ARYNews.tv | Urdu – Har Lamha Bakhabar

Tag: خواتین کا عالمی دن

  • خواتین کے عالمی دن کے لیے باربی کا منفرد تحفہ

    خواتین کے عالمی دن کے لیے باربی کا منفرد تحفہ

    خواتین کے عالمی دن کے حوالے سے خواتین کھلاڑیوں کو خراج تحسین پیش کرنے کے لیے ان سے ملتی جلتی باربی گڑیائیں متعارف کروا دی گئیں۔

    مشہور ٹوائے کمپنی میٹل نے حال ہی میں باربی کے پیش کیے جانے والے نئے کلیکشن میں خواتین کھلاڑیوں کے ماڈل پیش کیے ہیں۔

    ان میں سے ایک گڑیا برطانوی اسپرنٹر ڈینا ایشر اسمتھ کی بھی ہے۔ ڈینا نے گزشتہ برس دوحہ میں 200 میٹرز ریس میں گولڈ میڈل جیتا تھا۔

    ان کے علاوہ کلیکشن میں فرانس کی خواتین کی فٹبال ٹیم کی کپتان اور یوکرین کی ورلڈ چیمپئن پلیئر بھی شامل ہیں۔

    باربی کی یہ نئی گڑیائیں ڈریم گیپ پروجیکٹ کے تحت پیش کی گئی ہیں جس کا مقصد ان عوامل کی نشاندہی کرنا ہے جو بچیوں اور لڑکیوں کی راہ میں ان کے ارادوں کی تکمیل میں رکاوٹ بنتے ہیں۔

    اس موقع برطانوی اسپرنٹر ڈینا نے مسرت کا اظہار کرتے ہوئے کہا کہ باربی کے ساتھ کام کرنا ان کے لیے ایک اعزاز ہے اور وہ خوش ہیں کہ اس گڑیا کے ذریعے وہ آنے والی نسلوں کو متاثر کرسکیں گی۔

    وہ کہتی ہیں خواتین کا کھیل کے شعبے میں ہونا ایک چیلنج ہے کیونکہ انہیں وہ توجہ اور مراعات نہیں ملتے جو مرد کھلاڑیوں کو ملتے ہیں۔

    باربی کی گلوبل ہیڈ لیزا مک نائٹ کا کہنا ہے کہ اس کلیکشن کو پیش کرنے کا مقصد طاقتور اور متنوع رول ماڈلز کو پیش کرنا اور اس کے ذریعے نوجوان لڑکیوں کی خود اعتمادی میں اضافہ کرنا اور انہیں تعصب کے خلاف لڑنے میں مدد دینا ہے۔

  • خواتین کا عالمی دن : سیاسی شخصیات کا خواتین کی خراجِ تحسین پیش

    خواتین کا عالمی دن : سیاسی شخصیات کا خواتین کی خراجِ تحسین پیش

    اسلام آباد : خواتین کے عالمی دن کے موقع پر سیاسی رہنماؤں کی جانب سے خصوصی پیغامات کے ذریعے خواتین کو خراج تحسین پیش کیا جارہا ہے۔

    تفصیلات کے مطابق دنیا بھر کی طرح پاکستان میں بھی آٹھ مارچ کو خواتین کے عالمی دن کے طور پر منایا جاتا ہے ، اس دن کے موقع پر اپوزیشن لیڈر شہباز شریف نے سماجی رابطے کی ویب سائٹ پر پیغام میں کہا خواتین اپنے خاندانوں کومضبوط بنانےکےلئےشاندارکام کررہی ہیں، خواتین کے شاندار کاموں پر جشن منانےاورعزت دینےکادن ہے، خواتین نےلمباسفرطےکیاہےلیکن اب بھی بہت کچھ کرنےکی ضرورت ہے۔

    شیریں مزاری

    وزیر برائے انسانی حقوق شیریں مزاری نے خواتین کے عالمی دن پر سماجی رابطے کی ویب سائٹ ٹوئٹر پیغام میں کہا کہ ’آج خواتین کا عالمی دن صرف خواتین سے ہمدردی ظاہر کرنے کے لیے نہیں منایا جارہا بلکہ دربدر ہونے والی خواتین کو بااختیار بنانے کا بھی مقصد ہے جن کو معاشرہ تسلیم نہیں کرتا۔

