ARYNews.tv | Urdu – Har Lamha Bakhabar

Tag: خرم شیر زمان

  • سندھ حکومت کے بدعنوان رہنما احتساب کے لیے تیار رہیں، خرم شیر زمان

    سندھ حکومت کے بدعنوان رہنما احتساب کے لیے تیار رہیں، خرم شیر زمان

    کراچی: پی ٹی آئی کراچی کے صدر خرم شیر زمان نے کہا ہے کہ سندھ حکومت کے بدعنوان رہنما احتساب کے لیے تیار رہیں، وقت آچکا ہے جس نے کرپشن کی وہ جیل جائے گا۔

    تفصیلات کے مطابق تحریک انصاف کے رہنما اور رکن سندھ اسمبلی خرم شیر زمان نے کہا ہے کہ جھوٹ کے پاؤں نہیں پھر بھی مرتضیٰ وہاب باز نہیں آتے ہیں، این ایف سی میں سندھ کے حصے کی مکمل ادائیگی ہوچکی ہے، سندھ حکومت این ایف سی کی مد میں مکمل رقم کا حساب دے۔

    خرم شیر زمان نے کہا کہ سندھ میں میرٹ کا شفاف سسٹم لانے کی ضرورت ہے، نوکریاں میرٹ کے اعتبار سے مستحق افراد کو ملنی چاہئیں، لوٹ مار کا بازار نہیں چلنے دیں گے۔

    انہوں نے کہا کہ سندھ حکومت میٹرک کے امتحانات ٹھیک سے نہیں کراسکتی ہے، میٹرک امتحانات میں نقل عروج پر ہے۔

    مزید پڑھیں: خرم شیر زمان نے سندھ حکومت کو ملک کی سب سے بڑی مافیا قرار دے دیا

    پی ٹی آئی رہنما نے کہا کہ دھمکی دینے والے احتساب سے ڈر رہے ہیں، کیس نمبر 420 کی تیاریاں کریں، زرداری کی سیٹ خالی ہونے جارہی ہے۔

    واضح رہے کہ گزشتہ ماہ خرم شیر زمان کا کہنا تھا کہ پیپلز پارٹی نے حلف اٹھایا ہے کراچی کو کچھ نہیں دینا، جب تک پیپلز پارٹی سے چھٹکارا نہیں ملے گا سندھ کا کچھ نہیں ہوسکتا۔

    ان کا کہنا تھا کہ کراچی میں تمام غیر قانونی سرگرمیوں کی نگراں سندھ حکومت ہے، پیپلز پارٹی نے شہرِ قائد کو لوٹنے کی قسم کھا رکھی ہے۔

  • چیخیں وزیر اعلیٰ ہاؤس سندھ سے آ رہی ہیں، مراد علی شاہ کی پریس کانفرنس پر خرم شیر زمان کا رد عمل

    چیخیں وزیر اعلیٰ ہاؤس سندھ سے آ رہی ہیں، مراد علی شاہ کی پریس کانفرنس پر خرم شیر زمان کا رد عمل

    کراچی: وزیرِ اعلیٰ سندھ مراد علی شاہ کی پریس کانفرنس پر تحریکِ انصاف کا ردِ عمل سامنے آ گیا ہے، خرم شیر زمان نے کہا ہے کہ کرپشن پر قدغن سے وزیرِ اعلیٰ ہاؤس سے چیخوں کی آوازیں آ رہی ہیں۔

    تفصیلات کے مطابق وزیرِ اعلیٰ سندھ نے پریس کانفرنس میں کہا ہے کہ کام یاب پی ایس ایل سندھ والوں کی جیت ہے، سندھ کی ترقی روکنے والوں کے ارادے نیست و نابود ہوگئے۔

    مراد علی شاہ کا کہنا تھا کہ پرانا کراچی مل گیا اب پرانا پاکستان بھی مل جائے گا، وہ پرانا پاکستان جہاں حکمران عوام کی چیخیں نکلوانے کی بہ جائے عوام کی خدمت کریں۔

