ARYNews.tv | Urdu – Har Lamha Bakhabar

Tag: خواجہ آصف

  • خواجہ آصف، احسن اقبال اور اسحاق ڈار کی نااہلی کے لیے درخواست دائر

    خواجہ آصف، احسن اقبال اور اسحاق ڈار کی نااہلی کے لیے درخواست دائر

    لاہور: وفاقی وزرا خواجہ آصف، احسن اقبال اور اسحٰق ڈار کی نااہلی کے لیے سپریم کورٹ لاہور رجسٹری میں درخواست دائر کر دی گئی۔

    تفصیلات کے مطابق سپریم کورٹ لاہور رجسٹری میں دائر کی جانے والی درخواست میں کہا گیا کہ وزیر خارجہ خواجہ آصف، وزیر داخلہ احسن اقبال اور وزیر خزانہ اسحٰق ڈار کے اقامے منظر عام پر آ چکے ہیں جبکہ تینوں وزرا نے ان اقاموں کا ذکر اپنے کاغذات نامزدگی میں نہیں کیا۔

    درخواست گزار کی جانب سے مؤقف اختیار کیا گیا ہے کہ سابق وزیر اعظم میاں نواز شریف کو بھی اقامہ کے متعلق حقائق چھپانے پر سپریم کورٹ نے نااہل قرار دیا۔ الیکشن کمیشن نے اقاموں سے متعلق جانتے ہوئے بھی ابھی تک تینوں وزرا کے خلاف کوئی کارروائی نہیں کی۔

    مذکورہ درخواست میں کہا گیا کہ اقامے چھپانے کی وجہ سے تینوں وزرا آئین کے آرٹیکل 62 اور 63 پر پورا نہیں اترتے اس لیے تینوں وزرا کو نااہل قرار دیا جائے۔

    درخواست گزار نے استدعا کی کہ کیس کے فیصلے تک الیکشن کمشن کو تینوں وزرا کی قومی اسمبلی کی رکنیت معطل کرنے کا حکم دیا جائے۔

  • دوسرا وزیراعظم لانے کا کوئی آپشن نہیں، خواجہ آصف

    دوسرا وزیراعظم لانے کا کوئی آپشن نہیں، خواجہ آصف

    سیالکوٹ : وفاقی وزیر دفاع و بجلی و پانی خواجہ آصف نے کہا ہے کہ شریف خاندان نے تین نسلوں کا حساب دے دیا، نواز شریف کی نا اہلی کا نہیں سوچا، دوسرا وزیر اعظم لانے کا کوئی آپشن نہیں، عمران خان ڈبل شاہ ہے، انہوں نے کالا دھن سفید کیا اس کی تلاشی کی باری اب شروع ہوئی ہے، نوازشریف سرخرو ہوں گے ان پر کرپشن کا کوئی الزام نہیں۔

    ان خیالات کا اظہار انہوں نے سیالکوٹ میں پریس کانفرنس سے خطاب کرتے ہوئے کیا۔ انہوں نے کہا کہ اب عمران خان اور جہانگیر ترین بھی نوازشریف کی طرح اپنے والد کا حساب دیں، عمران خان کو فطروں اورخیرات کے پیسوں کا حساب دینا ہوگا۔

    چیئرمین پی ٹی آئی کو خیراتی ادارے کے پیچھے چھپنے نہیں دیں گے، جس کڑے احتساب سے ہم گزرے مخالفین کو بھی گزرنا ہوگا، عمران خان نے ایمنسٹی اسکیم میں ایک فیصد دے کر اپنا کالا دھن سفید کیا، یہ ڈبل شاہ ہے۔

    عمران خیرات کے پیسے سے بیرون ملک کاروبار کرتے ہیں اور میں اس الزام پر قائم ہوں اور میرے خلاف عدالت میں ہرجانے کا دعویٰ ہے اور میں اس الزام پر قائم ہو ں کہ قوم کی خیرات کو لٹایا گیا ہے جس کا عمران خان کو کوئی اختیار نہیں ہے۔

    عمران خان نے تو عدالت میں کہہ دیا ہے کہ ان کے پاس ریکارڈ نہیں، عدالتوں میں یہ لوگ ٹائیں شائیں کرتے ہیں ان کےوکیل نہیں آتے، انصاف کے تقاضوں کی بات نہیں کروں گا وہ عدلیہ جانے اور اس کا کام۔

