Tag: خراج تحسین

  • فیفا کا شاہین آفریدی کو زبردست خراج تحسین، فٹبال لیجنڈز کے برابر درجہ دیدیا

    فیفا کا شاہین آفریدی کو زبردست خراج تحسین، فٹبال لیجنڈز کے برابر درجہ دیدیا

    فٹبال کی عالمی باڈی فیفا نے پاکستانی پیسر شاہین شاہ آفریدی کو زبردست خراج تحسین پیش کرتے ہوئے انھیں فٹبال لیجنڈز کے برابر درجہ دیدیا۔

    فیڈریشن انٹرنیشنل فٹبال ایسوسی ایشن نے کرکٹ اور کھیلوں کی دنیا میں پاکستانی کرکٹر شاہین شاہ آفریدی کی خدمات کا اعتراف کرتے ہوئے انھیں فٹبال لیجنڈز کے ساتھ اپنی سوشل میڈیا پوسٹ میں جگہ دی ہے جبکہ تمام کھلاڑیوں کےلیے ‘آئیکونک’ اکی اصطلاح بھی استعمال کی گئی ہے۔

    فیفا کے آفیشل انسٹاگرام اکائوٹ سے ایک پوسٹ شیئر کی گئی ہے جس میں شاہین آفریدی کو گلوبل فٹبال آئیکون، لیونل میسی، نیمار جونیئر، لوکا موڈرک جیسے کھلاڑیوں کے ساتھ رکھا گیا ہے۔

    دنیا کے یہ تمام نامور ایتھلیٹ کھیل کے دوران ’10 نمبر’ کی جرسی کا استعمال کرتے ہیں جبکہ شاہین آفریدی کرکٹ میں اس نمبر کی شرٹ پہن کر میدان میں اترتے ہیں۔

    فٹبال کی عالمی باڈی نے اس پوسٹ کے کیپشن میں لکھا ہے "دی آئیکونک” یہ گلوبل اسپورٹنگ لیجنڈز ہیں جنھوں نے اس لیجنڈری نمبر کی جرسی زیب تن کی ہے۔

    ذرائع کے مطابق فیفا کی اس پوسٹ کا مقصد پاکستانی مداحوں میں آئندہ فٹبال ورلڈکپ کےلیے زیادہ سے زیادہ دلچسپی پیدا کرنا ہے

    خیال رہے کہ حال ہی میں شاہین شاہ آفریدی کی کپتانی میں لاہور قلندرز نے تیسری بار پاکستان سپر لیگ کی ٹرافی اپنے نام کی ہے جبکہ ایونٹ میں ان کی بولنگ بھی کافی شاندار رہی تھی۔

  • ماں کی موت کے بعد ان کی خراج تحسین والی ویڈیو دیکھ کر کیا ہوا؟ جھانوی نے کیفیت بتا دی

    ماں کی موت کے بعد ان کی خراج تحسین والی ویڈیو دیکھ کر کیا ہوا؟ جھانوی نے کیفیت بتا دی

    بالی ووڈ کی معروف اداکارہ جھانوی کپور نے کہا ہے کہ ماں کی موت کے بعد ان کی خراج تحسین پیش کرنے والی ویڈیو دیکھ کر پینک اٹیک آیا تھا۔

    بالی ووڈ کی معروف اداکارہ جھانوی کپور نے ایک انٹرویو میں زندگی میں آنے والی ایک چیلنجنگ لمحے کے بارے میں بات، جب انہیں ایک شو کے دوران پینک اٹیک آیا تھا۔

    اداکارہ نے انکشاف کیا کہ انہوں نے اپنی والدہ کے انتقال کے فوراً بعد ایک ڈانس شو میں شرکت کی، اس وقت ماں کے جانے کا غم تازہ تھا اور میں خود کو شدید کمزور محسوس کرتی تھیں۔

    جھانوی نے بتایا کہ  اس شو میں میری ماں کے تمام گانوں کا آڈیو ویژول چلایا گیا، اور کچھ ڈانسر خراج عقیدت پیش کرنے کے لیے رقص کرنے لگے، خراج تحسین خوبصورت تھا، لیکن میں اس کے لیے جذباتی طور پر تیار نہیں تھیں۔

