Tag: خلاف

  • ایشین جونئیر اسکواش چیمپئین شپ، پاکستان کی بھارت کے خلاف شاندار فتح

    ایشین جونئیر اسکواش چیمپئین شپ، پاکستان کی بھارت کے خلاف شاندار فتح

    پتایا : ایشین جونئیر اسکواش چیمپئین شپ کے فائنل میں پاکستان نے بھارت کو 2 صفر سے شکست دے دی۔

    تفصیلات کے مطابق تھائی لینڈ کے شہر پتایا میں جاری انیسویں ایشین جونئیر اسکواش چیمپئین شپ میں پاکستان کی عمدہ کارکردگی کا سلسلہ فائنل میں بھی جاری رہا، پاکستان نے سیمی فائنل میں ہانک کانگ کو دو صفر سے شکست دینے کے بعد روائتی حریف کو دھول چٹا دی۔

    ذرائع کا کہنا ہے کہ پاکستانی پلیئرز فرحان ہاشمی اور عباس زیب نے فائنل میں شاندار کھیل پیش کیا، پہلے فرحان ہاشمی نے بھارت کے ویر چوہڑانی کے خلاف 3-2 سے فتح حاصل کی، فرحان ہاشمی نے میچ 11-2، 9-11، 7-11، 11-5، 9-11 سے جیتا تھا۔

    دوسرے پاکستانی کھلاڑی عباس زیب نے بھارتی کھلاڑی اتکرش بیہانی کے خلاف جارحانہ کھیل پیش کرتے ہوئے 3-0 سے فتح اپنے نام کی۔

    ذرائع کا کہنا ہے کہ اسکواش چیمپئین شپ میں ہر کھلاڑی کو پانچ پانچ مقابلوں میں کامیابی حاصل کرنی تھی، پاکستان کے پہلے دو کھلاڑیوں نے بھارت کو شکست سے فاش کردیا جس کے بعد تیسرا مقابلہ منعقد ہی نہیں ہوا۔

    ذرائع کا کہنا ہے کہ ایشین جونئیر اسکواش چیمپئین شپ کا ٹائٹل جیتنے پر کھلاڑیوں کی جانب سے پاکستان زندہ باد کے نعرے بھی لگائے گئے۔

    واضح رہے کہ پاکستانی کھلاڑیوں نے فتوحات کا شاندار سلسلہ جاری رکھتے ہوئے اپنے پانچوں مقابلوں میں چین، تائپے، سری لنکا، کوریا، ہانگ کانگ کے کھلاڑیوں کو شکست دینے کے بعد فائنل میں بھارت کو بھی ہرا کر فہرست میں نمایاں مقام حاصل کیا۔

    ایشین جونئیر اسکواش چیمپئین شپ پاکستان کی فتح کے بعد اسکواش فیڈریشن نے 2021 کی میزبانی پاکستان کو دے دی۔

    جونئیر اسکواش چیمپئین شپ کی میزبانی پاکستان کو دینے کا فیصلہ اسکواش فیڈریشن کی جنرل کونسل کے اجلاس میں کیا گیا، اجلاس میں پاکستان کی نمائندگی پاکستان اسکواش فیڈریشن کے سیکریٹری طاہر سلطان نے کی۔

  • جبری شادیوں کے خلاف کرغیزستان کی خواتین کا انوکھا فیشن شو

    جبری شادیوں کے خلاف کرغیزستان کی خواتین کا انوکھا فیشن شو

    بشکیک : کرغیزستان میں جبری شادیوں کے خلاف شعور اجاگر کرنے کےلیے متاثرہ خواتین نے انوکھے فیشن شو کا انعقاد کیا۔

    تفصیلات کے مطابق وسطی ایشیاء کی ریاست کرغیزستان میں آج بھی مفتوحہ شادی کی فرسودہ روایت پر عمل کیا جاتا ہے جسے معدوم ہوئے صدیاں گزر گئیں، ۔

    عروسی اغواء یا مفتوحہ شادی کا عمل ایسی فرسودہ روایت ہے، جس کے تحت مرد اس خاتون کو اغواء کرکے شادی کرتا جسے وہ پسند کرتا ہے۔

