Tag: خاقان شاہنواز

شوبز انڈسٹری کی نوجوان اداکار خاقان شاہنواز نے بالی ووڈ اداکارہ کرینہ کپور کے بیٹے کا کردار نبھانے کی خواہش ظاہر کردی۔

اے آر وائی ڈیجیٹل کے ڈرامہ سیریل ’سکون‘ میں ’رضا‘ کا کردار نبھانے والے اداکار خاقان شاہنواز نے نجی ٹی وی کے مزاحیہ شو میں شرکت کی اور اس دوران مختلف موضوعات پر گفتگو کی۔

میزبان نے سوال کیا کہ آپ کی کس اداکارہ کے ساتھ اداکاری کرنے کی خواہش ہے۔

خاقان شاہنواز نے جواب دینے کے بجائے ناظرین سے پوچھا کہ آپ بتائیں کہ کس اداکارہ کے ساتھ اداکاری کرنی چاہیے، ناظرین نے کہا کہ وہ انہیں کرینہ کپور کے ساتھ اسکرین پر دیکھنا چاہتے ہیں۔

جواب میں اداکار نے مسکراتے ہوئے کہا کہ میں ایک پروجیکٹ میں کرینہ کپور کے بیٹے کا کردار ادا کرسکتا ہوں، وہ ایک بہترین اداکارہ ہیں لیکن میں صرف ان کے بیٹے کا کردار ہی نبھا سکتا ہوں۔

یہ پڑھیں: کیا سدرہ نیازی اور خاقان شاہنواز بہن بھائی ہیں؟

اس سے قبل پروگرام ’گڈ مارننگ پاکستان‘ میں سدرہ نیازی اور خاقان شاہنواز نے شرکت کی تھی اور ’سکون‘ میں کردار کی مناسبت اور اپنے بہن بھائی ہونے کی خبروں پر وضاحت بھی پیش کی۔

خاقان شاہنواز ’رضا‘  اور سدرہ نیازی ’شانزے‘ نے سامعین کی الجھن کو دور کردیا جو ان کے ملتے جلتے انداز کی وجہ سے پائی جارہی تھی۔

خاقان اور سدرہ نے کاسٹنگ کا سہرا معروف ہدایت کار سراج الحق کو دیا اور واضح کیا کہ ان کا ایک دوسرے سے کسی بھی طرح سے کوئی تعلق نہیں ہے۔

خاقان شاہنواز نے کہا تھا کہ ڈائریکٹر نے چاروں کرداروں، سدرہ، مجھے اور تجربہ کار عتیقہ اوڈھو، عثمان پیرزادہ کو ایک خاندان کے طور پر کاسٹ کیا کیونکہ وہ سب ایک جیسے نظر آتے ہیں۔

جب ان سے پوچھا گیا کہ آپ دونوں دور کے رشتے دار ہیں تو انہوں نے کہا کہ سدرہ کا تعلق پٹھان فیملی سے ہے جبکہ میں پنجابی فیملی سے تعلق رکھتا ہوں۔

اداکار خاقان شاہنواز نے بتایا کہ میں نے یہ نہیں کہا تھا کہ اپنی گوری رنگت سبز آنکھوں اور دراز قد کی وجہ سے مواقع ملتے ہیں بلکہ یہ کہا تھا کہ خوبصورت ہونا بھی انہیں کام ملنے کی ایک وجہ ہے۔

حال ہی میں اداکار خاقان شاہنواز نے پوڈ کاسٹ میں واضح کیا کہ ان سے ماضی میں ایک انٹرویو کے دوران سوال کیا گیا کہ کیا انہیں دانیال ظفر کے دوست ہونے کی وجہ سے کام ملتا ہے؟

اداکار کا کہنا تھا کہ انہوں ںے مذکورہ سوال پر کہا تھا کہ نہیں، انہیں اس لیے بھی کام ملتا ہے کہ جو سماج نے خوبصورت شخص کا خاکہ بنا رکھا ہے، وہ اس پر پورا اترتے ہیں، اس لیے انہیں کام مل جاتا ہے۔

خاقان شاہنواز نے واضح کیا کہ ان کے کہنے کا مقصد تھا کہ جو سماج اور یہاں کے افراد نے خوبصورتی کے معیار بنا رکھے ہیں، وہ ان معیارات پر پورا اترتے ہیں، اس لیے بھی انہیں مواقع ملتے ہیں۔

View this post on Instagram

A post shared by Khaqan Shahnawaz (@khaqanshahnawaz)

انہوں نے بتایا کہ ان کے کہنے کا مطلب یہ نہیں تھا کہ وہ سب سے خوبصورت اور اچھے ہیں بلکہ وہ یہ بتانا چاہتے تھے کہ سماج کے بنائے گئے خود ساختہ اصولوں پر وہ پورا اترتے ہیں، اس لیے بھی انہیں کام مل جاتا ہے۔

خاقان شاہنواز نے ایک بار پھر تسلیم کیا کہ ان سے بہتر اور ٹیلنٹڈ لوگ بھی ملک میں موجود ہیں لیکن انہیں شوبز میں کام کرنے کے مواقع نہیں مل رہے، کیوں کہ ممکنہ طور پر وہ سماج کے بنائے گئے خوبصورتی کے خاکوں پر پورا نہیں اترتے۔

کام کے محاذ پر خاقان شاہنواز ڈرامہ سیریل ’سکون‘ میں اداکاری کررہے ہیں جبکہ مرکزی کاسٹ میں ثنا جاوید، احسن خان اور سدرہ نیازی شامل ہیں۔

ڈرامے کی دیگر کاسٹ میں قدسیہ علی، لیلیٰ واسطی، عثمان پیرزادہ، عدنان صمد خان، اسما عباس، احسن تالش ودیگر شامل ہیں۔

’سکون‘ کے ڈائریکٹر سراج الحق ہیں اور اس کی کہانی مصباح نوشین نے لکھی ہے۔