    پی ٹی آئی رہنما رکن سندھ اسمبلی خرم شیر زمان نے رد عمل ظاہر کرتے ہوئے کہا کہ یہ کرپشن پر پابندی لگائے جانے کے بعد کی چیخیں ہیں جو وزیر اعلیٰ ہاؤس سے نکلیں۔

    یہ بھی پڑھیں:  سندھ کی ترقی کے مخالفین کے ارادے نیست و نابود ہوئے: وزیر اعلیٰ سندھ

    ان کا کہنا تھا کہ وزیر اعلیٰ کو بے نامی اکاؤنٹس اور لانچوں سے منی لانڈرنگ نہ ہونے کا غم ہے، ہم نئے پاکستان میں سندھ کا لوٹا ہوا پیسا واپس لائیں گے، وفاق نے سندھ کے حصے کا پیسا نہیں، پیپلز پارٹی کی کرپشن روکی ہے۔

    خرم شیر زمان نے کہا کہ نئے پاکستان میں کرپشن کا باب بند ہو چکا ہے، 11 سال ہزاروں ارب روپے ہڑپ کرنے والوں کی تڑپ معنی خیز ہے۔

  • خرم شیر زمان نے سندھ حکومت کو ملک کی سب سے بڑی مافیا قرار دے دیا

    خرم شیر زمان نے سندھ حکومت کو ملک کی سب سے بڑی مافیا قرار دے دیا

    کراچی : پی ٹی آئی رہنما رکنِ سندھ اسمبلی خرم شیر زمان نے سندھ حکومت کو ملک کی سب سے بڑی مافیا قرار دیتے ہوئے کہا پیپلز پارٹی نے شہرِ قائد کو لوٹنے کی قسم کا رکھی ہے،خرم شیر زمان اب عدالتوں میں جانا پڑے گا۔

    تفصیلات کے مطابق پاکستان تحریک انصاف نے کراچی واٹر بورڈ کے خلاف عدالت جانے کا اعلان کردیا ، پی ٹی آئی رہنما خرم شیر زمان نے کہا موجودہ نظام میں واٹر بورڈ ٹھیک نہیں ہوسکتا ، شہر میں پانی پر جھگڑے شروع ہوجائیں گے ، ہر گھر سے ٹیکس ملتا ہے اربوں روپے جانے کہاں جارہے ہیں۔

    خرم شیرزمان کا کہنا تھا کہ عدالتوں میں کیس کرنے پڑیں گے ، منہ دھونے کو پانی نہیں ،میں نےآج منہ بھی منرل واٹر سے منہ دھویا ، پیپلز پارٹی نے حلف اٹھایا کراچی کو کچھ نہیں دینا ، جب تک پیپلز پارٹی سے چھٹکارا نہیں ملے گا سندھ کا کچھ نہیں ہوسکتا۔

    جب تک پیپلز پارٹی سے چھٹکارا نہیں ملے گا سندھ کا کچھ نہیں ہوسکتا

    انھوں نے کہا کراچی میں تمام غیر قانونی سرگرمیوں کی نگراں سندھ حکومت ہے، پیپلز پارٹی نے شہرِ قائد کو لوٹنے کی قسم کا رکھی ہے۔

    اس سے قبل پی ٹی آئی رہنما خرم شیر زمان اور آفتاب صدیقی نے ایم ڈی واٹر بورڈ اسداللہ سے ملاقات کی، ملاقات میں پانی چوری روکنے اور فراہمی آب کے منصوبوں سے متعلق گفتگو ہوئی۔

    آفتاب صدیقی نے کہا سیوریج کےمسائل اتنے ہیں کہ کراچی شام سے بھی بدتر ہوگیا، کراچی میں اپنے ووٹرز کو جواب دینامشکل ہوگیا ہے، لکھ کر دیں کام نہیں کرسکتے ہم اسمبلیوں میں آواز اٹھائیں گے۔

    خرم شیرزمان کا کہنا تھا کہ آصف زرداری نے بنگلے بلاول ہاؤس کے قریب خرید لئے، بلاول ہاؤس میں نہ پانی کامسئلہ ہے نہ ہی سیوریج کا، جس پر ایم ڈی واٹر بورڈ اسد اللہ نے کہا بلاول ہاؤس میں بھی پانی ٹینکر سے جاتاہے اور وہ بل ادا کرتے ہیں۔