    جانوی نے انکشاف کیا میں وہاں بیٹھ کر مزید سانس نہیں لے پا رہی تھی، میں چیخ کر رونے لگی اور اسٹیج سے بھاگ کر اپنی وین کی طرف چلی گئی، مجھے اس وقت پینک اٹیک ہوا تھا۔

    جھانوی کپور نے مزید بتایا کہ ’’لیکن شو کئ ڈائیریکٹر نے اس کی ریکارڈنگ سے سب کچھ کاٹ دیا اور صرف میری تالیاں بجانے اور مسکراتے ہوئے ایک دوسری کلپ لگا دی، مجھے یہ دیکھ کر بہت بُرا لگا، لیکن جو ہوا وہ بہت مختلف تھا‘‘۔

    واضح رہے کہ بالی ووڈ کی معروف آںجہانی اداکارہ سری دیوی 24 فروری 2018 کو ڈوب کر حادثاتی موت ہوئی تھی۔

  • مسلح افواج و عسکری قیادت کا کشمیریوں کے ساتھ اظہار یکجہتی

    مسلح افواج و عسکری قیادت کا کشمیریوں کے ساتھ اظہار یکجہتی

    یوم یکجہتی کشمیر کے موقع پر مسلح افواج اور عسکری قیادت نے کشمیری بھائیوں کو بھرپور خراج تحسین پیش کیا ہے۔ٓ

    چیئرمین جوائنٹ چیفس آف اسٹاف کمیٹی اور مسلح افواج کے سربراہان کی جانب سے مشترکہ خصوصی پیغام میں کہا گیا ہے کہ کشمیریوں کی کامیابی ہی ان کا مقدر ہے۔

    پاک فوج کے شعبہ تعلقات عامہ آئی ایس پی آر کی جانب سے جاری خصوصی پیغام میں کہا گیا ہے کہ کشمیروں کو اقوام متحدہ کی قراردادوں کے مطابق حق خود ارادیت ملنا چاہیے۔

    چیئرمین جوائنٹ چیفس آف اسٹاف کمیٹی اور مسلح افواج کے سربراہان نے مظلوم کشمیریوں کے عزم اور جدوجہد پر انہیں زبردست خراج تحسین پیش کیا۔

    آئی ایس پی آر کے مطابق سربراہان کا کہنا ہے کہ کشمیری مسلسل بھارتی قابض افواج کی انسانی حقوق خلاف ورزیوں اور ان کے غیرانسانی لاک ڈاؤن کا ڈٹ کر مقابلہ کررہے ہیں۔

    کشمیر1948سے یو این ایجنڈے پر طویل عرصے سے زیر التوا حل طلب مسئلہ ہے، کشمیری عوام کو ان کی امنگوں اور یو این قراردادوں کے مطابق حق خودارادیت ملنا چاہئے۔

    گزشتہ کئی دہائیوں سے بھارتی افواج کے مظالم کشمیریوں کی جدوجہد آزادی کو دبانے میں ناکام رہے ہیں، ظلم وبربریت کی تاریک رات آزادی کا سورج طلوع ہونے سےنہیں روک سکتی، آزادی کے لئے دلیرانہ جدوجہد کی کامیابی ہی ان کا مقدر ہے، انشاء اللہ۔

  • راحت فتح علی خان کا پرفارمنس کے دوران سدھو موسے والا کو خراج تحسین

    راحت فتح علی خان کا پرفارمنس کے دوران سدھو موسے والا کو خراج تحسین

    معروف بھارتی گلوکار سدھو موسے والا کے قتل کو ایک برس بیت گیا، اس موقع پر پاکستانی گلوکار راحت فتح علی خان نے اپنی قوالی کے دوران انہیں خراج عقیدت پیش کیا۔

    پاکستانی گلوکار راحت فتح علی خان نے اپنے ایک کانسرٹ کے دوران اپنی پرفارمنس، بھارتی پنجاب سے تعلق رکھنے والے گلوکار سدھو موسے والا کے نام کی۔

    گلوکار اور اپوزیشن جماعت کانگریس کے رہنما سدھو موسے والا 29 مئی کو قتل کردیے گئے تھے، نامعلوم افراد نے بھارتی پنجاب کے ضلع مانسا میں سدھو کی گاڑی پر فائرنگ کر کے انہیں نشانہ بنایا تھا۔