    انہوں نے کہا کہ شوکت خانم کو کون لوگ پیسے دیتے ہیں، بھارت کے متل کا پوتا اورایک یہودی کیوں انہیں فنڈ دیتے ہیں، اب دیکھنا ہوگا کہ شوکت خانم اور دیگرادارے منی لانڈرنگ میں تو استعمال نہیں ہورہے؟ عمران خان نے ثابت کرنا ہے کہ یہ پیسہ کہاں سے آیا۔

    انہوں نے کہا کہ عمران خان کا بنی گالہ کا ہزاروں کنال کا گھر بھی متنازعہ ہے کیونکہ وہ کبھی اپنی متعلقہ بیوی کے پیسوں سے خرید اری کا کہتے ہیں تو کبھی کہتے ہیں باہر فلیٹ خرید کر بنایا تھا، مطلقہ بیویاں تو نان نفقہ مانگتی ہیں جبکہ عمران خان کو اس کی مطلقہ بیویاں کروڑوں روپے بھیج رہی ہیں۔

    ایک سوال کے جواب میں ان کا کہنا تھا کہ دوسرا وزیراعظم لانے کا آپشن زیر غور نہیں ہے، وزیراعظم کی نااہلی کے بارے میں ہم نے سوچا تک نہیں، موجودہ حالات میں پاکستان اس طرح کی سوچ کا متحمل نہیں ہو سکتا، نااہلی کی باتیں محض مفروضہ ہیں اور میں کسی مفروضے پرتبصرہ نہیں کروں گا۔

  • متبادل وزیراعظم کیلئے خواجہ آصف کا نام سرفہرست

    متبادل وزیراعظم کیلئے خواجہ آصف کا نام سرفہرست

    اسلام آباد : پاناما کیس کا فیصلہ محفوظ ہونے کے بعد وزیراعظم ہاؤس میں متوقع یا غیر متوقع فیصلہ آنے کی صورت میں نواز لیگ نےحکمت عملی تیار کرلی، وزیر اعظم کی نااہلی کی صورت میں متبادل وزیراعظم کیلئے خواجہ آصف مضبوط امیدوار بن گئے۔

    تفصیلات کے مطابق ،نواز لیگ نے پاناما کیس کے متوقع فیصلے میں وزیراعظم کی نااہلی کے حوالے سے اپنی حکمت عملی مرتب کرلی ہے۔

    وزیر اعظم ہاؤس میں نواز شریف کی زیر صدارت ہونے والے اہم اجلاس میں اس حوالے سے طویل مشاورت کی گئی، اجلاس میں فیصلہ کیا گیا کہ وزیر اعظم عہدے سے مستعفی نہیں ہوں گے اور کیس کا ہر ممکن طریقے سے مقابلہ کیا جائے گا۔

    مزید پڑھیں: پاناما کیس : وزیراعظم کی سربراہی میں اہم اجلا س شروع

    مصدقہ ذرائع کا کہنا ہے کہ اجلاس میں پانامہ فیصلہ خلاف آنے پر خواجہ آصف کا نام متبادل وزیر اعظم کے لئے سرفہرست ہے۔

    مزید پڑھیں: وزیراعظم سے اختلافات، چوہدری نثار کے مستعفی ہونے کا

    امکان

     

  • حکومت ختم ہوگی تو لوڈ شیڈنگ بھی ختم ہوچکی ہوگی، خواجہ آصف

    حکومت ختم ہوگی تو لوڈ شیڈنگ بھی ختم ہوچکی ہوگی، خواجہ آصف

    جھنگ:وزیر پانی و بجلی خواجہ آصف نے کہا ہے کہ ہم لمبے چوڑے دعوے نہیں کرتے،کام کرتے ہیں، پاکستان کو جلد اندھیروں سے نکال دیں گے، 2018ء میں حکومت ختم ہوگی تو لوڈ شیڈنگ بھی ختم ہوچکی ہوگی۔

    جھنگ میں تقریب سے خطاب کرتے ہوئے وفاقی وزیر کا کہنا تھا کہ منصوبے کی بروقت تکمیل کا کریڈٹ وزیراعظم کو جاتا ہے، اقتدار سنبھالا تو بجلی کی پیداوار 13 ہزار میگا واٹ کے قریب تھی اور اب بجلی کی پیداوار 19 ہزار 200 میگاواٹ تک پہنچادی ہے جسے جلد 20 ہزار میگا واٹ تک پہنچادیں گے۔