  • مرادعلی شاہ ہر کام چھوڑ کر ینگ ڈاکٹرز کا مسئلہ حل کریں، خرم شیر زمان

    مرادعلی شاہ ہر کام چھوڑ کر ینگ ڈاکٹرز کا مسئلہ حل کریں، خرم شیر زمان

    کراچی : پاکستان تحریک انصاف کے ممبر سندھ اسمبلی خرم شیر زمان کا کہنا ہے کہ سندھ حکومت کی لاپرواہی سے تعلیم، صحت سمیت ہرشعبہ برباد ہوگیا، مرادعلی شاہ ہرکام چھوڑکرینگ ڈاکٹرزکامسئلہ حل کریں، وہ سمجھ لیں ہمیں آپ کا طریقہ کار منظور نہیں۔

    تفصیلات کے مطابق پاکستان تحریک انصاف کے ممبر سندھ اسمبلی خرم شیر زمان نے ینگ ڈاکٹر کی ہڑتال کے حوالے سے کہا محکمہ صحت کی لاپرواہی کے باعث ڈاکٹرز مجبور ہیں اور سندھ حکومت کی لاپرواہی نےمحکمہ صحت تباہ کردیا۔

    [bs-quote quote=” وفاق کے حوالے کئےگئے اسپتالوں کو مثالی بنائیں گے” style=”style-7″ align=”left” author_name=”خرم شیر زمان "][/bs-quote]

    خرم شیر زمان کا کہنا تھا کہ آلودہ پانی کی وجہ سےٹائیفائیڈکی وباپھیل چکی ہے، سندھ کو18ویں ترمیم کےبعدزیادہ نقصان ہوا، تعلیم، صحت سمیت ہرشعبہ برباد ہوگیا ہے، وفاق کے حوالے کئےگئے اسپتالوں کو مثالی بنائیں گے۔

    رہنماپی ٹی آئی نے مرادعلی شاہ سمجھ لیں ہمیں آپ کاطریقہ کارمنظورنہیں، وہ ہرکام چھوڑکرینگ ڈاکٹرزکامسئلہ حل کریں، ینگ ڈاکٹرز سے ملاقات کی، تحریک التواجمع کرائیں گے اور سب سے پہلے این آئی سی وی ڈی کا آڈٹ کرائیں گے۔

    خیال رہے سندھ کےاسپتالوں میں ینگ ڈاکٹرز کی ہڑتال جاری ہے، اوپی ڈیز اور آپریشن تھیٹر بند ہے ، جس کے باعث شہری رل گئے ہیں ، ینگ ڈاکٹرز کا کہنا ہے کہ مطالبات نہ ماننے پر ایمرجنسی بند کردیں گے اور انتقامی کارروائی پر وزیراعلی ہاؤس کاگھیراؤکریں گے، نوٹیفیکشن کے اجرا تک احتجاج جاری رہے گا۔

    ینگ ڈاکٹر ز ایسوسی ایشن سندھ کے چیئرمین ڈاکٹر عمر سلطان کا کہنا تھا کہ سندھ حکومت فوری نوٹیفکیشن جاری کرے، نوٹیفیکشن کے اجرا تک احتجاج جاری رہے گا ،ایمرجنسی اور وارڈ میں کام معمول کے مطابق جاری ہے، ایمرجنسی میں آنے تمام مریضوں کو طبی امداد فراہم کی جائے گی۔

    گزشتہ ہفتے سندھ حکومت نے ڈاکٹرز کے مطالبات کی منظوری دی تھی،لیکن نوٹی فکیشن جاری نہ ہونے پر دوبارہ ہڑتال شروع کردی گئی۔

