خانیوال : سگی ماں نے ساتھی کے ساتھ مل کر13سالہ حافظ قرآن بیٹے کو نہر میں پھینک دیا، پولیس نے قتل کے الزام میں خاتون سمیت دو ملزمان کو گرفتار کرلیا۔
تفصیلات کے مطابق خانیوال میں سگی ماں نے اپنے ساتھی کے ساتھ مل کر13سالہ حافظ قرآن بیٹے کو قتل کردیا، دس روز پہلے لاپتہ ہوئے13سالہ حافظ رضوان کی لاش نہر سے برآمد ہوئی تھی۔
چک شیر خان کی رہائشی بیوہ فیضاں بی بی نے ساتھی کے ساتھ مل کر بیٹے کو نہر میں پھینکا، قاتل ماں نے بیٹے کی گمشدگی کی رپورٹ تھانہ صدر کبیر والا میں درج کرائی تھی۔
ڈی پی او نے شک ہونے پر شامل تفتیش کیا تو ملزمہ کے قول و فعل میں تضاد پایا گیا، بعد ازاں ملزمہ نے اعتراف جرم کرلیا، تھانہ صدر کبیروالہ نے ماں اور اس کے ساتھی کو گرفتار کرلیا ہے۔
ریسکیو آپریشن کے بعد کوئٹہ چمن شاہ راہ ٹریفک کے لیے کھول دی گئی ہے۔
دوسری طرف پنجاب کے شہر خانیوال میں موٹر وے ایم 4 پر کار اور ٹرک میں ٹکر ہوئی جس کے نتیجے میں ایک خاتون سمیت 3 افراد جاں بحق ہوئے۔
ریسکیو ذرایع کے مطابق خانیوال حادثے میں 3 بچوں سمیت 5 کار سوار افراد شدید زخمی ہوئے ہیں جنھیں طبی امداد کے لیے فوری طور پر اسپتال منتقل کر دیا گیا ہے۔
خیال رہے کہ ملک کی سڑکوں پر آئے دن افسوس ناک ٹریفک حادثات رو نما ہو رہے ہیں، جن میں قیمتی جانیں ضایع ہو جاتی ہیں، ان حادثات کی اکثر وجہ تیز رفتاری بتائی جاتی ہے۔
دو ہفتے قبل پنجاب ایمرجنسی سروس کی ایک رپورٹ میں کہا گیا تھا کہ 20 جولائی کو چوبیس گھنٹوں میں صوبے بھر میں 807 روڈ ٹریفک حادثات ہوئے، جن میں 9 افراد جاں بحق جب کہ 892 افراد شدید زخمی ہوئے تھے۔
خانیوال: صوبہ پنجاب کے شہر خانیوال میں تین نامعلوم مسلح کار سوار ڈاکو جیولرز شاپ سے لاکھوں روپے مالیت کے زیورات اور نقدی لے کر فرار ہوگئے۔
تفصیلات کے مطابق خانیوال میں پرانی سبزی منڈی چوک کے قریب نصیر جیولرز پر تین نامعلوم مسلح ڈاکو سوزکی مہران کارپر آئے اور اسلحہ کے زور پر زیورات لوٹنے کی کوشش کی، مزاحمت پر ڈاکوؤں نے فائرنگ کردی جس سے جیولرز شاپ کے شیشے توٹ گئے۔
ڈاکوؤں کی فائرنگ سے ان کا اپنا ہی ساتھی فائر لگنے سے زخمی ہوگیا تام اس دوران مسلح کار سوار ڈاکو 5 سیٹ چاندی اور نقدی نقصان کی کل مالیت اڑھائی لاکھ بنتی ہے لے کر فرار ہونے میں کامیاب ہو گئے۔
ڈپی پی او خانیوال اسد سرفراز خان واقعے کی اطلاع ملتے ہی جائے وقوعہ پر پہنچے اور ایس ایچ او تھانہ سٹی کو ڈاکوؤں کی فوری گرفتاری کے احکامات جاری کیے۔ تاجروں نے پولیس کے بروقت پہنچنے کا خیر مقدم کرتے ہوئے ڈاکوؤں کی فوری گرفتاری کا مطالبہ کیا ہے۔