    غیر ملکی خبر رساں ادارے کا کہنا ہے کہ کرغیزستان میں جبری شادی پر قانونی پابندی کے باوجود اب بھی مفتوحہ شادی کے افسوس ناک واقعات رونما ہوتے رہتے ہیں، جس کے خلاف کئی افراد سرگرم عمل ہیں۔

    غیر ملکی خبر رساں ادارے کے مطابق جبری شادیوں کے خلاف کرغیزستان میں ایسے فیشن شو کا انعقاد کیا جاتا ہے جس میں متاثرہ خواتین فرسودہ روایت کے خلاف شعور اجاگر کرنے کیلئے شرکت کرتی ہیں۔

    غیر ملکی میڈیا کا کہنا ہے کہ کرغیزستان میں ہر پانچ میں سے ایک خاتون کو اغواء کرکے زبردستی ایسے مرد سے بیاہ دیا جاتا ہے جو اس خاتون سے شادی کا خواہاں ہوتا ہے۔

    کرغیزستان کی قانون ساز  اسمبلی میں اس روایت کے خلاف سنہ 2013 میں قانون سازی بھی کی گئی تھی لیکن اس کے باوجود یہ واقعات تھمنے کا نام نہیں لے رہے۔

    عروسی اغواء کی شکار خاتون نے بتایا کہ ’مجھے کچھ لوگ اغواء کررہے تھے تو میں نے مزاحمت دکھائی لیکن اغواء کاروں میں سے کسی نے میرے پیٹ کو نشانہ بنایا اور زبردستی گاڑی میں دھکیل دیا اور لے جاکر شادی کروادی‘۔

    عروسی اغواء کی ایک اور متاثرہ خاتون کا کہنا تھا کہ آج کل کی خواتین کو نئی ایسے رول ماڈلز کی تلاش ہے جو متاثرہ خواتین کو آواز بلند کرنے میں حوصلہ دیں۔

    غیر ملکی میڈیا کا کہنا ہے کہ جبری شادی کی متاثرہ خواتین ملک میں تبدیلی خواتین کی خود مختاری کیلئے پر عزم ہیں۔

  • شارجہ پولیس کا کم عمر بائیکرز کے خلاف کریک ڈاؤن کا آغاز

    شارجہ پولیس کا کم عمر بائیکرز کے خلاف کریک ڈاؤن کا آغاز

    ابوظبی : اماراتی پولیس نے رہائیشوں کی شکایت پر لاپرواہی سے موٹرسائیکل چلانے والے کم عمر ڈرائیوروں کے خلاف کریک ڈاؤن شروع کردیا ہے۔

    تفصیلات کے مطابق متحدہ عرب امارات کی ریاست شارجہ کی پولیس نے بغیر لائسنس کے موٹر سائیکل پر کھانا اور دیگر اشیاء گھر گھر پہنچانے والے افراد کے خلاف سخت کارروائی کا آغاز کردیا ہے۔

    اماراتی خبر رساں ادارے کا کہنا تھا کہ پولیس کارروائی کے دوران ان موٹر سائیکلوں کو نشانہ بنارہی ہے جن کے انجن تبدیل کیے گئے اور انکی آواز سے رہائشیوں کو پریشانی ہوتی ہے۔

    ترجمان شارجہ پولیس بریگیڈیر احمد بن درویش کا کہنا ہے کہ پولیس موٹر سائیکل سواروں کی لاپرواہی کے باعث ہونے والے حادثات کی روک تھام اور کمی کےلیے مسلسل آگاہی مہم چلا رہی ہے۔

    اماراتی میڈیا کا کہنا ہے کہ نوجوان موٹر سائیکل سواروں کے خلاف کریک ڈاؤن کا آغاز رہائیشوں کی شکایت پر کیا گیا تھا جو گلیوں اور رہائشی علاقوں میں لاپرواہی سے بائیک چلاتے ہیں۔