     آصف زرداری

    سابق صدر آصف زرداری نے اپنے پیغام میں کہنا تھا صنفی امتیاز کے خاتمے سے مہذب معاشرہ قائم ہوگا، خواتین کا باوقار مقام پیپلزپارٹی کااصول ہے، پیپلزپارٹی ہرشعبہ میں خواتین کوآگےبڑھنے کے مواقع دیتی ہے۔

    آصف زرداری نے مزید کہا پیپلزپارٹی بینظیربھٹوکے رہنمااصولوں پرثابت قدم ہے، بینظیربھٹوشہید نے شدت پسندوں اوردہشت گردوں کی مزاحمت کی، بی آئی ایس پی کےذریعےغریب خواتین کوریاست کےثمرات ملے، بیگم نصرت بھٹوصبراوربرداشت کی علامت ہیں۔

     وزیر صحت یاسمین راشد

    وزیرصحت یاسمین راشد نے خواتین کے حقوق کے تحفظ کے دن پر پیغام میں کہا پی ٹی آئی حکومت خواتین کی موثرنمائندگی پریقین رکھتی ہے، یہ دن ہمیں خواتین کی عزت اوراحترام کاپیغام دیتاہے، پاکستانی خواتین بطورماں، بہن،بیٹی،بیوی بہترین معاشرےکی بنیادہیں۔

    پیپلز پارٹی چیئرمین  بلاول بھٹو

    پیپلز پارٹی کے چیئرمین بلاول بھٹوزرداری نے خواتین کےعالمی دن کےموقع پر پیغام میں کہا اب مستقبل خواتین کاہے، حقوق غضب کرنے والے نظام اور دقیانوسی رسم وراج کیلئےیہ صدی لحد بنےگی، خواتین کی شراکت کےبغیردنیامیں پائیدارترقی ممکن نہیں۔

    بلاول بھٹو کا کہنا تھا ہرشعبےمیں خواتین کی پیشقدمی نمایاں اورخوش آئندہے، ملکی خواتین بہادر اورپرعزم ہیں، خواتین ماضی کے مقابلے میں بہت آگےآئی ہیں، چیلنجزکےباوجودخواتین کےآگےبڑھنےکی لگن ناقابل تسخیرہے۔

    انھوں نے کہا خواتین کی موجودہ ترقی کے پیچھےایک خاتون کاکردارناقابل فراموش ہے، وہ خاتون شہیدمحترمہ بینظیر بھٹوہیں، پی پی حکومتوں نے خواتین کے حقوق کےتحفظ کےلئےانقلابی اقدام کئے۔

    بلاول بھٹو کا کہنا تھا پیپلز پارٹی نےپہلی بارمین اسٹریم پارٹی کی سربراہ خاتون کوبنایا، پی پی نےقائدحزب اختلاف جیسےعہدےخواتین کودیے، غیرت کےنام پر قتل، دیگر جرائم کی روک تھام کےلئےقانون سازی کی، پی پی نے اعلیٰ ایوانوں میں خواتین کی بھرپورنمائندگی کے اقدامات کئے۔

     فریال تالپور

    رکن سندھ اسمبلی فریال تالپور نے خواتین کےعالمی دن پر پیغام میں کہا خواتین کی شمولیت کےبغیرمعاشرہ ترقی نہیں کرسکتا، فاطمہ جناح، بیگم بھٹو اور شہید بینظیر بھٹو ہماری رول ماڈل ہیں، پاکستانی خواتین کاملکی ترقی میں نمایاں کردارہے، پاکستانی خواتین نے بیرون ملک بھی اپنی صلاحیتوں کا لوہامنوایا۔

      اسپیکر قومی اسمبلی اسد قیصر 

    خواتین کےعالمی دن کے موقع پر اسپیکر قومی اسمبلی نے پیغام میں کہا ترقی پسندمعاشرےکی تشکیل کیلئےخواتین کےحقوق کاتحفظ ناگزیر ہے، خواتین کوہرشعبےمیں یکساں مواقع دیناحکومت کی اولین ترجیح ہے، معاشرےکی ترقی اورخوشحالی کیلئےخواتین نے ہمیشہ کردار اداکیا، خواتین کوآگےلانےاوران کی حوصلہ افزائی کی ضرورت ہے۔

    ڈپٹی اسپیکرقومی اسمبلی قاسم سوری نے کہا  پاکستان کی نصف سےزائد آبادی خواتین پرمشتمل ہے، خواتین کےحقوق کاتحفظ حکومت کی ترجیحات میں شامل ہیں۔

