راولپنڈی(25 جولائی 2025): راولپنڈی بڑی تباہی سے بچ گیا سی ٹی ڈی نے فتنۃ الخوارج کے کارندے کو بارودی مواد سمیت گرفتار کرلیا گیا۔
تفصیلات کے مطابق راولپنڈی میں کاؤنٹر ٹیررازم ڈیپارٹمنٹ (سی ٹی ڈی) اور حساس ادارے کی مشترکہ کارروائی کرتے ہوئے فتنہ الخوارج سے تعلق رکھنے والے ایک انتہائی خطرناک دہشت گرد موسیٰ کو گرفتار کرلیا ۔
سی ٹی ڈی ترجمان کے مطابق گرفتار دہشتگرد سے بڑی تعداد میں اسلحہ اور بارودی مواد برآمد کیا گیا، گرفتار دہشت گرد حساس مقامات پر دہشت گردی کے لیے ریکی کر چکا تھا۔
سی ٹی ڈی ترجمان کا کہنا ہے کہ گرفتار دہشت گرد افغانستان میں متعدد بار ٹریننگ کے لیے جا چکا ہے، پکڑا گیا دہشت گردفتنہ الخوارج کے اہم کمانڈر کے ساتھ رابطے میں تھا، دہشت گرد نے حساس مقامات کی ویڈیو بنا کر سوشل میڈیا پر وائرل بھی کی تھی۔