    انہوں نے کہا کہ ہم لمبے چوڑے دعوے نہیں کرتے،کام کرتے ہیں، پاکستان کو جلد اندھیروں سے نکال دیں گے،سال 2018 میں عوام میں جائیں گے تو لوڈ شیڈنگ ختم ہوچکی ہوگی۔

    ان کا کہنا تھا کہ آئندہ چند ماہ میں پورٹ قاسم پروجیکٹ بھی کام شروع کردےگا،سی تھری منصوبہ بھی تکمیل کے مراحل میں ہے، پلانٹس اپ گریڈ ہورہے ہیں،ٹرانسمیشن لائن بھی بہتر ہورہی ہے۔

    وفاقی وزیر نے مزید کہا کہ مخالفین کو خطرہ ہے کہ لوڈ شیڈنگ ختم ہوگئی تو وہ کیا کریں گے؟ پاکستان کو روشن مستقبل دینے کا وعدہ پورا ہوتا نظر آرہا ہے۔

  • خواجہ آصف کی بد زبانی پر قومی اسمبلی میں ایک بار پھر ہنگامہ آرائی

    خواجہ آصف کی بد زبانی پر قومی اسمبلی میں ایک بار پھر ہنگامہ آرائی

    اسلام آباد: قومی اسمبلی کے اجلاس کے دوران وفاقی وزیر پانی و بجلی خواجہ آصف نے پاکستان تحریک انصاف کی رکن عائشہ گلالئی کو چور کہا تو ایوان میں ہنگامہ آرائی شروع ہوگئی۔

    تفصیلات کے مطابق قومی اسمبلی کے اجلاس کے دوران خواجہ آصف کی بدزبانی پر ایوان مچھلی بازار کا منظر پیش کرنے لگا۔

    اجلاس کے دوران وفاقی وزیر پانی و بجلی خواجہ آصف نے کہا کہ گزشتہ روز لوڈ شیڈنگ کے خلاف احتجاج کرنے والا چوروں کا جلوس تھا۔ خواجہ آصف کا عائشہ گلالئی کو چور کہنا تھا کہ تحریک انصاف نے ہنگامہ کھڑا کردیا۔

    مزید پڑھیں: خواجہ آصف کا صفر لوڈ شیڈنگ کا دعویٰ، لوگ پھٹ پڑے

    رکن قومی اسمبلی عائشہ گلالئی بھی جواب دینے سامنے آگئیں۔ انہوں نے کہا کہ پشاور میں بجلی چوری نہیں ہو رہی۔ زنگ آلود تاروں کی وجہ سے ضائع ہونے والی بجلی کا ملبہ عوام پر ڈالا جا رہا ہے۔

    اسپیکر قومی اسمبلی نے کارروائی سے چور کا لفظ حذف کروا دیا۔ تحریک انصاف نے اجلاس سے واک آؤٹ کیا جس کے بعد اجلاس ملتوی کردیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • خواجہ آصف کا صفر لوڈ شیڈنگ کا دعویٰ، لوگ پھٹ پڑے

    خواجہ آصف کا صفر لوڈ شیڈنگ کا دعویٰ، لوگ پھٹ پڑے

    کراچی: گرمی اور بدترین بجلی بحران کے ستائے ہوئے شہریوں نے اپنا سارا غصہ وفاقی وزیر پانی و بجلی خواجہ آصف کے ٹوئٹ پر نکال دیا۔ کسی نے انہیں جھوٹا کہا، اور کسی نے شرم دلائی۔

    تفصیلات کے مطابق وفاقی وزیر پانی و بجلی خواجہ آصف نے حسب معمول سماجی رابطوں کی ویب سائٹ ٹوئٹر پر اپنے ٹوئٹ میں بجلی کے دقیق اعداد و شمار پیش کیے۔

    آخر میں انہوں نے لکھا، ’اعلانیہ اور غیر اعلانیہ لوڈ شیڈنگ = صفر‘۔

    ان کا یہ ٹوئٹ کرنا تھا کہ لوڈ شیڈنگ سے ستائی ہوئی عوام پھٹ پڑی۔

    لوگوں نے خواجہ آصف کے ٹوئٹ کے جواب میں شدید غصے کا مظاہرہ کرتے ہوئے انہیں جھوٹا قرار دیا۔