    ترجمان شارجہ پولیس کا کہنا تھا کہ پولیس کے ان اقدامات کا مقصد شہریوں کو مزید محفوظ بنانا اور ٹریفک حادثات کے باعث ہونے والی اموات میں کمی کےلیے نظام ٹریفک کو بہتر بنانا ہے۔

    بریگیڈیر احمد بن درویش کا مزید کہنا تھا کہ پولیس موٹرسائیکل سواروں اور سائیکل سواروں کو ہیلمٹ اور رات میں حافظتی جیکٹ پہننے کے حوالے سے آگاہ کررہی ہے۔

    مزید پڑھیں : بغیر لائسنس ڈرائیونگ کرنے کے جرم میں 342 بچے گرفتار

    یاد رہے کہ گذشتہ برس اماراتی پولیس حادثات کی روک تھام کے لیے بغیر لائسنس غیر قانونی طور پر اپنے والدین کی گاڑیاں چلانے والے 342 کم عمر بچوں کو گرفتار کرکے عدالت میں پیش کیا تھا۔

    اماراتی خبر رساں ادارے کے مطابق بریگیڈیر خلیفہ ال خائلی نے والدین پر الزام عائد کیا تھا کہ والدین اپنے بچوں کو غیر قانونی طور پر گاڑی چلانے کی تربیت دیتے ہیں، حراست میں لیے جانے والے بیشتر کم عمر ڈرائیورز بغیر کسی حفاظتی انتظامات کے گاڑی چلارہے تھے۔

  • مالکان ہوشیار! فینسی اور بغیر نمبر پلیٹس گاڑیوں کے خلاف شکنجہ تیار

    مالکان ہوشیار! فینسی اور بغیر نمبر پلیٹس گاڑیوں کے خلاف شکنجہ تیار

    لاہور : ٹریفک پولیس نے فینسی، غیر نمونہ اور بغیر نمبر پلیٹس گاڑیوں، موٹر سائیکلوں کے خلاف رواں سے سخت کارروائی ہوگی۔

    تفصیلات کے مطابق غیر قانونی نمبر پلیٹوں والی گاڑیوں کے خلاف صوبہ پنجاب کے دارالحکومت لاہور میں کریک ڈاؤن کرنے کا انتباہ جاری کردیا گیا ہے، جعلی اور بوگس نمبر پلیٹس پر مقدمات درج کرائے جائیں گے۔

    سٹی ٹریفک پولیس افسر لیاقت علی ملک کا کہنا ہے کہ فینسی، غیر نمونہ اور بغیر نمبر پلیٹس گاڑیوں، موٹر سائیکلوں کے خلاف شکنجہ تیار کرلیا ہے، 15 جنوری سے ایسی وہیکلز کے خلاف سخت کارروائی ہوگی۔،

    لیاقت علی ملک کا کہنا تھا کہ کارروائی سے پہلے شہریوں کو بھرپور آگاہی فراہم کی جائے گی، شہری محکمہ ایکسائز سے جاری شدہ نمبر پلیٹس ہی استعمال کریں۔

    سٹی ٹریفک پولیس افسر کا کہنا تھا کہ جن گاڑیوں کا چالان ہوگا انہیں چالان پر کاغذات کی واپسی اصل نمبر پلیٹ دکھانے پر کی جائے گی۔

    لیاقت علی ملک کا مزید کہنا تھا کہ 15 جنوری سے شہر کے داخلی اور خارجی راستوں پر ناکے لگائے جائیں گے۔

    مزید پڑھیں : جعلی اورفینسی نمبر پلیٹیں بنانے والوں کیخلاف تاریخ کا پہلا مقدمہ درج

    خیال رہے کہ محکمہ ایکسائر نے جعلی اور فینسی نمبر پلیٹیں بنانے والوں کے خلاف 14 اپریل 2017 کو تاریخ کا پہلا مقدمہ درج کر کے دو افراد کو گرفتار کیا تھا، محکمہ ایکسائز نے جعلی نمبر پلیٹس بنانے والی فیکٹری کو سیل کر کے دس ہزار نمبر پلیٹیں بھی قبضے میں لی تھیں۔