    سوشل میڈیا پر وائرل ویڈیو میں دیکھا جاسکتا ہے کہ امریکی ریاست کیلی فورنیا میں ہونے والے ایک کانسرٹ میں، قوالی شروع کرنے سے پہلے گلوکار نے کہا کہ وہ یہ قوالی سدھو موسے والا کا نام کر رہے ہیں۔

     

    View this post on Instagram

     

    A post shared by Brut India (@brut.india)

    اس کے بعد وہ آجا تینوں اکھیاں اڈیک دیاں گاتے ہوئے درمیان میں سدھو کا نام بھی لے رہے ہیں۔

    راحت فتح علی خان کی یہ ویڈیو سوشل میڈیا پر وائرل ہوگئی جسے دنیا بھر کے مداح بے حد پسند کر رہے ہیں۔

  • آرمی چیف جنرل قمر جاوید باجوہ کا خواتین کو خراج تحسین

    آرمی چیف جنرل قمر جاوید باجوہ کا خواتین کو خراج تحسین

    اسلام آباد: آرمی چیف جنرل قمر جاوید باجوہ نے خواتین کے عالمی دن کے موقع پر انہیں خراج تحسین پیش کرتے ہوئے کہا کہ پاکستانی خواتین قوم کی خوشحالی اور وقار میں بڑھ چڑھ کر حصہ لے رہی ہیں۔

    تفصیلات کے مطابق پاک فوج کے شعبہ تعلقات عامہ آئی ایس پی آر نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ آرمی چیف جنرل قمر جاوید باجوہ نے خواتین کے عالمی دن کے موقع پر انہیں خراج تحسین پیش کیا۔

    جنرل قمر جاوید باجوہ کا کہنا تھا کہ پاکستانی خواتین قوم کی خوشحالی اور وقار میں بڑھ چڑھ کر حصہ لے رہی ہیں، خواتین قابل عزت و تکریم ہیں۔

    انہوں نے کہا کہ خواتین نے یونیفارم میں بھی اپنی صلاحیتیں منوائیں اور قوم کے وقار میں اضافے کے لیے خدمات انجام دیں، پاکستانی خواتین کرونا وائرس کے خلاف جنگ میں بھی پیش پیش رہیں۔

    خیال رہے کہ آج دنیا بھر میں خواتین کا عالمی دن منایا جارہا ہے اور دنیا کی ترقی و خوشحالی کے لیے ان کی خدمات کو سراہا جارہا ہے۔

  • کورکمانڈر کراچی کا اسٹاک ایکسچینج پرحملہ ناکام بنانے والے اہلکاروں کو خراج تحسین

    کورکمانڈر کراچی کا اسٹاک ایکسچینج پرحملہ ناکام بنانے والے اہلکاروں کو خراج تحسین

    راولپنڈی : کورکمانڈر لیفٹیننٹ جنرل ہمایوں عزیز نے اسٹاک ایکسچینج پرحملہ ناکام بنانے والے اہلکاروں کوخراج تحسین کرتے ہوئے بہادراہلکاروں کوآرمی چیف کا تعریف پیغام بھی پہنچایا۔

    پاک فوج کے شعبہ تعلقات عامہ(آئی ایس پی آر) کی جانب جاری بیان میں کہا ہے کہ کورکمانڈرکراچی لیفٹیننٹ جنرل ہمایوں عزیز نے سی پی او کراچی کا دورہ کیا ، کورکمانڈرکراچی کااستقبال آئی جی سندھ پولیس مشتاق مہرنے کیا۔

    آئی ایس پی آر کا کہنا تھا کہ کورکمانڈر نے اسٹاک ایکسچینج پرحملہ ناکام بنانےوالےاہلکاروں کوخراج تحسین کرتے ہوئے بہادراہلکاروں کو آرمی چیف کاتعریف پیغام بھی پہنچایا۔

    ترجمان کا کہنا ہے کہ کورکمانڈرنے یادگارشہدا پر حاضری دی، فاتحہ اورپھول چڑھائے جبکہ اہلکاروں اورشہداکےلواحقین میں تعریف اسنادتقسیم کیں۔

