Tag: خبردار

  • ایف آئی اے نے عوام کو خبردار کر دیا

    ایف آئی اے نے عوام کو خبردار کر دیا

    اسلام آباد (25 اگست 2025): فیڈرل انویسٹی گیشن ایجنسی (ایف آئی اے) نے  ملک بھر کے عوام کو سائبر کرائم عناصر سے خبردار کر دیا ہے۔

    اے آر وائی نیوز کے مطابق ایف آئی اے کی جانب سے جاری بیان میں ملک بھر کے عوام کو جعلسازوں اور سائبر کرائم عناصر سے خبردار کرتے ہوئے انہیں ہدایت کی ہے کہ وہ سوشل میڈیا بالخصوص واٹس ایپ پر جعلی پیغامات سے ہوشیار رہیں اور ذاتی معلومات ہرگز شیئر نہ کریں۔

    ترجمان ایف آئی اے کا کہنا ہے کہ جرائم پیشہ عناصر کے واٹس پر جعلی ایف آئی آر سے ڈرا کر عوام الناس کو ہراساں کرنے کی اطلاعات ہیں۔ ان عناصر کی جانب سے جعلی ایف آئی آر میں بے گناہ شہریوں کو نامزد کر کے انہیں خوف و ہراس میں مبتلا کیا جا تا ہے۔

    بیان میں مزید کہا گیا ہے کہ یہ عناصر خود کو ایف آئی اے اہلکار ظاہر کرنے کی کوشش کرتے ہیں۔ شہریوں کو سائبر کرائمز اور دہشتگردی جیسے الزامات سے بلیک میلنگ کی کوشش کی جا رہی ہے۔

    ترجمان ایف آئی اے کے مطابق ادارےکی طرف سے کسی فرد کو بھی اس نوعیت کے پیغام واٹس ایپ پر نہیں بھیجے جاتے۔ عوام کسی بھی مشکوک پیغام یا رابطے کی شکایت نیشنل سائبر کرائم ایجنسی کو درج کرائیں۔

    https://urdu.arynews.tv/fia-cybercrime-gets-powers-to-act-against-social-media-offences/

  • کیا آپ کیو آر کوڈ اسکین کے ان خطرات سے واقف ہیں؟

    کیا آپ کیو آر کوڈ اسکین کے ان خطرات سے واقف ہیں؟

    آج کی ڈیجیٹل دنیا میں، کیو آر  کوڈز  ریسٹورنٹس کے مینو کارڈ سے لے کر میوزیم کی نمائش تک، اور یہاں تک کہ یوٹیلیٹی بلز اور پارکنگ لاٹس تک تقریباً ہر چیز پر رکھے جاتے ہیں۔

    صارفین کیو آر کوڈ کا استعمال ویب سائٹس کھولنے، ایپس ڈاؤن لوڈ کرنے، لائلٹی پروگرام پوائنٹس جمع کرنے، ادائیگی کرنے اور رقم کی منتقلی، اور خیراتی عطیات کے لیے بھی کرتے ہیں، تاہم اس سے سائبر خطرات نے بھی جنم لے لیا ہے۔

    کیسپرسکی ماہرین نے کیو آر کوڈز کو اسکین کرتے وقت اہم ترین خطرات کی نشاندہی کی ہے، کیو آر کوڈز صارفین کو جعلی ویب سائٹس کی طرف منتقل کر سکتے ہیں جو ذاتی یا مالی معلومات، جیسے کہ پاس ورڈ اور کریڈٹ کارڈ نمبر چرانے کے لیے بنائی گئی ہیں۔

    ماہرین کا کہنا ہے کہ حملہ آور جائز سائٹس کی نقالی کر سکتے ہیں، جیسے کہ بینک یا اسٹریمنگ سروسز، اور صارفین کو ان کی  لاگ ان پاسورڈ  لگانے کے لیے دھوکہ دے سکتے ہیں۔

    کچھ کیو آر  کوڈز  نقصان دہ ایپلی کیشنز کے ڈاؤن لوڈ کو متحرک کر سکتے ہیں جو صارف کی ڈیوائس کو نقصان پہنچاتی ہیں۔