  • ڈونلڈ ٹرمپ نے پاکستان کو دی جانے والی اربوں ڈالرز کی امداد بند کردی

    ڈونلڈ ٹرمپ نے پاکستان کو دی جانے والی اربوں ڈالرز کی امداد بند کردی

    واشنگٹن : امریکی صدر ٹرمپ نے کہا ہے کہ پاکستان ہمارے ساتھ ٹھیک طریقے سے نہیں چل رہا اس لیے پاکستان کے 1.3 ارب ڈالر بند کردی۔

    تفصیلات کے مطابق امریکی صدر ڈونلڈ ٹرمپ نے کایبنہ سمیت ڈیموکریٹ اراکین کانگریس سے ملاقات کے دوران پاکستان کے خلاف ہرزہ سرائی کرتے ہوئے کہا ہے کہ ایسے ملکوں کی امداد بند کررہے ہیں جو ہمیں کچھ نہیں دیتے۔

    امریکی صدر ڈونلڈ ٹرمپ کا کہنا تھا کہ ہم پاکستان سے اچھے تعلقات چاہتے ہیں لیکن پاکستان ہمارے دشمنوں کا خیال کرتا ہے اس لیے پاکستان کی 1.3 ارب ڈالرز کی امداد بند کردی ہے۔

    ڈونلڈ ٹرمپ کا کہنا تھا کہ پاکستان کی نئی قیادت سے ملاقات کا منتظر ہوں۔

    مزید پڑھیں : اب ہم وہی کریں گے، جو ملک کے لئے بہترہوگا: وزیراعظم کا ڈونلڈ‌ ٹرمپ کو دوٹوک جواب

    خیال رہے کہ گذشتہ برس نومبر میں بھی امریکی صدر ڈونلڈ ٹرمپ نے پاکستان کے خلاف ہرزہ سرارئی کرتے ہوئے کہا تھا کہ ہم نے پاکستان کی امداد اس لیے بند کی کیونکہ پاکستان نے ہمارے لیے کچھ نہیں کیا، امریکا نے پاکستان کو سالانہ 1.3 بلین ڈالر کی امداد دی۔

    انہوں نے کہا تھا کہ اسامہ بن لادن پاکستان میں روپوش رہا، پاکستان کو افغانستان میں دہشت گردی روکنے کے لیے کہا تھا لیکن اس میں بھی کوئی پیش رفت نہ ہوسکی۔

    بعد ازاں وزیر اعظم عمران خان نے ٹرمپ کے بیان پر ردعمل دیتے ہوئے کہا تھا کہ امریکی صدر کے غلط بیانات زخموں پر نمک چھڑکنے کے مترادف ہیں، امریکی جنگ کا خمیازہ مالی و معاشی عدم استحکام کی شکل میں بھگتا ہے۔

    وزیر اعظم کا کہنا تھا کہ ٹرمپ کو تاریخی حقائق سے آگاہی درکار ہے، امریکی جنگ میں پہلے ہی کافی نقصان اٹھا چکے ہیں، اب ہم وہی کریں گے جو ہمارے مفاد میں ہوگا۔

  • وزیر اعظم تھریسامے کے خلاف ایک مرتبہ پھر تحریک عدم اعتماد پیش

    وزیر اعظم تھریسامے کے خلاف ایک مرتبہ پھر تحریک عدم اعتماد پیش

    لندن : برطانوی وزیر اعظم تھریسامے کی حکومت پھر مشکل میں گرفتار ہوگئی، پارلیمنٹ میں تھریسامے کے خلاف ایک مرتبہ پھر تحریک عدم اعتماد پیش کردی گئی۔

    تفصیلات کے مطابق برطانوی پارلیمنٹ میں وزیر اعظم کے خلاف تحریک عدم اعتماد اپوزیشن لیڈر جیریمی کوربن نے پیش کی، اپوزیشن لیڈر کا کہنا تھا کہ تھریسا مے کی جانب سے جنوری میں بریگزٹ معاہدے پر ہونے والی ووٹنگ کو مسترد کرتے ہیں۔

