سلائی کڑھائی کا ماہر ہونا کوئی معمولی بات نہیں، کم ہی لوگ اس فن میں مہارت حاصل کر کے ایسی سلائی کڑھائی کرتے ہیں جس سے نفاست کا اظہار ہو۔
تاہم جرمنی سے تعلق رکھنے والی ایک خاتون نے اس فن کو مہارت سے تبدیل کر کے فن پارے تشکیل دے دیے، اس کے لیے انہوں نے جھڑ جانے والے خشک پتے استعمال کیے۔
سوزانا بائر نامی اس فنکارہ نے کٹے پھٹے پتوں کو کروشیے کے ذریعے نہایت خوبصورتی سے سیا ہے۔ سوزانا بتاتی ہیں، ’خشک پتے بے حد نازک ہوتے ہیں اور ان پر کام کرنا نہایت نزاکت اور توجہ کا متقاضی ہے‘۔
وہ کہتی ہیں کہ وہ پتوں کو جمع کرتی ہیں اور پھر ان پتوں کو دیکھ بھال کر ان کی تھیم بنانا بھی ایک وقت طلب مرحلہ ہے۔
سوزانا کے ان فن پاروں کو سوشل میڈیا پر بے حد پسند کیا جارہا ہے، آئیں آپ بھی ان سے لطف اندوز ہوں۔
View this post on Instagram
View this post on Instagram