یاد رہے کہ گزشتہ روز سکھرو روہڑی میں دو پولیس مقابلوں کے دوران 2 ڈاکوؤں کو زخمی حالت میں گرفتار کر کے اسلحہ برآمد کیا گیا تھا، گرفتار ڈاکو سکھر، حیدرآباد سمیت دیگر اضلاع کی پولیس کو سنگین مقدمات میں مطلوب تھے۔
خانیوال: گھریلوحالات سےتنگ آکرماں نےمبینہ طورپر2بچیوں کونہرمیں پھینک دیا، بچیوں کی تلاش جاری ہے۔
تفصیلات کے مطابق یہ واقعہ چھپ کلاں کی حدودمیں پیش آیا ہے ، پولیس نے ماں سمیت دو افراد کو گرفتار کرلیا ہے۔دوسری جانب ریسکیو ٹیمیں نہر میں پھینکی جانے والی بچیوں کی تلاش میں مصروف ہیں ، تاحال ان بچیوں کو کوئی سراغ نہیں ملا ہے۔
پولیس کا کہنا ہےکہ بچیوں کے مل جانے تک معاملے میں کوئی پیش رفت نہیں ہوسکے گی ، بچیوں کی عمریں بالترتیب ساڑھے سات سال اور ساڑھے تین سال ہیں۔بتایا جارہا ہے کہ بچیوں کی ماں اپنے گھریلو حالات سے بے پناہ نالاں تھی جس کے سبب اس نے یہ انتہائی قدم اٹھایا ہے۔
یاد رہے کہ غربت اور سماجی تفریق کے سبب ملک میں اس قسم کے واقعات بڑھتے ہی جارہے ہیں، گزشتہ روز کراچی میں ایک والد نے اپنی چھ سال کی بچی کو سالگرہ کا کیک نہ کھانے پر تشدد کرکے قتل کردیا تھا۔
اسی طرح کا ایک واقعہ رواں ماہ کے آغاز میں پیش آیا تھا جب کراچی کےعلاقے کلفٹن میں اپنی پھول جیسی کمسن ڈھائی سالہ بیٹی انعم کو سمندر میں ڈبو کرقتل کرنے کے بعد ماں نے خود بھی خودکشی کی کوشش کی تھی ، تاہم موقع پر موجود لوگوں نے اسے ڈوبتا دیکھ کر بچا لیا تھا۔ ملزمہ کے اہل ِ خانہ کا کہنا تھا کہ وہ نفسیاتی مسائل کا شکار ہے۔
دوسری جانب گزشتہ سال دسمبر میں صوبہ پنجاب کے شہر سرگودھا میں ایک باپ نے اپنی معاشی حالت میں بہتری کے لیے جعلی عامل کے حکم پر عمل کرتے ہوئے ڈیڑھ سالہ بیٹی مبینہ طور پر قتل کردی تھی ، پولیس نے والد اور عامل دونوں کو گرفتار کرلیا تھا۔
ملتان: جنوبی پنجاب کے ضلع خانیوال، جہانیاں میں زگ زیگ ٹیکنالوجی پر منتقل کیا جانے والا اینٹوں کا بھٹہ فعال کردیا گیا۔ زگ زیگ ٹیکنالوجی کے بعد علاقے کے ماحول اور مقامی افراد کی صحت میں نمایاں بہتری دیکھنے میں آرہی ہے۔
جہانیاں میں زگ زیگ ٹیکنالوجی پر منتقل کیا جانے والا یہ دوسرا بھٹہ ہے۔ اس سے قبل لاہور میں بھی ایک بھٹے کو زگ زیگ ٹیکنالوجی پر منتقل کیا گیا تھا جس کے بعد وہ پاکستان کا پہلا زگ زیگ ٹیکنالوجی سے آراستہ بھٹہ بن گیا تھا۔