    جیریمی کوربن کا کہنا تھا کہ وزیر اعظم تھریسامے کی پالیسیوں نے برطانیہ کو بحران سے دوچار کردیا ہے، اس لیے وزیر اعظم پر اعتماد نہیں رہا ارکین پارلیمنٹ تھریسامے کے خلاف حتمی فیصلہ دیں۔

    برطانیہ کے اپوزیشن لیڈر نے زور دیتے ہوئے کہا کہ بریگزٹ معاہدے پر رواں ہفتے رائے شماری کروائی جائے۔

    ان کا کہنا تھا کہ بریگزٹ معاہدے میں کوئی تبدیلی نہیں آئی اور نہ ہی تبدیلی آئے گی۔

    مزید پڑھیں : برطانوی وزیراعظم کے خلاف تحریک عدم اعتماد منظور

    یاد رہے کہ ایک ہفتہ قبل بھی پارلیمنٹ میں وزیر اعظم تھریسامے کے خلاف تحریک عدم اعتماد پیش کی گئی تھی، تحریک عدم اعتماد کے لیے کنزرویٹو پارٹی کے 48 ایم پیز نے درخواستیں جمع کروائی تھیں، جس میں تھریسامے کی حمایت ختم کرنے کا اعلان گیا تھا۔

    خیال رہے کہ یاد رہے کہ وزیراعظم تھریسامے 11 دسمبر کو ہونے والی رائے شماری یہ کہتے ہوئے ملتوی کردی تھی کہ پارلیمنٹ کی جانب سے بریگزٹ معاہدے کو مسترد کیے جانے پر ان کی حکومت ختم اور اپوزیشن جماعت لیبر پارٹی اقتدار میں آسکتی ہے۔

    مزید پڑھیں : برطانوی وزیراعظم تھریسامے نے بریگزٹ معاہدے پر ووٹنگ ملتوی کردی

    واضح رہے کہ تھریسامے کو بریگزٹ معاہدے پر اپنی جماعت کے اراکین پارلیمنٹ اور اپوزیشن جماعتوں کی جانب سے تحریکِ عدم اعتماد کا سامنا ہے جب کہ وزیراعظم تھریسامے نے بریگزٹ معاہدے کی ووٹنگ 14 جنوری تک ملتوی کی تھی۔

    یاد رہے کہ جون 2016 میں برطانوی قوم نے 46 برس بعد دنیا کی سب سے بڑی سنگل مارکیٹ یورپی یونین سے نکلنے کا فیصلہ کرتے ہوئے بریگزٹ کے حق میں 52 فیصد اور اس کے خلاف 48 فیصد ووٹ دئیے تھے۔

  • بڈاپسٹ: لیبر قوانین میں ترمیم، ہزاروں افراد کا احتجاج، پولیس کی شیلنگ

    بڈاپسٹ: لیبر قوانین میں ترمیم، ہزاروں افراد کا احتجاج، پولیس کی شیلنگ

    بڈاپسٹ : ہنگری میں مزدوروں سے متعلق نئے قانون کے نفاذ کے بعد ہزاروں کی تعداد میں شہریوں نے حکومت کے خلاف احتجاج شروع کردیا۔

    غیر ملکی خبر رساں ادارے کا کہنا ہے کہ تقریباً 10 ہزار سے زائد افراد ہنگری کے دارالحکومت بڈاپسٹ میں نئے لیبر لاء میں ترمیم کے خلاف احتجاج کررہے ہیں، ہزاروں کی تعداد میں مظاہرین نے پارلیمنٹ اور سرکاری ٹی وی کے ہیڈکوارٹر کی جانب پیش قدمی کررہے ہیں۔

    غیر ملکی میڈیا کا کہنا ہے کہ ہنگری کے دارالحکومت میں مزدوروں سے متعلق حکومتی پالیسی کے خلاف ہونے والا یہ چوتھا اور سب سے بڑا احتجاج ہے۔