  • آصف زرداری کی نااہلی کیس کافیصلہ بھی تاریخ میں لکھا جائے گا ،عثمان ڈار

    آصف زرداری کی نااہلی کیس کافیصلہ بھی تاریخ میں لکھا جائے گا ،عثمان ڈار

    اسلام آباد : وزیراعظم کے معاون خصوصی عثمان ڈار  کا کہنا ہے کہ  آصف زرداری کی نااہلی  کیس کافیصلہ بھی تاریخ میں لکھا جائے گا، مراد علی شاہ جیسے درباری ن لیگ میں بھی تھےدیکھ لیں ن لیگ کاکیا حشر ہوا۔

    تفصیلات کے مطابق وزیراعظم عمران خان کے معاون خصوصی عثمان ڈار نے اسلام آباد ہائی کورٹ کے باہر میڈیا سے گفتگو کرتے ہوئے کہا آصف زرداری کی نااہلی کی درخواست منظور کرنے پر ہائی کورٹ کاشکرگزارہوں، کیس کافیصلہ بھی تاریخ میں لکھا جائے گا۔

    [bs-quote quote=” آصف زرداری 62 ون ایف کے تحت نااہل ہوں گے” style=”style-7″ align=”left” author_name=”عثمان ڈار”][/bs-quote]

    عثمان ڈار کا کہنا تھا کہ آصف زرداری نے اپنے اثاثے اور نیویارک کے اپارٹمنٹ چھپائے جبکہ مہرین شاہ کوفرنٹ مین کی طرح استعمال کیا گیا، اگلی سماعت پر نوٹس جاری ہوں گے، آصف زرداری 62 ون ایف کے تحت نااہل ہوں گے۔

    وزیر اعلیٰ سندھ کے بیان کے حوالے سے وزیراعظم کے معاون خصوصی نے کہا مرادعلی شاہ کوپاکستان ڈوبتانظرآرہاہےسندھ نہیں؟ وہ اچھل کود اسمبلی کی بجائے اپنی قیادت کے سامنے کرتے اور اومنی گروپ میں بےنامی اکاؤنٹس سےمتعلق پوچھتے؟ پیپلز پارٹی کامستقبل چاہتےہوتوآصف زرداری سےسوال کرو۔

    ان مزید کہنا تھا کہ آپ کو وزیراعلیٰ اس لیے نہیں بنایاگیاتھاکہ سندھ کےعوام نیچے جائیں اور آصف زرداری کےاثاثے اوپر، مراد علی شاہ جیسے درباری ن لیگ میں بھی تھے مفت مشورہ دیتاہوں ن لیگ کاحشر دیکھیں۔

    اثاثوں کو الیکشن کمیشن میں ظاہر نہ کرکے قوم کو دھوکا دیاگیا، خرم شیر زمان

    دوسری جانب تحریک انصاف کے رہنما خرم شیر زمان نے کہا آج ایک نئی تاریخ رقم ہونے کا آغاز ہورہا ہے، کیس میں کورٹ کے اعتراضات دور ہوگئے ہیں، اثاثوں کو الیکشن کمیشن میں ظاہر نہ کرکے قوم کو دھوکا دیاگیا۔

    خرم شیر زمان کا کہنا تھا کہ معزز عدالت سے انصاف کی پوری امید ہے، سیاست سے جھوٹ، فریب اور دھوکا دہی کا خاتمہ کریں گے۔

    مزید پڑھیں :  آصف زرداری کی نااہلی کےلیے درخواستیں ابتدائی سماعت کیلئے منظور

    یاد رہے اسلام آباد ہائی کورٹ نے پیپلز پارٹی کے شریک چیئرمین اور سابق صدر آصف زرداری کی نااہلی کے لیے درخواستوں پر رجسٹرار  آفس کے اعتراضات ختم کردیئے اور درخواستوں کو ابتدائی سماعت کے لئے منظور کرلیا جبکہ درخواستیں قابل سماعت ہونے پر دلائل طلب کرلئے ہیں۔

    پاکستان تحریک انصاف کے رہنماؤں عثمان ڈاراورخرم شیرزمان نے درخواستیں دائرکیں تھیں، جس میں اثاثےچھپانےاورغیرقانونی طریقےسےبلٹ پروف گاڑی رکھنے پر آصف زرداری کی نااہلی کی استدعا کی گئی تھی۔