    خاص  مواقعوں یا سیلز کے دوران جیسے چھٹیوں کی فروخت کے دوران، ایک جعلی کیو آر  کوڈ صارف کو خود بخود سائبر حملہ آوروں کے زیر کنٹرول  وائی فائی نیٹ ورکس سے بھی جوڑ سکتا ہے، جس سے وہ اپنی بات چیت کو روک سکتے ہیں۔

    کیسپرسکی میں میٹا ریجن کے لیے کنزیومر چینل کے سربراہ سیف اللہ جدیدی کا کہنا ہے کہ  کیو آر کوڈز ممکنہ ہیرا پھیری کے لیے ایک زرخیز  زریعہ ہیں، خاص طور پر جیسا کہ وہ روز مرہ کے مختلف سیاق و سباق میں ظاہر ہوتے ہیں۔

    جیسے کہ رسیدیں، فلائرز حملہ آوروں کے پاس ان سے فائدہ اٹھانے کے تقریباً لامتناہی امکانات ہوتے ہیں چونکہ یہ کوڈز پہلے ہی ہماری روزمرہ کی زندگی کا لازمی حصہ بن چکے ہیں، صارفین کے لیے یہ جاننا ضروری ہے کہ انہیں محفوظ طریقے سے کیسے استعمال کیا جائے۔

    کیو آر کوڈ اسکین کہا کریں؟

    کیو آر کوڈ کو اسکین کرتے وقت کسی دھوکہ دہی کا شکار نہ ہونے کے لیے،  کیسپرسکی ماہرین نے صارفین کو صرف معتبر اور معروف ذرائع سے  کیو آر  کوڈ اسکین کرنے کا مشورہ دیا ہے۔

     عوامی مقامات پر ان کوڈز کو اسکین کرنے سے گریز کریں۔ اگر آپ کو واقعی عوامی طور پر دستیاب کوڈ کو اسکین کرنے کی ضرورت ہے، تو اس ویب سائٹ پر کوئی کارروائی کرنے سے پہلے اس بات کی تصدیق کریں کہ اس نے آپ کو جس ویب ایڈریس پر ہدایت کی ہے وہ  اصلی ہے یا نہیں۔

    اگر آپ کو  کیو آر کوڈ کی اصلیت کے بارے میں مکمل طور پر یقین نہیں ہے تو حساس معلومات درج کرنے سے گریز کریں۔

    اپنے تمام آلات پر اینٹی فشنگ اور اینٹی فراڈ پروٹیکشن کے ساتھ سائبر سیکیوریٹی سلوشن انسٹال کریں، جیسا کہ کیسپرسکی پریمئیم  یہ آپ کو کسی بھی خطرے سے بروقت آگاہ کر دے۔

  • حزب اللہ نے شمالی اسرائیل کی آبادی کو خبردار کردیا

    حزب اللہ نے شمالی اسرائیل کی آبادی کو خبردار کردیا

    لبنانی تنظیم حزب اللہ نے شمالی اسرائیل کے علاقوں میں آبادی کو خبردار کرتے ہوئے کہا ہے کہ بڑے شہروں میں بعض رہائشی علاقوں میں واقع گھر اور فوجی اڈوں کو نشانہ بنایا جائے گا۔

    عرب میڈیا کے مطابق حزب اللہ کا کہنا ہے کہ اسرائیلی فوج نے شمالی اسرائیل کے بعض علاقوں میں گھروں میں اپنے فوجی افسران اور اہل کاروں کے اجتماع کے مراکز قائم کئے ہوئے ہیں۔

    حزب اللہ کا کہنا ہے کہ اسی طرح بڑے شہروں مثلا حیفا، طبریا اور عکا میں رہائشی علاقوں کے اندر فوجی اڈے قائم کئے ہوئے ہیں، جہاں سے لبنان پر حملوں کا انتظام چلایا جا رہا ہے۔

    حزب اللہ نے خبردار کرتے ہوئے کہا کہ مذکورہ گھروں اور فوجی اڈوں کو نشانہ بنایا جائے گا۔ آبادی کے افراد اپنی زندگی کی خاطر ان عسکری اجتماعات کے قریب نہ رہیں۔

