Tag: خواجہ آصف

اسلام آباد : وزیر دفاع خواجہ آصف نے مودی کو پیغام میں کہا کہ ہندو توا کا پرچار بھارت کے اتنے ٹکڑے کرے گا کہ آپ سے گنتی بھی نہیں ہوگی۔

تفصیلات کے مطابق وزیر دفاع خواجہ آصف نے سوشل میڈیا پر بیان میں کہا کہ مودی صاحب ظلم کی انتہا کر دیں تو اسطرح تو ہوتا ہے، اسطرح کے کاموں میں، کشمیر میں لاکھوں کی آبادی کو سالوں محصور رکھیں تو ایسا تو ہوتا ہے۔

وزیر دفاع کا کہنا تھا کہ مستقل کرفیو نافذ اور زندگی تنگ کر دیں، 10لاکھ فوجی مسلط کر کے یرغمال بنائیں تو ایسا تو ہوتا ہے،2 ہی کام ہوسکتے ہیں یا تو واردات آپ کی دہشتگردانہ ذہنیت کا کارنامہ ہے کیونکہ ظلم پھر ظلم ہے بڑھتا ہے تو مٹ جاتا ہے،خون پھر خون ہے ٹپکے گا تو جم جائے گا۔

انھوں نے کہا کہ پاکستان پر الزام لگانے سے پہلے اپنی منجھی تھلے ڈانگ پھیرو، بھارت کی نفرت کی سیاست منی پور، ناگالینڈ، تری پورہ کے درجنوں ٹکڑے کرے گی، چھتیس گڑھ، پنجاب،کشمیر اور بہت سے علاقے بھارت کے درجنوں ٹکڑے کریں گے۔

وفاقی وزیر کا کہنا تھا کہ محبت بانٹیں،آپ گجرات نہیں ہندوستان کے وزیراعظم ہیں، جو قومیتوں اور مذاہب کا مجموعہ ہے، ہندو توا کا پرچار بھارت کے اتنے ٹکڑے کرے گا کہ آپ سے گنتی بھی نہیں ہوگی۔

انھوں نے مزید کہا کہ بھارت کے اندر بھی شانتی رکھیں اور ہمسایوں سے بھی شانتی سے رہیں، دہشت گردی کینیڈا،امریکا اور ہمسایوں کو ایکسپورٹ نہ کریں، اپنی اوقات میں رہیں۔

اسلام آباد : وزیردفاع خواجہ آصف نے خبردار کیا بھارت نے ایڈونچر کیا تو ابھی نندن کے وقت کی طرح جواب دیں گے۔

تفصیلات کے مبابق وزیر دفاع خواجہ آصف نے بھارت کی جانب سے سندھ طاس معاہدہ ختم کرنے پر ردعمل دیتے ہوئے کہا کہ بھارتی اقدامات پر پاکستان کی جانب سے جامع جواب دیاجائےگا۔

وزیر دفاع کا کہنا تھا کہ بھارت عرصے سے سندھ طاس معاہدہ سےنکلنا چاہ رہاہے، جس طرح ابھی نندن کوپکڑکرجواب دیاآج بھی اسی پوزیشن میں ہیں۔

انھوں نے بتایا کہ بھارت جیسا دشمن ہو تو ہم ہر وقت الرٹ رہتے ہیں، بھارتی حکومت پرجنگی جنون سوار ہے لیکن پاکستانیت کی بات ہوتوپاکستانی متحد ہوجاتےہیں۔

وفاقی وزیر نے خبردار کیا کہ بھارت نےایڈونچرکیاتوابھی نندن کےوقت کی طرح جواب دیں گے، افواج پاکستان،ایئرفورس بھرپوردفاعی صلاحیت رکھتی ہیں، پاکستان کی خواہش ہےکہ صورتحال نارمل ہو۔

ان کا مزید کہنا تھا کہ دنیا میں سب سے زیادہ پاکستان دہشت گردی کا نشانہ بنا ہے، پاکستان میں دہشت گردوں کےسہولتکارکون ہیں سب کوپتاہے، بلوچستان،کےپی میں دہشت گردی ہورہی ہے، کون ملوث ہے سب کوپتاہے، بھارت ہمارےخلاف اقدامات کرےگاتوہم بھرپورجواب دیں گے۔