    برطانوی خبر رساں ادارے کا کہنا ہے کہ پولیس نے سرکاری ٹی وی اسٹیشن کے قریب مظاہرین کو منتشر کرنے کےلیے آنسو گیس کے شیل بھی فائر کیے ہیں۔

    غیر ملکی خبر رساں ادارے کا کہنا ہے کہ نئے لیبر لاء کے تحت کمپنیاں ملازمین سے سال میں 400 گھنٹے اوور ٹائم کا مطالبہ کریں گیں اور اس کی رقم تین برس تک روک سکتی ہیں۔

    ہنگری کے وزیر اعظم وکٹر آربن کا کہنا ہے کہ مذکورہ ترامیم کے سے ملازمین کا فائدہ ہوگا اور کمپنیاں ملازمین کی کمی کو پورا کرسکتی ہیں۔

    غیر ملکی میڈیا کا کہنا ہے کہ اتوار کی شب ہونے والے احتجاجی مظاہرے کا اعلان ٹریڈ یونین اور طلبہ نے کیا تھا۔

    یورپین اعداد و شمار کی ایجنسی کے مطابق سنہ 2017 میں ہنگری میں بے روز گاری کی شرح 4.2 فیصد تھی جو یورپی ممالک میں سب سے کم ہے۔

    خیال رہے کہ گذشتہ ایک ماہ سے فرانس سمیت کئی یورپی ممالک میں ’یلو ویسٹ تحریک‘ کے تحت حکومت مخالف پُر تشدد مظاہرے جاری ہیں تاہم ہنگری میں یلو ویسٹ تحریک کے تحت مظاہرے نہیں ہورہے لیکن یہاں بھی حکومتی پالیسیوں کے خلاف چوتھے ہفتے بھی احتجاج جاری ہے۔

    تجزیہ کاروں کا کہنا ہے کہ حکومتی پالیسیوں کے خلاف ہونے والے مظاہروں کا مزید یورپی ممالک میں پھیلنے کا خدشہ ہے۔

  • برطانوی وزیراعظم کے خلاف تحریک عدم اعتماد منظور

    برطانوی وزیراعظم کے خلاف تحریک عدم اعتماد منظور

    لندن : برطانوی وزیر اعظم تھریسامے کی حکومت مشکل میں پھنس گئی،  پارلیمنٹ میں تھریسامے کے خلاف تحریک عدم اعتماد منظور ہوگئی، جس پر آج ووٹنگ ہوگی، پاکستانی نژاد ساجد جاوید کو وزارت عظمیٰ کےلیے اہم امیدوار قرار دیا جارہا ہے۔

    تفصیلات کے مطابق برطانوی وزیر اعظم تھریسامے کے بریگزٹ معاہدے پر ایم پیز کو 11 دسمبر کو حق رائے دہی استعمال کرنا تھا تاہم ووٹنگ منسوخ ہوگئی۔

    مقامی خبر رساں ادارے کا کہنا ہے کہ کنزرویٹو پارٹی کے 48 ایم پیز نے درخواستیں جمع کروا دی، جس میں تھریسامے کی حمایت ختم کرنے کا اعلان گیا ہے۔

    برطانوی میڈیا کا کہنا ہے کہ درخواستیں جمع کروانے کی تصدیق نہیں ہوئی ہے تاہم ذرائع کے مطابق کابینہ اراکین سمیت دیگر کا کہنا ہے کہ 48 افراد نے درخواستیں جمع کرو ائی ہے۔

    برطانوی میڈیا کا کہنا ہے کہ اگر تھریسامے بریگزٹ معاہدے کو پارلیمنٹ سے منظور کروانے میں ناکام رہی تو حکمران جماعت کو پارٹی کے نئے سربراہ کا انتخاب کرنا پڑے گا جو آئندہ کا وزیر اعظم بھی بن جائے گا۔

    غیر ملکی خبر رساں ادارے کا کہنا ہے کہ کنزرویٹو پارٹی کی جانب سے مختلف رہنماؤں کے نام لیڈڑ شپ اور وزارت داخلہ کے لیے سامنے آرہے ہیں جس میں موجودہ وزیر داخلہ ساجد جاوید کو وزارت عظمیٰ کے لیے اہم امیدوار قرار دیا جارہا ہے۔