    ایک صارف نے اپنے علاقے کی لوڈ شیڈنگ کا احوال بتاتے ہوئے کہا، ’صبح 9 بجے سے دوپہر دیڑھ بجے تک کی لوڈ شیڈنگ، کیا یہ اعلانیہ تھی؟ کوئی شرم، حیا ہوتی ہے‘؟

    ایک شخص نے انہیں اطلاع فراہم کی، ’یہ اعداد و شمار غلط ہیں۔ یہ مت سمجھیں کہ ہم بیوقوفوں کی جنت میں رہتے ہیں‘۔

    ایک صارف نے وزیر اعظم کی دختر مریم نواز شریف کو بھی گفتگو میں شامل کرتے ہوئے وفاقی وزیر سے پوچھا، ’خواجہ صاحب کیا آپ خواب خرگوش میں ہیں‘؟

    ایک دل جلے نے اپنے دل کی بھڑاس یوں نکالی۔

    حیدر آباد کے ایک شہری نے ان سے شرم اور رحم کرنے کی اپیل کی۔

    ایک شخص نے کہا، ’پھر سے اعداد و شمار، یہ آپ کہاں سے نقل کرتے ہیں‘؟

    ایک صارف نے شکایت کی، ’ہمارے پاس تو شیڈول کے مطابق نہ آتی ہے نہ جاتی ہے، پتہ نہیں یہ کس ملک کے وزیر کا ٹوئٹ ہے‘۔

    ایک شخص نے دہائی دی، ’یااللہ جو جھوٹ بولے اس پر تو اپنی پکڑ کرو‘۔

    یاد رہے کہ گرمیاں شروع ہوتے ہی ملک بھر میں طویل لوڈ شیڈنگ کا سلسلہ شروع ہوگیا ہے جس سے عوام تنگ آچکی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ملک کو غیر مستحکم کرنے والوں سے رعایت نہیں برتی جائے گی: وزیر دفاع

    ملک کو غیر مستحکم کرنے والوں سے رعایت نہیں برتی جائے گی: وزیر دفاع

    اسلام آباد: بھارتی جاسوس کلبھوشن یادیو کو سزائے موت سنائے جانے کے بعد وفاقی وزیر دفاع نے کہا ہے کہ ملک کو غیر مستحکم کرنے والوں سے رعایت نہیں برتی جائے گی، کلبھوشن کی سزا ہمارے دشمنوں کے لیے وارننگ ہے۔

    تفصیلات کے مطابق بھارتی جاسوس کلبھوشن یادیو کو سزائے موت سنائے جانے کے بعد وفاقی وزیر دفاع خواجہ آصف کا بیان سامنے آگیا ہے۔

    خواجہ آصف کا کہنا ہے کہ ملک کو غیر مستحکم کرنے والوں سے رعایت نہیں برتی جائے گی۔ انہوں نے کہا کہ کلبھوشن کی سزا ہمارے دشمنوں کے لیے وارننگ ہے۔

    مزید پڑھیں: بھارتی جاسوس کلبھوشن یادیو کو سزائے موت سنا دی گئی

    وزیر دفاع کا کہنا تھا کہ کلبھوشن کی سزا پاکستان کے قانون کے مطابق ہے۔ بھارتی حکومت پاکستان کے خلاف ریاستی دہشت گردی میں ملوث ہے۔

    انہوں نے اس بات کا اعتراف بھی کیا کہ بھارت سے تعلقات خوشگوار اور آئیڈیل نہیں۔

    یاد رہے کہ سزائے موت سنائے جانے والے بھارتی جاسوس کلبھوشن یادیو کو گزشتہ برس 3 مارچ کو بلوچستان سے گرفتار کیا گیا تھا۔

    بھارت نے تسلیم کیا تھا کہ بلوچستان سے پکڑا جانے والا جاسوس کلبھوشن یادیو بھارتی نیوی کا افسر تھا اور اس نے بحریہ سے قبل از وقت ریٹائرمنٹ لی تھی۔

    گرفتاری کے بعد کلبھوشن نے اعترافی بیان میں انکشاف کیا تھا کہ وہ بلوچستان میں علیحدگی پسند بلوچوں سےملاقاتیں کرتا رہا ہے اور ان ملاقاتوں میں اکثر افغانستان کی انٹیلی جنس کے اہلکار بھی موجود ہوتے تھے۔