    دوسری جانب حزب اللہ کے جنرل سیکریٹری حسن نصراللہ کے ساتھ شہادت کے رتبے پر فائز ہونے والے ایرانی پاسداران انقلاب گارڈز کے نائب کمانڈر عباس نلفروشان کا جسد خاکی مل گیا۔

    رپورٹ کے مطابق 27 ستمبر کی رات اسرائیلی فوج کے بیروت پر کئے گئے حملے میں حسن نصراللہ کے ساتھ ایرانی پاسدارارن انقلاب گارڈز کے نائب کمانڈر عباس نلفروشان بھی شہید ہوگئے تھے۔

    لبنان کی وزارت صحت کی جانب سے اعلان سامنے آیا تھا کہ تباہ ہونے والی عمارت کے ملبے سے 6 شہداء کی لاشیں اور 91 زخمیوں کو نکال لیا گیا ہے۔

    تاہم اب ایرانی پاسداران انقلاب گارڈز کی جانب سے اپنے نائب کمانڈر عباس نلفروشان کا جسد خاکی ملنے کی تصدیق کردی گئی ہے۔

    ایرانی صدر نے روسی صدر کی ماسکو دورے کی دعوت قبول کر لی

    رپورٹس کے مطابق ایرانی پاسدارانِ انقلاب کا کہنا ہے کہ قدس فورس کے لیڈر عباس نیلفروشان لبنان میں آپریشنز کے ڈپٹی کمانڈر تھے۔

  • آج زمین کے قریب سے اسٹیڈیم جتنا بڑا سیارچہ گزرے گا

    آج زمین کے قریب سے اسٹیڈیم جتنا بڑا سیارچہ گزرے گا

    امریکی خلائی ادارے ناسا نے ایک اسٹیڈیم کے سائز جتنے بڑے سیارچے کے بارے میں خبردار کیا ہے۔

    امریکی خلائی ایجنسی کی جیٹ پروپلشن لیبارٹری کے مطابق 290 میٹر چوڑا خطرناک سیارچہ زمین سے دس لاکھ کلو میٹر قریب سے گزرے گا، چالیس ہزارکلو میٹر فی گھنٹہ کی رفتار سے سفر کرنے والا یہ سیارچہ اپنے موجودہ راستے پر زمین کیلئے کوئی خطرہ نہیں ہے۔

    لیکن اصل راستے سے تھوڑا سا ہٹنے پر بڑے نتائج کا سبب بن سکتا ہے جس دن یہ زمین کے قریب ترین مقام سے گزرے گا، آسمان دیکھنے والے اس کے بجائے ایک نایاب جزوی چاند گرہن دیکھ سکیں گے۔

    یہ آسمانی منظر پورے یورپ اور افریقا میں دیکھا جا سکے گا، شمالی اور جنوبی امریکا اور ایشیا کے کچھ حصوں میں بھی اس کا دیکھا جانا ممکن ہے۔

    خلا کا یہ پتھر جو کبھی چاند کا حصہ تھا، آخری بار 2013 میں زمین کے قریب سے گزرا تھا اور یہ 2035 میں دوبار اس کے قریب سے گزرے گا۔

  • خبردار: ڈریپ نے اس اینٹی بائیوٹک کا ایک بیچ غیر معیاری قرار دے دیا

    خبردار: ڈریپ نے اس اینٹی بائیوٹک کا ایک بیچ غیر معیاری قرار دے دیا

    اسلام آباد: ڈریپ نے بیکٹیریل انفیکشن کے علاج کی دوا ’ایس این زور‘ (SN Zor) کا ایک بیچ غیر معیاری قرار دے دیا۔

    ڈریپ کی جانب سے جاری پراڈکٹ ریکال الرٹ میں کہا گیا ہے کہ سینٹرل ڈرگ لیب نے ایس این زور (200 ایم جی) کا بیچ 0342 غیر معیاری قرار دیا ہے۔

    ڈریپ کا کہنا ہے کہ ایس این زور سسپنشن بیکٹیریل انفیکشن کے علاج کی دوا ہے، جو اینٹی بائیوٹک ایزتھرومائیسن (azithromycin) سے تیارکردہ سسپنشن ہے، اس کا سیمپل ٹیسٹ کے معیار پر پورا نہیں اترا۔

    الرٹ میں کہا گیا ہے کہ غیر معیاری سسپنشن کے استعمال سے مریض کی حالت بگڑ سکتی ہے، اور علاج متاثر ہو سکتا ہے، یہ ایس این بی فارما پشاور کا تیار کردہ سسپشن ہے، اور اس کے متاثرہ بیچ کی سپلائی پر پابندی لگا دی گئی ہے۔

    معدہ کی تیزابیت کے علاج کی یہ دوا ہرگز نہ خریدیں!