بھٹے کے مالک خالد عمر کا کہنا ہے کہ زگ زیگ ٹیکنالوجی سے دھوئیں کے اخراج میں 40 فیصد کمی آئی ہے۔ بھٹے کو زگ زیگ ٹیکنالوجی پر منتقل کیے جانے پر ایک کروڑ روپے لاگت آئی ہے۔
ماہر ماحولیات ڈاکٹر عمر غوری کے مطابق زگ زیگ ٹیکنالوجی والا بھٹہ سفید دھواں خارج کرتا ہے جو سیاہ دھوئیں کے مقابلے میں کم نقصان دہ ہے۔ سیاہ دھواں نہایت آلودہ اور زہریلا ہوتا ہے جو ماحول کے لیے بے حد خطرناک ہے۔
سیاہ دھواں اسموگ کا سبب بھی بنتا ہے جو شہریوں میں دمہ، سانس کی بیماریاں، آنکھوں کے انفیکشن اور پھیپھڑوں کی بیماریاں پیدا کرنے کا باعث بنتا ہے۔
زگ زیگ ٹیکنالوجی کے کام کرنے کے بعد مقامی افراد نے بھی علاقے کی فضائی آلودگی میں کمی محسوس کی جبکہ آلودگی کے باعث ہونے والی مختلف بیماریوں میں بھی کمی دیکھی گئی۔
یاد رہے کہ صوبہ پنجاب کے محکمہ تحفظ ماحولیات نے اسموگ کے پیش نظر 2 ہزار اینٹوں کے بھٹے 20 اکتوبر سے 31 دسمبر تک بند رکھنے کا حکم دیا تھا۔
خانیوال : صوبہ پنجاب کے علاقے جہانیاں میں معمولی تلخ کلامی پردوگروہوں میں تصادم کے نتیجے میں دو افراد جاں بحق جبکہ دس شدید زخمی ہوگئے۔
تفصیلات کے مطابق جہانیاں کے نواحی گاؤں چک نمبرایک سو دس آر میں تلخ کلامی پر دو گروپ آمنے سامنے آگئے، لاٹھیوں اور ڈنڈوں سے شروع ہونے والی لڑائی میں فائرنگ تک نوبت جا پہنچی۔
فائرنگ سے شوکت سہول، محمد نواز، اعظم، رمیض، راحیل، زوہیب، رامیل شدید زخمی ہوگئے جنہیں فوری طور پرنشتر اسپتال منتقل کیا گیا جہاں شوکت سہول اور محمد اعظم زخموں کی تاب نہ لاتے ہوئے دم توڑ گئے جبکہ ملزم موقع سے فرار ہوگیا۔
فائرنگ کے واقعے میں زخمی ہونے والے دیگر افراد کو تحصیل اسپتال میں طبی امداد فراہم کی جارہی ہے۔
پولیس نے موقع پر پہنچ کر کارروائی شروع کردی ہے جبکہ جاں بحق ہو نے والے دونوں افراد کی لاشیں پوسٹ مارٹم کے لیے تحصیل ہیڈ کوارٹراسپتال منتقل کر دی گئیں ہیں۔
خیال رہے کہ گزشتہ ہفتے لاہور کے علاقے نشترکالونی میں رات گئے نامعلوم شخص نے گھر میں گھس کر فائرنگ کردی تھی جس کے نتیجے میں میاں بیوی جان کی بازی ہار گئے تھے ، فائرنگ کے واقعے کے بعد ملزم فرار ہوگیا تھا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
خانیوال / لاہور : اینٹی ٹیرر ازم ڈیپارٹمنٹ نے خانیوال بس اسٹینڈ سے چار مبینہ دہشت گردوں کو گرفتار کر کے اسلحہ برآمد کرلیا، لاہور میں لڑکی پر تیزاب پھیکنے والا ملزم پکڑا گیا۔