    پاک فوج کے شعبہ تعلقات عامہ آئی ایس پی آر کے مطابق کلبھوشن کو فیلڈ جنرل کورٹ مارشل کی جانب سے پاکستان میں جاسوسی اور انتشار پھیلانے پر سزائے موت سنائی گئی ہے۔ بھارتی جاسوس کا مقدمہ آرمی ایکٹ کے تحت فیلڈ جنرل کورٹ مارشل میں چلایا گیا تھا۔

  • داسو ڈیم کی تعمیر‘ٹھیکےچینی کمپنی کودے دیے

    داسو ڈیم کی تعمیر‘ٹھیکےچینی کمپنی کودے دیے

    اسلام آباد: واٹراینڈ پاورڈویلپمنٹ اتھارٹی نےداسو ہائیڈرو پاور پروجیکٹ کے180ارب کےدو ٹھیکےچینی کمپنی کودے دیے۔

    تفصیلات کےمطابق داسو ہائیڈرو پاور پروجیکٹ کے180ارب روپے مالیت کےمعاہدے پر واپڈا اور چائنا گیزوبا گروپ کمپنی نےدستخط کردیے۔

    چینی کمپنی کو دیے جانے والے ٹھیکوں میں ڈیم کےڈھانچے سے متعلق سامان کی تیاری اور ہائیڈرالک اسٹیل اسٹرکچر کی تعمیر کے علاوہ زیر زمین پاور کمپلیکس تیار کرنےسرنگیں بنانے اور ہائیڈرالک اسٹرکچر (ایم ڈبلیو 02) کےمنصوبے شامل ہیں۔

    داسو ڈیم کے پروجیکٹ ڈائریکٹرجاوید اختر اور سی جی جی سی کےنمائندے تان بکشان نے دونوں کمپنیوں کی جانب سے معاہدوں پر دستخط کیے،جبکہ اس موقع پر وفاقی وزیر برائے پانی و بجلی خواجہ محمد آصف بھی موجود تھے۔

    چینی کمپنی سےکیے جانے والے معاہدے کے تحت منصوبے کا پہلامرحلہ 2021 میں مکمل ہوجائےگا،جس کے تحت 2160 میگا واٹ بجلی پیدا ہوسکےگی۔

    اس موقع پروفاقی وزیر برائے پانی و بجلی خواجہ آصف نےکہا کہ اب سستی بجلی پیدا کرنے کے نئے دور کا آغاز ہوگا۔انہوں نےکہا کہ حکومت داسو کےعلاوہ رواں برس مہمند اور دیامیر بھاشا ڈیم کا بھی سنگ بنیاد رکھے گی۔

    خواجہ آصف کاکہناتھاکہ حکومت 2018 تک مزید 10 ہزار 400 میگاواٹ بجلی پیدا کرنے کی صلاحیت کو یقینی بنائے گی، جس سے بجلی کی طلب اور رسد میں 5 ہزار میگاواٹ کے فرق کو پورا کرنے میں مدد ملے گی۔

    واضح رہےکہ داسو ہائیڈرو پاور پروجیکٹ کا پہلا مرحلے تقریباََ 5 سال میں مکمل ہوگا،جس کے بعد یہ منصوبہ نیشنل گرڈ کوسالانہ 12 ارب یونٹس بجلی فراہم کر پائےگا۔

  • خواجہ آصف اپنے افسران کے جھوٹ کا نوٹس لیں، ناصر حسین شاہ

    خواجہ آصف اپنے افسران کے جھوٹ کا نوٹس لیں، ناصر حسین شاہ

    کراچی: وزیر مذہبی امور سندھ ناصر حسین شاہ نے کہا ہے کہ سیہون درگاہ کی بجلی کے بل وقت پر ادا کیے گئے تاہم درگاہ کو اضافی بل بھیجے جاتے رہے، خواجہ آصف اپنے محکمے کے افسران کے جھوٹ کا نوٹس لیں۔

    یہ بات انہوں نے درگاہ حضرت لعل شہباز قلندرؒ کی بجلی منقطع ہونے پر وزارت پانی وبجلی کے وضاحتی بیان کے جواب میں پریس کانفرنس کرتے ہوئے کہی۔

