اسلام آباد: پاک چین دوستی پر مبنی شاندار گیت جاری کردیا گیا ، نغمے میں پاک چین دو طرفہ محبت کی بھرپور عکاسی کی گئی ہے۔
تفصیلات کے مطابق پاک چین دوستی پرمبنی شاندار گیت ‘نی ہاؤ۔۔ دوست میں اور تم’ جاری کردیا گیا، دیرینہ پاک چین دوستی کوخراج تحسین پیش کرنے کے لیے خصوصی نغمہ تیار کیا گیا۔
اس نغمہ کا مقصد دونوں ممالک کی باہمی ہم آہنگی اورمحبت کوظاہرکرنا ہے، اس نغمےمیں دونوں ممالک کے باہمی تعاون اورمحبت کونہایت عمدگی سے ادا کیا گیا ہے۔
خیال رہے پاک چین اقتصادی راہداری منصوبے کو 10 سال مکمل ہوگئے ہیں، پاکستان اورچین نے10 سال قبل 5جولائی2013کوسی پیک منصوبے کا آغاز کیا تھا، حکام کا کہنا ہے کہ سی پیک کے تحت 25 ارب ڈالرز سے زائد کی سرمایہ کاری کی گئی اور سی پیک منصوبوں سےلاکھوں افراد کو روزگار کے مواقع میسر آئے۔
حکام کے مطابق سی پیک منصوبوں کے تحت 8 ہزار میگاواٹ بجلی پیداہوئی اور چین کےاشتراک سے معاشی و اقتصادی ترقی کے منصوبے لگائے گئے۔