    یاد رہے کورکمانڈر کراچی لیفٹیننٹ جنرل ہمایوں عزیز نے سی پی او میں خطاب کرتے ہوئے کہا تھا کہ آرمی چیف کی طرف سے شاباش دینے آیا ہوں کراچی معاشی قلعہ ہے، اس پر سب دشمنوں کی نظر ہے، سیکیورٹی چیلنجزمیں سندھ پولیس کی کارکردگی بہترین رہی، تمام سیکیورٹی فورسز سیسہ پلائی ہوئی دیوار ہیں۔

    لیفٹیننٹ جنرل ہمایوں عزیز کا کہنا تھا کہ میرے یہ دو ’’جوان مقابلےکے مین آف میچ‘‘ہیں، لی؎پاکستان کے دشمن ہمیں ہر وقت تیار پائیں گے، نئے بھرتی سندھ پولیس کوآرمی نےاچھی ٹریننگ دی،نتائج سامنےہیں۔

  • خواتین کے عالمی دن پر پاکستان کا مقبوضہ کشمیر کی خواتین کو خراج تحسین

    خواتین کے عالمی دن پر پاکستان کا مقبوضہ کشمیر کی خواتین کو خراج تحسین

    اسلام آباد: پاکستان نے خواتین کے عالمی دن کے موقع پر مقبوضہ کشمیر کی خواتین کو خراج تحسین پیش کرتے ہوئے کہا کہ کشمیر کی خواتین نے جرات و بہادری کی نئی تاریخ رقم کی ہے۔

    تفصیلات کے مطابق خواتین کے عالمی دن کے موقع پر دفتر خارجہ نے کہا کہ ہم کشمیری خواتین کو خراج تحسین پیش کرتے ہیں، قابض بھارتی فوج نے 31 سال میں 2 ہزار 377 کشمیری خواتین کو شہید کیا۔

    سماجی رابطے کی ویب سائٹ ٹویٹر پر جاری ٹویٹ میں ترجمان کا کہنا تھا کہ مقبوضہ کشمیر میں 11 ہزار 179 خواتین کے ساتھ جنسی زیادتی کی گئی، بھارتی ظلم و تشدد کے باعث 22 ہزار 911 خواتین بیوہ ہوئی ہیں۔

    ٹویٹ میں کہا گیا کہ کشمیر میں خواتین سیاسی رہنماؤں سمیت سینکڑوں خواتین پابند سلاسل ہیں۔ دفتر خارجہ کی جانب سے کشمیری خواتین کی جدوجہد کو سلام پیش کیا گیا۔

    دوسری جانب خواتین کے عالمی دن پر وزیر خارجہ شاہ محمود قریشی نے اپنے پیغام میں کہا کہ ماؤں، بہنوں اور بیٹیوں کو خراج تحسین پیش کرتا ہوں، خواتین ملکی تعمیر و ترقی میں اپنا بھرپور کردار ادا کر رہی ہیں۔

    وزیر خارجہ کا کہنا تھا کہ ہم خواتین کو آگے بڑھنے کے لیے یکساں مواقع مہیا کرنے کا تہیہ کریں، مختلف شعبہ جات میں ان کی گراں قدر خدمات کو سراہا جائے۔

    انہوں نے کہا کہ مقبوضہ جموں و کشمیر کی بھی ماؤں، بہنوں اور بیٹیوں کی عظمت کو سلام، مقبوضہ کشمیر کی خواتین نے جرات و بہادری کی نئی تاریخ رقم کی ہے۔

  • انسانیت سے ہمدردی کا عالمی دن خواتین رضا کاروں کے نام

    انسانیت سے ہمدردی کا عالمی دن خواتین رضا کاروں کے نام

    نیویارک : دنیا بھر میں آج انسانی حقوق کا عالمی دن منایا جا رہا ہے، اس دن کو منانے کا مقصد انسانی ہمدردی کے تحت اپنا گھر بار چھوڑ کر مجبور اور ضرورت مند افراد کی مدد کرنے والے افراد خدمات کا اعتراف کرنا ہے۔

    تفصیلات کے مطابق رواں برس انسانی ہمدردی کے عالمی دن کی تھیم ’خواتین اور انسانیت‘ ہے کیوں کہ امدادی خدمات انجام دینے والی خواتین دنیا بھر میں قدرتی آفات ، دہشت گردانہ کارروائیوں اورجنگوں کا شکار متاثرین کی امداد کے لیے کوشاں ہیں۔