      گورنر سندھ عمران اسماعیل

    خواتین کے عالمی دن کے موقع پر گورنر سندھ عمران اسماعیل نے  کہا پاکستان کی تعمیر و ترقی میں خواتین کلیدی کردار ادا کررہی ہیں، موجودہ حکومت خواتین کو ترقی کے مساوی مواقع فراہم کرنے کے لیے پر عزم ہے،  شعبہ ہائے زندگی میں خواتین کی زیادہ سے زیادہ شمولیت یقینی بنارہے ہیں،  پاکستانی خواتین اعلیٰ تعلیم ، تحقیق اور سیاست سمیت ہر شعبہ میں بڑھ چڑھ کر حصہ لے رہی ہیں۔

  • پاکستان کی جدوجہد میں محترمہ فاطمہ جناح قائداعظم کے ساتھ کھڑی رہیں‘ وزیراعظم

    پاکستان کی جدوجہد میں محترمہ فاطمہ جناح قائداعظم کے ساتھ کھڑی رہیں‘ وزیراعظم

    اسلام آباد: وزیراعظم عمران خان نے خواتین کےعالمی دن کے موقع پراپنے پیغام میں کہا ملک کی ترقی کے لیے خواتین کوبھی کردارادا کرنا ہے۔

    تفصیلات کے مطابق سماجی رابطے کی ویب سائٹ ٹویٹر پروزیراعظم عمران خان نے خواتین کےعالمی دن پرمحترمہ فاطمہ جناح کوخراج عقیدت پیش کرتے ہوئے کہا کہ پاکستان کی جدوجہد میں فاطمہ جناح قائداعظم کے ساتھ کھڑی رہیں۔

    وزیراعظم پاکستان نے اپنے پیغام میں مزید کہا کہ ملک کی ترقی کے لیے خواتین کوبھی کردارادا کرنا ہے، خواتین کو محفوظ، سازگارماحول فراہم کرنے کےعزم کودہراتے ہیں۔

    آج پاکستان سمیت دنیا بھر میں خواتین کا عالمی دن منایا جارہا ہے

    واضح رہے کہ پاکستان سمیت دنیا بھر میں آج خواتین کا عالمی دن منایا جارہا ہے، اس دن کو منانے کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

    خواتین کا عالمی دن کیوں منایا جاتا ہے؟

    آج سے تقریباً سو سال قبل نیو یارک میں کپڑا بنانے والی ایک فیکٹری میں مسلسل دس گھنٹے کام کرنے والی خواتین نے اپنے کام کے اوقات کار میں کمی اور اجرت میں اضافے کے لیے آواز اٹھائی تو ان پر پولیس نے نہ صرف وحشیانہ تشدد کیا بلکہ ان خواتین کو گھوڑوں سے باندھ کرسڑکوں پرگھسیٹا گیا تاہم اس بد ترین تشدد کے بعد بھی خواتین نے جبری مشقت کے خلاف تحریک جاری رکھی۔

    خواتین کی مسلسل جدوجہد اور لازوال قربانیوں کے نتیجے میں 1910 میں کوپن ہیگن میں خواتین کی پہلی عالمی کانفرنس منعقد ہوئی، جس میں 17 سے زائد ممالک کی سو کے قریب خواتین نے شرکت کی۔

    اس کانفرنس میں عورتوں پر ہونے والے ظلم واستحصال کا عالمی دن منانے کا فیصلہ کیا گیا۔ اقوام متحدہ نے 1656 میں 8 مارچ کو عورتوں کے عالمی دن کے طورپرمنانے کا فیصلہ کیا۔

  • مردوں کے شانہ بشانہ خواتین نہ ہوں توملک ترقی نہیں کرسکتا‘ ملیحہ لودھی

    مردوں کے شانہ بشانہ خواتین نہ ہوں توملک ترقی نہیں کرسکتا‘ ملیحہ لودھی

    نیویارک: اقوام متحدہ میں پاکستان کی مستقل مندوب ملیحہ لودھی کا کہنا ہے کہ پاکستان کا آئین خواتین کویکساں حقوق دیتا ہے۔

    تفصیلات کے مطابق اقوام متحدہ میں پاکستانی سفیر ڈاکٹرملیحہ لودھی نے خواتین کےعالمی دن کے موقع پراپنے پیغام میں کہا کہ صلاحیتوں کا لوہا منوانے والی خواتین کوخراج تحسین پیش کرنے کا دن ہے۔