    ڈریپ نے کمپنی کو سسپنشن کا متاثرہ بیچ مارکیٹ سے اٹھانے کا حکم دیتے ہوئے کیمسٹس کو متاثرہ بیچ سیل نہ کرنے کی ہدایت کی ہے۔

  • خبردار ! چار اشیاء فریج میں رکھنا انتہائی خطرناک ہیں

    خبردار ! چار اشیاء فریج میں رکھنا انتہائی خطرناک ہیں

    ہم روزانہ بہت سی ایسی عادات اپناتے ہیں جو ہماری صحت کے لیے خطرناک ہیں، ان میں سب سے اہم کچھ سبزیوں کو چھیلنا، ریفریجریٹر میں رکھنا اور پھر انہیں دوبارہ استعمال کرنا ہے۔

    اکثر کھانے پینے کی اشیاء فریج میں رکھنے سے محفوظ ہوجاتی ہیں کیونکہ یہ چیزیں فریج میں رکھنے سے ان پر جراثیم تیزی سے نہیں بڑھ پاتے اور یوں فوڈ پوائزننگ یعنی زہر خورانی سے بچا جاسکتا ہے۔

    لیکن روزمرہ استعمال کی کچھ اشیاء ایسی بھی ہیں جنہیں فریج کے مقابلے میں عام درجہ حرارت میں رکھنا زیادہ بہتر ہوتا ہے، لبنانی ماہر غذائیت ویرا ماتا نے ہمیں ان عادات کے خطرے کے بارے میں خبردار کیا اور ان چیزوں کے بارے میں بتایا ہے کہ جنہیں فریج میں نہیں رکھنا چاہیے۔

    انہوں نے اپنے آفیشل انسٹاگرام اکاؤنٹ پر پوسٹ کی گئی ایک ویڈیو میں بتایا کہ 4 ایسی چیزیں ہیں جنہیں اگر ہم ریفریجریٹر میں رکھیں تو وہ صرف زہریلی نہیں بلکہ موت کا باعث بن سکتی ہیں۔

     

    View this post on Instagram

     

    A post shared by Vera Matta (@dr.veramatta)

    ان میں سب سے اہم چیز ’لہسن‘ ہے، انہوں نے کہا کہ لہسن کو چھیل کر فریج میں رکھنے کا عمل بہت غلط ہے چونکہ لہسن کے انحطاط کے ساتھ کینسر کی اقسام سے منسلک ایک قسم کا خطرہ ہیں۔

    دوسری اہم چیز ’پیاز‘ ہے۔ ان ہی وجوہات کی بنا پر چھلی ہوئی پیاز کو بھی فریج میں رکھنے کے خطرے سے خبردار کیا گیا ہے۔

    ماہر غذائیت کا کہنا ہے کہ اگر گھر میں کوئی بیمار ہے تو ہمیں صرف پیاز کو چھیل کر بیچ میں رکھ کر چھوڑ دینا ہے کیونکہ یہ تمام وائرس اٹھا کر ماحول کو صاف کر دے گا۔

    انہوں نے 24 گھنٹے سے زیادہ پہلے پکائے ہوئے چاول کھانے کے خطرے پر بھی آگاہ کیا کیونکہ یہ لامحالہ سڑنا شروع ہو جاتے ہیں، چاہے انہیں فریج میں ہی کیوں نہ رکھا جائے۔

    آخری وارننگ ادرک کے بارے میں آئی۔ انہوں نے کہا کہ اس کے چھلکے کا براہ راست تعلق گردے کی بیماری سے ہے اور اس لیے زور دیا کہ اسے چھیل کر محفوظ نہ رکھا جائے۔