    رواں برس انسانیت کے عالمی دن کے موقع پر اقوام متحدہ کا مقصد ان ہیروز کی خدمات کا اعتراف کرنا ہے جوکمیونیٹی کےلیےجنگ سے متاثرہ افغانستان کےدشوار گزار پہاڑی علاقوں میں، افریقہ میں فرنٹ لائن پر کام کررہی ہیں ، ان متاثرین میں بہت سے ایسے افراد بھی شامل ہیں’ جن کے گھر تباہ ہوچکے ہیں جیسے سینٹرل افریقن ریپبلک، جنوبی سوڈان، شام اور یمن کے عوام‘۔

    اقوام متحدہ امدادی خدمات انجام دینے والی خواتین کو خراج تحسین پیش کرتا ہے جو دنیا بھر میں متاثرہ افراد کو امداد فراہم کررہی ہیں۔

    یو این کا کہنا ہے کہ خواتین کی ایک بڑی تعداد ایسی ہے جو دوسروں کی زندگیاں بچانے کےلیے اپنی زندگی خطرے میں ڈالی ہوئی ہیں۔

    واضح رہے کہ 2003 میں عراق کے دارالحکومت بغداد میں اقوام متحدہ کے دفتر پر حملے کے بعد اس دن کو منانے کی قرارداد منظور کی گئی۔ اقوام متحدہ کی جنرل اسمبلی کی جانب سے منظور کردہ یہ دن ان افراد کے لیے منسوب ہے جو انسانی ہمدردی کے تحت اپنا گھر بار چھوڑ کر مجبور اور ضرورت مند افراد کی مدد کرتے ہوئے مارے گئے۔

  • جیسنڈا آرڈرن کو خراج تحسین، آرٹسٹ نے حجاب میں‌ ملبوس 25 میٹر لمبی تصویر بنادی

    جیسنڈا آرڈرن کو خراج تحسین، آرٹسٹ نے حجاب میں‌ ملبوس 25 میٹر لمبی تصویر بنادی

    سڈنی/ولنگٹن : معروف آسٹریلوی مصّور نے نیوزی لینڈ کی وزیر اعظم جیسندا آرڈرن کی حجاب میں ملبوس 25 میٹر لمبی تصویر بنادی جس نے مسلمانوں کے دلوں کو چھو لیا۔

     نیوزی لینڈ کے شہر کرائسٹ چرچ میں مساجد پر حملے کے بعد ملک کی وزیراعظم جیسنڈا ارڈرن نے جس انسانی ہمدردی کا مظاہرہ کیا اس پر پوری دنیا نے ان کی تحسین کی۔ اب آسٹریلیا کے شہر میلبرن میں ایک آرٹسٹ نے جیسنڈا ارڈرن کی ایک 25 میٹر اونچی تصویر بنائی ہے جس نے مسلمانوں کے دل موہ لیے۔

    غیر ملکی خبر رساں ادارے کا کہنا تھا کہ یہ وہی تصویر ہے جس میں جیسنڈا ارڈرن نے سانحے میں شہید ہونے والے ایک شخص کی رشتہ دار خاتون کو گلے لگایا ہوا ہے اور وزیراعظم کے چہرے پر کرب و الم کے تاثرات نمایاں ہوتے ہیں۔

    رپورٹ کے مطابق اس تصویر کے نیچے لفظ ’سلام‘ لکھا گیا ہے۔ یہ تصویر معروف آرٹسٹ لوریٹا لیزیو نے بنائی ہے جو دیواروں پر پینٹنگز بنانے کے حوالے سے دنیا بھر میں معروف ہے اور اب تک درجنوں ممالک میں اپنے فن کے جوہر دکھا چکا ہے۔

    لوریٹا نے جب اس تصویر کو بنانے کے لیے چندے کی اپیل کی تو صرف ایک دن میں ہی لوگوں نے اسے 11 ہزار آسٹریلوی ڈالر (تقریباً 11لاکھ روپے) چندہ دے دیا۔

    واضح رہے کہ وزیراعظم جیسنڈا ارڈرن کی یہی تصویر دنیا کی بلند ترین عمارت برج خلیفہ پر بھی روشنیوں کی شکل میں آویزاں کی جا چکی ہے۔

