Tag: خواتین

کراچی: اب سندھ کی مسجدوں میں خواتین بھی نمازپڑھا کریں گی، حکومت سندھ نے اس حوالے سے بڑا فیصلہ کرلیا ہے۔

تفصیلات کے مطابق سندھ حکومت کے محکمہ اوقاف نے سندھ کی تمام مساجد میں خواتین کے نماز پڑھنے کے لئے علحدہ جگہ مختص کرنے کا فیصلہ کرلیا۔

وزیر قانون و اوقاف عمر سومرو کی صدارت میں محکمہ اوقاف کا اہم اجلاس ہوا، اجلاس میں سیکریٹری اوقاف منور مہیسر، ایڈیشنل سیکریٹری اوقاف اور دیگر افسران شریک ہوئے۔

اجلاس میں افسران کی مساجد، مدارس کی رجسٹریشن اور خواتین کے نماز پڑھنے کے لیے علحدہ جگہ مختص کرنے سے متعلق بریفنگ دی گئی، محکمہ نے کہا کہ 77 مساجد میں خواتین کے لیے علحدہ جگہ نماز پڑھنے کے لیے مختص کی جائے۔

وزیر قانون و اوقاف عمر سومرو نے اجلاس میں کہا کہ اس سے متعلق انگریزی، اردو، سندھی اور گجراتی زبانوں میں آگاہی مہم چلائی جائے گی، رجسٹرڈ اور غیر رجسٹرڈ مساجد کا ڈیٹا اکٹھا کرنے کے عمل کو تیز کیا جائے۔

وزیر قانون عمر سومرو نے ہدایت جاری کی کہ محکمہ اوقاف دیگر متعلقہ محکموں سے ملکر مساجد اور مدارس کو رجسٹرڈ کریں ساتھ ہی تمام اسٹیک ہولڈرز کے ساتھ مشاورتی عمل شروع کرے۔

سیکریٹری منور علی مہیسر نے بریفنگ میں بتایا کہ  سندھ بھر میں 8903 مدارس رجسٹرڈ کئے ہیں، مزید مساجد اور مدارس کو رجسٹرڈکرنے پر کام ہورہا ہے۔

کراچی: ایف آئی اے نے خواتین کی قابل اعتراض تصاویر شیئر کرنے میں ملوث 2 ملزمان کو گرفتار کرلیا۔

تفصیلات کے مطابق ایف آئی اے نے خواتین کی قابل اعتراض تصاویر شیئر کرنے میں ملوث جان محمد اور عزیر حیدر  کو حیدرآباد اور دادو سے گرفتار کیا ہے۔

ایف آئی اے ترجمان کے مطابق ملزمان نے شکایت کنندگان کی قابل اعتراض تصاویر سوشل میڈیا پر وائرل کیں، ملزمان نے قابل اعتراض مواد اپلوڈ کرنے کے لئے جعلی اکاونٹس بنا رکھے تھے۔

ترجمان کا کہنا ہے کہ ملزمان متاثرین کی تصاویر ایڈیٹ کر کے سوشل میڈیا پر وائرل کرتے تھے ان کی گرفتاری کے لئے تمام تر تکنیکی وسائل کو بروئے کار لایا گیا۔

ایف آئی اے ترجمان نے مزید بتایا کہ متعلقہ حکام سے ملزمان کی تفصیلات حاصل کر کے گرفتاری عمل میں لائی گئی، ملزمان کے زیر استعمال موبائل فونز کو قبضے میں لے لیا گیا تاہم مزید تفتیش جاری ہے۔

کراچی : اسپتال میں مبینہ طور پر 2 بچوں کی لاشیں چھوڑ کر جانے والی خواتین کی اسپتال سے فرار کی سی سی ٹی وی فوٹیج سامنے آگئی، پولیس کا کہنا ہے کہ خاتون کو تلاش کررہے ہیں، جلد گرفتار کرلیں گے۔

تفصیلات کے مطابق کراچی کے علاقے نارتھ ناظم آباد کے اسپتال میں کچرے دان سے2بچوں کی لاشیں ملنے کے واقعے تحقیقات جاری ہے، ۔مبینہ طورپرلاشیں چھوڑ کر جانے والی خواتین کی اسپتال سے فرار کی سی سی ٹی وی فوٹیج سامنے آگئی ہے۔

فوٹیج میں مبینہ ملزمہ خاتون کو وہیل چیئر پر بیٹھے دیکھا جاسکتا ہے جبکہ دوسری خاتون وہیل چیئرچھوڑ کر کینٹین اور فارمیسی کی جانب گئی۔

فوٹیج میں دیکھاجاسکتاہےساتھی خاتون نے ممکنہ طور پر کچھ سامان خریدا اور واپس آئی اور واپس آتے ہی وہیل چئیر لے کر رکنے والے رکشے کی جانب گئی، مبینہ ملزمہ خاتون وہیل چیئر سے کھڑی ہوئی اور خود رکشے میں بیٹھی۔

دوسری جانب ساتھی خاتون بیٹھی اور دونوں اسپتال سے نکل گئے، فوٹیج میں2خواتین کو اسپتال کے باہر احاطے میں دیکھا جاسکتا ہے تاہم پولیس کا کہنا ہے کہ خاتون کو تلاش کررہے ہیں، جلد گرفتار کرلیں گے۔

صوبائی دارلحکومت لاہور خواتین سے زیادتی، اغوا اور جنسی حملوں کا گڑھ بن گیا ہے، جنوری سے اپریل 1423 خواتین اغوا اور 500 سے زائد پر جنسی حملے ہوئے۔

تفصیلات کے مطابق پنجاب میں جنسی درندے بے لگام ہوگئے، صوبے بھر میں خواتین اور بچوں سے زیادتی، بد فعلی، تشدد اور اغوا کے واقعات میں خوفناک حد تک اضافہ ہوگیا ہے۔

ایک غیرسرکاری تنظیم کی رپورٹ میں بتایا کہ رواں برس جنوری سے اپریل تک خواتین اور بچوں سے متعلق سنگین نوعیت کے بارہ ہزار سے زائد جرائم رپورٹ ہوئے۔

صوبائی دارا لحکومت لاہور خواتین سے زیادتی، اغوا اور جنسی حملوں کا گڑھ بن گیا ہے، لاہورمیں جنوری سے اپریل چار ماہ کے دوران چودہ سو ستائیس خواتین اغوا اور پانچ سوسےزائد پرجنسی حملےہوئے۔

رپورٹ میں بتایا گیا کہ زیادتی کے ایک سوانتالیس واقعات رپورٹ ہوئے ، صوبے بھرمیں مجموعی طور پر گیارہ سو خواتین ریپ کانشانہ بنیں جبکہ ساڑھےپانچ ہزار خواتین کو اغوا کیا گیا۔

اس کے علاوہ غیرت کے نام پر ترپن خواتین قتل ہوئیں جبکہ بچوں پرجنسی تشدد کےآٹھ سو اٹھاون مقدمات درج ہوئے۔

ایس ایس ڈی او کی رپورٹ میں کہا گیا ہے کہ کیسز کی اصل تعداد اس سے بھی زیادہ ہو سکتی ہے کیونکہ بدنامی کےخوف اورپولیس پر عدم اعتماد کے باعث بیشتر افراد ایف آئی آر کا اندارج نہیں کرواتے۔