  • ایم پی اے خرم شیرزمان کے اہلخانہ اسٹریٹ کرائم کا شکار بن گئے

    ایم پی اے خرم شیرزمان کے اہلخانہ اسٹریٹ کرائم کا شکار بن گئے

    کراچی: پی ٹی آئی کراچی ڈویژن کے صدر اور رکن سندھ اسمبلی خرم شیر زمان کے اہلخانہ بھی اسٹریٹ کرائم کا شکار بن گئے۔

    تفصیلات کے مطابق کراچی کے پوش علاقے کلفٹن میں ایم پی اے خرم شیر زمان کے اہلخانہ سے لوٹ مار کا واقعہ پیش آیا۔

    خرم شیر زمان نے واقعے کی شدید مذمت کرتے ہوئے کہا کہ رہزنی کے بڑھتے واقعات پر سندھ حکومت کی خاموش مجرمانہ ہے۔

    ان کا کہنا تھا کہ اہلخانہ کے ساتھ لوٹ مار کا واقعہ کلفٹن میں پیش آیا، یہ میرے گھر والوں کا نہیں بلکہ کراچی کے ہر شہری کا مسئلہ ہے۔

    رہنما پی ٹی آئی کا مزید کہنا تھا کہ 5سال سے اس مسئلے پر آواز اٹھا رہا ہوں، لیکن اب تک کوئی خاطرخواہ اقدامات سامنے نہیں آئے۔

    خیال رہے کہ شہر قائد میں اسٹریٹ کرائم اور پرتشدد واقعات میں اضافہ ہوگیا ہے، جس کے بعد جرائم روکنا کراچی پولیس کے لئے ایک چیلنج بن گیا ہے۔

    اس چیلنج سے نمٹنے کے لیے کراچی پولیس نے کرائم ریکارڈ اور شہریوں کی سہولت کیلئے ایپلی کیشن تیار کرلی ہے، پولیس حکام نے پولیس فار یو نامی ایپلی کیشن کی گذشتہ ماہ سے ہی ٹیسٹنگ شروع کردی ہے۔

    کراچی : اسٹریٹ کرائم کا جن بے قابو، شہریوں کی سہولت کیلئے موبائل ایپلی کیشن تیار

    واضح رہے کہ اس ایپ میں موبائل، موٹرسائیکل، گاڑی، کیش چھیننے یا چوری سمیت دیگر کی وارداتیں رپورٹ ہوسکیں گی، ٹیسٹنگ کے دوران ایک شہری کی شکایت درج ہوتے ہی متعلقہ ایس ایس پی دفتر کو موصول ہوگی۔

  • جاننا چاہتے ہیں کراچی کے مسائل کیوں نہیں حل کیے جا رہے؟ خرم شیر زمان

    جاننا چاہتے ہیں کراچی کے مسائل کیوں نہیں حل کیے جا رہے؟ خرم شیر زمان

    کراچی: پاکستان تحریک انصاف کے رہنما خرم شیر زمان کا کہنا ہے کہ مراد علی شاہ 11 سال سے سندھ پر براجمان ہیں، کمپلینٹ سینٹر کے ذریعے عوام کے کون سے مسائل حل ہوئے ہیں، چیف سیکریٹری سے جاننا چاہتے تھے مسائل حل کیوں نہیں کیے جا رہے؟

    تفصیلات کے مطابق پاکستان تحریک انصاف کے ارکان شہر کے مسائل لے کر چیف سیکریٹری کے دفتر پہنچ گئے۔ تحریک انصاف کے رہنما خرم شیر زمان کی سربراہی میں وفد نے چیف سیکریٹری سندھ سے ملاقات کی۔

    ملاقات میں وفد نے شہریوں کے مسائل سے متعلق شکایات کے انبار لگا دیے، وفد کا کہنا تھا کہ افسران صفائی اور دیگر بنیادی مسائل کی طرف توجہ نہیں دیتے۔

    چیف سیکریٹری سندھ نے یقین دہانی کروائی کہ شکایات سے متعلق تمام متعلقہ محکموں کو آج کی ہدایت جاری کروں گا۔

