اسلام آباد: وزیر اعظم شہباز شریف کا کہنا ہے کہ قانون سازی میں خواتین کی شمولیت انتہائی اہمیت کی حامل ہے، حکومت ہر شعبے میں خواتین کی شمولیت کے لیے کام کر رہی ہے۔
تفصیلات کے مطابق وزیر اعظم شہباز شریف سے مسلم لیگ ن کی خواتین پارلیمنٹیرینز کے وفد کی ملاقات ہوئی، وزیر اعظم نے پارلیمنٹ میں خواتین پارلیمنٹیرینز کے فعال کردار کو سراہا۔
وزیر اعظم کا کہنا تھا کہ خواتین پاکستان کی آبادی کا 51 فیصد ہیں، قانون سازی میں خواتین کی شمولیت انتہائی اہمیت کی حامل ہے، حکومت ہر شعبے میں خواتین کی شمولیت کے لیے کام کر رہی ہے۔
انہوں نے کہا کہ آئین تمام اداروں کے درمیان توازن کا ضامن ہے، پارلیمنٹ کو انتظامی امور میں بہتری کے لیے قانون سازی کا اختیار حاصل ہے۔
وزیراعظم شہباز شریف سے پاکستان مسلم لیگ (ن) کی خواتین پارلیمنٹیرینز کے 18 رکنی وفد کی ملاقات۔
”قانون سازی میں خواتین کی شمولیت انتہائی اہمیت کی حامل ہے، خواتین پارلیمنٹیرینز کا فعال کردار قابل ستائش ہے۔“
~ وزیر اعظم شہباز شریف pic.twitter.com/uKt2J9IJhw
— Government of Pakistan (@GovtofPakistan) March 29, 2023