    3یا 4 دن سے زیادہ کھانا محفوظ رکھنا

    یہ بات قابل ذکر ہے کہ کئی مطالعات میں بچا ہوا کھانا تین سے چار دن سے زیادہ فریج میں رکھنے سے منع کیا گیا ہے۔ انہوں نے خبردار کیا کہ اس مدت کے بعد فوڈ پوائزننگ کا خطرہ بڑھ جاتا ہے۔

    اگر آپ کو یقین نہیں ہے کہ آپ چار دن کے اندر بچا ہوا کھا لیں گے، تو ان کو فوری طور پر منجمد کرنے کی سفارش کی جاتی ہے کیونکہ منجمد بچا ہوا زیادہ دیر تک محفوظ رہتا ہے۔

  • ’جدہ ایئرپورٹ انتظامیہ نے خبردار کردیا‘

    ’جدہ ایئرپورٹ انتظامیہ نے خبردار کردیا‘

    جدہ کے شاہ عبدالعزیز بین الاقوامی ہوائی اڈے کی انتظامیہ کی جانب سے خبر دار کیا گیا ہے کہ ملازمتوں کے حوالے سے موصول ہونیوالی جعلی ای میلز سے محتاط رہا جائے۔

    بین الاقوامی خبر رساں ادارے کی رپورٹ کے مطابق جدہ کے شاہ عبدالعزیز انٹرنیشنل ایئرپورٹ کی انتظامیہ کی جانب سے سوشل میڈیا اکاؤنٹ (ایکس) پر خبردار کیا گیا ہے کہ ملازمتوں کے حوالے سے موصول ہونے والی جعلی ای میلز پر توجہ نہ دی جائے۔

    انتظامیہ نے کہا ہے کہ ائیرپورٹ انتظامیہ کی جانب سے اس قسم کی میلزنہیں بھیجی جاتیں، درکار اسامیوں کے حوالے سے اطلاع صرف ایئرپورٹ انتظامیہ کی ویب سائٹ پرہی جاری کی جاتی ہے انفرادی طور پر کسی کو ای میل کے ذریعے آگاہ نہیں کیا جاتا۔

    انتظامیہ کا مزید کہنا تھا کہ کسی بھی فرضی ای میل کا جواب نہ دیا جائے اور اسے کھولنے سے گریز کیا جائے۔

    واضح رہے بعض ہیکرز کی جانب سے لوگوں کو ایسی ای میلز ارسال کی جارہی ہیں، ای میلز میں ایئرپورٹ پرخالی اسامیوں کی بھرتی کیلیے درخواستیں طلب کی جارہی ہیں، جن میں یہ تاثر دیا جارہا ہے کہ یہ ای میل ایئرپورٹ انتظامیہ کی جانب سے ارسال کی گئی ہیں۔

  • خبردار: مارکیٹ میں بخار کے غیر معیاری سیرپ کی فروخت کا انکشاف

    خبردار: مارکیٹ میں بخار کے غیر معیاری سیرپ کی فروخت کا انکشاف

    اسلام آباد: مارکیٹ میں بخار کے غیر معیاری سیرپ کی فروخت کا انکشاف ہوا ہے، ڈریپ نے بخار کی دوا کا ایک بیچ غیر معیاری قرار دے دیا۔

    تفصیلات کے مطابق ڈرگ ریگولیٹری اتھارٹی نے ’پیڈولل‘ سسپنشن کا پراڈکٹ ری کال الرٹ جاری کر دیا ہے، جس میں کہا گیا ہے کہ پیڈولل سسپنشن پیراسیٹامول فارمولے سے تیار کردہ ہے، لیکن اس کا بیچ 167 غیر معیاری ہے۔

    ڈریپ الرٹ کے مطابق پیڈولل سسپنشن جے اے ایس ایم فارما رسالپور کی تیار کردہ ہے، پیڈولل بیچ کو فیڈرل ڈرگ اینالسٹ، سی ڈی ایل کراچی نے غیر معیاری قرار دیا، یہ ری کال الرٹ شہری، ڈاکٹرز، کیمسٹ کے لیے جاری کیا گیا ہے۔