    ملیحہ لودھی نے کہا کہ مردوں کے شانہ بشانہ خواتین نہ ہوں توملک ترقی نہیں کرسکتا، مادرملت نے جدوجہدآزادی میں کلیدی کردارادا کیا۔

    اقوام متحدہ میں پاکستان کی مستقل مندوب نے اپنے پیغام میں مزید کہا کہ پاکستان کا آئین خواتین کو یکساں حقوق دیتا ہے۔

    آج پاکستان سمیت دنیا بھر میں خواتین کا عالمی دن منایا جارہا ہے

    واضح رہے کہ پاکستان سمیت دنیا بھر میں آج خواتین کا عالمی دن منایا جارہا ہے، اس دن کو منانے کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

    خواتین کا عالمی دن کیوں منایا جاتا ہے؟

    آج سے تقریباً سو سال قبل نیو یارک میں کپڑا بنانے والی ایک فیکٹری میں مسلسل دس گھنٹے کام کرنے والی خواتین نے اپنے کام کے اوقات کار میں کمی اور اجرت میں اضافے کے لیے آواز اٹھائی تو ان پر پولیس نے نہ صرف وحشیانہ تشدد کیا بلکہ ان خواتین کو گھوڑوں سے باندھ کرسڑکوں پرگھسیٹا گیا تاہم اس بد ترین تشدد کے بعد بھی خواتین نے جبری مشقت کے خلاف تحریک جاری رکھی۔

    خواتین کی مسلسل جدوجہد اور لازوال قربانیوں کے نتیجے میں 1910 میں کوپن ہیگن میں خواتین کی پہلی عالمی کانفرنس منعقد ہوئی، جس میں 17 سے زائد ممالک کی سو کے قریب خواتین نے شرکت کی۔

    اس کانفرنس میں عورتوں پر ہونے والے ظلم واستحصال کا عالمی دن منانے کا فیصلہ کیا گیا۔ اقوام متحدہ نے 1656 میں 8 مارچ کو عورتوں کے عالمی دن کے طورپرمنانے کا فیصلہ کیا۔

  • مقبوضہ کشمیرکی ہرعورت انصاف چاہتی ہے‘ مشعال ملک

    مقبوضہ کشمیرکی ہرعورت انصاف چاہتی ہے‘ مشعال ملک

    اسلام آباد: حریت رہنما یاسین ملک کی اہلیہ مشعال ملک کا کہنا ہے کہ کشمیرکی تحریک آزادی میں شریک خواتین کومظالم کا سامنا ہے۔

    تفصیلات کے مطابق چیئرمین جموں وکشمیر لبریشن فرنٹ یاسین ملک کی اہلیہ مشعال ملک نے خواتین کےعالمی دن پراپنے پیغام میں کہا کہ مقبوضہ کشمیرکی ہرعورت انصاف چاہتی ہے۔

    انہوں نے کہا کہ مقبوضہ کشمیرمیں بھارتی فوج عصمت دری کوبطور ہتھیاراستعمال کرتی ہے، مقبوضہ کشمیرمیں سب سے بڑی تعداد میں آدھی بیوہ خواتین ہیں۔

    مشعال ملک نے اپنے پیغام میں مزید کہا کہ کشمیرکی تحریک آزادی میں شریک خواتین کومظالم کا سامنا ہے، مقبوضہ کشمیرمیں خواتین کوحقوق کب ملیں گے۔

    آج پاکستان سمیت دنیا بھر میں خواتین کا عالمی دن منایا جارہا ہے

    واضح رہے کہ پاکستان سمیت دنیا بھر میں آج خواتین کا عالمی دن منایا جارہا ہے، اس دن کو منانے کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

    خواتین کا عالمی دن کیوں منایا جاتا ہے؟

    آج سے تقریباً سو سال قبل نیو یارک میں کپڑا بنانے والی ایک فیکٹری میں مسلسل دس گھنٹے کام کرنے والی خواتین نے اپنے کام کے اوقات کار میں کمی اور اجرت میں اضافے کے لیے آواز اٹھائی تو ان پر پولیس نے نہ صرف وحشیانہ تشدد کیا بلکہ ان خواتین کو گھوڑوں سے باندھ کرسڑکوں پرگھسیٹا گیا تاہم اس بد ترین تشدد کے بعد بھی خواتین نے جبری مشقت کے خلاف تحریک جاری رکھی۔