    یہ بھی پڑھیں: اتنے لوگوں کی جان لینے والا موت کا حقدار ہے، کزن برینٹن ٹرینٹ

    یاد رہے کہ 15 مارچ کو نیوزی لینڈ کی دو مساجد میں دہشت گرد حملے ہوئے تھے جس کے نتیجے میں خواتین وبچوں سمیت 50 نمازی شہید اور 20 سے زائد زخمی ہوئے تھے، پولیس نے چوبیس گھنٹے کے اندر مرکزی حملہ آور کو گرفتار کرلیا تھا جس کی شناخت 28 سالہ برینٹن ٹیرنٹ کے نام سے ہوئی تھی، حملہ آور آسٹریلوی شہری تھا جس کی آسٹریلیا نے بھی تصدیق کردی تھی۔

  • سانحہ کرائسٹ چرچ، جنگلی حیات کیلئے قائم ٹرسٹ کا شہید بچوں کو خراج تحسین

    سانحہ کرائسٹ چرچ، جنگلی حیات کیلئے قائم ٹرسٹ کا شہید بچوں کو خراج تحسین

    ولنگٹن : نیوزی لینڈ حکام نے کرائسٹ چرچ حملے میں شہید ہونے والے چھ نوجوانوں کو خراج تحسین پیش کرنے کےلیے کیوی پرندوں کے نام بچوں سے منسوب کردئیے۔

    تفصیلات کے مطابق نیوزی لینڈ کے تیسرے برے شہر کرائسٹ چرچ میں گزشتہ ماہ سفید فام نسل پرست دہشت گرد برنٹین ٹیرنٹ نے اندھا دھند فائرنگ کرکے 50 مسلمانوں کو شہید کردیا تھا جس کے بعد نیوزی لینڈ کی عوام کی جانب سے مسلسل مختلف انداز میں شہیدوں کو خراج تحسین پیش کیا جارہا ہے۔

    غیر ملکی خبر رساں ادارے کا کہنا ہے کہ نیوزی لینڈ میں جنگلی حیات کی بقا کے لیے قائم پیوکینی ویسٹرن ہلزفارسٹ ٹرسٹ نے افسوس ناک حملے میں شہید ہونے والے چھ نوجوانوں کو خراج تحسین پیش کرنے کےلیے چھ کیوی پرندوں لے نام ان سے منسوب کرکے انہیں جنگل میں آزاد کردیا۔

    غیر ملکی میڈیا کا کہنا ہے کہ پیوکینی ویسٹرن ہلز فارسٹ ٹرسٹ نے کیوی پرندوں کے نام مذکورہ بچوں کے نام سے منسوب کیے ہیں۔

    ’24 سالہ طارق عمر، 21 سالہ طلحہٰ نعیم، 17 سالہ محمد مازق محمد ترمذی، 16 سالہ حمزہ مصطفیٰ، 14 سالہ سیّد ملنی، 3 سالہ ابراہیم‘

     

    پیوکینی ہلز فارسٹ ٹرسٹ کے ترجمان کا کہنا تھا کہ ’ہمیں نہیں پتہ کہ ہم نے کوئی بڑا کام کیا ہے یا نہیں، ہم بس متاثرہ بچوں کے لیے کچھ کرنا چاہتے تھے‘۔

    مزید پڑھیں : سانحہ کرائسٹ چرچ، عدالت نے دہشت گرد کے دماغی معائنے کا حکم دے دیا

    خیال رہے کہ گزشتہ روز عدالت نے سفید فام دہشت گرد برینٹن ٹیرنٹ پر 50 افراد کے قتل کی فرد جرم عائد کی تھی تاہم دہشت گرد پر دہشت گردی کا مقدمہ چلانے سے پہلے نیوزی لینڈ کی عدالت نے ملزم کے دماغی معائنے کا حکم دے دیا۔

    مزید پڑھیں : نیوزی لینڈ کی 2 مساجد میں فائرنگ‘ 49 افراد جاں بحق

    یاد رہے کہ 15 مارچ کو نیوزی لینڈ کی دو مساجد میں دہشت گرد حملے کیے گئے جس کے نتیجے میں خواتین وبچوں سمیت 49 افراد جاں بحق اور 20 زخمی ہوئے تھے۔

    مرکزی حملہ آور کی شناخت 28 سالہ برینٹن ٹیرنٹ کے نام سے ہوئی ہے اور وہ آسٹریلوی شہری ہے جس کی تصدیق آسٹریلوی حکومت نے کردی۔