Tag: خواجہ آصف

اسلام آباد: وزیراعظم عمران خان کے معاون خصوصی عثمان ڈار نے کہا ہے کہ خواجہ آصف نظام منجمد کرنے کی دھمکیاں کسی اور کو دیں، پارلیمانی روایات کی آڑ میں چوروں کو عہدے نہیں دے سکتے۔

تفصیلات کے مطابق وزیراعظم کے معاون خصوصی عثمان ڈار نے سابق وزیر خارجہ خواجہ آصف کے بیان پر ردعمل دیتے ہوئے کہا ہے کہ خواجہ آصف نظام کو منجمد کرنے کی دھمکیاں کسی اور کو دیں، ن لیگ کے پاس اخلاقی اور سیاسی طاقت ختم ہوچکی ہے۔

عثمان ڈار نے کہا کہ شہباز شریف کی وفاداری میں قانون کو مذاق نہیں بننے دیں گے، ماضی میں سیاسی روایات مک مکا کی بنیاد پر بنائی گئی تھیں، وزیراعظم نے فیصلہ کرلیا ہے جو ہوگا قانون کے مطابق ہوگا۔

انہوں نے کہا کہ آئی ایم ایف سے مذاکرات پر خواجہ آصف کا بیان شرمناک ہے، وزیراعظم آئی ایم ایف کے پاس اپنی ذات کے لیے نہیں گئے ہیں، ملکی تباہ حال معیشت آپ جیسے حکمرانوں سے ورثے میں ملی ہے۔

مزید پڑھیں: شہبازشریف کو پی اے سی کی چیئرمین شپ سے ہٹایا تو حالات بگڑجائیں گے، خواجہ آصف

عثمان ڈار نے کہا کہ اپنی روزی روٹی بند ہونے پر انہیں ملک دیوالیہ ہوتا نظر آرہا ہے، 6 ماہ میں ملکی ترقی عقل کے اندھوں کو نظر نہیں آئے گی، اداروں کو جو نقصان اپوزیشن نے پہنچایا وہ ناقابل بیان ہے۔

معاون خصوصی وزیر اعظم نے کہا کہ خواجہ آصف ملک کے ناکام ترین وزیر خارجہ ثابت ہوئے، بطور وزیر خارجہ عالمی سطح پر پاکستان کا کوئی مقدمہ پیش نہیں کیا، ریاست کے انتظامی معاملات کا فیصلہ حکومت کا حق ہے۔

عثمان ڈار نے کہا کہ خواجہ آصف کو بیگانی شادی میں عبداللہ دیوانہ بننے کی ضرورت نہیں ہے، خواجہ آصف وقت رہتے اپنے لیے وکلا کی ٹیم کا بندوبست کریں، انہیں پروڈکشن آرڈرز بھی نہیں مل سکیں گے۔

اسلام آباد: سابق وزیرِ خارجہ خواجہ محمد آصف نے کہا ہے کہ راؤ انوار کے خلاف کارروائی ہوتی تو پولیس والوں کو کچھ احساس ہوتا۔

وہ قومی اسمبلی اجلاس میں اظہارِ خیال کر رہے تھے، خواجہ آصف نے کہا کہ بے گناہوں کے خون سے ہولی نہ کھیلی جائے، اس کی ذمہ داری حکمرانوں پر آ جاتی ہے۔

[bs-quote quote=”راؤ انوار کے خلاف کارروائی ہوتی تو پولیس والوں کو کچھ احساس ہوتا۔” style=”style-7″ align=”left” color=”#dd3333″ author_name=”خواجہ آصف”][/bs-quote]

مسلم لیگ کے رہنما کا کہنا تھا کہ جس انصاف کے دعوے کیے گئے، وہ کر کے دکھایا جائے۔

خواجہ آصف نے کہا ’محافظ قاتل بن گئے ہیں، لیکن تاویلیں پیش کی جا رہی ہیں، ہر طرف کنفیوژن ہے، ایوان کو اختیار دیا جائے کہ ساہیوال واقعے کو خود سے دیکھے۔‘

رہنما ن لیگ نے مطالبہ کیا کہ ساہیوال واقعے کی تحقیقات کے لیے پارلیمانی کمیٹی بنائی جائے۔