    ملاقات کے بعد خرم شیر زمان نے میڈیا سے گفتگو کرتے ہوئے کہا کہ کراچی کے مسائل سے متعلق چیف سیکریٹری سندھ کے پاس آئے تھے۔ روزانہ کی بنیاد پر ہزاروں شکایات سندھ حکومت کو جمع کروائی جاتی ہیں۔

    انہوں نے کہا کہ چیف سیکریٹری سے جاننا چاہتے تھے مسائل حل کیوں نہیں کیے جا رہے۔ وزیر اعظم پورٹل کے ذریعے عوام نے شکایات درج کروائی ہیں۔ ایپ کے ذریعے بڑی تعداد میں کراچی کے عوام نے شکایات کیں۔

    خرم شیر زمان کا کہنا تھا کہ صحت و صفائی، پانی اور زمینوں پر قبضوں کے مسائل ہیں۔ سندھ حکومت نے اس قسم کی ایپ کے بارے میں سوچا تک نہیں تھا۔ ایپ کے ذریعے دیگر صوبوں میں مسائل حل ہو رہے ہیں۔

    انہوں نے کہا کہ ہم سندھ حکومت کی مدد کرنا چاہتے ہیں، سیاسی اختلاف اپنی جگہ عوام کے مسائل مل کر حل کرنا چاہتے ہیں، چیف سیکریٹری نے ایپ پر کام سے متعلق بھی یقین دہانی کروائی ہے۔

    تحریک انصاف رہنما نے کہا کہ وزیر اعلیٰ بتائیں کون سے سیکریٹری کے خلاف ایکشن لیا گیا ہے، کمپلینٹ سینٹر کے ذریعے عوام کے کون سے مسائل حل ہوئے ہیں، وزیر اعلیٰ سندھ صاحب کام کرنا ہوگا۔

    انہوں نے کہا کہ مراد علی شاہ 11 سال سے سندھ پر براجمان ہیں، ایڈوائزر بھی رہے، آج بھی فنانس منسٹری ان کے پاس ہے۔ جے آئی ٹی نے وزیر اعلیٰ سندھ پر سہولت کاری کا الزام لگایا۔ تشویش ہے مراد علی شاہ کی موجودگی میں ریکارڈ میں ٹیمپرنگ ہوسکتی ہے۔

    انہوں نے کہا کہ آج بھی مطالبہ ہے کہ وزیر اعلیٰ سندھ مراد علی شاہ استعفیٰ دیں، ایسا نہیں ہوسکتا کہ دودھ کی رکھوالی پر بلے کو بٹھا دیا جائے۔

  • وزیر اعلیٰ سندھ کے خلاف سندھ اسمبلی میں تحریک التوا جمع

    وزیر اعلیٰ سندھ کے خلاف سندھ اسمبلی میں تحریک التوا جمع

    کراچی: پاکستان تحریک انصاف نے وزیر اعلیٰ سندھ سید مراد علی شاہ کے خلاف سندھ اسمبلی میں تحریک التوا جمع کروادی جس میں وزیر اعلیٰ سے استعفے کا مطالبہ کیا گیا ہے۔

    تفصیلات کے مطابق پاکستان تحریک انصاف نے وزیر اعلیٰ سندھ سید مراد علی شاہ کے خلاف سندھ اسمبلی میں تحریک التوا جمع کروادی۔ تحریک میں کہا گیا ہے کہ جے آئی ٹی میں نام آنے پر مراد علی شاہ صادق و امین نہیں رہے۔

    تحریک کے متن میں کہا گیا کہ وزیر اعلیٰ سندھ مجرمانہ سرگرمیوں میں ملوث رہے ہیں، وزیر اعلیٰ نے آصف زرداری کے قریبی اومنی گروپ کو فائدہ پہنچایا۔

    تحریک میں مطالبہ کیا گیا کہ وزیر اعلیٰ سندھ فوری طور پر مستعفی ہوجائیں۔ سندھ اسمبلی میں تحریک، پی ٹی آئی رہنما خرم شیر زمان نے جمع کروائی۔