    خواتین کی مسلسل جدوجہد اور لازوال قربانیوں کے نتیجے میں 1910 میں کوپن ہیگن میں خواتین کی پہلی عالمی کانفرنس منعقد ہوئی، جس میں 17 سے زائد ممالک کی سو کے قریب خواتین نے شرکت کی۔

    اس کانفرنس میں عورتوں پر ہونے والے ظلم واستحصال کا عالمی دن منانے کا فیصلہ کیا گیا۔ اقوام متحدہ نے 1656 میں 8 مارچ کو عورتوں کے عالمی دن کے طورپرمنانے کا فیصلہ کیا۔

  • عالمی یوم نسا، گوگل نے اپنا ڈوڈل خواتین کے نام کردیا

    عالمی یوم نسا، گوگل نے اپنا ڈوڈل خواتین کے نام کردیا

    نیویارک: خواتین کے عالمی دن کے موقع پر سرچ انجن گوگل نے اپنا ڈوڈل خواتین کے نام کردیا۔

    تفصیلات کے مطابق دنیا کی سب سے بڑی سرچنگ کمپنی گوگل نے بین الاقوامی خواتین ڈے پر اپنے پہلے صفحے پر ڈوڈل مختلف زبانوں میں ‘خواتین‘ تحریر کردیا۔

    ڈوڈل پر ہندی، جاپانی، امریکن، جرمن، عربی، تائیوانیز، برازیلین، روسی اورفرنچ زبان میں جدہ جدہ رنگوں کے ساتھ ‘خواتین‘ لکھا گیا ہے۔

    انٹرنیٹ کے سب سے بڑے سرچ انجن گوگل پر ہر خاص دن تخلیقی ڈوڈلز کے ساتھ منایا جاتا ہے اور حسب روایت، خواتین کے عالمی دن کے موقع پر بھی گوگل نے ایک منفرد ڈوڈل تشکیل دیا۔

    خیال رہے کہ آج پاکستان سمیت دنیا بھر میں خواتین کا عالمی دن منایا جارہا ہے، اس دن کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

    خواتین کی معاشرے میں اہمیت اجاگر کرنے کیلئے جہاں دنیا بھر میں عالمی دن منایا جاتا ہے، تو وہیں خواتین نے ثابت بھی کیا ہے کہ ان کی شمولیت کے بغیر کوئی بھی معاشرہ ترقی کی راہ پر گامزن نہیں ہوسکتا۔

    خواتین نے دنیا کے ہر میدان میں مردوں کے شانہ بشانہ جدوجہد کرکے ثابت کیا ہے کہ ان کی شمولیت کے بغیرکوئی بھی معاشرہ ترقی کی راہ پرگامزن نہیں ہوسکتا۔ خواتین کی معاشرے میں اسی اہمیت کواجاگرکرنے کے لیے یہ دن منایا جارہا ہے۔

    واضح رہے کہ گوگل کسی بھی معروف شخصیت کی برسی اور سالگرہ اور عالمی دن پر ڈوڈل متعارف کراتا ہے۔

  • آج پاکستان سمیت دنیا بھر میں خواتین کا عالمی دن منایا جارہا ہے

    آج پاکستان سمیت دنیا بھر میں خواتین کا عالمی دن منایا جارہا ہے

    اسلام آباد: آج پاکستان سمیت دنیا بھر میں خواتین کا عالمی دن منایا جارہا ہے، اس دن کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

    خواتین کی معاشرے میں اہمیت اجاگر کرنے کیلئے جہاں دنیا بھر میں عالمی دن منایا جاتا ہے، تو وہیں خواتین نے ثابت بھی کیا ہے کہ ان کی شمولیت کے بغیر کوئی بھی معاشرہ ترقی کی راہ پر گامزن نہیں ہوسکتا۔

    عالمی دن منانے کے موقع پر ان بہادر خواتین کو خراج تحسین پیش کیا جائے گا جنہوں نے اپنے حقوق کے حصول کی جنگ لڑی، اس دن دنیا بھر میں مختلف ممالک کی ہزاروں تنظیمیں خواتین کی سماجی، سیاسی اور اقتصادی ترقی کیلئے کوششوں کو اجاگر کرنے کیلئے واکس اور تقاریب کا اہتمام کریں گی۔

