مسجد الحرام میں خانہ کعبہ کے طواف کے دوران ایک شخص نے لوگوں کی توجہ حاصل کرلی جس کی وجہ اس کا غیر معمولی قد تھا۔
سعودی میڈیا رپورٹس کے مطابق طویل القامت شخص کا تعلق بظاہر کسی افریقی ملک سے لگتا ہے جبکہ اس کی ویڈیو سوشل میڈیا پلیٹ فارمز پر بھی وائرل ہوگئی ہے۔
خانۂ کعبہ کے طواف کے دوران دراز قد شخص اور باقی لوگوں میں فرق کافی نمایاں تھا۔ ویڈیوز میں اس شخص کو طواف کرتے اور رکن ادا کرتے دیکھا جا سکتا ہے۔
ذرائع ابلاغ نے بتایا کہ اس شخص کی رنگت اور شباہت سے وہ کسی افریقی ملک کا باشندہ لگتا ہے لکن باضابطہ طور پر اس شخص کے وطن کا پتا نہیں چل سکا۔
اس شخص کے قد کو دیکھتے ہوئےاس بات کا بھی امکان ظاہر کیا جا رہا ہے کہ یہ شخص دنیا کے طویل القامت مردوں میں شامل ہو۔
