جہلم : خاندانی تنازعہ نے بارہ سال کے بچے کی جان لے لی، بچے کومبینہ طور پر پھندہ لگا کر قتل کیا گیا۔
تفصیلات کے مطابق جہلم میں دینہ کے گاؤں ہڈالہ میں 12 سالہ بچے کو مبینہ طورپرقتل کردیاگیا ، پولیس نے بتایا کہ مزمل کی تشددزدہ لاش اپنےہی گھرکی چھت سے برآمد ہوئی۔
پولیس کا کہنا تھا کہ بچے کومبینہ طورپر گلے میں پھندہ لگا کر قتل کیا گیا تاہم بچے کی لاش قانونی کارروائی کیلئے اسپتال منتقل کر دی گئی ہے۔
خاندانی ذرائع کا کہنا ہے کہ مزمل کو خاندانی تنازعہ پر دشمنی پر قتل کیا گیا۔
فیصل آباد : فیصل آباد کے علاقے تاندلیانوالہ میں خاندانی تنازعے میں مخالفین کی فائرنگ سے دو بہنیں جاں بحق ہو گئیں،ملزمان کو گرفتار کر لیا گیا۔
میڈیا رپورٹس کے مطابق تاندلیانوالہ کے علاقے میں کچھ لوگوں نے ایک گھر میں گھس کر فائرنگ کردی جس کے نتیجے میں گھر میں موجود دو سگیں بہنیں شدید زخمی ہو گئیں جنہیں فوری طور قریبی اسپتال منتقل کیا گیا۔
اسپتال ذارئع کے مطابق فائرنگ سے زخمی ہونے والی بہنوں کو طبی امداد دی جا رہی تھی کہ وہ زخموں کی تاب نہ لاتے ہوئے جاں بحق ہو گئیں،ہلاک ہونے والی بہنوں کا پوسٹ مارٹم جا رہی ہے جس کے بعد میتوں کو ورثاء کے حوالے کردیا کیا جائے۔
علاقہ پولیس کا کہنا ہے کہ ابتدائی تحقیقات سے پتہ چلا ہے کہ فائرنگ کا واقعہ خاندانی چپقلش کا نتیجہ ہے مخالفین نے گھر میں گھس کر فائرنگ کی اور دو سگی بہنوں نسرین اور شبانہ کو فائرنگ کر کے ہلاک کر دیا،پولیس نے فائرنگ کرنے والے چمن اور نزیر نامی ملزمان کو گرفتار کر کے ملزمان کے خلاف قتل کا مقدمہ درج کر لیا گیا ہے۔
علاقہ مکینوں کا کہنا ہے کہ مخالفین ایک ہی خاندان کے ہیں جن میں کئی سالوں سے درینہ دشمنی چلی آرہی ہے اور پہلے بھی تصادم ہوتا رہا ہے جس کو مقامی بااثر افراد حل کرادیا کرتے تھے تا ہم اس بار مخالفین نے قانون کو اپنے ہاتھ میں لے لیا۔