    پاکستان میں بھی اس حوالے سے تقاریب منقد کی جائیں گی، سول سوسائٹی کی تنظمیں خواتین کو درپیش مسائل اور چیلنجوں کو اجاگر کرنے کیلئے واکس، سیمینارز اور مباحثوں کا بھی اہتمام کریں گی۔

    خواتین کے عالمی دن کے موقع پر دنیا کے مختلف ممالک جن میں روس، ویت نام، چین اور بلغاریہ میں خواتین کے عالمی دن پر عام تعطیل ہوتی ہے، یہ دن خواتین کی ’’جدوجہد‘‘ کی علامت ہے۔

    1908ء میں 15000ہزار محنت کش خواتین نے تنخواہوں میں اضافے، ووٹ کے حق اور کام کے طویل اوقات کار کے خلاف نیویارک شہر میں احتجاج کیا اور اپنے حقوق کے حصول کے لیے آواز بلند کی۔ 1909ء میں امریکہ کی سوشلسٹ پارٹی کی طرف سے پہلی بار عورتوں کا قومی دن 28فروری کو منایا گیا۔

    خواتین کا عالمی دن کیوں منایا جاتا ہے؟

    آج سے تقریباً سو سال قبل نیو یارک میں کپڑا بنانے والی ایک فیکٹری میں مسلسل دس گھنٹے کام کرنے والی خواتین نے اپنے کام کے اوقات کار میں کمی اور اجرت میں اضافے کیلئے آواز اٹھائی تو ان پر پولیس نے نہ صرف وحشیانہ تشدد کیا بلکہ ان خواتین کو گھوڑوں سے باندھ کر سڑکوں پرگھسیٹا گیا تاہم اس تشدد کے بعد بھی خواتین نے جبری مشقت کے خلاف تحریک جاری رکھی۔

    خواتین کی مسلسل جدوجہد اور لازوال قربانیوں کے نتیجے میں 1910 میں کوپن ہیگن میں خواتین کی پہلی عالمی کانفرنس منعقد ہوئی، جس میں 17 سے زائد ممالک کی سو کے قریب خواتین نے شرکت کی۔

    اس کانفرنس میں عورتوں پر ہونے والے ظلم واستحصال کا عالمی دن منانے کا فیصلہ کیا گیا۔ اقوام متحدہ نے 1656 میں 8 مارچ کو عورتوں کے عالمی دن کے طور پر منانے کا فیصلہ کیا۔

    اس دن کے موقع پردنیا بھرمیں کانفرنسوں اورورکشاپس کا انعقاد ہو گا، جن میں خواتین کو مساوی حقوق دینے کا اعادہ کیا جائے گا۔

  • خواتین معاشرے کا اہم حصہ ہیں‘ سردار رضا

    خواتین معاشرے کا اہم حصہ ہیں‘ سردار رضا

    اسلام آباد: چیف الیکشن کمشنر سردار رضا خان کا کہنا ہے کہ صنفی برابری کی وجہ سے خواتین کومین اسٹریم میں شامل کیا جا رہا ہے۔

    تفصیلات کے مطابق چیف الیکشن کمشنر سردار رضا خان نے خواتین کےعالمی دن کی تقریب سے خطاب کرتے ہوئے کہا کہ یہ دن ہمیں یاد دلاتا ہے خواتین معاشرے کا اہم حصہ ہیں۔

    انہوں نے کہا کہ 2018 جنرل الیکشن میں خواتین کی شرکت خوش آئند ہے، پاکستان 2030 کے ایجنڈے کی طرف تیزی سے گامزن ہے۔

    چیف الیکشن کمشنر نے کہا کہ صنفی برابری کی وجہ سے خواتین کو مین اسٹریم میں شامل کیا جا رہا ہے، مرد وخواتین کی تعداد میں فرق ختم کرنے کے اقدامات کررہے ہیں۔

    سردار رضا خان نے کہا کہ سول سوسائٹی کے ساتھ صنفی برابری کی تجاویزپرکام کررہے ہیں۔

    چیف الیکشن کمشنر نے مزید کہا کہ خواتین ووٹرزکی رجسٹریشن نادرا، اسٹیک ہولڈر کے بغیر ناممکن ہے، الیکشن کمیشن قوانین اورووٹ سے آگاہی کے لیے کام کررہا ہے۔

