریشن کے بعد مذکورہ مریض خاتون کی حالت بہتر ہے اور انھیں اسپتال سے ڈسچارج کردیا گیا ہے۔