    بعد ازاں خرم شیر زمان نے اسمبلی کے باہر میڈیا سے گفتگو کرتے ہوئے وزیر اعلیٰ سندھ سید مراد علی شاہ سے ایک بار پھر استعفے کا مطالبہ کیا۔

    خرم شیر زمان کا کہنا تھا کہ سندھ کے عوام کے بجائے اومنی گروپ کو فائدہ دیا گیا، چیزیں ثابت ہوگئیں جو ہم کہہ رہے تھے وہ سچ تھا۔

    انہوں نے کہا کہ عذیر بلوچ اور نثار مورائی کی جے آئی ٹی کے سامنے آنے کا انتظار ہے۔ اسمبلی میں جے آئی ٹی کی فائنڈنگ کو زیر بحث لایا جائے۔ مندر کی زمین کو بھی نہیں چھوڑا گیا، جمنازیم کی زمین بھی اپنوں کو دے دی گئی۔

    تحریک انصاف رہنما کا کہنا تھا کہ تحریک التوا کو منسوخ کیا گیا تو بھرپور احتجاج کریں گے، اپوزیشن چاہتی ہے جے آئی ٹی کو زیر بحث لایا جائے۔ وزیر اعلیٰ آئیں اور قوم کو حقیقت بتائیں۔ ان کی ذمہ داری ہے کہ عوام کو اربوں کا حساب دیں۔

    انہوں نے کہا کہ پیپلز پارٹی حقیقی سے کسی کو وزیر اعلیٰ بنایا جائے، زرداری کی پیپلز پارٹی کا وزیر اعلیٰ قابل قبول نہیں ہوگا۔ ہمارا مطالبہ ہے پیپلز پارٹی وزیر اعلیٰ کو تبدیل کرے۔

    انہوں نے کہا کہ سندھ میں کیا معاملات چل رہے ہیں سب کے سامنے ہیں، 5 سال سے ہم سندھ حکومت کی کرپشن کی کتابیں دکھاتے رہے۔ سندھ میں لوٹ مار اور تباہی چلتی رہی، پی پی کا سندھ میں 11 واں سال ہے۔

    خرم شیر زمان کا کہنا تھا کہ منی لانڈرنگ پاکستان کا سب سے اہم معاملہ ہے، جعلی اکاؤنٹس کیسے بنے۔ حکومت اگر قصور وار نہیں تو ایوان میں جواب دے۔

  • کراچی: لیاری ایکسپریس وے پر پولیس اہل کار فائرنگ سے جاں بحق

    کراچی: لیاری ایکسپریس وے پر پولیس اہل کار فائرنگ سے جاں بحق

    کراچی: لیاری ایکسپریس وے ریکسر پل کے قریب فائرنگ سے پولیس اہل کار جاں بحق ہو گیا، جب کہ ایک اہل کار زخمی ہوا ہے۔

    تفصیلات کے مطابق لیاری ایکسپریس وے پر پولیس اہل کاروں پر فائرنگ کے واقعے کے نتیجے میں ایک پولیس اہل کار جاں بحق جب کہ ایک اہل کار زخمی ہو گیا۔

    [bs-quote quote=”جہاں اہل کاروں پر فائرنگ ہوئی وہاں کوئی سی سی ٹی وی کیمرا نہیں۔” style=”style-7″ align=”left” color=”#dd3333″ author_name=”پولیس”][/bs-quote]

    پولیس حکام کا کہنا ہے کہ جائے وقوع سے نائن ایم ایم کے 5 خول ملے ہیں، جائے وقوع سے ملنے والے خول کا فرانزک کیا جائے گا۔

    پولیس حکام کے مطابق جہاں اہل کاروں پر فائرنگ ہوئی وہاں کوئی سی سی ٹی وی کیمرا نہیں ہے، لیاری ندی ریکسر پل پر سنسان جگہ پر اہل کاروں پر فائرنگ کی گئی۔

    دریں اثنا ‏آئی جی سندھ ڈاکٹر سید کلیم امام نے لیاری ایکسپریس وے پر پولیس اہل کاروں پر فائرنگ کے واقعے سے متعلق میڈیا رپورٹس پر فوری رپورٹ طلب کر لی۔