انھوں نے وزیرِ مملکت برائے پارلیمانی امور علی محمد خان کا ذکر کرتے ہوئے کہا کہ انھوں نے کہا تھا ملزم پکڑے نہ جائیں تو حکمران ذمہ دار ہوتے ہیں۔

یہ بھی پڑھیں:  عوام ساہیوال واقعے کے حقائق جاننا چاہتے ہیں: شہباز شریف

خواجہ آصف نے کہا کہ ماضی میں شہباز شریف کو بھی ایسے کیسز میں ملزم قرار دے کر استعفے کا مطالبہ کیا گیا۔

ان کا کہنا تھا ’عوام کے تحفظ کے لیے ہم ایک ہو جائیں تو لوگوں کو بھی اعتماد ہوگا، دہشت گردی ختم کرنے والے خود دہشت گرد بن گئے ہیں، ساہیوال واقعہ تباہی کی نشانی ہے، سی ٹی ڈی اہل کاروں پر دہشت گردی کا مقدمہ چلایا جائے۔‘

لاہور: وزیرِ اعظم عمران خان کے کرتارپور بارڈر کھولنے کے اقدام کی تعریف اپوزیشن بھی کرنے لگی، اپوزیشن نے اقدام کو خوش آئند قرار دے دیا۔

تفصیلات کے مطابق اے آر وائی نیوز کے پروگرام آف دی ریکارڈ میں اپوزیشن سے تعلق رکھنے والے رہنماؤں نے کرتارپور راہ داری کھولے جانے کی کھل کر تعریف کی۔

[bs-quote quote=”کرتارپور بارڈر کھول کر پاکستان نے بہت اچھا پیغام دیا۔” style=”style-7″ align=”left” color=”#dd3333″ author_name=”خواجہ آصف” author_job=”پاکستان مسلم لیگ ن”][/bs-quote]

سابق وزیرِ خارجہ خواجہ آصف نے کہا کہ پاکستان نے کرتارپور بارڈر کھول کر بڑا قدم اٹھایا ہے، ن لیگ بھی چاہتی ہے پاک بھارت تعلقات بہتر ہوں، کرتارپور راہ داری کھولنا اچھا اقدام ہے۔

مسلم لیگ ن کے راہنما نے مزید کہا کہ کرتارپور بارڈر کھول کر پاکستان نے بہت اچھا پیغام دیا ہے، ن لیگ اپنے عمل کے ذریعے دکھا چکی ہے کہ دونوں ممالک میں تعلقات بہتر ہوں۔

انھوں نے کہا کہ بھارت میں اپریل میں انتخابات ہیں، وہاں مذہبی کارڈ کھیلا جا رہا ہے، بھارتی وزیرِ اعظم مودی مذہبی کارڈ شدت سے کھیل رہے ہیں، لیکن مذہبی کارڈ کے نتائج خطرناک ثابت ہوتے ہیں۔

یہ بھی پڑھیں:  وزیراعظم عمران خان نے کرتارپورکوریڈور کا سنگ بنیاد رکھ دیا

پاکستان پیپلز پارٹی کی رہنما شازیہ مری نے کہا کہ وزیرِ اعظم عمرا ن خان کا کرتارپور بارڈر کھولنا اچھا اقدام ہے۔

[bs-quote quote=”بھارت کا رویّہ بہت افسوس ناک ہے۔” style=”style-7″ align=”right” color=”#dd3333″ author_name=”شازیہ مری” author_job=”پاکستان پیپلز پارٹی”][/bs-quote]

شازیہ مری نے کہا کہ بھارت کا رویّہ بہت افسوس ناک ہے، پاکستان کی سیکورٹی فورسز کو سراہتی ہوں، کرتارپور بارڈر کھولنے کا خواب سیاسی قیادت پہلے سے دیکھتی آ رہی ہے۔

پی پی رہنما نے مزید کہا کہ پاکستان کی سویلین اور عسکری قیادت ایک پیج پر ہے جو خوش آئند ہے۔

ان کا کہنا تھا کہ بے نظیر بھٹو نے 1988 میں کرتارپور بارڈر کھولنے کی بات کی تھی، انھوں نے ہمیشہ سافٹ بارڈرز کی بات کی، اسی طرح شملہ معاہدے کا کریڈٹ پیپلز پارٹی کو ملتا ہے۔