    برطانوی وزیر اعظم تھریسامے نے 48 سالہ پاکستانی نژاد ساجد جاوید کو رواں برس اپریل میں برطانوی وزارت داخلہ کا قلم دان سونپا تھا۔

    برطانوی خبر رساں ادارے کے مطابق کہ پاکستانی نژاد ساجد جاوید اس سے قبل برطانیہ کی لوکل گورنمنٹ، ہاوسز کے وفاقی وزیر تھے۔ ساجد جاوید سنہ 2010 سے برطانوی پارلیمنٹ کا حصّہ ہیں۔ وہ ساجد جاوید برطانیہ کے سابق انویسٹمنٹ بینکر، اور برومزگرو سے ایم پی منتخب ہوکر وزیر برائے بزنس اور ثقافت بھی رہ چکے ہیں۔

    برطانیہ کی کنزرویٹیو پارٹی کے رکن اور نو منتخب وزیر داخلہ ساجد جاوید پاکستانی بس ڈرائیور کے بیٹے ہیں جو سنہ 1960 میں اہل خانہ کے ہمراہ برطانیہ منتقل ہوگئے تھے۔

    غیر ملکی خبر رساں ادارے کا کہنا ہے کہ بریگزٹ سے متعلق ملتوی ہونے والی رائے شماری آئندہ برس 21 جنوری سے پہلے ہونی ہے۔

    مزید پڑھیں : برطانوی وزیراعظم تھریسامے نے بریگزٹ معاہدے پر ووٹنگ ملتوی کردی

    یاد رہے کہ ایک روز قبل برطانوی وزیراعظم تھریسامے کا ووٹنگ ملتوی کرنے سے قبل اپنے بیان میں کہنا تھا کہ پارلیمنٹ کی جانب سے بریگزٹ معاہدے کو مسترد کیے جانے پر ان کی حکومت ختم اور اپوزیشن جماعت لیبر پارٹی اقتدار میں آسکتی ہے۔

    برطانوی وزیراعظم تھریسامے 2016 میں اقتدار میں آنے کے ایک ماہ بعد سے برطانیہ میں سب سے بڑے بحران کا سامنا کررہی ہیں۔

    یاد رہے کہ جون 2016 میں برطانوی قوم نے 46 برس بعد دنیا کی سب سے بڑی سنگل مارکیٹ یورپی یونین سے نکلنے کا فیصلہ کرتے ہوئے بریگزٹ کے حق میں 52 فیصد اور اس کے خلاف 48 فیصد ووٹ دئیے تھے۔

  • جی سی سی ممالک کا ایران کی دہشت گردانہ کارروائیوں کے خلاف مشترکہ کوششوں کا عہد

    جی سی سی ممالک کا ایران کی دہشت گردانہ کارروائیوں کے خلاف مشترکہ کوششوں کا عہد

    ریاض : خلیج تعاون کونسل کے 39 ویں اجلاس میں رکن ممالک نے ایران کی دہشت گردانہ کارروائیوں کے خلاف مشترکا کوششیں کرنے پر زور دیا۔

    تفصیلات کے مطابق سعودی عرب میں منعقدہ خلیج تعاون کونسل کے ایک روزہ 39 واں اجلاس اختتام پذیر ہوگیا جس میں بحرین، کویت، عمان، سعودی عرب، متحدہ عرب امارات اور قطر کے وفود نے شرکت کی۔

    عرب خبر رساں ادارے کا کہنا تھا کہ دیگر ممالک کے سربراہان مملکت اجلاس شریک ہوئے جبکہ قطر کے وزیر خارجہ کی سربراہی میں ایک وفد نے اجلاس میں شرکت کی۔

    عرب میڈیا کا کہنا ہے کہ اجلاس کے اختتام پر مشترکہ اعلامیہ جاری کیا گیا جس میں رکن ممالک نے مشرق وسطیٰ کو درپیش مسائل سے نمٹنے کےلیے اتحاد و بہتر تعلقات قائم کرنے پر زور دیا۔