    ناقص انجیکشن بنانے والی کمپنی کے گودام پر ڈرگ اتھارٹی کا چھاپہ

    پیڈولل سسپنشن بخار، جسم کے درد کے علاج میں استعمال کیا جاتا ہے، الرٹ میں کہا گیا ہے کہ ڈاکٹرز مریض کو پیڈولل سسپنشن کا متاثرہ بیچ استعمال نہ کرائیں، غیر معیاری دوا کا استعمال مریض کی جان کے لیے خطرناک ہو سکتا ہے۔

    ڈریپ الرٹ کے مطابق غیر معیاری دوا کا استعمال جگر اور گردے کے لیے نقصان دہ ہو سکتا ہے، خون کی خرابی کا باعث بھی بن سکتا ہے، اس لیے فارما کمپنی پیڈولل سسپنشن کا متاثرہ بیچ سپلائی نہ کرے، اور کمپنی متاثرہ بیچ فوری طور پر مارکیٹ سے واپس اٹھوائے۔

    کراچی میں جعلی ادویات فروخت کرنے والے متعدد میڈیکل اسٹورز سیل

    ڈریپ کا کہنا تھا کہ کیمسٹ بھی پیڈولل سسپنشن کا متاثرہ بیچ فارما کمپنی کو واپس کریں، ڈریپ کی جانب سے صوبائی ٹیموں کو میڈیسن مارکیٹ میں سرویلنس بڑھانے کی ہدایت بھی کی گئی ہے۔

  • سیکریٹری جنرل اقوامِ متحدہ نے اسرائیل کو خبردار کر دیا

    سیکریٹری جنرل اقوامِ متحدہ نے اسرائیل کو خبردار کر دیا

    سیکریٹری جنرل اقوامِ متحدہ نے خبردار کر دیا اور کہا کہ اسرائیل عالمی قوانین کے تحت اپنی زمہ داریوں کی پاسداری کرے۔

    سیکریٹری جنرل اقوامِ متحدہ انتونیو گوتریس نے اسرائیل کو خبردار کرتے ہوئے کہا کہ  اسرائیل کے پاس فلسطین میں تشدد کی کارروائیوں کا کوئی جواز نہیں ہے۔

    انتونیو گوتریس کا کہنا ہے کہ جنین پر اسرئیل کے فضائی حملے جنگ جرائم کے زُمرے میں آتے ہیں، فضائی حملے قانون نافذ کرنے والے آپریشن سے مطابقت نہیں رکھتے۔

    اقوامِ متحدہ میں فلسطینی نمائندے نے اسرائیل میں بین الاقوامی حفاظتی فورس بھجوانے کا مطالبہ کر دیا۔

    جس پر انتونیو گوتریس نے کہا کہ مجھے نہیں لگتا کہ اسرائیلی حکومت اس امکان سے اتفاق کرے گی، ایسا طریقہ اختیار کی جائے جس سے فلسطینی شہریوں کو تحفظ ہو سکے۔

  • وفاقی حکومت نے صوبوں کو نیگلیریا کے حوالے سے خبردار کر دیا

    وفاقی حکومت نے صوبوں کو نیگلیریا کے حوالے سے خبردار کر دیا

    اسلام آباد: وفاقی حکومت نے صوبوں کو نیگلیریا کے حوالے سے خبردار کر دیا، قومی ادارہ صحت نے ہنگامی ایڈوائزری جاری کر دی۔

    تفصیلات کے مطابق قومی ادارہ صحت نے وفاقی، صوبائی محکمہ صحت، واٹرو سینیی ٹیشن ایجنسیز کو ایڈوائزری ارسال کردی۔

    قومی ادارہ صحت کا کہنا ہے کہ ایڈوائزری کا مقصد شہریوں کو جان لیوا مرض بارے آگاہی فراہم کرنا اور متعلقہ اداروں کو نیگلیریا سے متعلق خبردار کرنا ہے۔

    ایڈوائزری میں کہا گیا کہ متعلقہ ادارے نیگلیریا کی روک تھام کیلئے پیشگی اقدامات کریں، مشتبہ نیگلیریا کیسز کی بروقت شناخت اور علاج  کیلئے اقدامات کیے جائے۔