    واضح رہے کہ 8 مارچ کو ہرسال پاکستان سمیت دنیا بھرمیں خواتین کاعالمی دن منایا جاتا ہے، اس دن کو منانے کا مقصد خواتین کی اہمیت کو تسلیم کرنا اوران کے حقوق سے متعلق آگاہی فراہم کرنا ہے

  • عورت جس روپ میں ہو اس کی عزت کرنی چاہیے،مریم نواز

    عورت جس روپ میں ہو اس کی عزت کرنی چاہیے،مریم نواز

    اسلام آباد : سابق وزیراعظم نواز شریف کی صاحبزادی مریم نواز کا خواتین کے عالمی دن کے موقع پر کہنا ہے کہ عورت جس روپ میں ہو اس کی عزت کرنی چاہیے۔

    تفصیلات کے مطابق خواتین کے عالمی دن کے موقع پر سابق وزیراعظم نواز شریف کی بیٹی مریم نواز نے اپنے پیغام میں کہا کہ عورت جس روپ میں ہو اس کی عزت کرنی چاہیے۔

    اس سے قبل احتساب عدالت کے باہر میڈیا سے بات کرتے ہوئے مریم نواز کا کہنا تھا کہ والدہ کی گردن پر دوبارہ کینسر کی تشخیص ہوئی ہے، میاں صاحب کو اہلیہ کےعلاج کیلئےڈاکٹرز سے مشورہ کرنا تھا، ایک ہفتے کیلئے جانا تھا اس کیلئے استثنی مانگی تھی لیکن نہیں ملی۔

    خیال رہے کہ دنیا بھر میں آج خواتین کا عالمی دن نہایت جوش و جذبے اور ادب و احترام سے منایا جارہا ہے۔

    خواتین نے دنیا کے ہر میدان میں مردوں کے شانہ بشانہ جدوجہد کرکے ثابت کیا ہے کہ ان کی شمولیت کے بغیرکوئی بھی معاشرہ ترقی کی راہ پرگامزن نہیں ہوسکتا۔ خواتین کی معاشرے میں اسی اہمیت کواجاگرکرنے کے لیے یہ دن منایا جاتا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • قیام پاکستان میں خواتین کا کردار نمایاں رہا، فاطمہ جناح مثال ہیں، مریم اورنگزیب

    قیام پاکستان میں خواتین کا کردار نمایاں رہا، فاطمہ جناح مثال ہیں، مریم اورنگزیب

    اسلام آباد : وزیرِ مملکت مریم اورنگزیب نے کہا ہے کہ قائداعظم کی ہرتصویرمیں محترمہ فاطمہ جناح کو ساتھ دیکھا جا سکتا ہے اور پاکستان کےآئین میں خواتین کے حقوق کی بات بھی کی گئی ہے۔

    خواتین کے عالمی دن کے موقع پر وزیر مملکت مریم اورنگزیب نے اپنے خصوصی بیان میں کہا ہے کہ قیام پاکستان میں خواتین کا اہم کردار رہا ہے اور قائد اعظم کی بہن محترمی فاطمہ جناح اپنے بھائی کے شانہ بشانہ سیاسی جدوجہد میں ہمراہ رہیں۔

    وزیرِ مملکت مریم اورنگزیب نے ملک کے اپنی جانوں کی قربانیاں پیش کرنے والے شہید جوانوں کی ماؤں کو خراج تحسین پیش کرتے ہوئے کہا کہ پاکستان کو اُن ماؤں کو سلام ہے جنہوں نے قوم کو ایسے بہادر سپوت عطا کیے جو وطن عزیز کی حفاظت میں اپنی جانیں بھی قربان کر دیتے ہیں۔

    انہوں نے کہا کہ خواتین کو با اختیار بنانا وزیراعظم نوازشریف کا وژن ہے اس لیے وفاق اورصوبوں میں خواتین کیلئےخصوصی قانون سازی کی گئی اور وزیراعظم یوتھ لون اسکیم میں بھی خواتین کو 50 فیصد حصہ دیا گیا ہے۔

    وزیر مملکت مریم اورنگزیب نے کہا ہے کہ نواز شریف کی قیادت میں مسلم لیگ (ن) خواتین کو بااختیار بنانے کے لیے کوشاں ہیں جس کے باعث ہمارے دورِ حکومت میں خواتین کا معیارِ زندگی بلند ہوا ہے۔