تفصیلات کے مطابق اینٹی ٹیرر ازم ڈیپارٹمنٹ نے خانیوال کو بڑی تباہی سے بچا لیا، خفیہ اطلاع پر خانیوال بس اسٹینڈ پر کارروائی کرکے چار مبینہ دہشت گردوں کو گرفتار کر لیا گیا، سی ٹی ڈی ترجمان کے مطابق مبینہ دہشت گردوں کا تعلق کلعدم تنظیم سے ہے۔
مبینہ دہشت گرد خانیوال شہر میں حساس مقامات کو نشانہ بنانے کی منصوبہ بندی کر رہے تھے۔ ان مبینہ دہشت گردوں میں غلام علی، احمد بلال، حسن امین اور طاہر شامل ہیں۔
سی ٹی ڈی ترجمان کا مزید کہنا ہے کہ ملزمان کے قبضہ سے چار ہینڈ گرنیڈ، نقشے اور اسلحہ برآمد کر کے تھانہ سی ٹی ڈی ملتان میں مقدمہ درج کرلیا گیا ہے، ملزمان کو نامعلوم مقام پر منتقل کر کے تفتیش شروع کر دی گئی ہے۔
دوسری جانب لاہور گرین ٹاؤن انوسٹی گیشن پولیس نے کارروائی کر کے چند روز قبل 20 سالہ مریم نامی لڑکی پر تیزاب پھینکنے والے ملزم سیف کو گرفتار کر لیا۔
تھانہ گرین ٹاون انویسٹی گیشن پولیس کے مطابق ملزم سیف عرف عون دو روز قبل محبت میں ناکامی پر مریم نذیر نامی لڑکی پر تیزاب پھینک کر فرار ہوگیا تھا ۔
ملزم کے خلاف تھانہ گرین ٹاؤن میں مقدمہ درج ہونے کے بعد پولیس نے کارروائی کرتے ہوئے دو روز میں ملزم سیف عرف عون کو گرفتار کر لیا، پولیس کے مطابق ملزم سے مزید تفتیش کی جارہی ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
خانیوال: وزیراعلیٰ پنجاب شہباز شریف نے کہا ہے کہ سندھ میں ن لیگ کو ووٹ ملا تو سندھ کو پنجاب بنادیں گے۔
وہ خانیوال میں مسلم لیگ ن کے جلسے سے خطاب کر رہے تھے، انھوں نے کہا ہم نے جنوبی پنجاب میں اربوں کے ترقیاتی منصوبے مکمل کرائے جب کہ پی ٹی آئی نے پانچ سال میں خیبر پختونخوا کا بیڑاغرق کردیا ہے۔
شہباز شریف نے کہا کہ آنے والے انتخابات میں ن لیگ پھر جیتے گی، ہم جیت کر جذبے سے قوم کی خدمت کرتے رہیں گے، رواں سال اندھیرے ہمیشہ کے لیے ختم ہوجائیں گے۔
ان کا کہنا تھا کہ عمران نیازی جھوٹوں کے آئی جی ہیں، کام کیا ہوتا تو پشاور میں منشور دیتے، دوسری طرف سندھ کے ہاریوں کو زرداری نے کنگال کر دیا ہے۔
دریں اثنا وزیر اعلیٰ پنجاب شہباز شریف نے خانیوال کے سول اسپتال میں دل کے امراض کے وارڈ اور سی ٹی اسکین مشین کا افتتاح بھی کیا۔ شہباز شریف نے جلسے کے شرکا کو خانیوال لودھراں 92 کلو میٹرسڑک کے افتتاح پر مبارک باد دی، کہا کیا جنوبی پنجاب میں ماضی میں ایسے کام ہوئے۔
ان کا کہنا تھا کہ 2018 میں خانیوال والوں نے ووٹ دیا تو یہاں میڈیکل کالج بناؤں گا اور اسے منی لاہور بنادوں گا، جلد خانیوال جنوبی پنجاب کا بہترین مرکز بننے والا ہے۔