وزیر دفاع نے کہا کہ افواج پاکستان نے بھارت کو 4 سال پہلے بھی جواب دے کر اپنا لوہا منوایا، قومی سلامتی کمیٹی اجلاس میں سندھ طاس معاہدہ سرفہرست رہے گا،سندھ طاس معاہدے میں ورلڈ بینک ضامن ہے، بھارت سندھ طاس معاہدے پر یکطرفہ فیصلے نہیں کرسکتا،

ان کا مزید کہنا تھا کہ پاکستان ریاست کےطورپرپہلگام واقعے کی مذمت کرتا ہے، بھارت ایسے واقعات کو جواز بنائے گا تو ہم بھی جواب دیں گے۔

پی ٹی آئی کے سیکریٹری اطلاعات شیخ وقاص اکرم نے کہا ہے کہ مینڈیٹ چور سرکار جمہوریت کیخلاف مجرمانہ اقدام کی بنیادوں پرکھڑی ہے۔

تفصیلات کے مطابق پی ٹی آئی کے ترجمان کا کہنا تھا کہ یہ گروہ ہمیشہ عوام کے ووٹ کی توہین اور مینڈیٹ چوری سے اقتدار میں پہنچا، عوام کے حق حکمرانی پر ڈاکہ ڈالنے میں اس ٹولے نے مرکزی کردار ادا کیا، نوازشریف پاکستان میں جمہوریت کےخلاف سازشوں کا مرکزی مہرہ رہا۔

شیخ وقاص نے خواجہ آصف کے بارے میں کہا کہ جس دن جمہوریت بحال ہوگی سیالکوٹ کا یہ فارم 47 سے بنا وزیر بھاگے گا، سیالکوٹ کا یہ وزیر کسی کفیل سے اقامے کی بھیک مانگے گا، اس کا احتساب پہلے سیالکوٹ کے عوام اور پھر پوری قوم کرے گی۔

انھوں نے کہا کہ اقتدار کو بچانے کیلئے ان مجرموں کو ملک داؤ پر لگانا پڑا تو دریغ نہیں کریں گے، بانی پی ٹی آئی پر قوم کا غیرمتزلزل اعتماد ان کی سیاسی موت کا پروانہ ہے۔

سیکریٹری اطلاعات پی ٹی آئی نے مزید کہا کہ مذاکرات کے نام پر ان کے ڈھونگ نے انھیں قوم کی نگاہوں میں مزید بےنقاب کیا۔

دریں اثنا اے آر وائی کے پروگرام میں گفتگو کرتے ہوئے شیخ وقاص نے کہا کہ حکومت جیل میں ملاقات نہیں کراسکتی تو آگے معاملات کیسے بڑھائےگی، مذاکرات کیلئے سنجیدہ ہیں اسی لیے تو ہم نے مذاکراتی کمیٹی تشکیل دی۔

حکومت کے سامنے مؤقف رکھا پھر کہا گیا تحریری طور پر پیش کریں، تحریری مطالبات دیکھ کر حکومت کمیٹی کی آنکھیں کھل گئیں، یہ تحریری مطالبات کے ذریعے کچھ اور پروگرام بناکر بیٹھے تھے۔

شیخ وقاص اکرم نے کہا کہ ہم نے تو انھیں تحریری مطالبات پیش کر کے موقع ہی نہیں دیا، مطالبات پیش کرنے کے بعد حکومتی ارکان کی پریس کانفرنسز ثبوت ہیں۔

انھوں نے کہا کہ مطالبات میں واضح لکھا ہے کہ 9مئی اور 26نومبر پر جوڈیشل کمیشن بنائیں، کہتے ہیں ایک ایک چیز کا جواب دینگے، ہمیں جواب نہیں کمیشن چاہیے، جوڈیشل کمیشن بنے گا شواہد پیش ہونگے تو حقیقت سامنے آجائے گی۔