Tag: خالد مقبول صدیقی

کراچی: ایم کیو ایم کے ڈپٹی کنوینر ڈاکٹر مقبول صدیقی کہتے ہیں کہ جس معاشرے میں زندہ ہیں وہاں عدالتیں گونگی نہیں بلکہ اندھی اور بہری بھی ہیں۔

نائن زیرو پرایم کیو ایم شعبہ خواتین کے زیرِاہتمام کتاب کی رونمائی کی تقریب سے خطاب کرتے ہوئے ڈاکٹرخالد مقبول صدیقی کاکہنا تھا کہ اس وقت عوام قبائلی اورجاگیردارانہ نظام میں زندگی گذار رہے ہیں، دیہی علاقے کے وڈیرے سڑسٹھ سالوں سے شہری علاقوں میں حکومت کررہے ہیں۔

انہوں نے کہا کہ طبقاتی نظام تعلیم نے ملک کو تباہ کردیا ہے، ملک میں جاگیر دارانہ نظام ہوگا تو تعلیم کہاں سے آئے گی، خالد مقبول صدیقی نے کہا کہ جس ملک کو ملت اسلامیہ کا ممبر ہونا چاہیے وہ اب منڈی بن کر رہ گیا ہے، بہترین معاشرہ وہ ہے جہاں ظلم نہ ہو اور انصاف مہیا کیا جائے۔

کراچی: خالد مقبول صدیقی ؤنے کہا کہ عمران خان کراچی میں بلدیاتی الیکشن سے پہلے یہ تو بتائیں کے پی کے میں انتخابات کیو ں نہیں کرائے۔

ایم کیوایم رابطہ کمیٹی کے رکن خالدمقبول صدیقی کا کہنا تھا کہ بلدیاتی انتخابات کے حوالے سے عمران خان کی نیت پرشک نہیں لیکن انہیں یہ بھی بتاناچاہئے کہ وہ ڈیڑھ سال کے دوران خیبرپختونخوا میں الیکشن کیوں نہیں کراسکے۔

خالدمقبول صدیقی نے کہا کہ سندھ کے عوام اپنے حقوق کیلئےلڑناجانتے ہیں لیکن بعض معاملات پراس لیے نہیں کھڑے ہوئے کیوں کہ انہیں ملکی سالمیت عزیزتھی، کراچی جاگاہوا ہے اور جگانابھی جانتاہے۔

پی ٹی آئی اور ایم کیوایم کے مک مکا کے سوال پرخالدمقبول صدیقی کاکہناتھاجاننےکی کوشش کررہےہیں کہ پرویزرشیدکس مک مکاکی بات کررہےہیں۔

حیدرآباد: ایم کیو ایم کے رہنما خالدمقبول صدیقی کاکہناہے کچھ لوگ بے گھر افراد پرسیاست کر رہے ہیں ۔

ایم کیوایم کی فلاحی تنظیم خدمت خلق فاؤنڈیشن کی جانب سے حیدر آباد کے مستحق افراد میں گھریلواستعمال کی اشیا تقسیم کی گئیں،خالد مقبول صدیقی سمیت ایم کیوایم رابطہ کمیٹی کے دیگرارکان نے لوگوں میں سامان تقسیم کیا۔اس موقع پرگفتگو کرتےہوئے خالدمقبول صدیقی نے شمالی وزیرستان میں آپریشن ضرب عضب میں مصروف پاک فوج کے جوانوں کوسلام پیش کیا اور آپریشن کے باعث بے گھرہونے والے افراد سے ہمددری کااظہارکیا۔

انہوں نے بتایا کہ سندھ میں داخل ہونے کی کوشش کے دوران کچھ دہشت گرد گرفتار کئے گئے ہیں۔اس بات کاتعین کرناہوگاکہ کون لوگ بے گھرہوئے اورکون متاثرین کے روپ میں شہروں میں داخل ہورہاہے۔ ان کاکہناتھا کچھ لوگ بے گھرہونے والے افراد پرسیاست کررہے ہیں لیکن الطاف حسین نے خدمت کے لئے سیاست کو اپنایا۔

حیدرآباد :ایم کیوایم کے رہنما ڈاکٹر خالد مقبول صدیقی نے کہا ہے کہ الطاف حسین اپنے حصے کا انقلاب لا چکے ہیں ۔

افطار ڈنر کے شرکا سے خطاب کرتے ہوئے ان کا کہنا تھا آج کل جس انقلاب کا ذکر کیا جارہا ہے اس انقلاب کے لیے کسی خون ریزی کی ضرورت نہیں، انقلاب میں شمولیت کیلئے ایم کیو ایم کو بھی دعوتیں دی جارہیں ہیں،خالد مقبول صدیقی کا کہنا تھا کہ ریکارڈ کےلیے بتا دینا چاہتا ہوں کہ الطاف حسین اپنے حصہ کا انقلاب لا چکے ہیں۔

انکا کہنا تھا کہ پسماندہ علاقوں سے غریب اور متوسط طبقے کے افراد کو اسمبلیوں میں بھیجنا شروع کردیں انقلاب آجائے گا،حکومت اور چہروں کی تبدیلی میں ہماری دلچسپی نہیں ہے،اگر کوئی نظام کی تبدیلی کیلئے آگے آیا تو ہم اس جدوجہد میں ہراول دستے کا کردار ادا کریں گے۔