کراچی: مرد پولیس اہلکاروں کے بعد خواتین اہلکاروں کے بھی رشوت خوری میں ملوث ہونے کا انکشاف ہوا۔
تفصیلات کے مطابق کراچی میں مرد پولیس اہلکاروں کےبعدخواتین اہلکار بھی رشوت خوری میں ملوث نکلیں، ایسٹ کمپلین سیل کی خواتین اہلکاروں کی مبینہ رشوت وصولی کی ویڈیوز سوشل میڈیا پر وائرل ہوگئیں۔
ویڈیو میں خواتین اہلکاروں کو متاثرہ شہری سے رشوت طلب کرتے دیکھا جا سکتا ہے، خاتون اہلکار متاثرہ شہری سے ستر ہزار روپے مانگ رہی ہے۔
خاتون اہلکار کو ویڈیو میں پیسوں کی کمی بیشی کی ڈیل کرتے دیکھا جاسکتا ہے تاہم پولیس حکام کا کہنا ہے ویڈیو کب کی ہے اور کیس کے حوالے سے انکوائری کی جائے گئی۔
حکام نے بتایا کہ سوشل میڈیا پر ہی ویڈیوز دیکھی ہے ، ابھی تک کسی نے بھی شکایت درج نہیں کرائی۔
واقعے پر ایڈیشنل آئی جی جاویدعالم اوڈھو کے نوٹس لینے کے بعد انکوائری ٹیم تشکیل دے دی ہےاور اہلکاروں کو معطل کر دیا گیا ہے۔
پولیس حکام کا کہنا تھا کہ کمیٹی کی رپورٹ کی روشنی میں مزید قانونی و محکمانہ کارروائی کی جائے گی۔