    جی سی سی رکن ممالک نے شام میں جاری بحران کے حل، یمن جنگ تنازعے کو ختم کرنے کے لیے تعاون کی یقین دہانی، فلسطین کا معاملہ اور ایرانی کارروائیوں کے خلاف مشترکا کوششیں کرنے کا عہد کیا۔

    جی سی سی اجلاس میں مشترکا افواج کے سربراہ کی نامزدگی کے لیے سعودی فوج کے جنرل عید اوواد کو نامزد کیا گیا جو مستقبل قریب میں اپنی ذمہ داریاں سنبھالیں گے۔

    اجلاس کے اختتام پر متحدہ عرب امارات نے خلیج تعاون کونسل کے 40 ویں سربراہی اجلاس کی میزبانی کی خواہش کا اظہار کیا جسے متفقہ رائے سے منظور کرلیا گیا۔

    خلیج تعاون کونسل کا ایک روزہ 39 واں اجلاس سعودی عرب کے بادشاہ سلمان بن عبدالعزیز کی سربراہی میں ریاض میں منعقد ہوا تھا۔

  • منی لانڈرنگ کے خلاف برطانیہ کا بڑا اقدام

    منی لانڈرنگ کے خلاف برطانیہ کا بڑا اقدام

    لندن : برطانوی حکومت نے کاروباری و دولت مند افراد کےلیے متعارف کروائی گئی گولڈن پلیٹڈ ویزا اسکیم معطل کردی۔

    تفصیلات کے مطابق دنیا بھر میں منی لانڈرنگ ، انسانی اسمگلنگ اور دیگر جرائم میں اضافے کے باعث برطانوی حکومت نے گولڈن پلیٹڈویزا اسکیم بند کرنے کافیصلہ کیا تھا۔

    برطانوی امیگریشن منسٹر کا کہنا ہے کہ کالے دھن والوں کو برداشت نہیں کیا جائے گا، گولڈن ویزا لینے والوں کو پہلے دولت کی قانونی حیثیت ثابت کرنا ہوگی۔

    غیر ملکی میڈیا کا کہنا ہے کہ برطانوی حکومت نے گولڈن ویز اسکیم سے فائدہ اٹھانے والے پاکستانیوں کی فہرست جاری کی ہے۔

    گولڈن ویزہ اسکیم حاصل کرنے والے ممالک کی فہرست کے مطابق پاکستان کا چوتھا نمبر ہے، جس کے 62 ارب پتی شہریوں نے 1 ارب 20 کروڑ ڈالر برطانیہ لے جاکر گولڈن ویزہ حاصل کیا ہے۔

    غیر ملکی خبر رساں ادارے کا کہنا ہے کہ برطانیہ کی جانب سے اٹھایا گیا اقدام منی لانڈرنگ ، انسانی اسمگلنگ و دیگر جرائم کے خلاف آپریشن کا حصّہ ہے۔

    برطانوی وزارت امیگریشن کی جانب سے جاری فہرست میں بتایا گیا ہے کہ پڑوسی ملک بھارت سے 76، ایران سے 69، آسٹریلیا54، کینیڈا سے 50 جبکہ صرف گذشتہ برس 1 ہزار چینی و روسی ارب پتیوں نے گولڈن ویزہ اسکیم سے فائدہ اٹھایا تھا۔

    مزید پڑھیں : منی لانڈرنگ کی روک تھام کےلیے برطانیہ نے گولڈن ویزہ اسکیم ختم کردی

    خیال رہے کہ برطانیہ کی جانب سے گولڈن ویزا اسکیم کو سنہ 2008 میں مالی طور پر مستحکم اور کاروباری شخصیات کےلیے متعارف کروایا گیا تھا۔

    گولڈن ویزہ اسکیم کے ذریعے برطانوی شہریت، رہائش اور کاروباری سہولت باآسانی مسیر آتی تھی، عام ویزے کے مقابلے میں گولڈز ویزہ حاصل کرنا نسبتاً آسان تھا۔