خانیوال: پاکستان تحریک انصاف آج صوبہ پنجاب کے شہرخانیوال میں سیاسی قوت کا مظاہرہ کرے گی، چیئرمین عمران خان جلسے سے خطاب کریں گے۔
تفصیلات کے مطابق پاکستان تحریک انصاف آج خانیوال میں جلسہ کرے گی جس کے لیے پنڈال سج گیا، تمام انتظامات کو حتمی شکل دے گئی، ہر طرف پارٹی پرچموں کی بہار ہے جبکہ جلسہ گاہ میں کارکنان موجود ہیں۔
پاکستان تحریک انصاف کے سربراہ عمران خان سمیت پارٹی کے دیگر رہنما جلسے سے خطاب کریں گے۔
جلسہ گاہ کی سیکورٹی کے لیے پولیس کی بھاری نفری تعینات کی گئی ہے، پولیس کمانڈوز اور سادہ کپڑوں میں اہلکار بھی جلسہ گاہ میں ڈیوٹی سرانجام دیں گے۔
نیب کے سابق چیئرمین میرٹ پر نہیں تھے، عمران خان
خیال رہے کہ گزشتہ روز کوٹ ادو میں جلسہ عام سے خطاب کرتے ہوئے تحریک انصاف کے چیئرمین عمران خان کا کہنا تھا کہ مسلم لیگ ن کے لوگوں کا خیال تھا لوگ پاناما کو بھول جائیں گے مگر ایسا نہیں ہوا، اب عوام اپنا لوٹا ہوا پیسہ واپس لینے کے لیے جاگ چکے ہیں۔
یاد رہے کہ دو روز قبل پاکستان تحریک انصاف کے سربراہ عمران خان کا کہنا تھا کہ وزیراعظم شاہد خاقان عباسی ناجائز طریقے سے کمائی دولت بچانےمیں مدد دے رہے ہیں۔