    صوبائی وزیر نے کہا کہ دوسروں پر الزام تراشی کرنا وفاقی حکومت کا کام ہے، سیہون درگاہ کی بجلی کے بل وقت پر ادا کیے گئے لیکن درگاہ شریف کو اضافی بجلی بل بھیجے جاتے رہے، خواجہ آصف اپنے محکمے کے افسران کے جھوٹ کا نوٹس لیں۔

    یہ پڑھیں: سانحہ سہون کے ذمہ دار ہم نہیں، سیکیورٹی نامکمل تھی، وزارت پانی و بجلی

    انہوں نے کہا کہ عابد شیر علی جو بولتے رہتے ہیں اس ڈگر پر افسران کو بھی لگا دیا ہے اب وہ بھی دوسروں پر الزام تراشیاں کررہے ہیں، ہم سیہون درگاہ دھماکے میں سیکیورٹی معاملات میں کوتاہی تسلیم کرتے ہیں، ایکشن لیتے ہوئے درگاہ پر تعینات اوقاف کا عملہ اور ایس پی تبدیل کردیا ہے۔

    ناصر حسین شاہ نے کہا کہ نیشنل ایکشن پلان پر عمل درآمد نہیں کیا گیا،چوہدری نثار اول روز سے ہی قومی ایکشن پلان کے خلاف تھے، وزیراعظم نواز شریف کو تجویز دیتے ہیں کہ وہ نثار کو داخلہ کے بجائے وزارت خارجہ امور دے دیں، ان سے داخلہ کا کام نہیں ہوتا شاید وزارت خارجہ سنبھال سکیں

    ایک سوال پر انہوں نے کہا کہ پی ایس ایل فائنل کراچی کنگز کھیلے گی تو لاہور ضرور جاؤں گا۔

  • خواجہ آصف اورسعد رفیق کی تقاریرسے مایوسی جھلک رہی ہے، نعیم الحق

    خواجہ آصف اورسعد رفیق کی تقاریرسے مایوسی جھلک رہی ہے، نعیم الحق

    اسلام آباد : تحریک انصاف کے ترجمان نعیم الحق نے کہا ہے کہ حکومتی وزراء کے لہجوں سے شکست اور مایوسی جھلک رہی ہے، دونوں وزیروں نے اپنی ناکامی تسلیم کرلی، 2017 الیکشن ہی نہیں ن لیگ کی بربادی اور شرمندگی کا سال ہے۔

    ان خیالات کا اظہار انہوں نے اسلام میں آباد میں میڈیا سے گفتگو کرتے ہوئے خواجہ آصف اورخواجہ سعدرفیق کی تقاریرپر اپنا ردعمل دیتے ہوئے کیا، نعیم الحق نے کہا کہ دونوں وزراء نے تقاریرمیں نواز لیگ کی ناکامیوں کی داستان سنائی اورتحریک انصاف کو ذمےدارٹھہرانے کی بیہودہ کوشش کی گئی۔

    ان کا کہنا تھا کہ دونوں جانتے ہیں کہ انہوں نے قوم کو لوٹنے کے سوا کوئی کام نہیں کیا، ان کے اعمال نامے میں پاناما کے سواپیش کرنے کیلئے کچھ نہیں، پاناما کیس تو ایک طرف ان کی کارکردگی انہیں اقتدارسے باہر پھینکنے کیلئےکافی ہے، نالائق اور کرپٹ عناصر کا ٹولہ اپنے انجام سے واقف ہے۔

    ترجمان تحریک انصاف نے کہا کہ حکمرانوں نے اپنے چار سالہ دور حکومت میں عوام کو بجلی، گیس، تعلیم، صحت، روزگار سمیت کچھ نہیں دیا، یہ لوگ  پاناما کا پوچھنے پرقطری خط دکھاتے ہیں اور کارکردگی کے سوال پر گالیاں دیتے ہیں۔

    نعیم الحق نے کہا کہ حقیقی حزب اختلاف سامنےآئی ہے تو وزراء کو پاگل پن کے دورے پڑنے لگے، پارلیمان کو جھوٹ،گالیوں اور دست درازی کیلئے اکھاڑہ بنادیا گیا ہے۔ 2017الیکشن ہی نہیں ن لیگ کی بربادی اورشرمندگی کاسال ہے، چوری کی گئی دولت واپس دلوانے کیلئے ہرجگہ ان کاتعاقب کرینگے۔