شہباز شریف نے کہا دل چاہتا ہے خانیوال میں بھی میٹرو سروس بناؤں، آج خانیوال اورجہانیاں کے لیے 20 اسپیڈو بسوں کا اعلان کرتا ہوں۔
واضح رہے کہ شہباز شریف الیکشن مہم کے سلسلے میں ملک کے مختلف شہروں کے دورے کر رہے ہیں، گزشتہ روز انھوں نے سندھ کے شہر میرپور خاص میں جلسے سے خطاب کرتے ہوئے کہا تھا کہ آصف زرداری نے سندھ کو تباہ کرکے دولت دبئی منتقل کردی ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
خانیوال : صوبہ پنجاب کے علاقے کبیر والا میں ٹریکٹر اور موٹرسائیکل میں تصادم کے نتیجے میں ایک ہی خاندان کے چار نوجوان جاں بحق ہوگئے۔
تفصیلات کے مطابق خانیوال کے علاقے کبیروالا میں موٹرسائیکل ٹریکٹر سے ٹکرا گئی جس کے نتیجے میں 4 افراد جان کی بازی ہار گئے۔
پولیس کے مطابق صابر اپنے کزنز کے ہمراہ موٹرسائیکل پرعبدالحکیم جا رہا تھا کہ اس کی موٹر سائکل ٹریکٹر سے ٹکرا گئی، حادثے میں موٹرسائیکل پرسوار چاروں افراد جاں بحق ہوگئے۔
پولیس حکام کےمطابق حادثے میں جاں بحق ہونے والوں کی شناخت صابر، جمشید، مزمل اور عنصر کے نام سے ہوئی ہے اوران کا تعلق ایک ہی خاندان سے ہے۔
خیال رہے کہ 5 اکتوبر 2017 کو صوبہ پنجاب کے شہرگوجرانوالہ میں تیزرفتار کار نے موٹرسائیکل کوٹکر مار دی تھی جس کے نتیجے میں خاتون جاں بحق جبکہ دو افراد زخمی ہوگئے تھے۔
یاد رہے کہ گزشتہ سال 5 ستمبر کو صوبہ پنجاب کے شہر منڈی بہاوالدین میں موٹرسائیکل اورٹریکٹر ٹرالی میں تصادم کے نتیجے میں ایک شخص جاں بحق جبکہ خاتون زخمی ہوگئی تھی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
خانیوال: تحریک انصاف کے چیئرمین عمران خان نے کہا ہے کہ مجرموں نےملک پر قبضہ کرلیا، پاکستان تبدیلی کیلئے جاگ چکاہے، روک سکو تو روک لو، ہماری حکومت آئے گی، نواز شریف کو ضیاء الحق نے چوسنی دے کر پالا تھا۔
ان خیالات کا اظہار انہوں نے خانیوال میں پی ٹی آئی کے زیر اہتمام بہت بڑے جلسہ عام سے خطاب کرتے ہوئے کیا، عمران خان نے کہا کہ باریاں لینے والےحکمرانوں نے ملک کو پستی کی طرف دھکیلا، دنیا کی بہترین ایئرلائن پی اےآئی کو تباہ کردیا گیا۔
مجرموں نےملک پرقبضہ کرلیا ہے، لیکن اب عوام نئے پاکستان کیلئے جاگ گئی ہے، عوام نے فیصلہ کرلیا ہے کہ اب ملک کو ایسےنہیں چلنے دیں گے، نوازشریف آپ مائنس ہو نہیں رہے بلکہ ہوچکے ہو۔
پنجاب میں دھند نہیں آلودگی ہے
