ممبئی: بالی وڈ اسٹار رنویر سنگھ نے اپنی آنے والی فلم ’ڈان 3‘ میں کام شروع کرنے سے قبل ہی ہونے والی تنقید پر خاموشی توڑ دی۔

بھارتی میڈیا کے مطابق ڈان فرنچائز اس کا تیسرا پارٹ بنانے پر کام کر رہی ہے، 1978 میں ریلیز ہونے والے پہلے پارٹ میں میگا اسٹار امیتابھ بچن جبکہ 2006 میں آنے والے تیسرے حصے میں سُپر اسٹار شاہ رخ خان جلوہ گر ہوئے تھے۔

’ڈان 3‘: اب 11 ملکوں کی پولیس رنویر سنگھ کی تلاش میں ہوگی

اداکار فرحان اختر کی ہدایت کاری میں بننے والے تیسرے پارٹ کیلیے سب سے پہلے شاہ رخ خان کا نام فائنل کیا گیا تھا لیکن بعد میں سُپر اسٹار نے فرنچائز چھوڑنے کا فیصلہ کیا، اب ’ڈان 3‘ میں مرکزی کردار کیلیے رنویر سنگھ کو فائنل کیا گیا ہے۔

بالی وڈ کے معروف اداکار رنویر سنگھ کو فلم ’ڈان 3‘ کا حصہ بنائے جانے پر سوشل میڈیا صارفین نے انہیں ’بڑی مصیبت‘ قرار دے کر تنقید کا نشانہ بنایا تھا تاہم اب اداکار نے اس پر کھل کر بات کی ہے۔

پرینکا چوپڑا ’ڈان 3‘ کی ’جنگلی بلی‘ بن گئیں

اداکار نے کہا کہ ’ مجھے بھی ڈان کی میگا فرنچائز میں چانس ملنا چاہیے، میں پچھلے 12 13 سال سے اندسٹری میں بہترین کام کررہا ہوں، تو اس لیے مجھے بھی ایک موقع ملنا چاہیے‘۔

ڈان 3 میں شاہ رخ خان کی جگہ لینے سے متعلق رنویر سنگھ نے کہا کہ ڈان بالی وڈ کی سب سے مقبول فرنچائز ہے، میں ڈان 3 کو اپنے طرز پر بنانا چاہتا ہوں اور اسے اپنا رنگ دینا چاہتا ہوں۔

ڈان 3 میں رنویر کے مقابل کون سی مشہور اداکارہ جلوہ گر ہوگی؟

انہوں نے کہا کہ مجھے یہ کردار نبھانے کی ذمہ داری سونپی گئی ہے لیکن اس سے فلم اور کردار کی اہمیت ختم نہیں ہوتی، ڈان کا کردار مجھے سونپنے کا اعلان ہوتے ہی تنقید اور خدشات کی توقع کی جارہی تھی۔

 رنویر سنگھ نے کہا کہ مجھے اس وقت اسی نوعیت کی تنقید کا سامنا ہے جو ہالی وڈ میں جیمز بانڈ کا کردار ڈینئیل کریگ کو دیئے جانے کے وقت کی جارہی تھی، اس لئے تنقید اور خدشات کا اظہار قدرتی ہے۔

واضح رہے کہ رنویر سنگھ اکثر و بیشتر سوشل میڈیا صارفین کی ٹرولنگ کا نشانہ بنتے ہیں، یہ بات ہے کہ وہ جس بھی فلم کا حصہ بنتے ہیں وہ یقیناً فلاپ ہوتی ہے۔

ممبئی: بالی وڈ کے اداکار سنجے کپور نے اپنے بڑے بھائی انیل کپور کا موازنہ کرنے پر بالآخر خاموشی توڑ دی ہے۔

سپر اسٹار انیل کپور اور پروڈیوسر بونی کپور کے چھوٹے بھائی سنجے کپور انڈسٹری میں کبھی بھی انیل کی کامیابی کا مقابلہ نہیں  کرپائے تاہم اب ایک نئے انٹرویو میں انہوں نے ان کے درمیان ہونے والے موازنہ کو تسلیم کیا۔

اداکار سنجے کپور نے کہا کہ 1995 میں جس وقت میں ’راجہ‘ فلم میں کام  کررہا تھا تو اس سے ایک دہائی پہلے انیل فلم انڈسٹری میں مقبول ہو چکے تھے، اور خود کو ہندی سنیما کے معروف ہیروز میں سے ایک کے طور پر قائم کر چکے تھے۔

سنجے کپور نے بالی وڈ ہنگامہ کو انٹرویو دیتے ہوئے کہا کہ میں  ہمیشہ اس بات سے واقف تھا کہ ہم بھائیوں کا ایک دوسرے سے موازنہ کیا جائے گا، لیکن میں اس حقیقت کو قطع نظرانداز نہیں کرسکتا  کہ انیل کا انڈسٹری میں مجھ سے کئی زیادہ زیادہ تجربہ ہے۔

انہوں نے کہا کہ اگر آپ کا پورا خاندان ایک ہی انڈسٹری میں ہے تو اس کے فوائد و نقصانات دونوں ہیں، اس طرح کا بیک گراؤند رکھنے والے اداکار سے لوگ 10 گناہ زیادہ توقعات رکھتے ہیں۔

پاکستانی ڈراموں اور فلموں میں کام کرنا چاہتا ہوں،انیل کپور

سنجے کپور نے کہا کہ میری پہلی فلم کو موازنہ انیل کپور کی اس دوران ریلیز ہونے والی فلم سے کیا جارہا تھا، لیکن جب میں نے کیرئیر شروع کیا تو انیل اندسٹری کے سپر ڈوپر اسٹار تھے۔

اداکار نے کہا کہ انیل نے اس وقت تک بالی وڈ کی سب سے ہٹ فلم ’ مسٹر اندیا، تیزاب، رام لکھن میں کے ہیرو رہ چکے تھے اور اس وقت میرا موازنہ ان کی اس فلم سے کیا جارہا تھا، لیکن میں جانتا تھا میرا موازنہ کسی دوسرے اداکار سے نہیں بلکہ میرے بھائی سے کیا جائے گا۔

اداکار نے کہا کہ جب میری فلمیں باکس آفس پر اچھا کام نہیں کرتی تھیں تو میں ہار نہیں مانتا تھا، اور میں خوش ہوتا تھا کہ اتنے سالوں بعد بھی میں کسی نہ کسی کردار میں کام کرنے والا اداکار ہوں۔

واضح رہے کہ بونی، انیل اور سنجے کپور آنجہانی پروڈیوسر سریندر کپور کے بیٹے ہیں، جنہوں نے بالی وڈ کے کئی مشہور پراجیکٹس کیے ہیں۔