Tag: خواتین کرکٹ ٹیم

کراچی: پاکستان کرکٹ بورڈ(پی سی بی) نے قومی خواتین کرکٹ ٹیم کے لیے لیجنڈری کرکٹر وسیم اکرم اور باصلاحیت کھلاڑی بابراعظم کے آن لائن سیشنز کے انعقاد کا فیصلہ کرلیا۔

تفصیلات کے مطابق پی سی بی کا کہنا ہے کہ وسیم اکرم اور بابر اعظم قوامی خوتین کرکٹ ٹیم کو آن لائن سیشنز میں کھیل کے گر بتائیں گے، سیشنز کا آغاز پیر کے روز سے کیا جائے گا۔

’خواتین کھلاڑیوں کو اچھے کرکٹرز سے کھیل کے گُر سیکھنے کا موقع ملے گا، 35خواتین کرکٹرز پر مشتمل سیشنز کا انعقاد ویڈیو کانفرنس سے ہوگا، خواتین کرکٹرز کو جامع حکمت عملی اپنانے سے متعلق علم فراہم کیا جائے گا‘۔

لاک ڈاؤن: پاکستان کرکٹ بورڈ کا لیجنڈری کرکٹرز کی خدمات حاصل کرنے کا فیصلہ

پاکستان کرکٹ بورڈ کے مطابق وسیم اکرم خواتین کرکٹ ٹیم کی کھلاڑیوں کو تجربات سے آگاہ کریں گے۔ خیال رہے کہ وسیم اکرم نے گزشتہ ہفتے مینزکرکٹرز کے ساتھ ایسے ہی سیشن میں شرکت کی تھی، بلےباز بابر اعظم بھی خواتین کرکٹرز کو مختلف کنڈیشنز میں بلے بازی کے گُرسکھائیں گے۔

کراچی: قومی خواتین کرکٹ ٹیم کی سابق کپتان ثنا میر نے کہا ہے کہ کرکٹ ایسا کھیل ہے جو رلاتا زیادہ اور خوش کم کرتا ہے، خوشی ہے پاکستان کی جانب سے سب سے زیادہ میچ کھیلے۔

ویسٹ انڈین ٹیم کے خلاف کام یابی کے بعد میڈیا سے گفتگو کرتے ہوئے ثنا میر نے کہا کہ یہ جیت میں سپورٹرز کو وقف کرتی ہوں، جیتنے کے با وجود ہمیں فیلڈنگ اور بالنگ میں بہتری کی ضرورت ہے۔

[bs-quote quote=”خواتین کرکٹ کے لیے جدوجہد کی ہے، اسے سمجھنے میں لوگوں کو وقت لگا ہے۔” style=”style-7″ align=”left” color=”#dd3333″ author_name=”سابق کپتان ثنا میر”][/bs-quote]

سابق کپتان کا کہنا تھا کہ قومی ٹیم میں اتحاد ہے، نتیجہ اللہ کے ہاتھ میں ہوتا ہے، ہم اپنی کوشش کرتے ہیں، سب سے اہم بات یہ ہے کہ پاکستان جیتا ہے، جب تک کرکٹ کو انجوائے کرتی رہی کھیلتی رہوں گی۔

ثنا میر نے کہا ’خواتین کرکٹ کے لیے جدوجہد کی ہے، اسے سمجھنے میں لوگوں کو وقت لگا ہے، سرفراز نے نیک خواہشات کا اظہار کیا، ان کا آنا اچھا لگا۔‘

ثنا میر نے کہا ’ویسٹ انڈیز کو ہم نے ون ڈے میں بھی ہرایا، آئندہ بھی اچھا کھیل پیش کرنے کی کوشش کریں گے، ویسٹ انڈیز نے جو بہادری دکھائی وہ قابل تعریف ہے، ویسٹ انڈین کپتان گھل مل گئیں، یہی کھیلوں کی خوب صورت بات ہے۔‘

یہ بھی پڑھیں:  تیسرا ٹی ٹوئنٹی : پاکستان ویمن ٹیم نے ویسٹ انڈیز کو شکست دے دی

میچ میں زبردست کام یابی دکھانے والے کھلاڑی ندا ڈار نے کہا کہ اپنے آئیڈیلز کے سامنے کھیلنا اچھا لگتا ہے، شروع سے آفریدی کو فالو کرتی رہی ہوں، آنے والی لڑکیاں دیکھ سکتی ہیں عالمی کرکٹ کا کیا معیار ہے، تیسرا میچ ہم نے اپنی پوری قوت سے کھیلا ہے۔

پاکستان کرکٹ بورڈ نے قطر انٹرنیشنل ویمنزکرکٹ چیمپئین شپ کے لئے چودہ رکنی قومی خواتین کرکٹ ٹیم کا اعلان کردیا ہے۔ پاکستان، جنوبی افریقہ اور آئرلینڈ پر مشتممل چیمپئین شپ آٹھ سے پچیس جنوری پر دوہا میں ہو گی۔

ثنا میر کو قومی ٹیم کا کپتان اور بسما معروف کو نائب کپتان برقرار رکھا گیا ہے۔ دیگر کھلاڑیوں میں سیدہ نین فاطمہ عابدی، ندا راشد، جویریہ ودود، ناہیدہ بی بی، سدرہ امین، سیدہ بطول فاطمہ نقوی، اسماویہ اقبال، کانیتا جلیل، سمعیہ صدیقی، سعدیہ یوسف، مرینہ اقبال اور ثانیہ اقبال شامل ہیں۔

عائشہ عشرمینیجر، مہتشم رشید کوچ، ابرار احمد ٹرینر، نمرہ ڈوالفقار فزیو اور ساجد یاسین ہاشمی ویڈیو اینالسٹ ہوں گے۔