عمران خان نے کہا کہ پاکستان کی تاریخ میں کبھی اس طرح کی دھند نہیں پڑی، پنجاب میں دھند نہیں آلودگی ہے اور
3لاکھ پاکستانی آلودگی سےمرتےہیں، آج تک کسی نے ملک کی ہوا صاف کرنے کیلئےکچھ کیا ہی نہیں، آلودگی سے صرف صحت نہیں فصلوں پربھی فرق پڑےگا۔
انہوں نے کہا کہ پی ٹی آئی ملک کی پہلی جماعت ہوگی جوماحول کاصاف کرے گی، ماحولیاتی آلودگی کے خاتمے کیلئے ہم نے خیبرپختونخوامیں ایک ارب 18کروڑدرخت اگائےہیں، یہ درخت ووٹوں کیلئےنہیں بلکہ آئندہ آنے والی نسلوں کیلئےاگائے گئے ہیں، روک سکو تو روک لو،ہماری حکومت ہی آئے گی۔
انہوں نے کہا کہ پاکستان جیسی خوبصورتی پوری دنیا میں کہیں نہیں دیکھی، اللہ نےپاکستان کوبہت سی نعمتوں سےنوازاہے، اللہ نےپاکستان کو12موسم دیئےہیں، خیبرپختونخوا میں 4نئی وادیاں ڈھونڈی ہیں۔
شاہد خاقان عباسی جیسا بزدل وزیراعظم نہیں دیکھا
عمران خان نے جلسے سے خطاب کرتے ہوئے وزیر اعظم کو مخاطب کرتے ہوئے کہا کہ شاہدخاقان عباسی! ملک کوقرضوں میں دھکیل رہےہو، آپ جیسا کمزور اور بزدل وزیراعظم نہیں دیکھا،نوازشریف! آپ کوسپریم کورٹ نےمائنس کردیا۔
عمران خان کا کہنا تھا کہ شاہد خاقان عباسی تھوڑی غیرت دکھاؤ، یہ قوم بکنے والی نہیں ہے، تم نےشوکت عزیز کا بھی ریکارڈ توڑدیا، شاہد خاقان عباسی نااہل وزیراعظم کےقدموں میں گرے ہوئےہیں، تھوڑی سی دلیری دکھائیں۔
نوازشریف کو ضیاءالحق نےچوسنی دے کر پالاتھا
عمران خان کا مزید کہنا تھا کہ عدلیہ نے سابق وزیر اعظم کے خلاف میرٹ پرفیصلہ دیا ہے، نوازشریف کو ضیاءالحق نےچوسنی دے کر پالاتھا، نوازشریف ماضی میں پیسے لے کر حکومتیں گراتے تھے، نوازشریف نےفاروق لغاری سے مل کربینظیر کی حکومت گرائی، نوازشریف! سن لو آپ کے خلاف سازش نہیں یہ اللہ کی پکڑہے، تمہاری سیاست کی قبر کھودی جاچکی ہے۔
میرا وعدہ ہے ملک میں سرمایہ کاری لیکرآؤں گا
انہوں نے کہا کہ بیرون ملک مقیم پاکستانی ملک کاسب سےبڑااثاثہ ہیں، وہ اپناسرمایہ پاکستان لیکر آگئےتو سب خوشحال ہوجائیں گے، بیرون ملک مقیم پاکستانی اپنا سرمایہ کرپشن کی وجہ سے پاکستان نہیں لاتے، میرا وعدہ ہے ملک میں سرمایہ کاری لیکرآؤں گا۔
انہوں نے کہا کہ ملک میں اتناپیسہ اکھٹا کروں گا کہ قرضہ نہ لینا پڑے اور وہ پیسہ عوام پر خرچ کریں گے، اقتدار ملا تو مخالفین کے خلاف انتقامی کارروائی نہیں کریں گے۔
اقلیتی برادری سےبھارت جیساسلوک نہیں کیا جائے گا، اقلیتوں کو برابرکے حقوق دیں گے۔ وہ وقت بھی آئے گا جب دبئی اور دیگر ممالک سے لوگ یہاں روزگار کیلئےآئیں گے۔