Tag: خالد مقبول صدیقی

حیدرآباد: متحدہ قومی موومنٹ کی رابطہ کمیٹی کے ڈپٹی کنوینر ڈاکٹر خالد مقبول صدیقی نے کہا ہے کہ ملک میں نئے صوبے بنانے کا مطالبہ آئینی ہے جس سے کسی صورت دستبردار نہیں ہونگے۔

حیدرآباد کے علاقے لطیف آباد میں ایم کیو ایم کے رکنیت سازی کیمپ کے دورے کے موقع پر میڈیا سے گفتگو کرتے ہوئے ڈاکٹر خالد مقبول صدیقی نے مزید کہا کہ آئین میں صوبے بنانے کی گنجائش موجود ہے، اس کے طریقہ کار پر اختلاف ہوسکتا ہے، جبکہ صوبے بنانے کا مطالبہ آئینی ہے اور اس مطالبے سے کسی صورت دستبردار نہیں ہونگے۔

انہوں نے کہا کہ آہستہ آہستہ ملک بھر میں لوگ نئے صوبے بنانے کے مطالبے کی طرف آرہے ہیں، ڈاکٹر خالد مقبول صدیقی کا کہنا تھا کہ جو لوگ صوبے کے مطالبے کو غداری سمجھ رہے ہیں وہ اپنے رویے پر غور کریں کیونکہ صوبہ کوئی ملک نہیں بلکہ انتظامی یونٹ ہوتا ہے۔

ایم کیو ایم رکنیت سازی مہم کے حوالے سے ان کا کہنا تھا کہ ملک بھر میں ایم کیو ایم کی رکنیت سازی کی مہم زوروشور سے جاری ہے اور لوگ جوق درجوق ایم کیو ایم میں شمولیت اختیار کررہے ہیں، انہوں نے کہا کہ ایم کیو ایم ایک پروگریسو اور لبرل جماعت ہے ، بہت سے جماعتیں اپنے لبرل ہونے کا دعویٰ کرتی ہیں لیکن ان کی سیاست موروثی طریقے سے آگے بڑھ رہی ہے۔

انہوں نے کہا کہ پاکستان کے مسائل کا حل عام آدمی کے ہاتھ میں ہے، ہم ایسے نوجوانوں کو ایوانوں میں بھیج رہے ہیں جو عوام کے مسائل کو سمجھتے ہیں۔

کراچی: ایم کیوایم کےرہنماخالد مقبول کہتےہیں طالبان اورداعش کےبارےمیں پہلےہی آگاہ کیاتھا،کارروائیاں روکناریاست کی ذمہ داری ہے،ایم کیو ایم اپنی رکنیت سازی کی مہم جاری رکھےگی۔

اورنگی ٹائون میں رکنیت سازی کیمپ پر حملے کی شدیدمذمت کرتے ہوئے رابطہ کمیٹی کا کہنا تھا کہ پر امن رکنیت سازی مہم کی سیکیورٹی کی ذمے داری حکومت کی تھی، رابطہ کمیٹی نے دہشت گردوں کو مخاطب کرتے ہوئے کہا کہ ایسی بزدلانہ کارروائیوں سے ایم کیو ایم کی آواز اور کارکنان کے عزم کو کمزور نہیں کیا جاسکتا۔

خالد مقبول صدیقی کہتے ہیں کہ دہشت گردوں کا ڈٹ کر مقابلہ کریں گے، داعش اور طالبانائزیشن کو روکنا ریاست کی ذمے داری ہے، ایم کیو ایم رہنمائوں کا کہنا تھا کہ رکنیت سازی مہم کو سیکیورٹی فراہم کرنا سندھ حکومت کی ذمے داری تھی جو انھوں نے پوری نہیں کی، اب وفاقی حکومت اپنی ذمے داری پوری کرے۔

ایم کیو ایم رہنمائوں کا کہنا تھا کہ حملوں کے باوجود مہم جاری رہے گی، ساتھ ہی کارکنان سے اپیل کی گئی ہے کہ وہ اپنی صفوں میں اتحاد رکھیں اور مشتعل نہ ہوں، ادھر الطاف حسین نے زخمی ایم پی ایز اور کارکنان کو فون کرکے خیریت معلوم کی اور جلد صحت یابی کی دعا بھی کی۔

کراچی: ایم کیوایم رابطہ کمیٹی کے رکن ڈاکٹرخالد مقبول صدیقی کہتے ہیں متحدہ قومی موومنٹ اپنے حصے کاانقلاب اور تبدیلی لاچکی ہے۔

ایم کیوایم رابطہ کمیٹی کے رکن ڈاکٹرخالد مقبول صدیقی کا کہنا تھا کہ وی آئی پی کلچر، اسٹیس کو  اور موروثی سیاست کے خاتمے اور اقتدار عوام تک پہنچنے کے لیے ایم کیو ایم کی کنیت سازی مہم کا سلسلہ ملک بھر میں جاری ہے۔خواتین نہ صرف ایم کیو ایم میں رکنیت سازی اختیار کر رہی ہیں بلکہ ایم کیو ایم کے پرچم اور الطاف حسین کے نام کی فیس پینٹنگ بھی کرائی جا رہی ہے ۔

ڈاکٹرخالد مقبول صدیقی کہتے ہیں کہ جلد اختیار غریب عوام کے پاس اور موروثی سیاست کرنے والے اپنی سیاسی موت آپ مر جائیں گے، خواتین کا کہنا تھا کہ الطاف حسین کی کرپٹ نظام کے خلاف جدوجہد نے انھیں گھروں سے نکلنے پر مجبور کیا،متحدہ رہنمائوں کا دعوی ہے کہ اب تک لاکھوں نوجوان اور عوام ایم کیو ایم کا حصہ بن چکے ہیں جلد ملک میں حقیقی نظام کی تبدیلی اور اٹھانوے فیصد عوام کی حکمرانی کا خواب شرمندہ تعبیر ہوگا۔