    آئی جی سندھ نے ایس ایس پی سٹی سے تفصیلی انکوائری اور اٹھائے گئے پولیس اقدامات پر مشتمل رپورٹ طلب کی ہے۔

    علی رضا عابدی کے قتل کا مقدمہ درج، والد کا ملزمان کے بارے میں اہم انکشاف

    ادھر صدر پی ٹی آئی کراچی خرم شیر زمان نے پولیس اہل کاروں پر فائرنگ کی مذمت کرتے ہوئے کہا کہ شہرِ قائد کے امن کے خلاف گھناؤنی سازش کی جا رہی ہے۔

    خرم شیر زمان نے کہا کہ شہید پولیس اہل کار کے اہلِ خانہ کے غم میں برابر کے شریک ہیں۔

    یاد رہے کہ دو دن قبل کراچی کے علاقے ڈیفنس میں سابق رکن قومی اسمبلی علی رضا عابدی کو بھی ٹارگٹ کلرز نے فائرنگ کر کے قتل کر دیا تھا۔

  • عدالتی فیصلے سے ثابت ہوگیا نواز شریف کرپشن کے گاڈ فادر ہیں، خرم شیر زمان

    عدالتی فیصلے سے ثابت ہوگیا نواز شریف کرپشن کے گاڈ فادر ہیں، خرم شیر زمان

    کراچی: تحریک انصاف کراچی ڈویژن کے صدر اور رکن سندھ اسمبلی خرم شیر زمان نے کہا ہے کہ عدالتی فیصلے سے ثابت ہوگیا کہ نواز شریف کرپشن کے گاڈ فادر ہیں۔

    تفصیلات کے مطابق تحریک انصاف کے رہنما خرم شیر زمان نے کہا کہ پی ٹی آئی کا پہلا مقصد ملک سے کرپشن کا خاتمہ ہے، وزیراعظم عمران خان کی کرپشن کے خلاف جنگ تیزی سے جاری ہے۔

    خرم شیر زمان نے کہا کہ ملک کو نقصان پہنچانے والے ہر شخص کا احتساب ہوگا، احتساب کا آغاز نواز شریف سے ہوچکا ہے، کرپشن کے گاڈ فادر نواز شریف کے بعد اب گاڈ فادر زرداری کی باری ہے۔

    تحریک انصاف کے رہنما نے کہا کہ جلد ہی پیپلزپارٹی کے شریک چیئرمین آصف علی زرداری بھی اڈیالہ کی سلاخوں کے پیچھے ہوں گے۔

    یہ پڑھیں: اداروں نے بڑے مگر مچھوں کے احتساب کا فیصلہ کرلیا، خرم شیر زمان

    واضح رہے کہ چند روز قبل خرم شیر زمان کا کہنا تھا کہ نیب آزاد ادارے کی حیثیت سے کام کررہا ہے، اداروں نے بڑے مگرمچھوں کے احتساب کا فیصلہ کرلیا ہے۔

    ان کا کہنا تھا کہ پی پی اور مسلم لیگ ن کا دہرا معیار قابل قبول نہیں ہے، تحریک انصاف کی حکومت کا جرم صرف یہ ہے کہ ہم نے کرپشن کرنے والے شخص کو کرپٹ ہی بولا کیونکہ عوام نے ہمیں کرپشن کے خاتمے اور اداروں کو آزاد کرنے کا مینڈیٹ دیا ہے۔

    مزید پڑھیں: العزیزیہ ریفرنس: نوازشریف کو سات سال قید کی سزا، کمرہ عدالت سے گرفتار

    یاد رہے کہ آج احتساب عدالت کے معزز جج ارشد ملک نے سابق وزیراعظم نواز شریف کے خلاف العزیزیہ اسٹیل ملز اور فلیگ شپ ریفرنسز کا مختصر فیصلہ سنایا، انہیں فلیگ شپ ریفرنس میں بری کیا گیا ہے جبکہ العزیزیہ میں سات سال قید کی سزا سنائی گئی ہے۔