    قومی ادارہ صحت کا کہنا ہے کہ پاکستان میں نیگلیریا کیسز، اموات 2008 سے رپورٹ ہو رہی ہیں، پاکستان میں نیگلیریا کیسز کراچی، مختلف شہروں سے رپورٹ ہو رہے ہیں، 14 سال میں پاکستان میں نیگلیریا سے 150 سے زائد اموات ہو چکی ہیں جبکہ رواں برس ملک میں نیگلیریا سے تین اموات  ہو چکی ہیں۔

    ایڈوائزری میں کہا گیا کہ نیگلیریا کا پھیلاو روکنے کیلئے قبل از وقت ہنگامی اقدامات ناگزیر ہیں، کراچی جیسے بڑے شہروں میں نیگلیریا کنٹرول کیلئے لانگ ٹرم پلاننگ کی جائے۔

    نیگلیریا کیا ہے؟

    قومی ادارہ صحت کا کہنا ہے کہ نیگلیریا فولیری خاص قسم کےامیبا سے لاحق ہونے والا انفیکشن ہےنیگلیریا کا امیبا صاف گرم پانی میں پایا جاتا ہے، نیگلیریا  مٹی،گرم میٹھے پانی، جھیل، تالاب، گرم چشموں میں رہتا ہے، اس کے بیشتر کیسز موسم گرما  کے دوران  سامنے آتے ہیں۔

    نیگلیریا سے کب متاثر ہوسکتے ہیں؟

    قومی ادارہ صحت کا بتانا ہے کہ نیگلیریا  نہانے، تیراکی کے دوران ناک سے جسم میں داخل ہوتا ہے، یہ  شریانوں کے ذریعے انسانی دماغ تک پہنچ جاتا ہے، اس کا امیبا  دماغ کھانے والا انفیکشن ہے، دماغ میں انفلیمیشن، رگیں پھٹنے کا باعث بنتا ہے، نیگلیریا کے مریض کا انکیوبیشن پیریڈ دو تا پندرہ روز کا ہے۔

    علامات

    ایڈوائزری میں بتایا گیا کہ نیگلیریا کی علامات گردن توڑ بخار سے ملتی جلتی ہیں،، اس کا مریض شدید اعضابی و زہنی تکلیف میں مبتلا رہتا ہے، نیگلیریا کی علامات میں تیز بخار، سر درد، قے، گردن میں کھچاؤ شامل ہے۔

    نیگلیریا کی علامات میں بھوک کی کمی،  چڑ چڑاپن، بے چینی پائی جاتی ہے، روشنی سے ڈر، اعصابی معذوری اور جھٹکے بھی اس کی علامات ہیں، ایڈوائزری میں بتایا گیا اعصابی معذوری، جھٹکے نیگلیریا کے آخری اسٹیج کی علامات ہیں۔

    ایڈوائزری کے مطابق نیگلیریا کی آخری کلینیکل اسٹیج پر مریض کوما میں چلا جاتا ہے، متاثرہ مریض تین سے سات روز میں  انتقال کر جاتے ہیں، کیسز میں اموات کی شرح ستانوے فیصد سے زائد ہے، پچھتر فیصد کیسز میں نیگلیریا کی تشخیص موت کے بعد ہوتی ہے۔

    ایڈوائزری میں کہا گیا کہ نیگلیریا کی تشخیص ہسٹری، معائنہ و علامات سے ممکن  ہے، اس کی تصدیق کیلئے سی ایس ایف سیمپل کی مائیکرو اسکوپی ہوتی ہے، اس کی تصدیق کیلئے دماغ و ریڑھ کی ہڈی سے محلول لیا جاتا ہے۔

    ایڈوائزری میں مزید بتایا گیا کہ نیگلیریا کی جلد تشخیص و علاج سے مریض کی جان بچائی جا سکتی ہے، کلورین کا استعمال نیگلیریا کا فوری اور مکمل خاتمہ کرتا ہے، محکمہ واٹر سپلائی پانی میں کلورین کی مقررہ مقدار شامل کرے، متعلقہ ادارے واٹر ٹینک، پائپوں کی صفائی کا خیال رکھیں۔